ຖວທ ເມືອງບາຈຽງຈະເລີນສຸກ ມອບ USB ແລະ ໂພສເຕີໃຫ້ 18 ບ້ານ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 23/09/2020 09:44:11 ຈຳ​ນວນ​​ຢ້ຽມ​ຊົມ 1020 ຄັ້ງ

   ຫ້ອງການ​ຖະແຫຼງ​ຂ່າວ, ວັດ ທະນະທຳ ແລະ ທ່ອງ​ທ່ຽວ​ເມືອງ​ບາ​ຈຽງ​ຈະເລີນ​ສຸກ ແຂ​ວງ​ຈຳປາ​ສັກ​ ໄດ້​ມອບ USB ແລະ ໂພສ​ເຕີ​ສະ ປອດ​ໂຄສະນາ​ການ​ປ້ອງ​ກັນ, ຄວບ​ຄຸມ, ຕ້ານ​ແກ້​ໄຂ​ການ​ລະບາດ​ຂອງ​ພະຍາດ​ໂຄ​ວິດ-19 ແລະ ພະຍາດ​ໄຂ້ຍຸງ​ລາຍ​ໃຫ້ 18 ບ້ານ ແລະ 1 ໂຮງຮຽນ​ຄື: ມສ ສຸກ​ສຳພັນ, ບ້ານ​ລົມສັກ​ໃຕ້, ໜອງ​ນ້ຳ​ຂາວ, ຫ້ວຍ​ແຮ່ ທີ1, ທົ່ງ​ອຸດົມ ທີ10, ໂນນ​ໄຊ, ເພຍ​ລາດ, ນາແກ, ໜອງ​ກັ້ງ, ໜອງ​ຫົວ​ຄວາຍ, ໜອງ​ບົກ​ໃຫຍ່, ທົ່ງ​ທີງ, ແກ້ງ​ຍາວ, ກວາງຊີ, ຂັນ​ລາຍ, ແກ້ງ​ເກ່ຍ​ ແລະ ​ບ້ານ​ເມີ້ງ​ຢູ່​ທີ່​ສະໂມສອນ​ຂອງ​ເມືອງ ພາຍ​ໃຕ້​ການ​ເປັນ​ປະທານ​ແລະ ມອບ ຂອງ​ທ່ານ ແສງ​ຈັນ ແສງ​ປະເສີດ ຫົວໜ້າ​ຫ້ອງການ​ຖະແຫຼງ​ຂ່າວ, ວັດທະນະ​ທຳ​-​ທ່ອງ​ທ່ຽວ​ເມືອງ ມີ​ຫົວໜ້າ​ຫ້ອງການ,ຮອງ​ຫ້ອງການ​ອ້ອມ​ຂ້າງ,  ອຳ​ນວຍ​ການ ມສ,  ນາຍ ບ້ານ 18  ບ້ານ ແລະ ພະນັກງານ​ວິຊາ​ການ​ຫ້ອງການ​ດັ່ງກ່າວ​ເຂົ້າ​ຮ່ວມ.    
  ຈຸດ​ປະ​ສົງ​ເພື່ອ​ເປັນ​ການ​ໂຄສະ ນາ​ເຜີຍແຜ່​ວຽກ​ງານ​ການ​ປ້ອງ​ກັນ, ຄວບ​ຄຸມ, ແກ້​ໄຂ​ການ​ລະບາດ​ຂອງ​ ພະຍາດ​ໂຄ​ວິດ-19 ແລະ​ ພະຍາດ​ໄຂ້ຍຸງ​ລາຍ​ລົງ​ສູ່​ພໍ່​ແມ່​ປະຊາຊົນ, ນັກຮຽນ​ຮັບ​ຮູ້ ແລະ ເຂົ້າໃຈ​ຕື່ມ​ກ່ຽວ​ກັບ​ວຽກ​ງານ​ການ​ປ້ອງ​ກັນ​ການ​ແຜ່​ລະບາດ​ຂອງ​ພະຍາດ​ດັ່ງກ່າວ​ຢ່າງ​ທ່ວງ​ທັນ​ກັບ​ສະພາບ​ການ.ພິທີ​ມອມ​-​ຮັບ ດັ່ງກ່າວ​ໄດ້​ຈັດ​ຂຶ້ນ​ເມື່ອ​ບໍ່​ດົນ​ຜ່ານ​ມາ.    
(ຂ່າວ​-​ພາບ​: ນາງ​ ວຽງ​ອຳໄພ ນັກ​ຂ່າວ​ເມືອງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110