ຈັດຕັ້ງປະຕິບັດຜົນກອງປະຊຸມລັດຖະບານ ປະຈຳເດືອນມັງກອນ ໃຫ້ປະກົດຜົນເປັນຈິງ

ກອງປະຊຸມລັດຖະບານ ສະໄໝສາມັນປະຈໍາເດືອນ ມັງກອນ 2020 ໄດ້ຈັດຂຶ້ນໃນວັນທີ22-23/1/2020 ທີ່ສໍາ ນັກງານນາຍົກລັດຖະມົນຕີໂດຍພາຍໃຕ້ການເປັນປະທານ ຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ. ກອງປະຊຸມ ດັ່ງກ່າວ ໄດ້ພິຈາລະນາບັນຫາສໍາຄັນຕ່າງໆຄື: ກອງປະຊຸມໄດ້ ຮັບຟັງການລາຍງານຫຍໍ້ຈາກຂະແໜງການທີ່ກ່ຽວຂ້ອງກ່ຽວກັບ ສະພາບພົ້ນເດັ່ນຂອງພາກພື້ນແລະສາກົນ,ການສົ່ງເສີມການ ຜະລິດເປັນສິນຄ້າຂອງປະຊາຊົນ, ການເຝົ້າລະວັງພະຍາດ ຕິດແປດຕ່າງໆ, ອັດຕາແລກປ່ຽນເງິນຕາແລະ ການຄຸ້ມຄອງ ລາຄາສິນຄ້າ, ສະພາບການປ່ຽນແປງຂອງສະພາບດິນຟ້າ ອາກາດ ແລະສະພາບຫາງສຽງສັງຄົມ; ການລາຍງານກ່ຽວ ກັບການຜັນຂະຫຍາຍຜົນຂອງກອງປະຊຸມຄັ້ງທີ42 ຂອງຄະ ນະກໍາມະການຮ່ວມມືທະວີພາຄີລະຫວ່າງລາວ-ຫວຽດນາມ; ການລາຍງານກ່ຽວກັບຜົນການຢ້ຽມຢາມ ສປ ຈີນຢ່າງເປັນ ທາງການຂອງທ່ານນາຍົກລັດຖະມົນຕີແຫ່ງ ສປປ ລາວໃນ ວັນທີ 5-9 ມັງກອນ 2020; ບົດລາຍງານການຍົກລະດັບການ ພົວພັນຮ່ວມມືສອງຝ່າຍລະຫວ່າງສປປລາວແລະສະຫະພັນ ຣັດເຊຍ ໃນສະພາບການໃໝ່ ແລະ ເຫັນດີໃຫ້ແຕ່ງຕັ້ງ ຄະນະ ຮັບຜິດຊອບຈັດຕັ້ງການສະເຫຼີມສະຫຼອງ 60 ປີສາຍພົວພັນການທູດ ລາວ-ຣັດ ເຊຍ ຊຶ່ງຈະຄົບຮອບໃນເດືອນຕຸລາ 2020 ໂດຍມີກະກຽມ ບັນດາກິດຈະກໍາການສະເຫຼີມສະຫຼອງໃຫ້ດີເຊັ່ນ:ການຫວນຄືນ ປະຫວັດສາດສາຍພົວພັນຮ່ວມມືລະຫວ່າງສອງຊາດລາວ-ຣັດ ເຊຍ, ການແລກປ່ຽນດ້ານສິລະປະວັນນະຄະດີແລະ ອື່ນໆ; ການລາຍງານກ່ຽວກັບການຫັນເປັນທັນສະໄໝ ໃນການຊໍາ ລະສະສາງ ແລະການເກັບລາຍຮັບເຂົ້າງົບປະມານຜ່ານລະບົບ ໂທລະສັບມືຖື“Mobile Money”, ກອງປະຊຸມໄດ້ພິຈາລະນາ ແລະເຫັນດີຮັບຮອງເອົາຮ່າງດໍາລັດວ່າດ້ວຍກອງທຶນສົ່ງເສີມ ແລະພັດທະນາພະລັງງານຊົນນະບົດ. ກອງປະຊຸມ ຍັງໄດ້ຊີ້ນໍາ ເນັ້ນໃຫ້ຄະນະລັດຖະບານເອົາ ໃຈໃສ່ຈັດຕັ້ງປະຕິບັດວຽກງານຈຸດສຸມຈໍານວນໜຶ່ງດັ່ງນີ້: ສຳລັບແຜນວຽກຈຸດສຸມ ປີ2020 ມີຄື: ສືບຕໍ່ຮັບປະກັນ ສະຖຽນລະພາບທາງດ້ານເສດຖະກິດມະຫາພາກ ແລະ ແກ້ ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໃຫ້ມີທ່າ ຕັ້ງໜ້າກວ່າເກົ່າ;ຈັດຕັ້ງປະຕິບັດຄໍາສັ່ງເລກທີ03/ນຍ,ລົງວັນທີ 21 ມັງກອນ 2020 ວ່າດ້ວຍການປັບປຸງວຽກງານການບໍລິການ ການອອກໃບອະນຸຍາດລົງທຶນແລະການອອກໃບອະນຸຍາດ ດໍາເນີນທຸລະກິດ; ສືບຕໍ່ແກ້ໄຂໜີ້ສິນໂຄງການລົງທຶນຂອງລັດ ໃຫ້ສໍາເລັດຕາມແຜນກໍານົດໄວ້ເພື່ອສ້າງຄວາມສະດວກໃຫ້ ທຸລະກິດມີການຂັບເຄື່ອນໃນທາງທີ່ມີປະສິດທິພາບສູງຂຶ້ນ;ຍົກ ລະດັບແລະຄຸນນະພາບຂອງການສຶກສາແລະ ການບໍລິການ ດ້ານສາທາລະນະສຸກໃຫ້ດີຂຶ້ນ; ສຸມໃສ່ວຽກງານພັດທະນາ ຊົນນະບົດແລະ ລຶບລ້າງຄວາມທຸກຍາກ(ຕິດພັນກັບການຊຸກຍູ້ ປຸກລະດົມຂະບວນການຮັກຊາດ ແລະ ພັດທະນາໃຫ້ເຂົ້າສູ່ລວງ ເລິກ); ຊ່ວຍເຫຼືອປະຊາຊົນແລະ ຟື້ນຟູເຂດທີ່ຖືກກະທົບຈາກ ໄພພິບັດ; ສືບຕໍ່ຈັດຕັ້ງປະຕິບັດຄໍາສັ່ງເລກທີ15/ນຍແລະຜັນ ຂະຫຍາຍແລະຈັດຕັ້ງປະຕິບັດແຜນແມ່ບົດຈັດສັນທີ່ດິນແຫ່ງ ຊາດ; ສືບຕໍ່ຈັດຕັ້ງປະຕິບັດເປົ້າໝາຍການພັດທະນາແບບຍືນ ຍົງ (SDG); ເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມ ສະຫງົບ, ແກ້ໄຂປະກົດການຫຍໍ້ທໍ້ທາງສັງຄົມ ເພື່ອຮັບປະກັນ ສະຖຽນລະພາບທາງການເມືອງ ແລະ ຄວາມສະຫງົບຂອງ ສັງຄົມ; ສືບຕໍ່ເສີມຂະຫຍາຍວຽກງານພົວພັນຮ່ວມມືສາກົນໃນ ຂອບ 2 ຝ່າຍແລະຫຼາຍຝ່າຍທີ່ໄດ້ຕົກລົງກັບບັນດາປະເທດ ເພື່ອນມິດ ແລະ ອົງການສາກົນໃຫ້ແຕກດອກອອກຜົນໂດຍ ໄວ (ໂດຍເອົາໃຈໃສ່ພິເສດຕໍ່ໂຄງການຮ່ວມມືລາວ-ຫວຽດນາມ ແລະລາວ-ຈີນ);ກະກຽມກອງປະຊຸມສຸດຍອດແມ່ນໍ້າຂອງ-ແມ່ ນໍ້າລ້ານຊ້າງ (MCL) ຄັ້ງທີ3, ກອງປະຊຸມສຸດຍອດຍຸດທະສາດ ການຮ່ວມມືດ້ານເສດຖະກິດແມ່ນໍ້າອີລາວະດີ-ແມ່ນໍ້າເຈົ້າພະ ຍາ-ແມ່ນໍ້າຂອງ (ACMECS) ຄັ້ງທີ9; ກອງປະຊຸມສຸດຍອດ (CLMV) ຄັ້ງທີ10 ແລະ ກອງປະຊຸມສຸດຍອດເຂດສາມຫຼ່ຽມ ພັດທະນາ(CLV)ທີ່ລາວຈະເປັນເຈົ້າພາບໃນເດືອນມີນາ2020 ນີ້ແລະວຽກສໍາຄັນອື່ນໆ. ສ່ວນແຜນວຽກຈຸດສຸມປະຈໍາເດືອນກຸມພາ2020ແມ່ນໃຫ້ ສືບຕໍ່ຮັກສາສະຖຽນລະພາບທາງດ້ານການເມືອງໃຫ້ມີຄວາມ ສະຫງົບ, ເປັນລະບຽບຮຽບຮ້ອຍ, ປ້ອງກັນ, ສະກັດກັ້ນບັນຫາ ປະກົດການຫຍໍ້ທໍ້ໃນສັງຄົມເປັນຕົ້ນແມ່ນການຄາດຕະກໍາ,ປຸ້ນຈີ້ ຊີງຊັບ, ຂີ້ລັກງັດແງະ, ອັກຄີໄພ, ບັນຫາສິ່ງເສບຕິດ ແລະອື່ນໆ ໃຫ້ມີມາດຕະການລະອຽດ ແລະ ເຂັ້ມງວດເພື່ອເຮັດໃຫ້ບັນດາ ປະກົດການຫຍໍ້ທໍ້ຫຼຸດລົງເທື່ອລະກ້າວ; ໃຫ້ສືບຕໍ່ຕິດຕາມແລະ ຄຸ້ມຄອງລາຄາສິນຄ້າຫ້າມບໍ່ໃຫ້ພໍ່ຄ້າຊາວຂາຍສວຍໂອກາດ ຂຶ້ນລາຄາສິນຄ້າ. ກໍລະນີຫາກມີຜູ້ລະເມີດສວຍໂອກາດຂຶ້ນ ລາຄາສິນຄ້າກໍໃຫ້ມີມາດຕະການເຂັ້ມງວດໃນການແກ້ໄຂໂດຍ ສະເພາະໃນໄລຍະເທດສະການຕ່າງໆ; ໃຫ້ສືບຕໍ່ເອົາໃຈໃສ່ຄຸ້ມ ຄອງສະພາບອັດຕາແລກປ່ຽນ,ຮັກສາສະຖຽນລະພາບການເງິນ ແລະ ໄພເງິນເຟີ້ໃຫ້ຢູ່ໃນລະດັບທີ່ສາມາດຄວບຄຸມໄດ້;ພ້ອມນີ້ ກໍໃຫ້ຄົ້ນຄວ້າແລະລາຍງານທິດທາງການແກ້ໄຂບັນຫາເງິນເຟີ້ ແລະ ຄຸ້ມຄອງອັດຕາແລກປ່ຽນໄລຍະກາງ ແລະ ໄລຍະຍາວ; ໃຫ້ເອົາໃຈໃສ່ຕິດຕາມຊຸກຍູ້ການຜະລິດເປັນຕົ້ນແມ່ນການແກ້ ໄຂບັນຫາການສະໜອງນໍ້າໃນການຜະລິດ, ການລະບາດຂອງ ພະຍາດສັດ (ໄຂ້ຫວັດສັດປີກ) ແລະການປ້ອງກັນ-ສະກັດກັ້ນ ສັດຕູພືດ; ພ້ອມທັງມີການຄຸ້ມຄອງຈໍາກັດການນໍາເຂົ້າ, ການ ສົ່ງເສີມການຜະລິດແລະ ຊົມໃຊ້ພາຍໃນຂອບເຂດທົ່ວປະເທດ ຢ່າງເປັນຮູບປະທໍາ. ພ້ອມດຽວກັນ, ໃຫ້ເອົາໃຈໃສ່ການຜະລິດ ລະດູແລ້ງ ແລະ ມາດຕະການຮັບມື້ກັບໄພແຫ້ງແລ້ງທີ່ອາດ ຈະເກີດຂຶ້ນ; ໃຫ້ເອົາໃຈໃສ່ແລະຕິດຕາມເຝົ້າລະວັງສະພາບ ການປ່ຽນແປງອາກາດ ເປັນຕົ້ນແມ່ນສະພາບອາກາດທີ່ເປັນ ມົນລະພິດແລະສະພາບປະລິມານນ້ໍາບົກແຫ້ງແລະ ມີການ ແຈ້ງເຕືອນໃຫ້ປະຊາຊົນຮັບຊາບແລະກຽມຮັບມືຢ່າງທັນການ; ຕິດຕາມ, ເຝົ້າລະວັງ, ສະກັດກັ້ນການແຜ່ລະບາດຂອງເຊື້ອໄວ ຣັດຊະນິດໃໝ່ (ອັກເສບປອດ) ທີ່ພວມແຜ່ລະບາດຢູ່ສປຈີນ ພ້ອມທັງໃຫ້ຂໍ້ມູນຄວາມສ່ຽງແກ່ສັງຄົມທີ່ຖືກຕ້ອງທັນການເພື່ອ ປ້ອງກັນແລະສະກັດກັ້ນໃຫ້ທັນເວລາ,ມີປະສິດທິຜົນ; ໃຫ້ສືບຕໍ່ ຕິດຕາມຢ່າງໃກ້ຊິດຕໍ່ສະພາບການຂອງສາກົນ ແລະ ພາກພື້ນ ທີ່ມີຄວາມສັບສົນພ້ອມທັງມີການວິເຄາະ, ວິໄຈໃຫ້ຊັດເຈນທີ່ ອາດສົ່ງຜົນກະທົບທາງກົງແລະທາງອ້ອມຕໍ່ສປປ ລາວ; ພ້ອມ ນີ້ກໍໃຫ້ກະກຽມແຜນການເຄື່ອນໄຫວວຽກງານຕ່າງປະເທດຂອງ ການນໍາຂັ້ນສູງ ໂດຍສະເພາະແມ່ນກຽມຕ້ອນຮັບ ແລະ ພົບປະ ສອງຝ່າຍກັບນາຍົກລັດຖະມົນຕີມາເລເຊຍ; ບັນດາຜູ້ນໍາຂອງ ຕ່າງປະເທດ ທີ່ຈະເຂົ້າຮ່ວມກອງປະຊຸມສາກົນໃນເດືອນມີນາ 2020 ແລະ ກະກຽມເປັນເຈົ້າພາບຮ່ວມກອງປະຊຸມແມ່ນໍ້າ ຂອງ-ແມ່ນໍ້າລ້ານຊ້າງ ແລະ ກອງປະຊຸມທີ່ຕິດພັນ. ເພື່ອຮັບປະກັນການຈັດຕັ້ງປະຕິບັດທິດຊີ້ນຳ ຂອງກອງ ປະຊຸມລັດຖະບານສະໄໝສາມັນ ປະຈຳເດືອນມັງກອນ 2020 ໃຫ້ມີປະສິດທິຜົນນັ້ນ ບັນດາຂະແໜງການຂັ້ນສູນກາງ ແລະ ອົງການປົກຄອງທ້ອງຖິ່ນທຸກຂັ້ນ ຕ້ອງໄດ້ຍົກສູງຄວາມ ຮັບຜິດຊອບ ແລະ ຄວາມເປັນເຈົ້າການ ໃນການປະຕິບັດ ພາລະບົດບາດໜ້າທີ່ຂອງຕົນ ໂດຍສະເພາະເອົາໃຈໃສ່ຈັດ ຕັ້ງການເຊື່ອມຊຶມເນື້ອໃນຈິດໃຈຂອງກອງປະຊຸມດັ່ງກ່າວໃຫ້ ເລິກເຊິ່ງ ແລະ ກວ້າງຂວາງ ເພື່ອນຳພາຊີ້ນຳຜັນຂະຫຍາຍຈັດ ຕັ້ງປະຕິບັດວຽກງານຈຸດສຸມປະຈຳເດືອນກຸມພາ ແລະ ວຽກ ງານຈຸດສຸມປີ2020 ທີ່ລັດຖະບານໄດ້ກຳນົດວາງອອກນັ້ນໃຫ້ ປະກົດຜົນເປັນຈິງ.