ກອງປະຊຸມສຳມະນາກ່ຽວກັບການຄົ້ນຄວ້າວິທະຍາສາດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 16/10/2020 09:46:44 ຈຳ​ນວນ​​ຢ້ຽມ​ຊົມ 281 ຄັ້ງ

ຫ້ອງການ​ສະພາ​ວິທະຍາ ສາດ​ແຫ່ງ​ຊາດ ກະຊວງ​ວິທະ ຍາສາດ ແລະ ເຕັກ​ໂນ​ໂລ​ຊີໄດ້​ຈັດກອງ​ປະ​ຊຸມ​ສໍາ​ມະ​ນາ​ກ່ຽວ​ກັບ​ການ​ຄົ້ນຄວ້າ​ວິທະຍາສາດ ໃນ​ປີ 2020 ຂຶ້ນ​ໃນ​ວັນ​ທີ 15 ຕຸລາ​ນີ້​ ທີ່ສະ​ຖາ​ບັນ​ຄຸ້ມ​ຄອງ​ວິທະຍາສາດ ແລະ ເຕັກ​ໂນ​ໂລ​ຊີ ໂດຍ​ການ​ເປັນ​ປະທານ​ຂອງທ່ານ ສຸ​ລິ​ອຸ​ດົງ ສູນ​ດາລາ ຮອງ​ລັດຖະມົນຕີ ກະຊວງ​ວິ ທະ ຍາສາດ ແລະ ເຕັກ​ໂນ​ໂລ​ຊີ, ມີ​ ບັນດາ​ແຂກ​ທີ​່ຖືກ​ເຊີນ ແລະ ພະ ນັກງານ​ວິຊາ​ການ​ເຂົ້າ​ຮ່ວມ.
ກອງ​ປະ​ຊຸມ​ສໍາ​ມະນາ ກ່ຽວກັບ​ການ​ຄົ້ນຄວ້າວິທະຍາ ສາດແມ່ນ​​ເພື່ອ​ການແລກປ່ຽນ ບົດຮຽນ ແລະ ການ​ເຜີຍແຜ່ ວຽກ​ງານ​ການ​ຄົ້ນຄວ້າ​ວິທະຍາ ສາດ ແລະ ພັດທະນາ​ເຕັກ​ໂນ​ໂລ​ຊີ​ຂອງບັນດາຂະ ແ​ໜງ​ການຕ່າງໆ ເພື່ອ​ເປັນການ​ເຊື່ອມ​ໂຍງ​ລະ ຫວ່າງນັກຄົ້ນຄວ້າ​ດ້ວຍ​ກັນ ແລະ ເປັນການສ້າງ​ຈິດສໍານຶກ ໃຫ້​​ນັກຮຽນ​ທີ່ສົນໃຈ ແລະ ຮັກ​ ມັກ​ຮຽນ​ໃນ​ສາຂາ​ວິຊາ​ວິທະຍາ ສາດ​ໃຫ້ຮັບ​ຮູ້ ແລະ ເຂົ້າໃຈ​ເພີ່ມ​ ຂຶ້ນ​ຕື່ມ​ກ່ຽວ​ກັບ​ວຽກງານ​ວິທະ ຍາສາດ ແລະ ເຕັກໂນ​ໂລ​ຊີ.
ທ່ານ ສຸ​ລິ​ອຸ​ດົງ ສູນ​ດາລາ ໄດ້​ກ່າວວ່າ: ວຽກ​ງານ​ວິທະຍາ ສາດ ແລະ ເຕັກ​ໂນ​ໂລ​ຊີ ໃນ​ປັດຈຸ​ບັນ​ແມ່ນ​ມີ​ພາລະ​ບົດ​ບາດ​ສໍາ ຄັນ​ຫຼາຍ​ໃນ​ການ​ຂັບ​ເຄື່ອນ​ເສດ​ຖະ​ກິດ​-​ສັງ​ຄົມ. ຫຼາຍໆ​ປະເທດ​ທີ່​ພັດທະນາ​ແລ້ວ ໄດ້​ລົງທຶນ​ມະຫາສານ ​ເພື່ອ​ສ້າງພື້ນຖານ​ໂຄງ​ລ່າງ ແລະ ສ້າງ​ເງື່ອນໄຂ​ໃ​ຫ້ແກ່​ວຽກ​ງານ​ວິທະຍາສາດ ແລະ ເຕັກ​ໂນ​ໂລ​ຊີ​ເວົ້າ​ລວມ ເວົ້າ​ສະເພາະ​ແມ່ນວຽກງານ​ການ​ຄົ້ນຄວ້າ​ວິທະຍາສາດ ແລະ ພັດທະນາ​ເຕັກ​ໂນ​ໂລຊີ ເພາະ​ວຽກ​ງານ​ດັ່ງກ່າວ​ເປັນກຸນ ແຈ​ອັນ​ສໍາ​ຄັນ​ໃນ​ການ​ພັກ​ດັນ​ ການ​ພັດທະນາແບບ​ຍືນ​ຍົງ ຊຶ່ງ​ພວກ​ເຮົາ​ສາມາດ​ເຫັນ​ໄດ້​ຕົວຢ່າງ​ຂອງ​ຫຼາຍໆ​ປະເທດທີ່​ຫັນ​ເອົາ​ວຽກ​ງານ​ວິທະຍາສາດ ແລະ ເຕັກ​ໂນ​ໂລ​ຊີ ເຂົ້າໃນການ ​ພັດທະນາ​ເສດຖະກິດ ແລະ ເຮັດ​ໃຫ້​ເສດຖະກິດ​ຂອງບັນດາ ​ປະເທດ​ເຫຼົ່ານັ້ນ​ເພີ່ມ​ຂຶ້ນ ແລະ ຂະຫຍາຍຕົວ​ຢ່າງ​ໄວກ້າວ​ກະໂດດ ເຊັ່ນ: ສປ ຈີນ, ສິງກະ ໂປ, ສສ ຫວຽດນາມ ແລະ ປະ ເທດ​ອື່ນໆ.
ເວົ້າ​ເຖິງ​ຄວາມ​ສໍາຄັນ ຂອງວຽກ​ງານ​ວິທະຍາສາດ ແລະ ເຕັກ​ໂນ​ໂລ​ຊີທີ່​ເປັນ​ກຸນ​ແຈ​ສໍາ​ຄັນ​ໃນ​ການ​ຂັບ​ເຄື່ອນ ເສດຖະກິດ-ສັງຄົມ​ແລ້ວ, ກໍ​ເຫັນ​ໄດ້​ວ່າ​ວຽກ​ງານ​ດັ່ງກ່າວ​ຍັງ​ມີ​ບົດ​ບາດ​ສໍາ​ຄັນ​ຫຼາຍ​ໃນ​ດ້ານ​ການ​ແພດ ແລະ ການຢາ. ໃນ​ປີຜ່ານມາ, ທົ່ວ​ທຸກ​ມຸມ​ໂລກ ໄດ້​ພົບ​ກັບ​ໄພ​ພິ​ບັດ​ອັນ​ໃຫຍ່​ຫຼວງ​ໃນ​ການ​ປະ​ເຊີນ​ໜ້າ​ກັບ ພະຍາດ COVID-19 ຊຶ່ງເຮັດ​ໃຫ້​ມີ​ຜູ້​ເສຍ​ຊີວິດ​ເປັນ​ຈໍາ​ນວນ​ຫຼວງຫຼາຍ ແລະ ເປັນ​ຜົນເຮັດ​ ໃຫ້​ເສດຖະກິດ​ໃນ​ທົ່ວໂລກ​​ຫຼຸດລົງ ແຕ່​ເຖິງຢ່າງໃດ​ກໍຕາມ ຍ້ອນ​ຄວາມ​ກ້າວໜ້າ​ຂອງ​ວຽກ​ງານ​ວິທະຍາສາດ ແລະ ຄວາມ​ທັນ​ສະໄ​ໝຂອງ​ເຕັກ​ໂນ​ໂລ​ຊີ ໃນ​ປັດຈຸ​ບັນ ຈຶ່ງ​ ເຮັດ​ໃຫ້​ບັນດາ​ປະເທດທີ່ມີ​ ຄວາມ​ກ້າວໜ້າ​ທາງ​ດ້ານວິທະ ຍາສາດ ແລະ ເຕັກ​ໂນ​ໂລຊີສາ ມາດ​ຄົ້ນຄວ້າ, ປະດິດ ແລະ ຜະ ລິດເຄື່ອງມື ແລະ ອຸປະກອນ​ຕ່າງໆ ເພື່ອ​ຮັບ​ມື​ກັບ​ພະຍາດ​ດັ່ງກ່າວ​ໄດ້​ໄວ ແລະ ທັນ​ກັບເວ ລາ ພ້ອມ​ດຽວ​ກັນ​ນັ້ນກໍຍັງສາ ມາດ​ຄົ້ນຄວ້າ ແລະ ຜະລິດ​ຢາ​ວັກ​​ຊິນ​ໄດ້​ ເພື່ອ​ປ້ອງກັນ ແລະ ສະກັດ​ກັ້ນ​ການ​ແຜ່​ລະບາດ​ຂອງ​ພະຍາດ COVID-19 ແລະ ອື່ນໆ.
ໃນ​ດ້ານ​ກະ​ສິ​ກໍາ​, ວຽກ​ ງານ​ວິທະຍາສາດ ແລະ ເຕັກ​ ໂນ​ໂລ​ຊີ ກໍເປັນຄວາມ​ຫວັງໃໝ່ ໃນ​ການ​ປະຍຸກ​ ຊ່ວຍແກ້​ໄຂ​ບັນຫາ​ໝາກຜົນ​ຜະ​ລິດ ໃນ​ອະ​ດີດ​ທີ່​ຜ່ານ​ມາ ເພື່ອ​ການ​ເພີ່ມ​ພູນ​ຜົນລະປູກ, ຊາວ​ໄຮ່ ແລະ ຊາວນາສ່ວນ​ຫຼາຍແມ່ນ​ອາ​ໄສ​ສານ​ເຄ​ມີ ໂດຍ​ສະເພາະ​ແມ່ນ ຢາ​ຂ້າ​ຫຍ້າ ແລະ ຂ້າ​ແມງໄມ້​ ເພື່ອ​ກໍາ​ຈັດ​ຫຍ້າ ແລະ ແມງໄມ້ ເພື່ອ​ປ້ອງ​ກັນຄວາມເສຍຫາຍ​ຂອງ​ຜົນລະປູກ ແລະ ສາມາດ​ເພີ່ມພູນຜົນຜະລິດໄດ້ ແຕ່​ເຖິງ​ຢ່າງໃດ​ກໍຕາມ, ບັນດາ​ນັກ ວິທະຍາສາດ ໃນ​ປັດຈຸ​ບັນໄດ້​ຄົ້ນ​ພົບ​ຮູບ​ແບບ​ໃ​ໝ່​ໃນ​ການ​ເພີ່ມ​ພູນ​ຜົນ​ຜະລິດ​ຂອງພືດ ເຊັ່ນ: ການ​ນໍາ​ໃຊ້ຮູບ​ແບບ​ການ ​ປ່ຽນແປງພັນ​ທຸ​ກໍາ​ຂອງ​ພືດ ແລະ ສັດ (Biotechnology) ຊຶ່ງ​ມັນ​ສາມາດ​ເສີມ​ສ້າງ ແລະ ຊຸກຍູ້​ທາງ​ດ້ານ​ອຸດ​​ສາຫະ​ກໍາ ​ແລະ ທາງ​ອາຫານ​ໄດ້​ຢ່າງ​ຫຼວງ​ຫຼາຍ ໂດຍ​ສະເພາະ​ແມ່ນ​ການ​ປຸງ​ແຕ່ງ, ການ​ເກັບ​ຮັກສາ ແລະ ອື່ນໆ.
ນອກຈາກ​ນີ້​ ບັນດາແຂກ ທີ່​ເຂົ້າ​ຮ່ວມ​ກອງ​ປະຊຸມ​ສຳມະ ​ນາ​ໃນ​ຄັ້ງ​ນີ້​ແມ່ນ​ຈະ​ໄດ້​ຮັບ​ຟັງ​ການ​ນຳ​ສະເໜີ​ກ່ຽວ​ກັບສະ ພາບ​ການ​ເຝົ້າ​ລະວັງ ແລະ ໂຕ້​ຕອບ​ພະຍາດ COVID-19 ໃນ ສປປ ລາວ; ປະ​ເມີນ​ຜົນກະທົບ​ດ້ານ​ຊີວະ​ວິທະຍາການ​ນຳ​ໃຊ້​ຕົ້ນໄມ້​ຂອງ​ລາວ​ເຂົ້າ​ໃນ​ການ​ປິ່ນປົວ​ວັນນະໂຣກ​ໃນ​ການ​ແພດ​ພື້ນ ເມືອງ​ລາວ; ຄວາມ​ຫຼາກ​ຫຼາຍ​ຂອງ​ຢີ​ສ​ໝັກ​ເຫຼົ້າເອ​ຕາ​ໂນນທີ່​ແຍກ​ຈາກ​ທຳ​ມະຊາດ​ຂອງ​ລາວ; ສຶກສາຜົນ​ກະທົບ​ຄວາມ​ແຕກ​ຕ່າງປະລິມານ​ອິນ​ນ໋ອກ​ຄູ​ລຳ​ ສຳລັບ​ການ​ຜະລິດ​ເມ​ເທນ ໂດຍ​ນຳ​ໃຊ້​ເຄ​ຊີ​ອິນ; ສຸຂະພາບ​ສິ່ງແວດລ້ອມ ແລະ ສຸຂະພາບ​ຂອງ​ຄົນ ແລະ ການ​ປະດິດ​ສ້າງ ແລະ ຄຸນ​ລັກສະນະ​ໂຄງປະ ກອບ​ຂອງ​ຊັ້ນ​ຄວັນ​ຕ່ຳທີ່​ເກີດ ​ຈາກ​ທາດ​ຊີ​ລີຄອນ ແລະ ອາ​ລູ​ມີ​ນຽມ​ໄດ​ອົກ​ໄຊ​.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110