ຫົວ​ຂໍ້ : ທ່ຽວຊົມຕາດຫ່ຽນ ເມືອງນານ

ເຜີຍ​ແຜ່​ໂດຍ​: admin ເວ​ລາ: 27/12/2019 16:13:31 ຈຳ​ນວນ​ຜູ້​ເຂົ້າ​ຢ້ຽມ​ຊົມ 355 ຄັ້ງ

ແຂວງ​ຫຼ​ວ​ງ​ພະ​ບາງ​ເປັນ ແຂວງ​ໜ​ຶ່ງ​ຢູ່​ພາກ​ເໜືອ​ຂອງ​ປະ ເທດ​ລາວ​ເຮົາ​ທີ່​ເຕັມ​ໄປ​ດ້ວຍ ທຳ​ມະ​ຊາ​ດ​ທີ່​ສວຍ​ສົດ​ງົດ​ງາມ ຫຼາຍ​ແຫ່ງ ແລະ ເປັນ​ດິນ​ແດນ ທີ່​ມີ​ຄວາມ​ຫຼາກ​ຫຼາຍ​ທາງ​ດ້ານ ທຳ​ມະ​ຊາດ ທັງ​ມີ​ພູ​ຜາ​ປ່າ​ໄມ້ ແລະ ນ້ຳ​ຕົກ​ຕາດ​ທີ່​ມີ​ຊື່​ສຽງ ນອກນັ້ນ​ຍັງ​ມີ​ຄວາມ​ໂດດ​ເດັ່ນ ທາງ​ດ້ານ​ວັດ​ທະ​ນະ​ທຳ ແລະ ປະ​ຫວັດ​ສາດ. ຕາດ​ຫ່ຽນ ເມືອງ​ນານ ແຂວງ​ຫຼວ​ງ​ພະ​ບາງແມ່ນ​ໜຶ່ງ​ ສະ​ຖານ​ທີ່​ທ່ອງ​ທ່ຽວ​ທາງທຳ​ມະ​ຊາດ ຊຶ່ງ​ນັກ​ທ່ອງ​ທ່ຽວສາ​ມາດ​ໄປ​ທ່ຽວ​ຊ​ົມ​ໄດ້, ນ້ຳຕົກຕາດ​ດັ່ງ​ ກ່າວ​ເປ​ັນ​ສະ​ຖານ​ທີ່ທ່ອງ​ທ່ຽວ​ ທາງ​ທຳ​ມະ​ຊາດ​ທີ່​ມີຄວາມ​ສວຍ​ງາມ ແລະ ມີ​ຄົນເດີນ​ທາງ​ໄປ​ທ່ຽວ​ຊ​ົມ, ພັກຜ່ອນຢ່ອນອາ​ລົມ, ສຳ​ຜັດ​ກັບ​ກິ່ນ​ອາຍທຳມະ ​ຊາດ ແລະ ສາຍນ້ຳ​ ພ້ອມ​ທັງ​ສາຍ​ລົ​ມ​ເຢັນຢູ່​ສະເໝີ ເມື່ອ​ໄດ້​ໄປ​ສຳ​ຜັດ​ຕົວ​ຈິງຈະມີ​ຄວ​າມ​ຮູ້​ສຶກ​ເຕັມ​ອີ່ມກັບ​ສະ​ພາບ​ແວດ​ລ້ອມ​ທີ່​ສວຍງາມ ແລ​ະ ມີ​ໂງ່ນ ​ຫີນ​ເກາະກ່າຍ, ນ້ຳ​ໃສ​ເຢັນໆ​ໄຫຼ​ຜ່ານຕະຫຼອດ​ປີ, ອ້ອມ​ສອງ​ຟາກ​ຕາດ​ຈະ​ເຕັມ​ໄປ​ດ້ວຍ​ຕ​ົ້ນ​ໄມ້​ໃຫຍ່-ນ້ອຍ​ຕັ້ງ​ຢັ່ງ​ຢາຍ​ຢູ່​ເປັນ​ແຖວ​ ຊຶ່ງ​ຕັ້ງ​ຢູ່​ບ້ານ​ນາ​ຟາຍ ເມ​ືອງ ນານ ຫ່າງ​ຈາກຕົວເມ​ືອງນະ​ຄອນ​-ຫຼວງ​ພະ​ບາງ ປະມານ 48 ກິ​ໂລ​ແມັດ ແລະ ຫ່າງ​ຈາກ​ ຕົວ​ເມືອງ​ນານ ປະ​ມານ 14 ກິ ໂລ​ແມັດ. ນອກ​ຈາກ​ຄວາມ​ສວຍ​ງາມ​ເຫຼົ່າ​ນັ້ນ​ແລ້ວ, ອາ​ກາດ​ກໍ ຍັງເປັນ​ມິດ​ກັບ​ຜູ້​ຄົນ​ທີ່​ໄປທ່ອງ ​ທ່ຽວ, ອາ​ກາດ​ສົດ​ຊື່​ນເຢັນ​ສະ ບາຍ​ໃຈ​ ແລະ ສະ​ອາດງາມຕາ ໂດຍ​ລວມແລ້ວຍ​ັງ​ຄົງ​ຮັກ​ສາ​ໄວ້​ທຳ​ມ​ະຊາດບໍ່​ມີ​ການ​ປ່ຽນ​ແປງ ​ຈຶ່ງ​ກາຍເປັນ​ທີ່​ນິ​ຍົມ​ຂອງ​ນັກ​ທ່ອງ​ທ່ຽວ ທັງ​ພາຍ​ໃນ ແລະ ຕ່າງ​ປະ​ເທດ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110