ຫົວ​ຂໍ້ : ຄວາມ​ໝັ້ນ­ຄົງ​ແບບ​ຍືນ​ຍົງ​ພາຍ​ໃນ​ອາ​ຊຽນ

ເຜີຍ​ແຜ່​ໂດຍ​: admin ເວ​ລາ: 27/12/2019 15:26:50 ຈຳ​ນວນ​ຜູ້​ເຂົ້າ​ຢ້ຽມ​ຊົມ 328 ຄັ້ງ

ຮຽບຮຽງໂດຍ: ສີ​ວັນ

   ກອງ​ປະຊຸມ​ລັດຖະມົນຕີ ກະຊວງ​ປ້ອງ​ກັນ​ປະເທດ​ບັນ ດາ​ປະເທດ​ອາ​ຊຽນ​ວົງ​ແຄບ (ADMM) ແລະ ກອງ​ປະຊຸມ ລັດຖະມົນຕີ​ກະຊວງ​ປ້ອງ​ກັນ ປະເທດ​ບັນດາ​ປະເທດ​ອາຊຽນ ​ເປີດ​ກ​ວ້າງ (ADMM+) ຄັ້ງທີ 6 ດ້ວຍ​ຫົວຂໍ້; "ຄວາມ​ໝັ້ນຄົງ ​ແບບ​ຍືນ​ຍົງ", ໄດ້​ດໍາ​ເນີນ​ຢູ່ ນະ ຄອນຫຼວງ​ບາງກອກ ປະເທດ​ໄທ, ໃນ​ລະຫວ່າງ​ວັນ​ທີ 16 -19 ພະຈິກ​ນີ້, ໜຶ່ງ​ໃນ​ບັນດາ​ບັນຫາ​ທີ່​ໄດ້​ດຶງ​ດູດ​ຄວາມ​ສົນໃຈ​ຂອງ​ບັນດາ​ຜູ້​ແທນ​ເຂົ້າ​ຮ່ວມ​ກອງ​ປະຊຸມ ແມ່ນ​ບັນຫາ​ທະເລຕາ ເວັນ​ອອກ. ບັນດາ​ຜູ້​ແທນ​ລ້ວນ ​ແຕ່​ຢັ້ງຢືນ​ການ​ຮັກສາ​ສັນຕິ ພາບ ແລະ ສະຖຽນ​ລະ​ພາບຢູ່​ ທະເລ​ຕາເວັນ​ອອກ​ແມ່ນ​ມີ​ຄວາມ​ໝາຍ​ສຳຄັນ​ທີ່​ສຸດ​ສຳລັບ ສັນຕິພາບ​ໃນ​ພາກ​ພື້ນ.

   ອີງ​ຕາມ​ແຫຼ່ງ​ຂ່າວ​ຈາກ​ຂ່າວສານ​ຫວຽດນາມ, ກອງປະ ຊຸມ ADMM ວົງ​ແຄບ ແລະ  ADMM+ ຄັ້ງ​ທີ 6, ໄດ້​ສຸມໃສ່​ ປຶກສາ​ຫາລື​ກ່ຽວ​ກັບ​ຄວາມສຳ ນຶກ​ຄວາມ​ໝັ້ນຄົງ​ແບບ​ຍືນ​ຍົງ ເພື່ອ​ແນໃສ່​ເພີ່ມ​ທະວີ​ຄວາມ ໝັ້ນຄົງ​ການ​ປ້ອງ​ກັນ​ຊາດ,ຊຸກ ຍູ້​ຄວາມ​ໄວ້​ເນື້ອ​ເຊື່ອ​ໃຈ ແລະ ເພີ່ມ​ທະວີ​ການ​ຮ່ວມ​ມື​ດ້ານ​ຄວາມ​ໝັ້ນຄົງ ລະຫວ່າງ ອາ​ຊຽນ ແລະ ບັນດາ​ຄູ່​ຮ່ວມ​ເຈລະ ຈາ​ໃນ​ທຸກ​ຂົງເຂດ. ການ​ປຶກ ສາ​ຫາລື​ຄັ້ງ​ນີ້, ໄດ້​ສຸມ​ໃສ່ 7 ຂົງເຂດ​ການ​ຮ່ວມ​ມື​ເຊັ່ນ: ການ​ໜູນ​ຊ່ວຍ​ມະນຸດ​ສະ​ທໍາ, ການ​ບັນເທົາ​ທຸກ​ຈາກ​ໄພພິບັດ, ຄວາມ​ໝັ້ນຄົງ​ການ​ເດີນ​ເຮືອ, ຕ້ານ​ການ​ກໍ່​ການ​ຮ້າຍ, ຮັກສາ​ສັນຕິພາບ, ການເຄື່ອນໄຫວ​ມະນຸດສະທຳ ແລະ ຄວາມ​ປອດ​ໄພ​ດ້ານ​ເຄືອ​ຂ່າຍ​ອິນ​ເຕີ​ແນັດ.

   ໃນ​ບົດ​ກ່າວ​ປາ​ໄສ​ຢູ່​ກອງ​ປະຊຸມ ADMM ວົງ​ແຄບ, ໃນ​ວັນ​ທີ 17 ພະຈິກ​ຜ່ານ​ມາ, ບັນດາ​ລັດຖະມົນຕີ​ກະຊວງ​ປ້ອງ​ກັນ​ປະເທດ ອາ​ຊຽນ ໄດ້​ແລກປ່ຽນ​ຢ່າງ​ເລິກເຊິ່ງ​ກ່ຽວ​ກັບ​ບັນດາ​ສິ່ງ​ທ້າ​ທາຍ​ຂອງ​ຄວາມ​ໝັ້ນຄົງ​ທາງ​ທະເລ, ໃນ​ນັ້ນ​ມີ​ທະເລ​ຕາ ເວັນ​ອອກ ພ້ອມ​ທັງ​ເນັ້ນ​ໜັກ ​ເຖິງ​ຄວາມ​ສຳຄັນຂອງ​ການ​ຮັກສາ​ສັນຕິພາບ ແລະ ສະຖຽນ​ລະ​ພາບ ຢູ່​ທະເລ​ຕາເວັນ​ອອກ​ສຳລັບ​ຄວາມ​ໝັ້ນຄົງ​ໃນ​ພາກ​ພື້ນ ແລະ ໂລກ.

   ບັນດາ​ລັດຖະມົນຕີ​ລ້ວນ​ແຕ່​ຢັ້ງຢືນ​ວ່າ: ອາ​ຊຽນ ຕ້ອງສາ ມັກຄີ​ກັນ, ຮັກສາ​ບົດບາດ​ເປັນ ໃຈ​ກາງ ແລະ ນຳ​ໜ້າ​ໃນ​ບັນດາ​ກົນ​ໄກ​ຮ່ວມ​ມື​ຢູ່​ພາກ​ພື້ນ ເພື່ອ​ແນໃສ່​ຮັບ​ມື​ກັບ​ບັນດາ​ສິ່ງ​ທ້າ​ທາຍ​ທີ່​ພວມ​ພົ້ນ​ເດັ່ນ​ຂຶ້ນ​ຢ່າງ​ທັນ​ການ.

   ທ່ານ ພົນ​ເອກ ໂງ​ຊວັນ​ລິກ ລັດຖະມົນຕີ​ກະຊວງ​ປ້ອງ​ກັນ​ປະເທດ ຫວຽດນາມ ຢັ້ງຢືນ​ວ່າ: ກົດໝາຍ​ສາກົນ​ອາດ​ຈະ​ຍັງ​ບໍ່​ທັນ​ສົມບູນ​ແບບ ຍ້ອນ​ສະພາບ​ການ​ຂອງ​ໂລກ ພວມ​ພັດທະນາ​ຢ່າງ​ວ່ອງໄວ, ແຕ່​ນີ້​ແມ່ນ​ເຄື່ອງມື​ທີ່​ມີ​ປະສິດ​ທິ​ຜົນ ເພື່ອ​ແນໃສ່​ດັດສົມ​ການ​ພົວພັນ ລະຫວ່າງ ບັນດາ​ປະເທດ​ໃນ​ການ​ຮັກສາ​ສັນຕິພາບ, ສະຖຽນ​ລະ​ພາບ​ຢູ່​ພາກ​ພື້ນ ແລະ ໂລກ.

   ກ່ຽວ​ກັບ​ບັນຫາ​ທະເລ​ຕາເວັນ​ອອກ, ເພື່ອ​ໃຫ້​ທະເລ​ຕາເວັນ​ອອກ​ກາຍເປັນ​ເຂດ​ທະເລ​ທີ່​ມີ​ສັນຕິພາບ ແລະ ພັດທະນາ​ແບບ​ຍືນ​ຍົງ​ຢ່າງ​ແທ້​ຈິງ​ນັ້ນ, ປັດ​ໄຈ​ຕັດສິນ​ຊີ້​ຂາດ ແມ່ນ​ກົດໝາຍ​ວ່າ​ດ້ວຍ​ທະເລ​ຕ້ອງ​ໄດ້​ຮັບ​ການ​ເຄົາລົບ ແລະ ສິ່ງ​ດັ່ງກ່າວ​ໄດ້​ຮຽກຮ້ອງ​ຕ້ອງ​ມີ​ການ​ໃຫ້​ຄຳ​ໝັ້ນ​ສັນຍາ​ທີ່​ເຂັ້ມ​ງວດ ແລະ ຄວາມ​ຮັບຜິດຊອບ​ໃນ​ການ​ປົກ​ປັກ​ຮັກສາ​ຂອງ​ບັນດາ​ປະເທດ​ທັງ​ໝົດ​ຢູ່​ພາຍ​ໃນ ແລະ ນອກ​ພາກ​ພື້ນ.

   ໃນ​ກອງ​ປະຊຸມ​ບໍ່​ເປັນທາງ​ ການລະຫວ່າງ ບັນດາ​ລັດຖະ ມົນຕີ​ກະຊວງ​ປ້ອງ​ກັນ​ປະເທດ ອາ​ຊຽນ ກັບ​ລັດຖະມົນຕີ ກະ ຊວງ​ປ້ອງ​ກັນ​ປະເທດ​ຈີນ, ບັນ ດາ​ລັດຖະມົນຕີ​ກະຊວງ​ປ້ອງ​ກັນ​ປະເທດ​ອາ​ຊຽນ ໄດ້​ຍົກ ອອກ​ບັນດາ​ຄວາມ​ວິຕົກ​ກັງວົນ​ສຳລັບ​ຄວາມ​ເສລີພາບ​ໃນ​ການ​ເດີນ​ເຮືອ​ຢູ່​ທະເລ​ຕາເວັນ​ອອກ. ພ້ອມ​ກັນ​ນັ້ນ, ຮັບ​ຮູ້​ບັນດາ​ຄວາມ​ຄືບ​ໜ້າ​ໃນ​ຂະບວນ​ວິວັດ​ການ​ເຈ​ລະ​ຈາວ່າ​ດ້ວຍ​ກົດ​ແຫ່ງ​ການ​ປະພຶດ​ຂອງ​ບັນດາ​ຝ່າຍ​ຢູ່​ທະເລ​ຕາເວັນ​ອອກ ແລະ ຈີນ (COC). ພ້ອມ​ກັນ​ນັ້ນ, ລັດຖະມົນຕີ​ກະຊວງ​ປ້ອງ​ກັນ​ປະເທດ ຈີນ ໃຫ້​ຄຳ​ໝັ້ນ​ສັນຍາ "ພ້ອມ​ແລ້ວ​ທີ່​ຈະ​ຮ່ວມ​ມື​ກັບ​ອາ​ຊຽນ" ໃນ​ການ​ແກ້​ໄຂ​ບັນດາ​ຄວາມ​ຂັດ​ແຍ່ງ​ຢູ່​ທະ​ເລ.
ໃນ​ກອງ​ປະຊຸມ, ຕາງໜ້າ​ຄະນະ​ເລຂາ​ອາ​ຊຽນ, ທ່ານ ລິມ​ ຈອກ​ຮອຍ ເລຂາທິການ​ໃຫຍ່​ອາ​ຊຽນ ໄດ້​ຢືນຢັນ​ວ່າ: ບັນດາ​ສິ່ງ​ທ້າ​ທາຍ​ຕໍ່​ຄວາມ​ໝັ້ນຄົງ ຊຶ່ງ​ພາກ​ພື້ນ​ປະ​ເຊີນ​ໜ້າ​ນັບ​ມື້​ນັບ​ສະແດງ​ໃຫ້​ເຫັນ​ບັນດາ​ລັກສະນະ​ຂ້າມ​ຊາດ, ສະເໜີ ADMM+ ສືບຕໍ່​ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ຂະບວນ​ວິວັດ​ການ​ແກ້​ໄຂ​ບັນດາ​ບັນຫາ ກັບ ບັນດາ​ເສົາຄ້ຳ​ການ​ຮ່ວມ​ມື, ເປັນຕົ້ນ​ແມ່ນ​ຄວາມ​ໝັ້ນຄົງ​ທາງ​ດ້ານ​ການ​ເດີນ​ເຮືອ, ຄວາມ​ປອດ​ໄພ​ທາງ​ອິນ​ເຕີ​ເນັດ, ຕ້ານ​ການ​ກໍ່​ການ​ຮ້າຍ, ການ​ຮັກສາ​ສັນຕິພາບ ແລະ ໜູນ​ຊ່ວຍ​ມະນຸດສະ​ທຳ.

   ໃນ​ບົດ​ປະກອບ​ຄຳ​ເຫັນຢູ່​ ກອງ​ປະຊຸມ​ບໍ່​ເປັນ​ທາງ​ການລະ ຫວ່າງ ລັດຖະມົນຕີ​ກະຊວງ​ປ້ອງ​ກັນ​ປະເທດ ອາ​ຊຽນ ແລະ ອາ​ເມ​ຣິ​ກາ, ທ່ານ ມາກ ອິ​ສ​ເພີ ລັດຖະມົນຕີ​ກະຊວງ​ປ້ອງ​ກັນ​ປະເທດ​ອາ​ເມ​ຣິ​ກາ ສະແດງ​ຄວາມ​ວິຕົກ​ກັງວົນ​ກ່ຽວ​ກັບ​ຄວາມ​ໝັ້ນຄົງ ເປັນຕົ້ນ​ແມ່ນ​ຢູ່​ເຂດ​ມະຫາ​ສະ​ໝຸດ​ອິນ​ເດຍ- ປາ​ຊີ​ຟິກ, ຢັ້ງຢືນ​ຄຳ​ໝັ້ນ​ສັນຍາ​ຂອງ ອາ​ເມ​ຣິ​ກາ ກ່ຽວ​ກັບ​ມະຫາ​ສະ​ໝຸດ​ອິນ​ເດຍ - ປາ​ຊີ​ຟິກ ທີ່​ມີ​ເສລີພາບ ແລະ ເປີດ​ກວ້າງ, ບົນ​ພື້ນຖານ​ເຄົາລົບ​ເອກະລາດ ອະທິປະ​ໄຕ ບັນດາ​ປະເທດ ແລະ ເຄົາລົບ​ກົດໝາຍ​ສາ​ກົນ.

   ຝ່າຍ​ອາ​ເມ​ຣິ​ກາ ກໍຕີລາ ຄາວ່າ: ອາ​ຊຽນ ພວມ​ມີ​ຫຼັກ ໝັ້ນ ລວມ​ກ່ຽວ​ກັບ​ທະເລ​ຕາ ເວັນອອກ ແລະ ເຊື່ອ​ໝັ້ນວ່າ: ຖະແຫຼງການຂອງ​ອາ​ຊຽນຈະ​ ແມ່ນ​ພາຫະນະ​ຢ່າງ​ແຮງ ເພື່ອ​ ສະແດງ​ໃຫ້​ເຫັນ​ຄວາມສາມັກ ຄີ, ການ​ຮັກສາ​ສັນຕິພາບ ແລະ ສະຖຽນ​ລະ​ພາບ​ຢູ່​ທະເລຕາ ເວັນ​ອອກແມ່ນ ​ມີ​ຄວາມ​ໝາຍ​ສໍາ​ຄັນໃນ​ການ​ຮັກສາ​ຄວາມ​ໝັ້ນຄົງ​ແບບ​ຍືນ​ຍົງ​ຂອງ​ພາກ​ພື້ນ​ອາ​ຊຽນ. ນອກຈາກ​ມີ​ຫຼັກ​ໝັ້ນ​ລວມ​ກ່ຽວ​ກັບ​ທະເລ​ຕາເວັນ​ອອກ​ແລ້ວ, ບັນດາ​ປະເທດ​ອາ​ຊຽນ ຕ້ອງ​ເພີ່ມ​ທະວີ​ການ​ຕິດ​ພັນ​ພາຍ​ໃນ​ກຸ່ມ, ສ້າງ​ຄວາມ​ເຫັນ​ດີ ເຫັນ​ພ້ອມ​ເພື່ອ​ເປັນ​ເຈົ້າ​ການ​ໃນ​ການ​ຮັບ​ມື​ກັບ​ບັນດາ​ຜົນ​ກະທົບ​ຈາກ​ພາຍ​ນອກ​ຢ່າງ​ມີ​ໄຫວ​ພິບ,  ເພື່ອ​ແນໃສ່​ຮັກສາ​ສັນຕິພາບ, ສະຖຽນ​ລະ​ພາບ​ໃນ​ພາກ​ພື້ນ ແລະ ໂລກ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110