ຫົວ​ຂໍ້ : ປີ 2019 ສວສຊ ໄດ້ຄົ້ນຄວ້າ 25 ໂຄງການ

ເຜີຍ​ແຜ່​ໂດຍ​: admin ເວ​ລາ: 27/12/2019 16:11:52 ຈຳ​ນວນ​ຜູ້​ເຂົ້າ​ຢ້ຽມ​ຊົມ 349 ຄັ້ງ

ໃນ​ປີ 2019 ສະ​ຖາ​ ບັນ​ວິທະຍາສາດ​ສັງຄົມ​ແຫ່ງ​ຊາດ (ສວສຊ) ໄດ້​ມີ​ໂຄງການ​ຄົ້ນຄວ້າ​ທັງ​ໝົດ 25 ໂຄງການ, ຂະນະ​ທີ່​ໂຄງການ​ຈຳນວນ​ໜຶ່ງ​ຊັກ​ຊ້າ​ ຈຶ່ງ​ຕ້ອງ​ໄດ້​ຢຸດ​ຕິ. ກອງ​ປະຊຸມ​ສະຫຼຸບການ ເຄື່ອນໄຫວ​ວຽກ​ງານ​ປະຈຳ​ປີ 2019 ຂອງ​ສະ​ຖາ​ບັນ​ວິທະຍາ ສາດ​ສັງຄົມ​ແຫ່ງ​ຊາດ ໄດ້​ຈັດ​ຂຶ້ນ​ວັນ​ທີ 26 ທັນວາ​ນີ້ ທີ່​ສວສຊ ໂດຍ​ການ​ເປັນ​ປະທານ​ຂອງ ທ່ານ ສອນ​ທະນູ ທຳ​ມະ​ວົງ ປະ ທານ ສວສຊ. ທ່ານ ອ່ອນ​ຈັນ ຈັນ​ທອງ​ສີ ຮັກສາ​ການ​ຫົວໜ້າ​ຫ້ອງການ ສວສຊ ໄດ້​ຂຶ້ນ​ຜ່ານ​ບົດ​ສະຫຼຸບ​ການເຄື່ອນໄຫວ​ວຽກ​ງານ​ປະ ຈຳ​ປີ 2019 ໃຫ້​ຮູ້​ວ່າ: ໃນ 1 ປີຜ່ານມາ ສວສຊ ໄດ້​ຄົ້ນ​ຄ້​ວາ​ທັງ​ໝົດ 25 ໂຄງການ, ສະເພາະ​ປີ 2019 ໄດ້​ສະໜອງ​ງົບປະມານ​ ສຳລັບ​​ການ​ຄົ້ນ​ ຄ້​ວາ​ວິທະຍາສາດ​ເປັນ​ມູນ​ຄ່າ 726 ລ້ານ​ກວ່າ​ກີບ (ບໍ່ລວມຄ່າ​ພິມ​ປຶ້ມ​ຈຳນວນ 113 ລ້ານກວ່າ​ກີບ), ໃນ​ຂະນະ​ທີ່​ສະພາ​ວິທະ ຍາສາດ​ຍັງ​ບໍ່​ທັນ​ໄດ້​ເຄື່ອນໄຫວ ​ຕາມ​ພາລະ​ບົດບາດ ແລະ​ ຂອບ​ ເຂດ​ສິດ​ຂອງ​ຕົນ​ຢ່າງ​ເຕັມ​ສ່ວນ, ສະແດງ​ອອກ​ໃນ​ປີ 2019 ສາ ມາດ​ເປີດ​ກອງ​ປະຊຸມ​ສະພາ​ວິທະ ຍາສາດ​ໄດ້​ພຽງ 2 ຄັ້ງ, ແຕ່ຜ່ານ ​ຂະບວນ​ການ​ຕົວ​ຈິງ ກອງ​ປະ ຊຸມ 2 ຄັ້ງ​ກໍ​ຍັງ​ບໍ່​ທັນ​ສາມາດ​ຄົ້ນຄວ້າ​ຕົກລົງ​ແກ້​ໄຂ​ບັນຫາ​ໄດ້​ຕາມ​ຈຸດປະສົງ​ຄາດໝາຍ ແລະ ເນື້ອ​ໃນ​ກອງ​ປະຊຸມ​ຢ່າງ​ເລິກເຊິ່ງ, ການ​ພິຈາລະນາ​-​ຮັບ ຮອງ​ເນື້ອ​ໃນ​ບົດ​ຄົ້ນ​ຄ້​ວາ​ບໍ່​ບັນລຸ​ໄດ້​ຕາມ​ຄາດໝາຍ​ທີ່​ວາງ​ໄວ້ຄື: ຮັບຮອງ​ໄດ້​ພຽງ​ແຕ່ 4 ຫົວ​ເລື່ອງ ໂດຍ​ຄາດໝາຍ​ແມ່ນ​ໃຫ້​ໄດ້ 10 ຫົວ​ເລື່ອງ, ການ​ຕິດຕາມ​ຊຸກຍູ້​ ກວດກາ ແລະ ປະ​ເມີນ​ຜົນ​ໂດຍ​ສະເພາະ​ປີ 2016 ຄືນ​ຫຼັງ​ມີ​ຈຳ ນວນ 11 ໂຄງການ​ແກ່ຍາວ​ຊັກ​ຊ້າ ຊຶ່ງ​ຕາມ​ແຜນການ​ແລ້ວ​ຈະ​ໃຫ້​ສຳເລັດ​ ໃນ​ທ້າຍ​ປີ 2019 ນີ້, ສະນັ້ນ ​ເພື່ອ​ແກ້​ໄຂ​ໂຄງການ​ທີ່​ຄຸມ​ເຄືອ​ດັ່ງກ່າວ​ຕ້ອງ​ມີມາດ​ ຕະການ, ໃຫ້​ຢຸດ​ເຊົາ​ປິດ​ໂຄງ ການ, ສົ່ງ​ເງິນ​ຄືນ, ໃຊ້​ແທນ​ເງິນ​ຄືນ, ໂຈະ​ເລື່ອນ​ຊັ້ນ​ຂັ້ນເງິນ ເດືອນ ແລະ ມາດ​ຕະການທາງ ​ວິ​ໄນ​ອື່ນໆ ໂດຍ​ຜ່ານ​ກອງປະ ຊຸມ​ສະພາ​ວິທະຍາສາດຂອງ ສວສຊ ຫຼື​ ການ​ຄົ້ນ​ຄ້​ວາ​ຕົກລົງ​ຂອງ​ຄະນະ​ພັກ​-​ຄະນະ​ນຳ ສວສຊ, 1 ປີຜ່ານມາ​ໄດ້​ສຳ ເລັດການ​ກະກຽມ​ເນື້ອ​ໃນ​ກອງ​ປະຊຸມ​ສຳ​ມະ​ນາ​ທິດ​ສະ​ດີ 2 ພັກ ລາວ​-​ຈີນ ຄັ້ງ​ທີ VIII ແລະ​ ກອງ​ປະຊຸມ 2 ພັກ ລາວ​-​ຫວຽດນາມ​ຄັ້ງ​ທີ VII. (ຂ່າວ: ພູ​ວຽງ​ຄຳ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110