ຫົວ​ຂໍ້ : ແມ່ຍິງ 4 ພາກສ່ວນຈັດກິດຈະກຳພິທີຖາມ - ຕອບ

ເຜີຍ​ແຜ່​ໂດຍ​: admin ເວ​ລາ: 27/12/2019 16:14:19 ຈຳ​ນວນ​ຜູ້​ເຂົ້າ​ຢ້ຽມ​ຊົມ 376 ຄັ້ງ

ສະຫະພັນ​ແມ່ຍິງ 4 ພາກ ສ່ວນ ປະກອບ​ມີ ສະຫະພັນ​ແມ່ຍິງ ອົງການ​ກວດ​ສອບ​ແຫ່ງ​ລັດ,ສະຫະພັນ​ແມ່ຍິງ​ກະຊວງ​ພາຍ​ໃນ, ສະຫະພັນ​ແມ່ຍິງ​ຫ້ອງ​ວ່າການ​ສຳນັກງານ​ນາ​ຍົກ​ລັັດ​ຖະ​ມົນຕີ​ ແລະ​ ສະຫະພັນ​ແມ່ຍິງ​ກະຊວງ​ການ​ເງິນ​ໄດ້​ຮ່ວມ​ກັນ​ຈັດ​ກິດຈະກຳ​ແຂ່ງຂັນ​ຖາມ​ຕອບ​ກ່ຽວ​ກັບ​ພາລະ​ບົດບາດ​ຂົງເຂດ​ທີ່​ຕົນ​ຮັບຜິດຊອບ, ພິທີ​ດັ່ງກ່າວ​ໄດ້​ຈັດ​ຂຶ້ນ​ໃນ​ອາທິດ​ຜ່ານ​ມາ​ທີ່​ອົງການ​ກວດ​ສອບ​ແຫ່ງ​ລັດ ໂດຍ​ການ​ເຂົ້າ​ຮ່ວມ​ຂອງ​ທ່ານ​ນາງ ວຽງ​ທອງ ສີ​ພັນ​ດອນ ປະທານ​ອົງການ​ກວດ​ສອບ​ແຫ່ງ​ລັດ ພ້ອມ​ດ້ວຍ​ທ່ານ​ຮອງ​ປະທານ​ຜູ້​ຊີ້​ນຳ​ວຽກ​ງານ​ສາມ​ອົງການ​ຈັດ​ຕັ້ງ​ມະຫາຊົນ​ເຂົ້າ​ຮ່ວມ. ທ່ານ​ນາງ ​ສີ​ຕານ ໄຊ​ຍະ​ວົງ​ເພັດ ປະທານ​ສະຫະພັນ​ແມ່ຍິງ​ອົງການ​ກວດ​ສອບ​ແຫ່ງ​ລັດ​ກ່າວ​ວ່າ: ການ​ສ້າງ​ກິດຈະກຳ​ແຂ່ງຂັນ​ຖາມ-​ຕອບ​ໃນ​ເທື່ອ​ນີ້ ຈຸດປະສົງເພື່ອແລກປ່ຽນ​ຄວາມ​ຄິດເຫັນລະຫວ່າງ​ເອື້ອຍ​ນ້ອງ​ແມ່ຍິງ 4 ພາກສ່ວນ​ ເພື່ອ​ຮັດ​ແໜ້ນຄວາມ​ສາມັກຄີ​ຮັກ ແພງ​ພ້ອມ​ທັງ​ເຮັດ​ໃຫ້​ສະຫະພັນ​ແມ່ຍິງ​ໄດ້​ຮຽນ​ຮູ້​ ແລະ ​ເຂົ້າໃຈ​ເຖິງພາລະ​ບົດບາດ, ໜ້າທີ່​ວຽກ​ງານ​ຂອງ​ແຕ່​ລະ​ຂົງເຂດ​ທີ່​ຕົນຮັບຜິດຊອບ​ເວົ້າ​ລວມ​ເວົ້າ​ສະເພາະກໍແມ່ນ​ຄວາມ​ຮັບ​ຮູ້​ເຖິງ​ ພາລະ​ບົດບາດ, ໜ້າທີ່​ຂອງ​ສະຫະພັນ​ແມ່ຍິງ​ລາວ, ນອກ​ນີ້​ສະຫະພັນ​ແມ່ຍິງ 4 ພາກສ່ວນ​ກໍຈະ​ໄດ້​ຈັດ​ກິດຈະກຳ​ແຂ່ງຂັນ​ກິລາ ​ເພື່ອ​ສ້າງ​ຂະບວນ​ການ​ຂ່ຳນັບຮັບ​ຕ້ອນ​ກອງ​ປະຊຸມ​ໃຫຍ່ສະມາຊິກ​ສະຫະພັນ​ແມ່ ຍິງ​ຄັ້ງ​ທີ II ຂອງ​ອົງການ​ກວດ​ສອບ​ແຫ່ງ​ລັດ​ນຳ​ອີກ. (ຂ່າວ: ແສງ​ຈັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110