Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຜົນງານການເຄື່ອນໄຫວປະຈຳປີ 2020 ແລະ ທິດທາງ ແຜນການຈຸດສຸມ ປີ 2021 ຂອງສານປະຊາຊົນສູງສຸດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 16/11/2020 09:44:23 ຈຳ​ນວນ​​ຢ້ຽມ​ຊົມ 2120 ຄັ້ງ

ໂດຍ: ສານ​ປະ​ຊາ​ຊົນ​ສູງ​ສຸດ
   ທ່ານ​ ຄຳ​ພາ ແສງ​ດາຣາ ປະທານ​ສານ​ປະຊາຊົນສູງ ສຸດ ໄດ້​ຂຶ້ນ​ລາຍ​ງານ​ກ່ຽວ​ກັບ​ການເຄື່ອນໄຫວ​ວຽກ​ງານ​ປະຈຳ​ປີ 2020 ແລະ ທິດ​ທາງ​ແຜນການ​ຈຸດ​ສຸມ ປີ 2021 ຂອງສານ​ປະຊາຊົນ​ສູງ​ສຸດ ຕໍ່ກອງ​ປະຊຸມ​ສະໄໝ​ສາມັນ ເທື່ອ​ທີ 10 ຂອງ​ສະພາ​ແຫ່ງ​ຊາດ ຊຸດ​ທີ VIII ວ່າ: ຜ່ານການ ຈັດຕັ້ງ​ປະຕິບັດ​ມະຕິ​ກອງ​ປະຊຸມໃຫຍ່​ ຄັ້ງ​ທີ X ຂອງ​ພັກ, ແຜນ​ພັດທະນາ​ເສດ​ຖະ​ກິດ​-​ສັງຄົມ ແຫ່ງ​ລັດ 5 ປີ ຄັ້ງ​ທີ VIII, ມະຕິ​ສະບັບ​ເລກ​ທີ 27/ສພຊ, ລົງ​ວັນ​ທີ 21 ພະຈິກ 2019 ຂອງ​ກອງ​ປະຊຸມ​ສະໄໝ​ສາມັນ​ເທື່ອ​ທີ 8 ຂອງ​ສະພາ​ແຫ່ງ​ຊາດ ຊຸດ​ທີ VIII ທີ່​ຮັບຮອງ​ເອົາ 5 ຄາດໝາຍ​ສູ້​ຊົນ 11 ວຽກ​ງານ​ຈຸດ​ສຸມ​ຂອງ​ສານ​ປະຊາຊົນ, ມະຕິ​ກອງ​ປະຊຸມ​ໃຫຍ່ ​ຄັ້ງ​ທີ III ຂອງ​ອົງຄະ​ນະ​ພັກ​ສານ​ປະຊາຊົນ​ສູງ​ສຸດ ແລະ ແຜນ​ພັດທະນາ​ລະບົບ​ສານ​ປະຊາຊົນ 5 ປີ ຄັ້ງ​ທີ III ປະຕິບັດ 5 ແຜນ​ງານ 21 ໂຄງການ 69 ກິດ​ຈະ​ກໍາ ໃຫ້​ປະກົດ​ຜົນ​ເປັນ​ຈິງ ເພື່ອ​ເປັນ​ການ​ຍົກ​ສູງ​ປະສິດທິພາບ​ຂອງ​ການ​ດຳເນີນ​ຄະດີ ສານ​ປະຊາຊົນ ໄດ້​ເອົາໃຈໃສ່ຈັດ​ຕັ້ງ​ຜັນ​ຂະຫຍາຍ​ມະຕິ 112/ກມສພ ຢ່າງ​ເປັນ​ເຈົ້າ​ການ ສະແດງ​ອອກ​ໃນ​ໄລຍະ 9 ເດືອນ ​ຜ່ານ​ມາ ມີ​ຄະດີ​ເຂົ້າ​ມາ​ສານ​ປະຊາຊົນ ແລະ ສານ​ທະຫານ ທຸກ​ຂັ້ນ ຈໍາ​ນວນ 5.333 ເລື່ອງ, ຄະດີ​ຄ້າງ​ມາ 2.568 ເລື່ອງ, ລວມ 7.901 ເລື່ອງ, ແກ້​ໄຂ ໄດ້ 4.639 ເລື່ອງ, ເທົ່າ​ກັບ 58,71%, ຍັງ​ຄ້າງ 3.262 ເລື່ອງ; ຄະດີ​ໃນ 9 ປີຜ່ານມາ ຢູ່​ສານ​ຂັ້ນ​ຕົ້ນ (ສານ​ເຂດ, ແຂວງ-​ນະຄອນຫຼວງ, ສານ​ທະຫານ​ພາກ) ມີ 4.409 ເລື່ອງ, ຄ້າງ​ມາ 2. 032 ເລື່ອງ, ລວມ 6.441 ເລື່ອງ, ແກ້​ໄຂ​ໄດ້ 3.848 ເລື່ອງ, ເທົ່າ​ກັບ 59,74% (ຖ້າ​ທຽບໃສ່​ມະຕິ​ສະພາ​ກຳນົດ​ໄວ້ 85% ປະຕິບັດ​ໄດ້ 59,74%), ຜ່ານ​ການ​ຕັດ​ສິນ​ຂອງ​ສານ​ຂັ້ນ​ຕົ້ນ​ແລ້ວ ຄູ່​ຄວາມ​ບໍ່​ພໍໃຈ​ຂໍ​ອຸທອນ 626 ເລື່ອງ ກວມ​ເອົາ 16,26% (ຖ້າ​ທຽບໃສ່​ມະຕິ​ສະພາ​ກຳນົດ​ໄວ້​ໃນ​ການ​ຂໍ​ອຸທອນ​ບໍ່​ໃຫ້​ເກີນ 15% ປະຕິບັດ​ໄດ້ 16,26%).ປະເພດ​ຄະດີ​ທີ່​ເກີດ​ຂຶ້ນ​ຫຼາຍ ແລະ ພົ້ນ​ເດັ່ນ​ແມ່ນຄະດີ​ອາຍາ ຢູ່​ສານ​ຂັ້ນ​ຕົ້ນ​ເຂດ ແມ່ນ ລັກ​ຊັບ​ພົນລະເມືອງ 268 ເລື່ອງ, ກວມ​ເອົາ 35,92% ຂອງ​ຄະດີ​ອາຍາ​ທີ່​ເຂົ້າ​ມາ​ສານ​ຂັ້ນ​ຕົ້ນ​ເຂດ 746 ເລື່ອງ, ທຽບໃສ່ ປີຜ່ານມາ ຄະດີ​ລັກ​ຊັບ​ພົນລະເມືອງ ຫຼຸດ​ລົງ 161 ເລື່ອງ ສາເຫດ​ຂອງ​ຄະດີ​ເກີດ​ຂຶ້ນ ແມ່ນ​ຍ້ອນ​ຫວ່າງ​ງານ, ຕິດ​ຢາ​ເສບ​ຕິດ, ຕິດ​ການ​ພະນັນ (ເກ​ມ​ອອນ​ລາຍ), ຫຼິ້ນ​ກິນ​ຟຸ່ມ​ເຟື່ອຍ ແລະ ອື່ນໆ. ຢູ່​ສານ​ຂັ້ນ​ຕົ້ນ​ແຂວງ​-​ນະຄອນຫຼວງ ແມ່ນ ຄ້າຂາຍ​ຢາ​ເສບ​ຕິດ ມີ 1.418 ເລື່ອງ, ກວມ​ເອົາ 63,31% ຂອງ​ຈຳນວນ​ຄະດີ​ອາຍາ ທີ່​ເຂົ້າ​ມາ​ສານ​ຂັ້ນ​ຕົ້ນ ແຂວງ​-​ນະຄອນຫຼວງ ແລະ ສານ​ທະຫານ ທັງ​ໝົດ 2.044 ເລື່ອງ, ທຽບໃສ່ ປີຜ່ານມາ ຄະດີ​ຄ້າຂາຍ​ຢາ​ເສບ​ຕິດຫຼຸດ​ລົງ 1.106 ເລື່ອງ, ສາເຫດຂອງ​ ຄະດີ​ເກີດ​ຂຶ້ນ ແມ່ນຍ້ອນ​ສະຕິ​ເຄົາລົບ​ກົດໝາຍ​ບໍ່​ສູງ, ເຫັນແກ່​ຜົນ​ປະໂຫຍດ, ການ​ດໍາ​ເນີນ​ຄະດີ​ສ່ວນ​ຫຼາຍ​ແມ່ນ​ຜູ້​ຖືກ​ສວຍ​ໃຊ້ ສ່ວນ​ຜູ້​ເປັນ​ຫົວ​ໂປ່​ໂຕ​ການ​ຈໍາ​ນວນ​ໜຶ່ງ​ຍັງ​ບໍ່ຖຶກ ດໍາ​ເນີນ​ຄະດີ ຄະດີ​ແພ່ງ: ຢູ່​ສານ​ຂັ້ນ​ຕົ້ນ (ເຂດ, ແຂວງ-​ນະຄອນຫຼວງ) ແມ່ນສັນຍາກູ້​ ຢືມ ມີ 157 ເລື່ອງ, ກວມ​ເອົາ 13,06% ຂອງ​ຄະດີ​ແພ່ງ​ທີ່​ເຂົ້າ​ມາ​ສານ​ຂັ້ນ​ຕົ້ນ ທັງ​ໝົດ 869 ເລື່ອງ, ທຽບໃສ່​ປີຜ່ານມາ ຂໍ້​ຂັດ​ແຍ່ງ​ກ່ຽວ​ກັບ​ສັນຍາ​ກູ້​ຢືມ ຫຼຸດ​ລົງ 191 ເລື່ອງ, ສາເຫດ​ຂອງ​ຄະດີ​ເກີດ​ຂຶ້ນ ແມ່ນການ​ກູ້​ຢືມ​ຈາກ​ສະ​ຖາ​ບັນ​ການ​ເງິນ ມີ​ຄວາມ​ຫຍຸ້ງຍາກ​ຫຼາຍ​ຂັ້ນ​ຕອນ ຈຶ່ງ​ພາໃຫ້​ມີ​ການ​ກູ້​ຢືມ​ນອກ​ລະບົບ, ການ​ເຮັດ​ສັນຍາ​ບໍ່​ຮັດກຸມ, ເຮັດ​ບໍ່​ຖືກຕ້ອງ​ຕາມ​ກົດໝາຍ, ຜູ້​ກູ້​ຢືມ​ນຳ​ໃຊ້​ເງິນ​ບໍ່​ຖືກ​ເປົ້າ ຫຼຸບ​ທຶນ ຈຶ່ງ​ບໍ່​ສາ​ມາດ​ນໍາ​ເງິນ​ມາ​ໃຊ້​ແທນ​ບໍ່​ໄດ້, ຄະດີ​ການ​ຄ້າແມ່ນ ສັນຍາ​ກູ້​ຢືມ​ເງິນ​ນຳ​ທະນາຄານ ຫຼື ສະ​ຖາ​ບັນການ​ເງິນ ມີ 108 ເລື່ອງ, ກວມ​ເອົາ 90% ຂອງ​ຄະດີ​ການ​ຄ້າ​ທີ່​ເຂົ້າ​ມາ​ສານ​ປະຊາຊົນ​ຂັ້ນ​ຕົ້ນ​ແຂວງ, ນະຄອນຫຼວງ ທັງ​ໝົດ 120 ເລື່ອງ, ທຽບໃສ່ ປີຜ່ານມາ ຄະດີ​ສັນຍາ​ກູ້​ຢືມ​ດັ່ງກ່າວ ຫຼຸດ​ລົງ 353 ເລື່ອງ, ສາເຫດ​ຂອງ​ຄະດີ​ເກີດ​ຂຶ້ນ​ແມ່ນ ການ​ນໍາ​ເງິນ​ໄປ​ດໍາ​ເນີນ​ທຸລະ​ກິດ, ຄ້າຂາຍ ຫຼຸບ​ທຶນ, ນໍາ​ໃຊ້​ເງິນ​ກູ້​ຢືມ​ບໍ່​ຖືກ​ເປົ້າ​ໝາຍ ຈຶ່ງ​ບໍ່​ສາມາດ​ຊຳລະ​ໃຫ້​ທະນາຄານ ຫຼື ສະ​ຖາ​ບັນ​ການ​ເງິນ​ໄດ້​ຕາມ​ກຳ​ເວລາ, ການ​ດຳເນີນ​ທຸລະ​ກິດ ບໍ່​ສຳເລັດ​ຕາມ​ເປົ້າ​ໝາຍ, ຄະດີ​ຄອບຄົວ ແມ່ນຄະດີ​ຢ່າ​ຮ້າງ ມີ 308 ເລື່ອງ, ກວມ​ເອົາ 63,16% ຂອງ​ຄະດີ​ຄອບ ຄົວ​ທີ່​ເຂົ້າ​ມາ​ສານ​ຂັ້ນ​ຕົ້ນ ທັງ​ໝົດ 347 ເລື່ອງ, ທຽບໃສ່ປີ ຜ່ານມາ ຄະດີ​ຢ່າ​ຮ້າງ ຫຼຸດ​ລົງ 189 ເລື່ອງ, ສາເຫດ​ຂອງ​ຄະດີ​ເກີດ​ຂື້ນ ແມ່ນ​ຍ້ອນ​ຫຼິ້ນ​ກິນ​ຟຸ່ມ​ເຟືອຍ, ໃຊ້​ຄວາມ​ຮຸນ​ແຮງ ຕາມ​ທີ່​ກຳນົດ​ໄວ້​ໃນ​ເງື່ອນ​ໄຂ​ທີ 2 ຂອງ​ມາດຕາ 20 ກົດໝາຍ​ຄອບຄົວ, ຄະດີ​ເດັກ ແມ່ນ ຢາ​ເສບ​ຕິດ ມີ 83 ເລື່ອງ, ກວມ​ເອົາ 73,45% ຂອງ​ຄະດີ​ເດັກ​ທີ່​ເຂົ້າ​ມາ​ສານ​ຂັ້ນ​ຕົ້ນ​ແຂວງ, ນະຄອນຫຼວງ 113 ເລື່ອງ, ທຽບໃສ່ ປີຜ່ານມາຄະດີ​ເດັກ​ກະທຳ​ຜິດ​ໃນ​ສະຖານ​ຢາ​ເສບ​ຕິດ ຫຼຸດ​ລົງ 50 ເລື່ອງ, ສາເຫດ​ຂອງ​ຄະດີ​ເກີດ​ຂຶ້ນ ແມ່ນຍ້ອນ​ຂາດ​ຄວາມ​ອົບ​ອຸ່ນ, ຄວາມ​ເອົາໃຈໃສ່​ສຶກສາ​ອົບຮົມ​ຈາກ​ຄອບຄົວ, ການ​ໃກ້​​ຊິດ​ຕິດ​ແທດ​ຂອງ​ຜູ້​ປົກຄອງ, ການ​ຊັກ​ຊວນ​ຂອງ​ໝູ່​ເພື່ອນ ແລະ ຕິດ​ເກມ, ຄະດີ​ແຮງ​ງານແມ່ນການທວງ​ເອົາ​ຄ່າ​ແຮງ​ງານ ມີ 12 ເລື່ອງ, ກວມ​ເອົາ 75% ຂອງ​ຄະດີ​ແຮງ​ງານ​ທີ່​ເຂົ້າ​ມາ​ສານ​ຂັ້ນ​ຕົ້ນ​ເຂດ, ແຂວງ, ນະຄອນຫຼວງ ຈຳນວນ 16 ເລື່ອງ, ທຽບໃສ່ປີຜ່ານມາ ຄະດີ​ທວງ​ເອົາ​ຄ່າ​ແຮງ​ງານ ຫຼຸດ​ລົງ 10 ເລື່ອງ ສາເຫດ​ຂອງ​ຄະດີ​ເກີດ​ຂຶ້ນ ແມ່ນ​ການ​ລະເມີດ​ສັນຍາ​ແຮງ​ງານ, ເນື້ອ​ໃນ​ສັນຍາ​ແຮງ​ງານ​ບໍ່​ຈະແຈ້ງ ຄະດີ​ທີ່ຂໍ​ອຸທອນ ໃນ 9 ເດືອນ ຜ່ານ​ມາ ມີ 626 ເລື່ອງ ກວມ​ເອົາ 16,26% ຂອງ​ຄະດີ​ທີ່​ສານ​ຂັ້ນ​ຕົ້ນໄດ້​ຕັດສິນທັງ​ໝົດ 3.848 ເລື່ອງ (ທຽບໃສ່​ມະຕິ​ກອງ​ປະ ຊຸມ​ສະພາກໍາ​ນົດ​ບໍ່​ໃຫ້​ກາຍ 15% ປະຕິບັດ​ໄດ້ 16,26% ແລະ ທຽບໃສ່ປີຜ່ານມາ ການ​ຂໍ​ອຸທອນຫຼຸດ​ລົງ 140 ເລື່ອງ), ຄະດີ ຄ້າງ​ມາ 390 ເລື່ອງ, ລວມ 1.016 ເລື່ອງ, ພິພາກສາ ໄດ້ 543 ເລື່ອງ ເທົ່າ​ກັບ 53,44% (ທຽບໃສ່​ມະຕິ​ກອງ​ປະຊຸມ ສະພາ​ກຳນົດບໍ່​ໃຫ້​ຫຼຸດ 85% ປະຕິບັດ​ໄດ້ 53,44%), ຄູ່​ຄວາມ​ບໍ່​ພໍໃຈຂໍ​ລົບ​ລ້າງ 261 ເລື່ອງ ເທົ່າ​ກັບ 48,06%, ຖ້າ​ທຽບໃສ່​ປີຜ່ານມາ ການ​ຂໍ​ລົບ​ລ້າງ​ຫຼຸດ​ລົງ 42 ເລື່ອງ.
ປະເພດຄະດີທີ່ຖືກຂໍອຸ ທອນ​ຫຼາຍ ແລະ ພົ້ນ​ເດັ່ນ​ກວ່າ​ໝູ່ຄະດີ​ອາຍາແມ່ນຢາ​ເສບ​ຕິດ ຂໍ​ອຸທອນ 65 ເລື່ອງ ເຫດຜົນ​ການ​ຂໍ​ອຸທອນ ແມ່ນ​ກ່ຽວ​ກັບ​ການ​ຂໍ​ຫຼຸດຜ່ອນ​ໂທດ ຫຼື ຄ່າ​ປັບໄໝ, ສານ​ຂັ້ນ​ຕົ້ນ​ຍັງ​ບໍ່​ໄດ້​ນຳ​ເອົາ​ຜູ້​ຖືກເສຍ​ຫາຍ ຫຼື ໂຈດ​ທາງ​ແພ່ງ​ເຂົ້າ​ຮ່ວມ, ຄະດີແພ່ງ​ ທີ່​ຂໍ​ອຸທອນ ຢູ່​ສານ​ຂັ້ນ​ຕົ້ນ​ເຂດ​ຂຶ້ນ​ມາ​ສານ​ຂັ້ນ​ອຸທອນ ແຂວງ-​ນະຄອນຫຼວງແມ່ນ ສັນຍາ​ກູ​້ຢືມ​ຂໍ​ອຸທອນ 27 ເລື່ອງ, ເຫດຜົນບໍ່​ພໍໃຈ​ກ່ຽວ​ກັບ​ຫຼັກ​ຊັບ​ຄໍ້າ​ປະກັນ ຫຼື ບັນຫາ​ກ່ຽວ​ກັບ​ດອກ​ເບ້ຍ . ຢູ່​ສານ​ຂັ້ນ​ແຂວງ-​ນະຄອນ ຖືກ​ຂໍ​ອຸທອນ​ຫຼາຍ​ແມ່ນ​ຂັດ​ແຍ່ງ​ກຳມະສິດ​ທີ່​ດິນ ມີ 27 ເລື່ອງ ເຫດຜົນ​ບໍ່​ພໍໃຈ ຕໍ່​ກັບ​ຄຳ​ຕັດສິນ​ຂອງ​ສານ​ຂັ້ນ​ຕົ້ນ ທາງ​ດ້ານ​ການ​ພິຈາລະນາ​ຂໍ້​ມູນ​ຫຼັກ​ຖານ​ການ​ໄດ້​ມາ, ການ​ຊື້​-​ຂາຍ, ມອບ​-​ໂອນ ກຳມະສິດ​ທີ່​ດິນ ​ຫຼື ມີ​ຈຸດປະສົງ​ເພື່ອ​ແກ່ຍາວ​ຖ່ວງ​ດຶງ​ຄະດີ, ຄະດີ​ຄອບຄົວ ແມ່ນ ຢ່າ​ຮ້າງ​ຂໍ​ອຸທອນ 308 ເລື່ອງ ເຫດຜົນ​ຂອງ​ການ​ຂໍ​ອຸທອນ ແມ່ນ​ບັນຫາສິນ​ສົມ​ສ້າງ, ຊັບ​ເດີມ ແລະ ໜີ້​ສິນ​ຂອງ​ຄູ່​ຜົວ​ເມຍ, ຄະດີ​ການ​ຄ້າ ແມ່ນ ສັນຍາ​ກູ້​ຢືມ​ຂໍ​ອຸທອນ 40 ເລື່ອງ, ເຫດຜົນຂອງ​ການ​ຂໍ​ອຸທອນ​ແມ່ນ​ບັນຫາ​ບໍ່​ຢາກ​ຂາຍ ຫຼື ໂອນ​ຫຼັກ​ຊັບ​ຄໍ້າ​ປະກັນ, ຂໍ​ເລື່ອນ​ການ​ຊຳ​​ລະ​ໜີ້​ສິນ, ບຸກຄົນ​ທີ 3 ຍັງ​ບໍ່​ໄດ້​ເຂົ້າ​ຮ່ວມ ຫຼື ຄະດີ​ທີ່​ພົວພັນ​ກັບ​ຄົນ​ຕ່າງປະເທດ.
   ສ່ວນ​ຄະດີ​ເດັກ ແລະ ຄະດີ​ແຮງ​ງານ ສ່ວນ​ຫຼາຍ​ບໍ່​ມີ​ການ​ຂໍ​ອຸທອນ ສາເຫດ​ການ​ຂໍ​ອຸທອນ​ແມ່ນ​ມາ​ຈາກ 2 ສາເຫດ​ຫຼັກ ຄື: ສາເຫດ​ນອກ​ຕົວ ມີ​ບາງ​ຄະ ດີ​ຄູ່​ຄວາມ​ບໍ່​ໃຫ້​ຄວາມ​ຮ່ວມ​ມື​ກັບ​ສານ ປິດ​ບັງ, ເຊື່ອງອຳ​ຂໍ້​ມູນ​ຫຼັກ​ຖານ, ບໍ່​ປະຕິບັດ​ຕາມ​ມາດຕາ 190 ແລະ 191 ຂອງ​ກົດໝາຍ​ວ່າ​ດ້ວຍ​ການ​ດຳເນີນ​ຄະດີ​ແພ່ງ, ມີ​ເຈດຕະນາ​ຫາ​ວິທີ​ແກ່ຍາວ, ຖ່ວງ​ດຶງ​ການ​ດໍາ​ເນີນ​ຄະດີ; ການ​ປະຕິບັດ​ກົດໝາຍ​ຢູ່​ຂັ້ນ​ພື້ນຖານ​ເປັນຕົ້ນ ການ​ເຊັນ​ຢັ້ງຢືນ​ເອກະສານ, ມອບ​ກຳມະສິດ, ຊື້​-​ຂາຍ ຫຼື ຢັ້ງຢືນ​ການ​ອອກ​ໃບ​ຕາ​​ດິນ, ການ​ອະນຸຍາດ​ລົງທຶນ ຍັງ​ຖື​ເບົາ, ມັກງ່າຍ, ບໍ່​ປະຕິບັດ​ຕາມ​ຂັ້ນ​ຕອນ​ກົດໝາຍ​ຢ່າງ​ເຂັ້ມ​ງວດ; ກົດໝາຍ​ໃຫ້​ສິດ​ແກ່​ຄູ່​ຄວາມ​ໃນ​ການ​ຂໍ​ອຸທອນ ຕາມ​ມາດຕາ 263 ຂອງ​ກົດໝາຍ​ວ່າ​ດ້ວຍ​ການ​ດຳເນີນ​ຄະດີ​ແພ່ງ, ມາດຕາ 212 ແລະ 213 ຂອງ​ກົດໝາຍ​ວ່າ​ດ້ວຍ​ການ​ດໍາ​ເນີນ​ຄະດີ​ອາຍາ, ການ​ໃຫ້​ຄວາມ​ຊ່ວຍເຫຼືອ​ທາງ​ດ້ານ​ກົດໝາຍ​ລະຫວ່າງ​ຄູ່​ຄວາມ ກັບ​ທະນາຍຄວາມ​ຍັງ​ເຮັດ​ໄດ້​ໜ້ອຍ ສາເຫດ​ໃນ​ຕົວ ຜູ້​ພິພາກສາ, ພະນັກງານ​ວິຊາ​ການ​ຈຳນວນ​ໜຶ່ງ ຄວາມ​ຮັບຜິດຊອບ​ບໍ່​ສູງ, ຂາດ​ຈັນ​ຍາ​ບັນ, ຈັນຍາທຳ; ການ​ຂຽນ​ຄໍາ​ຕັດ​ສິນ, ຄໍາ​ພິພາກ​​ສາບໍ່​ລະອຽດ​ຈະແຈ້ງ, ຍັງ​ບໍ່​ຕອບ​ແກ້​ທຸກ​ປະເດັນ​ທີ່​ຄູ່​ຄວາມ​ສະເໜີ; ການ​ໂຕ້​ແຍ່ງ​ຂໍ້​ມູນ​ຫຼັກ​ຖານ​ຍັງ​ເຮັດ​ບໍ່​ທັນ​ໄດ້​ດີ ແລະ ເລິກ​ເຊິ່ງ, ເຫັນແກ່​ນຳ​ຜົນ​ປະໂຫຍດ, ຈຸ້ມ​ເຈື້ອ​ເຊື້ອສາຍ, ພັກ​ພວກ; ຄວາມ​ຮູ້​-​ຄວາມ​ສາມາດ ແລະ ປະສົບ​ການ​ຂອງ​ຜູ້​ພິພາກສາ​ຍັງ​ບໍ່​ສູງ, ການ​ຝຶກ​ອົບຮົມ​ເພື່ອ​ເປັນ​ການ​ບໍາ​ລຸງ​ສ້າງ​ຜູ້​ພິພາກ​​ສາຍັງ​ບໍ່​ເປັນ​ປົກກະຕິ​ຕໍ່​ເນື່ອງ ຄະດີ​ຂໍ​ລົບ​ລ້າງ ໃນ 9 ເດືອນ​ຜ່ານ​ມາ ມີ 261 ເລື່ອງ, ກວມ​ເອົາ 48,06% ຂອງ​ຄະດີ​ທີ່​ສານ​ຂັ້ນ​ອຸທອນ​ໄດ້​ພິພາກສາ 543 ເລື່ອງ (ຖ້າ​ທຽບໃສ່ ປີຜ່ານມາ ການ​ຂໍ​ລົບ​ລ້າງ ຫຼຸດ​ລົງ 42 ເລື່ອງ), ຄະດີ​ຄ້າງ​ມາ 136 ເລື່ອງ, ລວມ 397 ເລື່ອງ, ແກ້​ໄຂ​ໄດ້ 231 ເລື່ອງ ເທົ່າ​ກັບ 58,18% (ທຽບໃສ່​ແຜນການ​ມະຕິ​ສະພາ​ກຳນົດ​ໄວ້ 85%, ປະຕິບັດ​ໄດ້ 58,18%)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com