ກອງປະຊຸມໃຫຍ່ຜູ້ແທນຊາວໜຸ່ມ ທ່ົວແຂວງຊຽງຂວາງ ຄັ້ງທີ VI

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 06/10/2020 10:39:46 ຈຳ​ນວນ​​ຢ້ຽມ​ຊົມ 694 ຄັ້ງ

ກອງ​ປະຊຸມ​ໃຫຍ່​ຜູ້​ແທນ​ຊາວໜຸ່ມ​ທົ່ວແຂວງຊຽງຂວາງ​ ຄັ້ງ​ທີ VI ໄດ້​ຈັດ​ຂຶ້ນ​​ຫວ່າງ​ບໍ່​ດົນ​ຜ່ານ​ມາ​ນີ້ ທີ່ຫ້ອງວ່າການປົກ ຄອງ​ແຂວງ​ຊຽງ​ຂວາງ ພາຍໃຕ້​ ການ​ເປັນ​ປະທານ​ຂອງສະຫາຍ ນາງ ສົດ​ທິດາ ທິບ​ມູນຕາ​ລີ ຮັກ ສາ​ການ​ເລຂາ​ຄະນະ​ບໍລິຫານ ​ງານ​ຊາວໜຸ່ມແຂວງຊຽງຂວາງ, ເປັນ​ກຽດ​ເຂົ້າ​ຮ່ວມ​ໂດຍສະ ຫາຍ ບຸນ​ຕົ້ນ ຈັນທະ​ພອນ ເລ ຂາ​ພັກ​ແຂວງ ເຈົ້າແຂວງ​ຊຽງ​ຂວາງ, ມີ​ສະຫາຍ ອາ​ລຸນໄຊ ສູນ​ນະລາດ ເລຂາ​ຄະນະ​ບໍລິ ຫານ​ງານ​ສູນ​ກາງ​ຊາວ​ໜຸ່ມ​ປະ ຊາຊົນ​ ປະຕິວັດ​ລາວ, ມີ​ບັນດາ​ ຄະນະ​ປະຈຳ​ພັກ​ແຂວງ, ເລ ຂາ​ຊາວ​ໜຸ່ມ​ເມືອງ​ອ້ອມ​ຂ້າງ​ແຂວງ, ພາກສ່ວນ​ກ່ຽວຂ້ອງ ພ້ອມ​ດ້ວຍ​ສະມາຊິກ​ຊາວ​ໜຸ່ມ​ເຂົ້າ​ຮ່ວມ.

ກອງ​ປະຊຸມ​ໄດ້​ຮັບ​ຟັງ​ບົດ​ລາຍ​ງານ​ການເມືອງ​ທັງ​ສອງ​ພາກ, ສະຫຼຸບ​ຕີ​ລາຄາ​ຄືນ​ຈຸດດີ, ຈຸດ​ອ່ອນຂໍ້ຄົງຄ້າງ ພ້ອມ​ທັງ​ວາງ​ທິດ​ທາງ​ແຜນການ​ໃນຕໍ່ໜ້າ ຊຶ່ງ​ໄດ້​ຍົກ​ໃຫ້​ເຫັນ​ເຖິງ​ຜົນງານອັນ​ພົ້ນ​ເດັ່ນ​ຕະຫຼອດ​ໄລຍະ 5 ປີ ຜ່ານມາ ທີ່ ຄຊປປລ ແຂວງ​ຊຽງ​ຂວາງ​ຍາດ​ມາ​ໄດ້ປັດຈຸບັນທົ່ວ​ແຂວງ​ຊຽງ​ຂວາງມີ​ຊາວ​ໜຸ່ມ​ທີ່ຢູ່​ໃນ​ເກນ​ອາຍຸ 15-35 ປີ ມີ​ທັງ​ໝົດ 56.815 ສະ​ຫາຍ ເປັນ​ຍິງ 22.600 ສະຫາຍ. ໃນນັ້ນ, ມີສະ ມາຊິກຊາວໜຸ່ມ ປະຊາຊົນ ປະຕິ ວັດ​ລາວ 33.870 ສະຫາຍ ຍິງ 11.739 ສະຫາຍ, ຜ່ານ​ມາຄະ​ ນະ​ຊາວ​ໜຸ່ມ​ແຂວງຊຽງຂວາງ ໄດ້ຖືເອົາວຽກງານສຶກສາອົບ ຮົມການເມືອງ​ແນວ​ຄິດເປັນບັນ ຫາ​ທີ່​ສຳຄັນ ​ ເພື່ອ​ແນໃສ່​ສ້າງສະ ມາຊິກ​ຊາວ​ໜຸ່ມ​ເປັນພະນັກ ງານ​ສືບ​ທອດ​ທີ່​ດີ, ມີ​ສະຕິ​ຕໍ່​ການຈັດຕັ້ງ, ຕັ້ງໜ້າ​ປະກອບ ສ່ວນ​ເຂົ້າ​ຮ່ວມ​ຂະບວນການ ​ຕ່າງໆ ​ເປັນຕົ້ນ​ແມ່ນ​ຂະບວນ​ປ້ອງ​ກັນ​ຊາດ​ປ້ອງ​ກັນ​ຄວາມ​ສະຫງົບ​ຂະບວນ​ການ​ວັດທະ ນະທຳ​ສັງຄົມ ແລະ ຂະບວນ​ການຈັດຕັ້ງ​ປະຕິບັດ​ຂໍ້​ແຂ່ງຂັນ 4 ບຸກ​ຂອງ​ຊາວ​ໜຸ່ມ​ປະຊາຊົນ​ປະຕິວັດ​ລາວ ແລະ ກອງ​ປະ ຊຸມ​ຍັງ​ໄດ້​ໃຊ້​ສິດ​ປະຊາທິປະໄຕ​ປ່ອນ​ບັດຄັດເລືອກ​​ເອົາຄະນະ ບໍລິຫານ​ງານ​ຊາວ​ໜຸ່ມ​ແຂວງ​ຊຽງ​ຂວາງ​ຊຸດ​ໃໝ່ ຊຶ່​ງມີ​ຜູ້​ລົງສະ ໝັກ 35 ສະຫາຍ ຍິງ 9 ສະ ຫາຍ, ເລືອກ​ເອົາ 31 ສະຫາຍ ຜ່ານ​ກອງ​ປະຊຸມ​ຄັ້ງ​ປະຖົມມະ ລືກ​ເຫັນ​ດີ​ເລືອກ​ເອົາ​ສະຫາຍ ເພັດ​ສະໝອນ ດາ​ວົງ​ສອນ ເປັນ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ, ສະຫາຍ ນາງ ກອງ​ມະນີ ນັນ​ເທພາ ເປັນ​ຮອງ​ເລຂາ, ສະຫາຍ ສົມ​ນັກ ໄຊ​ປັນຍາ ເປັນ​ຮອງ​ເລຂາ ທັງ​ ເປັນ​ປະທານ​ກວດ​ກາ.

(ຂ່າວ​-​ພາບ: ຈາກ​ສູນ​ກາງ​ຊາວ​ໜຸ່ມ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110