ທ່ານ ສີຈິ້ນຜິງ ກ່າວເຖິງເຂດເສດຖະກິດພິເສດເສີ່ນເຈີ້ນ ເປັນບົດຮຽນອັນລ້ຳຄ່າ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 16/10/2020 09:42:42 ຈຳ​ນວນ​​ຢ້ຽມ​ຊົມ 402 ຄັ້ງ

ຂ່າວສານ​ຊີ​ອາ​ໄອ​ລາຍ​ງານ​ວ່າ: ວັນ​ທີ 14 ຕຸລາ​ຜ່ານ​ມາ, ພິທີ​ສະເຫຼີມສະຫຼອງ​ວັນ​ສ້າງຕັ້ງ​ເຂດ​ເສດຖະກິດ​ພິເສດ​ເສີ່ນ​ເຈີ້ນ ຄົບຮອບ 40 ປີ ໄດ້​ຈັດ​ຂຶ້ນ​ຢ່າງ​ຄຶກ​ຄື້ນ. ໃນ​ພິທີ​ດັ່ງກ່າວ, ທ່ານ ສີ​ຈິ້ນ​ຜິງ ປະທານ​ປະເທດ​ຈີນ ໄດ້​ສະເໜີ 10 ຫຼັກການ​ສຳຄັນ ເພື່ອ​ພັດທະນາ​ເຂດ​ເສດຖະກິດ​ພິເສດ​ໃນ​ຍຸກ​ໃໝ່, ທ່ານ ສີ​ຈິ້ນ​ຜິງ ກ່າວ​ເນັ້ນ​ວ່າ: ໃນ​ການ​ສ້າງ​ເຂດ​ເສດຖະກິດ​ພິເສດ​ຂອງ​ຈີນ ຕ້ອງ​ຢຶດ​ໝັ້ນ​ການ​ນຳພາ​ຂອງ​ພັກ​ກອມ​ມູ​ນິດ​ຈີນ, ຕ້ອງ​ຢຶດ​ໝັ້ນ ແລະ ປັບປຸງ​ລະບອບ​ສັງຄົມ​ນິຍົມ ທີ່​ມີ​ສີສັນ​ພິເສດ​ຂອງ​ຈີນ.
ຂ່າວ​ລະບຸ​ວ່າ: ຫຼັກການ 10 ຂໍ້​ທີ່​ທ່ານ ສີ​ຈິ້ນ​ຜິ​ງ​ ສະເໜີ​ຄື: ຕ້ອງ​ຢຶດ​ໝັ້ນ​ການ​ບຸກ​ບືນ​ຢ່າງ​ກ້າຫານ, ປົດ​ປ່ອຍ​ທາງ​ດ້ານ​ແນວ​ຄິດ ເພື່ອ​ນຳພາ​ການ​ບຸກ​ທະລຸ​ການ​ປະຕິ​ຮູບ; ຕ້ອງ​ຢຶດ​ໝັ້ນ​ການ​ເປີດ​ປະຕູ​ສູ່​ພາຍ​ນອກ​ຢ່າງຮອບດ້ານ; ຕ້ອງ​ຢຶດ​ໝັ້ນ​ການ​ປະດິດ​ສ້າງ​ໃໝ່; ຕ້ອງ​ຢຶດ​ໝັ້ນ​ການ​ປະຕິ​ຮູບ ແລະ ການ​ພັດທະນາ​ທີ່​ນຳ​ເອົາ​ຜົນ​ປະໂຫຍດ​ມາ​ໃຫ້​ແກ່​ປະຊາຊົນ​ຫຼາຍ​ກວ່າ​ເກົ່າ ແລະ ຍຸຕິ​ທຳ​ກວ່າ​ເກົ່າ; ຕ້ອງ​ຢຶດ​ໝັ້ນ​ການ​ຄຸ້ມ​ຄອງ​ຕາມ​ກົດໝາຍ ເພື່ອ​ເປັນ​ສິ່ງ​ຮັບປະກັນ​ທີ່​ສຳຄັນ​ໃຫ້​ແກ່​ການ​ພັດທະນາ​ຂອງ​ເຂດ​ເສດຖະກິດ​ພິເສດ; ຕ້ອງ​ຢຶດ​ໝັ້ນ​ການ​ບັນລຸ​ເປົ້າ​ໝາຍ​ທີ່​ເຮັດ​ໃຫ້​ເສດ​ຖະ​ກິດ​-​ສັງຄົມ ແລະ ສິ່ງແວດລ້ອມ​ນິເວດ​ພັດທະນາ​ຢ່າງຮອບດ້ານ, ກົມກຽວ​ກັນ ແລະ ມີ​ຄວາມ​ຍືນ​ຍົງ; ຕ້ອງ​ຢຶດ​ໝັ້ນ​ໃນ​ການຈັດຕັ້ງ​ປະຕິບັດ​ແນວທາງ “ປະເທດ​ດຽວ ສອງ​ລະບອບ” ຢ່າງ​ຖືກຕ້ອງ, ຊຸກຍູ້​ໃຫ້​ແຜ່ນດິນ​ໃຫຍ່​ຈີນ ແລະ ເຂດ​ບໍລິຫານ​ພິເສດ​ຮົງ​ກົງ, ມາ​ກາວ ພັດທະນາ​ຢ່າງ​ກົມກຽວ​ກັນ ແລະ ຊ່ວຍ​ຊູ​ຍູ້​ໜູນ​ກັນ; ຕ້ອງ​ຢຶດ​ໝັ້ນ​ການ​ປະກອບສ່ວນ​ເຂົ້າ​ໃນ​ການ​ພັດທະນາ​ທົ່ວ​ປະເທດ​ຈີນ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110