ສົກຮຽນ 2020 - 2021 ສມປຊ ມີນັກສຶກສາທັງໝົດ 759 ຄົນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 07/10/2020 10:28:45 ຈຳ​ນວນ​​ຢ້ຽມ​ຊົມ 940 ຄັ້ງ

   ໃນ​ສົກຮຽນ 2019-2020 ນີ້ ສມປຊ ມີ​ນັກ​ສຶກສາ​ທັງໝົດ ຈຳນວນ 759 ຄົນ, ຍິງ 191 ຄົນ, ປະກອບ​ມີລະບົບ​ເລັ່ງລັດ 5 ເດືອນ, ລະບົບ​ອະນຸປະລິນ ຍາ, ລະບົບ​ປະລິນຍາ​ຕີ, ລະ ບົບ​ປະລິນຍາ​ຕີ​ຕໍ່​ເນື່ອງ ແລະ ລະບົບ​ປະລິນຍາ​ໂທ ຊຶ່ງ​ພິທີ​ເປີດ​ສົກຮຽນ​ໃໝ່ 2020-2021 ແລະ ສະເຫຼີມສະຫຼອງ​ວັນ​ຄູ​ແຫ່ງ​ຊາດ ຄົບຮອບ 26 ປີ, ໄດ້​ຈັດ​ຂຶ້ນ​ໃນ​ວັນ​ທີ 6 ຕຸລາ​ນີ້ ທີ່ ສມປຊ ເປັນ​ກຽດ​ເຂົ້າ​ຮ່ວມ​ມີ ທ່ານ ພູ​ວົງ ອຸ່ນ​ຄຳ​ແສນ ເລຂາ​ຄະນະ​ພັກ ຮັກສາ​ການ​ຫົວໜ້າ​ສະຖາ​ບັນ​ການເມືອງ ແລະ ການ​ປົກຄອງ​ແຫ່ງ​ຊາດ, ມີ​ບັນດາ​ແຂກ​ທີ່​ຖືກ​ເຊີນ​ພ້ອມ​ດ້ວຍ​ພະນັກງານ​ຄູ​ - ອາຈານ ແລະ ນັກ​ສຶກສາ​ເຂົ້າ​ຮ່ວມ.
ທ່ານ ນາງ ໄກສອນ ຈັນ​ສີ​ນາ ຫົວໜ້າ​ກົມ​ຄຸ້ມ​ຄອງ​ການ​ຮຽນ​ -​ ການ​ສອນ ສມປຊ ໄດ້​ ລາຍ​ງານ​ໃຫ້​ຮູ້​ວ່າ: ທົ່ວ ສມປຊ ປະກອບ​ມີພະນັກງານ​ລັດຖະ ກອນ​ທັງ​ໝົດ 238 ຄົນ, ຍິງ 103 ຄົນ. ໃນ​ນັ້ນມີ​ຄູ​ - ອາຈານ ທັງ​ໝົດ 163 ຄົນ ຍິງ 56 ຄົນ (ເປັນ​ຄູ​ປະ​ຈໍາ 138 ຄົນ ຍິງ 52 ຄົນ, ຄູ​ສອນ​ຊ່ວຍ 29 ຄົນ ຍິງ 4 ຄົນ). ລະດັບ​ວຸດ​ທິ​ການ​ສຶກສາ ຂອງ​ພະນັກງານ, ຄູ​ - ອາຈານ ປະກອບມີ ຮອງ​ສາສະດາຈານ 2 ຄົນ; ປະລິນຍາ​ເອກ 17 ຄົນ, ຍິງ 5 ຄົນ; ປະລິນຍາ​ໂທ 67 ຄົນ, ຍິງ 28 ຄົນ; ປະລິນຍາ​ຕີ 143 ຄົນ, ຍິງ 68 ຄົນ; ຊັ້ນ​ສູງ 6 ຄົນ, ຍິງ 2 ຄົນ; ຊັ້ນ​ກາງ 2 ຄົນ, ຍິງ 1 ຄົນ; ຊັ້ນ​ຕົ້ນ 3 ຄົນ, ຍິງ 0 ຄົນ. ນອກຈາກ​ນີ້, ສະ​ຖາບັນ​ການເມືອງ ແລະ ການ​ປົກຄອງ​ແຫ່ງ​ຊາດ ຍັງ​ໄດ້​ເຊື້ອ​ເຊີນ​ອາຈານ​ພາກສ່ວນ​ຕ່າງໆ ພ້ອມ​ດ້ວຍ​ພະນັກງານ​ອາ​ວຸ​ໂສ​ບໍາ​ນານ ຂຶ້ນ​ປາຖະກະຖາ​ຕາມ​ຫົວຂໍ້​ສະເພາະ​ທີ່​ພົ້ນ​ເດັ່ນ​ໃນ​ແຕ່​ລະ​ໄລ​ຍະ.
ການຈັດຕັ້ງ​ການ​ຮຽນ​-​ການ​ສອນ ໃນ​ສົກຮຽນ 2020-2021 ນີ້ ແມ່ນ​ໄດ້​ເລີ່ມ​ມາ​ແຕ່​ວັນ​ທີ 21 ກັນຍາ 2020 ປະກອບ​ມີ 5 ລະບົບ​ຮຽນ ດັ່ງນີ້: ລະບົບຊັ້ນ​ສູງ​ເລັ່ງ​ລັດ 5 ເດືອນ ມີ 2 ຮຸ່ນ. ລະບົບອະນຸ​ປະລິນຍາ (2 ປີ) ມີ 2 ຮຸ່ນ, ລະບົບປະລິນຍາ​ຕີ (4 ປີ) ມີ 3 ຮຸ່ນ. ລະບົບປະລິນຍາ​ຕີ​ຕໍ່​ເນື່ອງ 1 ປີ 6 ເດືອນ ມີ 2 ຮຸ່ນ, ລະບົບປະລິນຍາ​ໂທ ມີ 2 ຮຸ່ນ, ສັງ​ ລວມ​ແລ້ວ, ໃນ​ສົກຮຽນ 2020 -2021 ນີ້​ມີ​ນັກ​ສຶກສາ​ທັງ​ໝົດ ຈຳນວນ 759 ຄົນ, ຍິງ 191 ຄົນ.
ໃນ​ໂອກາດ​ເປີດ​ສົກຮຽນ​ໃໝ່ ແລະ ສະເຫຼີມສະຫຼອງ​ວັນ​ຄູ​ແຫ່ງ​ຊາດ ຄົບຮອບ 26 ປີ ຍັງ​ໄດ້​ມີ​ການມອບ​ໃບ​ຍ້ອງຍໍ​ໃຫ້​ຄູ​ສອນ​ດີ​ສອນ​ເກັ່ງ ຈຳນວນ 49 ຄົນ ໃນ​ນີ້​ມີ ປະເພດ​ທີ I ຈຳນວນ 41 ຄົນ ຍິງ 15 ຄົນ, ປະເພດ​ທີ II ຈຳນວນ 8 ຄົນ ຍິງ 3 ຄົນ.
ໃນ​ໂອ​ກາດ​ນີີ້ ທ່ານ ພູ​ວົງ ອຸ່ນ​ຄຳ​ແສນ ກໍໄດ້​ໃຫ້​ກຽດ​ຂຶ້ນ​ມອບ​ໃບ​ຍ້ອງ​ຍໍໃຫ້​ແກ່​ຄູ​ສອນ​ດີ​ສອນ​ເກັ່ງ​ຕາມ​ລຳດັບ ແລະ ໃຫ້​ກຽດ​ໂອ້​ລົມ​ ເພື່ອ​ເປັນ​ເຂັມ​ທິດ​ເຍື່ອງ​ທາງ, ເພື່ອ​ເປັນ​ບ່ອນ​ອີງ​ໃນ​ການ​ກວດກາ ໃນ​ສົກຮຽນ 2020-2021 ພວກ​ເຮົາ​ຕ້ອງ​ເອົາໃຈໃສ່​ດັ່ງນີ້: ສຳລັບ​ການ ຮຽນ​ -​ ການ​ສອນນອກຈາກປະ ຕິບັດ​ຕາມ​ແຜນການ​ຮຽນ ​-​ການ​ສອນ​ແລ້ວຕ້ອງ​ເອົາໃຈໃສ່ ປະຕິບັດ 3 ເຂັ້ມຄື: ຮຽນເຂັ້ມ ງວດ, ສອນ​ເຂັ້ມ​ງວດ ແລະ ປະ ຕິບັດ​ວິ​ໄນ​ເຂັ້ມ​ງວດ ເພື່ອຮັບ ປະກັນ​ໃຫ້ການ​ຮຽນ​ໄດ້ທັງປະ ລິມານ ແລະ ຄຸນ​ນະ​ພາບເຮັດ ຕ້ອງ​ປ່ຽນແປງ​ວິທີ​ການ​ຮຽນ, ວິທີ​ການ​ສຳ​ມະ​ນາ, ວິທີ​ການ​ສອບເສັງ, ການ​ປະເມີນ​ຜົນ ແລະ ເຮັດ​ບົດ​ລາຍ​ງານ.
(ຂ່າວ​-​ພາບ:ສມປຊ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110