ສະຫາຍ ບຸນຍັງ ວໍລະຈິດ ເຂົ້າຮ່ວມກອງປະຊຸມສຳມະນາ ສາກົນທາງໄກຂອງບັນດາພັກການເມືອງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 13/10/2020 08:45:56 ຈຳ​ນວນ​​ຢ້ຽມ​ຊົມ 656 ຄັ້ງ

ໃນ​ໂອກາດ​ທີ່ພັກ​ກອມ​ມູ​ນິດ​ຈີນ ເປັນ​ເຈົ້າພາບ​ຈັດ​ກອງ​ປະ​ຊຸມ​ສໍາ​ມະ​ນາສາ​ກົນ​ທາງໄກ ພາຍ​ໃຕ້​ຫົວຂໍ້: “ການ​ຫຼຸດ​ພົ້ນ​ຈາກ​ຄວາມທຸກ​ຍາກ ແລະ ພາລະ​ໜ້າທີ່​ຂອງ​ພັກ​ການເມືອງ” ຢູ່ແຂວງ​ຟູ​ຈ້ຽນ ສປ ຈີນ ໃນ​ວັນ​ທີ 12-13 ຕຸລາ 2020 ໂດຍ​ມີ​ຜູ້ຕາງໜ້າພັກ ​ການເມືອງ​ຈຳນວນ 400 ທ່ານ ຈາກ 100 ກວ່າ​ປະເທດໃນໂລກ, ນອກ​ນັ້ນ ຍັງ​ມີ​ສະຖານທູດ​ຕ່າງປະເທດ​ປະຈຳ ສປ ຈີນ, ຜູ້ຕາງໜ້າ​ຂອງ​ອົງການ​ຈັດ​ຕັ້ງ​ສາກົນ ປະຈຳ ສປ ຈີນ, ສື່ີ ມວນຊົນ​ບັນດາ​ປະ​ເທດ​ກໍາ​ລັງ​ພັດທະນາ ແລະ ຜູ້​ຊ່ຽວຊານ​ຕ່າງໆ ໄດ້​ເຂົ້າ​ຮ່ວມ​ກອງ​ປະຊຸມ​ແບບ​ທາງໄກ ແລະ ເຂົ້າ​ຮ່ວມ​ຢູ່​ສະຖານທີ່​ຕົວ​ຈິງ. ສະຫາຍ ບຸນ​ຍັງ ວໍລະ​ຈິດ ເລຂາທິການ​ໃຫຍ່ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ​ປະຕິວັດ​ລາວ ໄດ້​ເຂົ້າ​ຮ່ວມ ແລະ ກ່າວ​ຄຳ​ປາ​ໄສ​ຜ່ານ​ວີດີ​ໂອ​ທາງໄກ ໃນ​ພິທີ​ເປີດ​ກອງ​ປະຊຸມ​ດັ່ງກ່າວ ໂດຍ​ໄດ້​ຕີ​ລາຄາ​ເຖິງ​ຄວາມ​ໝາຍ​ຄວາມ​ສຳຄັນ​ຂອງ​ກອງ​ປະຊຸມ​ວ່າ: ຫົວຂໍ້​ຂອງ​ກອງ​ປະຊຸມ​ຄັ້ງ​ນີ້ ມີ​ຄວາມ​ໝາຍ​ສໍາ​ຄັນ​ດ້ານ​ຍຸດທະສາດ ທັງ​ມີ​ລັກສະນະ​ສາກົນ, ເພາະ​ການ​ລຶບລ້າງ​ ຄວາມທຸກ​ຍາກ​ໃຫ້​ແກ່​ປະຊາ ຊົນແມ່ນ​ໜຶ່ງ​ໃນ​ພາ​ລະ​ກໍາ​ປະ ຫວັດສາດ, ທັງ​ແມ່ນ​ຄວາມ​ຮັບ ຜິດຊອບ, ພັນທະ ແລະ ໜ້າທີ່ຂອງ​ບັນດາ​ພັກ​ການເມືອງ ເພື່ອ​ ນໍາ​ເອົາ​ຄວາມ​ຮັ່ງມີ​ຜາສຸກໃຫ້​ ແກ່​ປະຊາ​ຊົນ. ກອງ​ປະຊຸມເປັນ ​ໂອກາດ​ທີ່​ດີ​ໃຫ້​ແກ່​ບັນດາ​ພັກ ​ການເມືອງ​ໃນ​ໂລກໄດ້​ຮັບ​ຊາບ ​ເຖິງ​ຜົນ​ສໍາ​ເລັດ, ຄວາມ​ຫຍຸ້ງ ຍາກ​ໃນ​ການ​ແກ້​ໄຂ​ຄວາມທຸກ​ຍາກ​ຂອງ​ບັນດາ​ປະເທດ, ທັງ​ເປັນ​ໂອກາດ​ດີ​ໃນ​ການ​ເພີ່ມ​ທະວີ​ການ​ແລກປ່ຽນ​ບົດຮຽນ​ຮ່ວມ​ກັນ ໃນ​ການ​ແກ້​ໄຂ​ຄວາມ ທຸກ​ຍາກ ແລະ ສ້າງ​ຄວາມຮັ່ງ ມີ​ຜາ​ສຸກ​ໃຫ້​ແກ່​ປະຊາ​ຊົນ. ສະ ຫາຍ​ເລຂາທິການ​ໃຫຍ່ຍັງ​ໄດ້​ຊົມເຊີຍ ແລະ ຕີ​ລາຄາ​ສູງຕໍ່ຜົນ ​ສໍາ​ເລັດ​ໃນ​ການ​ພັດທະນາ​ເສດ​ຖະ​ກິດ​-​ສັງຄົມຂອງ ສປ ຈີນ ໃນ​ຕະຫຼອດ​ໄລຍະ 71 ປີ​ທີ່​ຜ່ານ ​ມາ ພາຍ​ໃຕ້​ການ​ນໍາ​ພາອັນຖືກ ຕ້ອງ, ປະດິດ​ສ້າງ ແລະ ຮອບ ດ້ານ​ຂອງພັກ​ກອມມູນິດຈີນ, ຈາກ​ທີ່​ເປັນ​ປະເທດ​ທຸກ​ຍາກ​ຫຼ້າ ຫຼັງ, ປະເທດ​ຈີນໄດ້​ກາຍເປັນ​ປະເທດ​ຮັ່ງມີ, ເຂັ້ມແຂງ ແລະ ທັນ​ສະໄໝ, ກໍາ​ລັງ​ການ​ຜະລິດ​ໄດ້​ຮັບ​ການ​ປົດ​ປ່ອຍ, ປະຊາຊົນ​ຈີນ​ຫຼາຍ​ຮ້ອຍ​ລ້ານ​ຄົນ ໄດ້​ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ​ຂາດເຂີນ​ທາງ​ດ້ານ​ວັດຖຸ​ສິ່ງ​ຂອງ​ທີ່​ເປັນ​ປັດ​ໄຈ​ພື້ນຖານ​ຂອງ​ການ​ດໍາ​ລົງ​ຊີວິດ ແລະ ກ້າວໄປ​ ເຖິງ​ລະດັບ​ທີ່​ມີ​ຄວາມ​ອີ່ມ​ໜໍາ ສໍາ​ລານ​ໂດຍ​ພື້ນຖານພຽງ​ໃນ​ໄລຍະ​ເວລາ​ສັ້ນໆ ຊຶ່ງ​ເປັນ​ປະ ກົດ​ການ​ທີ່​ບໍ່​ເຄີຍ​ມີ​ມາ​ກ່ອນ​ໃນ​ປະ ຫວັດສາດ​ຂອງ​ມວນ​ມະນຸດ ແລະ ສະແດງ​ຄວາມ​ເຊື່ອ​ໝັ້ນ​ວ່າ ພາຍ​ໃຕ້​ການ​ນໍາ​ພາ​ຂອງ ພັກ​ກອມ​ມູ​ນິດ​ຈີນທີ່​ມີສະຫາຍ​ເລຂາທິການ​ໃຫຍ່ ສີ​ຈິ້ນ​ຜິງ ເປັນ​ແກນ​ກາງ, ດ້ວຍ​ບົດຮຽນ, ປະສົບ​ການ​ທີ່​ອຸດົມສົມບູນ ແລະ ຜົນ​ສໍາ​ເລັດ​ອັນ​ໂດດ​ເດັ່ນ​ໃນ​ການ​ແກ້​ໄຂ​ຄວາມທຸກ​ຍາກ​ໃຫ້​ແກ່​ປະຊາຊົນ​ຂອງ​ພັກ​ກອມ​ມູ​ນິດ​ຈີນ, ປະຊາຊົນ​ຈີນຈະ​ບັນລຸ​ຜົນ​ສໍາ​ເລັດ​ໃນ​ການ​ສ້າງ​ສັງຄົມ​ທີ່​ອີ່ມ​ໜໍາສໍາ​ລານ​ຢ່າງຮອບດ້ານ ຕາມ​ທີ່​ຄາດໝາຍ​ໄວ້.
ໃນ​ໂອກາດ​ດັ່ງກ່າວ, ສະ ຫາຍ ບຸນ​ຍັງ ວໍລະ​ຈິດ ຍັງ​ໄດ້​ຍົກ​ໃຫ້​ເຫັນ​ບົດຮຽນ​ໃນ​ການ​ແກ້​ໄຂ​ຄວາມທຸກ​ຍາກ​ຂອງປະ ຊາຊົນ​ຢູ່ ສປປ ລາວ ຊຶ່ງ​ຍາມ ໃດພັກປະຊາຊົນປະຕິວັດ​ລາວ ກໍຖືເອົາ​ວຽກ​ງານ​ການລຶບລ້າງ​ຄວາມທຸກ​ຍາກ ແລະ ສ້າງ ​ຄວາມ​ຜາ​ສຸກ​ໃຫ້ແກ່​ປະຊາຊົນ​ ລາວ​ບັນດາເຜົ່າເປັນ​ວຽກ​ບຸລິ ມະ​ສິດ​ອັນ​ໜຶ່ງໃນ​ການ​ພັດທະ ນາ​ເສດ​ຖະ​ກິດ​-​ສັງຄົມ​ແຫ່ງ​ຊາດ ແລະ ວຽກ​ງານ​ດັ່ງກ່າວໄດ້​ ຮັບ​ການຈັດຕັ້ງ​ປະຕິບັດຢ່າງ ​ຕັ້ງ ໜ້າ ແລະ ປະສົບ​ຜົນ​ສໍາເລັດ ​ເປັນ​ກ້າວໆ​ມາ ພ້ອມ​ນັ້ນ, ສະ ຫາຍ​ເລຂາທິການ​ໃຫຍ່ໄດ້​ຕີ​ລາຄາ​ສູງ​ຕໍ່​ແນວຄວາມ​ຄິດ​ໃນ​ການ​ສ້າງ​ປະຊາ​ຄົມ​ຮ່ວມ​ຊາ​ຕາ​ກໍາ​ຂອງ​ມວນ​ມະນຸດ ທີ່​ສະເໜີ​ໂດຍສະຫາຍ​ເລຂາທິການ​ໃຫຍ່ ສີ​ຈິ້ນ​ຜິງ ຊຶ່ງ​ສອດຄ່ອງ​ກັບ​ທ່າ​ອ່ຽງ​ຂອງ​ຍຸກ​ສະໄໝ ແລະ ຮຽກຮ້ອງ​ໃຫ້​ບັນດາ​ພັກ​ການເມືອງ​ໃນ​ໂລກ ຈົ່ງ​ເພີ່ມທະ ວີ​ການ​ປະສານ​ສົມທົບ​ຊຶ່ງ​ກັນ ​ແລະ ​ກັນ ແລະ ຮ່ວມມືກັນຢ່າງ​ ແໜ້ນ​ແຟ້ນ ເພື່ອ​ເຮັດ​ໃຫ້​ປະ ຊາຊົນ​ຫຼຸດ​ພົ້ນ​ອອກ​ຈາກຄວາມ ທຸກ​ຍາກ ແລະ ກ້າວ​ໄປ​ສູ່​ຄວາມ​ ຮັ່ງມີ​ຜາ​ສຸກ, ປະກອບສ່ວນ​ສູ້​ຊົນ​ເຮັດ​ໃຫ້​ບັນດາ​ເປົ້າໝາຍ​ສະຫັດ​ສະ​ວັດ​ແຫ່ງ​ການ​ພັດທະ ນາຂອງອົງການ​ສະຫະ​ປະຊາ ຊາດວາງ​ໄວ້ບັນລຸ​ຕາມ​ຄາດ​ໝາຍ.
(ຂ່າວ: ຄຕພ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110