ຖວທ ເຜີຍແຜ່ວຽກງານກວດກາຂອງສະຫະພັນແມ່ຍິງລາວ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/09/2020 09:18:11 ຈຳ​ນວນ​​ຢ້ຽມ​ຊົມ 784 ຄັ້ງ

   ສະຫະພັນ​ແມ່ຍິງ ກະຊວງ​ຖະແຫຼງ​ຂ່າວ, ວັດ​ທະ​ນະ​ທໍາ ແລະ​ ທ່ອງ​ທ່ຽວ (ຖວທ) ໄດ້​ຈັດ​ກອງ​ປະ ຊຸມ​ເຜີຍແຜ່​ມະຕິ​ກອງ​ປະຊຸມ​ຄົບ​ຄະນະ​ບໍລິຫານ​ງານ ສູນ​ກາງ​ສະຫະພັນ​ແມ່ຍິງ​ລາວ ຄັ້ງ​ທີ 6 ສະໄໝ​ທີ VII, ວຽກ​ງານ​ກວດກາ​ຂອງ​ສະຫະພັນ​ແມ່ຍິງ​ລາວ  ແລະ​ ວຽກ​ງານ​ຈັດ​ຕັ້ງ​ປະຕິ​ບັດ​ຄໍາ​ຂວັນ ແລະ ​ຂໍ້​ແຂ່ງຂັນ 3 ດີ ຂອງ​ສະຫະພັນ​ແມ່ຍິງ​ລາວ, ຂຶ້ນ​ໃນ​ວັນ​ທີ 23 ກັນຍາ​ນີ້ ທີ່​ກະຊວງ ຖວທ ໂດຍການ​ເຂົ້າ ຮ່ວມ ຂອງ​ທ່ານ ນາງ ສຸພະ​ລັກ ທິ​ລະ​ວົງ ຄະນະ​ບໍລິຫານ​ງານ​ສູນ​ກາງ​ສະຫະພັນ​ແມ່ຍິງ​ລາວ ຄະນະ​ປະ​ຈໍາ ພັກ​ກະຊວງ ປະທານ​ກວດກາ, ທ່ານ ນາງ ບົວ​ໄຂ ເພັງ​ພະຈັນ ຄະນະ​ບໍລິຫານ​ງານ​ສະຫະພັນ​ແມ່ຍິງ ກະຊວງ ຖວທ ພ້ອມ​ດ້ວຍໜ່ວຍ​ ສະຫະພັນ​ແມ່ຍິງ​ແຕ່​ລະກົມ​ກອງ​ອ້ອມ​ຂ້າງ​ກະຊວງ​ເຂົ້າ​ຮ່ວມ.
ທ່ານ​ນາງ ບົວ​ມະນີ ໄຊ​ທິ​ລາດ ຮອງ​ປະທານ​ກວດກາ​ພັກ ກະຊວງ ຮອງ​ຫົວໜ້າ​ກົມ​ກວດກາ​ໄດ້ ຂຶ້ນ​ເຜີຍແຜ່​ຄວາມ​ຮູ້​ກ່ຽວ​ກັບ​ວຽກ​ງານກວດກາ​ຂອງ​ສະຫະພັນ​ແມ່ຍິງ​ລາວ, ເຜີຍແຜ່​ຄວາມ​ຮູ້​ກ່ຽວ​ກັບ​ວຽກ​ງານ​ການຈັດຕັ້ງ​ປະຕິ​ບັດ​ຄໍາ​ຂ​ວັນ ແລະ ​ຂໍ້​ແຂ່ງຂັນ 3 ດີ​ຂອງ​ສະຫະພັນ​ແມ່ຍິງ​ລາວ ແລະ​ ມະຕິ​ກອງປະຊຸມ​ຄົບຄະ ນະ​ບໍລິຫານ​ງານສູນ​ກາງ​ສະ ຫະພັນ​ແມ່ຍິງ​ລາວ ຄັ້ງ​ທີ 6 ສະໄໝ​ທີ VII. ຈຸດປະສົງ ເພື່ອ​ເຮັດ​ໃຫ້​ກົງຈັກ​ລັດ​ມີ​ຄວາມ​ເຂັ້ມແຂງ​ຊອກ​ໃຫ້​ເຫັນປະກົດ​ການລະເມີດ ແລະ ​ສິ່ງ​ທີ່ລະ ເມີດ​ຕໍ່​ລະບຽບກົດໝາຍ, ເປັນ ​ການ​ສະກັດ​ກັ້ນ ແລະ ຕ້ານ ການ​ສໍ້​ລາດບັງ​ຫຼວງ ໃຫ້​ພະ ນັກງານ​ລັດຖະກອນ ສະມາ​ຊິກ​ແມ່ຍິງ​ເຂົ້າໃຈ​ສິດ ແລະ ໜ້າທີ່​ຂອງ​ສະຫະພັນແມ່ຍິງທີ່ ເຮັດວຽກໃນ​ໜ້າທີ່​ວຽກ​ງານ​ກວດກາໃນ​ການ​ກວດກາຈັດ​ ຕັ້ງ​ປະຕິບັດກວດກາແນວທາງ ລັດຖະທໍາມະນູນກົດໝາຍ ຂະແໜງການສົ​ນທິສັນຍາ ສັນ ຍາສາກົນ​ທີ່​ພົວພັນເຖິງແມ່ ຍິງ;  ກວດກາການຈັດຕັ້ງເຄື່ອນ ໄຫວວຽກ ງານຂອງ ສະຫະພັນ​ແມ່ຍິງ​ແຕ່​ລະ​ຂັ້ນ​ໃຫ້​ເຂົ້າໃຈໃນ​ ພາລະບົດບາດ​ສິດ ແລະ ໜ້າທີ່​ຂອງຕົນ, ເພື່ອ​ປົກ​ປ້ອງ​ຄຸ້ມຄອງ ອົງ​ກອນ ​ພະນັກງານ​ເພື່ອ​ບໍ່ໃຫ້​ພະນັກ ງານ​ກະ​ທໍາ​ຜິດ ຫຼື​ ວ່າ ຖ້າ​ມີຄວາມ​ຜິດແລ້ວ​ກໍ​ພະຍາ ຍາມ​ສຶກສາອົບຮົມ​ຜູ້​ທີ່​ກະ ທໍາ​ຜິດໃຫ້ເຂົ້າ​ສູ່ລະບຽບ​ການ​ຕ່າງໆ. (ຂ່າວ​-​ພາບ: ຍຸ​ພິນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110