ກອງປະຊຸມທາບທາມບຸກຄະລາກອນ ກະຊວງ ການຕ່າງປະເທດ ຮອບທີ III

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 24/09/2020 09:12:31 ຈຳ​ນວນ​​ຢ້ຽມ​ຊົມ 1105 ຄັ້ງ

​ວັນ​ທີ 23 ກັນຍານີ້, ທີ່ສູນ​ຝຶກ​ອົບຮົມ ແລະ ການ​ຮ່ວມ​ມື​ສາກົນ (ICTC) ຫຼັກ 5, ນະຄອນຫຼວງ​ວຽງ​ຈັນ, ກະຊວງ​ການ​ຕ່າງປະເທດ ໄດ້​ຈັດ​ກອງ​ປະຊຸມ​ທາ​ບ​ທາມ​ບຸກ​ຄະລາ​ກອນ ເພື່ອ​ສະໝັກ​ເລືອກ​ຕັ້ງ​ເປັນ ຄະນະ​ບໍລິຫານ​ງານ​ພັກ ກະຊວງ​ການ​ຕ່າງປະເທດ ສະ ໄໝ​ທີ IV ຮອບ​ທີ III ໂດຍ​ການ​ເປັນ​ປະທານ​ຂອງສະຫາຍ ສະເຫຼີມ​ໄຊ ກົມ​ມະ​ສິດ ກໍາ​ມະ​ການ​ສູນ​ກາງ​ພັກ ເລຂາ​ຄະນະ​ ບໍລິຫານ​ງານ​ພັກ​ກະຊວງ ລັດ ຖະມົນຕີ​ກະຊວງການຕ່າງ ປະເທດ, ເປັນ​ກຽດ​ເຂົ້າ​ຮ່ວມ​ຂອງ​ສະຫາຍ ທອງ​ລຸນ ສີ​ສຸ​ລິດ ກຳມະການ​ກົມການເມືອງ​ສູນ​ກາງ​ພັກ ນາຍົກລັດຖະມົນຕີ,    ມີ​ບັນດາ​ຄະນະ​ບໍລິຫານ​ງານ​ ພັກ, ຄະນະ​ນຳ​ກະຊວງ ແລະ ຜູ້​ ແທນ​ສົມບູນເຂົ້າ​ຮ່ວມ.
ກອງ​ປະຊຸມ ໄດ້​ຮັບ​ຟັງ ແລະ ປະກອບ​ຄຳ​ຄິດ​ຄຳ​ເຫັນ ໃສ່​ຮ່າງ​ບົດ​ລາຍ​ງານ​ການເມືອງ ຕໍ່​ກອງ​ປະຊຸມ​ໃຫຍ່ ຄັ້ງ​ທີ IV ຂອງ​ອົງຄະ​ນະ​ພັກ ກະຊວງການ ​ຕ່າງປະເທດ ແລະ ຜ່ານ​ຮ່າງ​ແຜນ​ພັດທະນາ​ເສດຖະກິດ 5 ປີ ຂອງ​ຂະແໜງການ​ຕ່າງປະ​ເທດ. ພ້ອມ​ນັ້ນ, ກອງ​ປະຊຸມ​ຍັງ​ໄດ້​ຈັດການ​ທາ​ບ​ທາມ​ບຸກ​ຄະລາ​ກອນ ເພື່ອ​ຮັບ​ສະ ໝັກ​ຄັດ​ເລືອກ​ເຂົ້າ​ໃນ ຄະນະ​ບໍລິຫານ​ງານ​ພັກ ກະຊວງການ ​ຕ່າງປະເທດ ສະໄໝ​ທີ IV ຮອບ​ທີ III ເພື່ອ​ກະກຽມ​ໃຫ້​ແກ່​ກອງ​ປະຊຸມ​ໃຫຍ່ ຄັ້ງ​ທີ IV ຂອງ​ອົງຄະ​ນະ​ພັກ​ກະຊວງ​ການ​ຕ່າງປະເທດ ທີ່​ຈະ​ຈັດ​ຂຶ້ນ​ໃນ​ມໍ່ໆ​ນີ້ ໃຫ້​ໄດ້​ຮັບ​ຜົນ​ສໍາ​ເລັດ​ຕາມ​ລະດັບ​ຄາດ​ໝາຍ. ນອກຈາກ​ນີ້, ກອງ​ປະຊຸມ ຍັງ​ໄດ້​ຮັບ​ຟັງ​ການ​ໂອ້​ລົມ ແລະ ໃຫ້​ທິດ​ຊີ້​ນຳ​ຈາກ ສະຫາຍ ທອງ​ລຸນ ສີ​ສຸ​ລິດ , ຜູ້​ຊີ້​ນຳ ແລະ ຕິດຕາມ​ກອງ​ປະຊຸມ ຄະນະ​ບໍລິຫານ​ງານ​ພັກ ກະຊວງ​ການ​ຕ່າງປະເທດ ສະໄໝ​ທີ IV.
(ຂ່າວ: ກະ​ຊວງ​ການ​ຕ່າງ​ປະ​ເທດ)
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110