ທພລ ຈັບມືກັບທະນາຄານກຸງສີ ບໍລິການໂອນເງິນລະຫວ່າງປະເທດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 14/10/2020 09:14:55 ຈຳ​ນວນ​​ຢ້ຽມ​ຊົມ 554 ຄັ້ງ

   ທະ­ນາ­ຄານ​ພັດ­ທະ­ນາ​ລາວ (ທພລ) ຮ່ວມ​ກັບ​ທະ­ນາ ຄານ​ກຸງ​ສີ​ອາ​ຍຸດ​ທະ​ຍາ ມະຫາ­ ຊົນ ຈໍາ​ກັດ ຮ່ວມ​ກັນຈັດ​ພິ­ທີ​ເປີດ “ການ​ໃຫ້​ບໍ­ລິ­ການ​ລະ ບົບ​ໂອນ​ເງິນ​ລະ­ຫວ່າງ​ປະ­ເທດ ແບບ Real Time” ຜ່ານ​ລະ ບົບ​ປະ­ຊຸມ​ທາງ­ໄກ (Virtual conference) ຂຶ້ນ​ໃນ​ວັນ​ທີ 12 ຕຸ­ລາຜ່ານ​ມາ​ນີ້ ທີ່​ໂຮງ­ແຮມ​ຄຣາ​ວພ​ລາ­ຊາ ນະ­ຄອນ­ຫຼວງ​ວຽງ​ຈັນ ໂດຍ​ການ​ໃຫ້​ກຽດ​ເຂົ້າ​ຮ່ວມ​ຂອງ​ ທ່ານ ພຸດ​ທະ​ໄຊ ສີວິໄລ ຮອງ​ຜູ້​ວ່າ­ການທະນາ ­ຄານ​ ແຫ່ງ ສປປ ລາວ ປະທານ ​ສະ­ພາ​ບໍ­ລິ­ຫານ ທພລ; ທ່ານ ອາ­ຄົມ ປຣະ​ເສີດ ຜູ້­ອຳ­ນວຍ­ ການ ທພລ ພ້ອມ​ຄະ­ນະ; ສຳ­ ລັບ​ຝ່າຍ​ໄທ​ແມ່ນ​ຈັດ​ຂຶ້ນ​ທີ່​ບາງ ກອກ ປະ­ເທດ​ໄທ ໂດຍ​ການ​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ​ນາງ ບຸດ­ສະ­ກອນ ທິ​ລາ​ປັນ­ຍາ​ໄຊ ຜູ້​ອໍາ​ນວຍ​ການ​ອາ­ວຸ­ໂສ ຝ່າຍ​ນະ­ໂຍ­ບາຍ​ລະ­ບົບ​ການ​ຊໍາ​ລະ​ເງິນ, ທະ­ນາ­ຄານ​ ແຫ່ງ ປະ­ເທດ​ໄທ; ທ່ານ ແດນ ຮາ​ໂຊ​ໂນ ຄະ ​ນະ​ກໍາ​ມາ​ທິ​ການ​ຜູ້​ບໍ­ລິ­ຫານ​ທະ­ ນາ­ຄານ​ກຣຸງ​ສີ​ອາ​ຍຸດ​ທະ​ຍາ ມະ­ຫາ­ຊົນ ຈໍາ​ກັດ ປະ­ເທດ​ໄທ ພ້ອມ​ຄະ​ນະ.
ການ​ຮ່ວມ​ມື​ຄັ້ງ​ນີ້, ເພື່ອ​ເປັນການ​ສືບ­ຕໍ່​ພັດ­ທະ­ນາ​ດ້ານ​ການ​ບໍ­ລິ­ການ​ຫັນ​ໄປ​ສູ່​ທັນ​ສະ ­ໄໝ ຕອບ​ສະ­ໜອງ​ແກ່​ສັງຄົມ, ທພລ ໄດ້​ເລີ່ມ​ຕົ້ນ​ສ້າງ​ສາຍ​ສໍາ​ພັນ ແລະ ຮ່ວມ​ມື​ກັບ​ທະ­ນາ ­ຄານ​ກຣຸງ​ສີ ຊຶ່ງ​ເປັນ​ທະ­ນາ ­ຄານ​ໃຫຍ່​ອັນ​ດັບ​ຕົ້ນໆ​ຂອງ​ປະ­ເທດ​ໄທ ແລະ ມີ​ສາ­ຂາ​ຕັ້ງ​ຢູ່​ນະ ຄອນ­ຫຼວງ​ວຽງ​ຈັນ. ໃນ​ປີ 2019 ທພລ ແລະ ທະ­ນາ ­ຄານ​ກຸງ​ສີໄດ້​ມີ​ການ​ປຶກ­ສາ​ຫາ­ລື​ກັນກ່ຽວ​ກັບ​ຄວາມ ເປັນ​ໄປ​ໄດ້​ໃນ​ການ​ຮ່ວມ​ມື​ລະ­ຫວ່າງ 2 ຝ່າຍ ເພື່ອ​ສະ ໜອງ​ການ​ບໍ­ລິ ­ການ​ໃຫ້​ແກ່​ລູກ​ຄ້າ​ທັງ 2 ທະ​ນາ​ຄານ. ຜ່ານ​ການ​ປຶກ­ສາ​ຫາ ­ລືເຖິງ​ຈະ​ເປັນ​ໄລ­ຍະ​ເວ­ລາ​ອັນ​ສັ້ນ ແຕ່​ທັງ 2 ຝ່າຍ ໄດ້​ມີ​ການ​ຕົກ­ລົງ​ໃຫ້​ມີ​ການ​ເຊື່ອມ​ໂຍງ​ລະ­ບົບ​ການ​ຊໍາ​ລະສະສາງ​ ລະ ­ຫວ່າງ​ປະເທດຮ່ວມກັນ ເພື່ອ ອໍານວຍຄວາມສະດວກໃຫ້​ ແກ່​ລູກ​ຄ້າທີ່​ເປັນ​ນິຕິ­ບຸກຄົນ ແລະ ບຸກ­ຄົນສາ​ມາດ​ດໍາ​ເນີນ​ທຸ​ລະ​ກໍາ​ການ​ໂອນ​ເງິນ​ຊໍາລະ­ສະ​ສາງ​ລະ­ຫວ່າງ​ປະ­ເທດ (ລາວ ແລະ ໄທ) ໄດ້​ຢ່າງ​ວ່ອງ­ໄວ, ສະ­ດວກ​ສະ­ບາຍ ແລະ ມີ​ຄ່າ​ທໍາ​ນຽມຕໍ່າ ເປັນ​ການ​ສ້າງ​ເງື່ອນ­ໄຂ​ໃຫ້ຜູ້​ປະ­ ກອບ​ການ​ຫຼຸດ​ຕົ້ນ​ທຶນ​ໃນ​ການ​ດໍາ​ເນີນ​ທຸ​ລະ​ກໍາ​ທາງ​ດ້ານ​ການ​ເງິນ ຖື​ເປັນ​ການ​ຊຸກ­ຍູ້​ບັນ­ດາ​ຂະ­ແໜງ­ການ​ທຸ­ລະ​ກິດ​ພາຍ​ໃນ​ປະເທດ ຊຶ່ງ​ກໍເປັນ​ອີກ​ຮູບ​ແບບ​ໜຶ່ງ​ໃນ​ການ​ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ເສດ​ຖະ​ກິດ​-​ສັງ­ຄົມ​ຂອງ​ຊາດ ແລະ ສໍາ​ລັບ​ຜູ້​ໃຊ້​ແຮງ ງານກໍຈະ​ສາ­ມາດ​ໂອນ​ເງິນ​ກັບ​ບ້ານ ດ້ວຍ​ຄ່າ​ທໍາ​ນຽມ​ທີ່​ຕາໍ່ ຊຶ່ງ​ຈະ​ເຮັດ​ໃຫ້​ທຸ​ລະ​ກໍາ​ການ​ໂອນ​ເງິນ​ເຂົ້າ​-​ອອກ​ຜ່ານ​ລະ­ບົບ​ທະ­ນາ­ຄານເພີ່ມ​ຂຶ້ນ, ຖື​ເປັນ​ການ​ກະ​ຕຸ້ນ​ເສດ­ຖະ­ກິດ​ເຊັ່ນ​ກັນ.
ໂຄງ­ການ​ດັ່ງ­ກ່າວ​ນີ້ ໄດ້​ຈັດ​ຕັ້ງ​ປະ­ຕິ­ບັດ​ນັບ​ແຕ່​ເດືອນ ກຸມ­ພາ 2020 ມາ​ຮອດ​ປັດຈຸ​ບັນແມ່ນ​ມີ​ຄວາມ​ພ້ອມ​ທີ່​ຈະ​ສະ­ໜອງການ​ບໍ­ລິ­ການ​ໃຫ້​ແກ່​ລູກ​ຄ້າ​ຂອງ​ທັງ 2 ທະ­ນາ­ຄານ ຊຶ່ງ​ໂຄງ­ການ​ໄລ​ຍະ​ທໍາ​ອິດ​ນີ້ ລູກ​ຄ້າ​ຈະ​ສາ­ມາດ​ໂອນ​ເງິນ​ຈາກ​ລາວ ຫາ ໄທ ຜ່ານ ປ່ອງ​ບໍ­ລິ­ການ​ຂອງ ທພລ ທົ່ວ​ປະ­ເທດ, ໄລ­ຍະ​ຕໍ່​ໄປ​ຈະ​ກ້າວ​ໄປ​ສູ່​ການ​ໂອນ​ເງິນ ໂດຍ​ຜ່ານ Mobile Banking ແລະ Internet Banking ຂອງ ທພລ ແລະ ກ້າວ​ໄປ​ສູ່​ການ ເຊື່ອມ​ໂຍງ​ການ​ບໍ­ລິ­ການ​ຜ່ານ​ຕູ້ ATM, ເຄື່ອງ​ຮູດ​ບັດ EDC ແລະ QR Code ຮ່ວມ​ກັນ. ພິ­ເສດ​ນັບ​ແຕ່​ເດືອນ​ຕຸ­ລາ ເຖິງ​ເດືອນ​ທັນ­ວາ ປີ 2020 ນີ້; ທະ­ນາ­ຄານ ໄດ້​ມີ​ໂປ​ຣ​ໂມ​ຊັນ ສໍາ​ລັບ​ລູກ​ຄ້າ​ທີ່​ເຂົ້າ​ມາ​ໃຊ້​ບໍ­ລິ­ການ​ດັ່ງ­ກ່າວ​ຄື: ຍົກ­ເວັ້ນ​ຄ່າ​ທໍາ​ນຽມ​ການ​ໂອນ​ເງິນ​ຈາກ ໄທ​ມາ​ລາວ ແລະ ເກັບ​ຄ່າ​ທໍາ​ນຽມ​ພຽງ 50% ສໍາ​ລັບ​ລູກ​ຄ້າ​ທີ່​ໂອນ​ເງິນ ຈາກ ລາວ​ໄປໄທ.
ໃນ​ພິ­ທີ​ສຳ­ຄັນ​ນີ້, ບັນ­ດາ​ຄະ­ນະ​ນຳ​ຈາກ 2 ທະ­ນາ­ຄານ​ກາງ ແລະ ຄູ່​ທະ­ນາ­ຄານ​ທຸ­ລະ​ກິດ ໄດ້​ຜັດ​ປ່ຽນ​ກັນ​ມີ​ຄຳ​ເຫັນ ໂດຍ​ໄດ້​ສ່ອງ​ແສງ​ໃຫ້​ເຫັນ​ວ່າ: ການ​ເຮັດ​ທຸ­ລະ​ກິດ​ສ່ວນ​ໃຫຍ່ ແມ່ນ​ເຊື່ອມ​ຕໍ່​ເຂົ້າ​ເທິງ​ລະ­ບົບ​ອອນ​ລາຍ​ທັງ​ໃນ​ພາກ​ພື້ນ ແລະ ທົ່ວ​ໂລກ. ດ້ວຍເຫດ​ນີ້, ການ​ດໍາ​ເນີນ​ທຸ​ລະ​ກໍາ​ການ​ຊໍາ​ລະ­ສະ​ສາງ​ໃນ​ລະ­ບົບ​ທະ­ນາ­ຄານ ກໍ່​ຄົງ​ຈະ​ບໍ່​ຢູ່​ພຽງ​ແຕ່​ພາຍ​ໃນ​ປະ­ເທດ​ເທົ່າ​ນັ້ນ ແຕ່​ກໍສາ­ມາດສ້າງ​ກົນ​ໄກ​ທີ່​ອໍາ​ນວຍ​ຄວາມ​ສະ­ດວກ​ໃຫ້​ແກ່​ການ​ພັດ­ທະ­ນາ​ເສດ​ຖະ​ກິດ​-​ສັງ­ຄົມ, ບັນ­ດາ​ຫົວ­ໜ່ວຍ​ທຸ­ລະ​ກິດ ລວມ​ເຖິງ​ທະ­ນາ­ຄານ ທີ່​ເປັນ​ສື່​ກາງ​ທາງ​ການ​ເງິນ ຈຶ່ງ​ມີ​ຄວາມ​ຈໍາ​ເປັນ​ໃນ​ການ​ປັບ​ໂຕ ແລະ ພັດ­ທະ­ນາ​ເຄື່ອງ­ມື​ທີ່​ທັນ​ສະ­ໄໝທີ່​ສາ­ມາດ​ຮອງ​ຮັບ​ໄດ້​ທັນ​ກັບສະ­ພາບ​ການ ແລະ ກໍ່​ເປັນ​ການ​ຮ່ວມ​ມື​ກັນ​ລະ­ຫວ່າງ 2 ທະ­ນາ­ຄານ​ດັ່ງ­ກ່າວ ທີ່​ເປັນ​ນິ­ມິດ​ໝາຍ​ທີ່​ດີ ທີ່​ໃຫ້​ປະ­ໂຫຍດ​ແກ່​ປະ­ຊາ­ຊົນ​ທັງ 2 ຊາດກໍ​ຄື​ ປະ­ກອບ­ສ່ວນ​ເຂົ້າ​ໃນ​ການ​ພັດ ­ທະ­ນາ​ຂະ­ແໜງ­ການ​ທະ­ນາ ຄານ​ຂອງ ສປປ ລາວ ແລະ ໄທ ນຳ​ອີກ.
(ຂ່າວ​-​ພາບ: ຣັດ​ສະ­ໝີ ດວງ​ສັດ­ຈະ) 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110