Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ກອງປະຊຸມສະໄໝສາມັນເທື່ອທີ 10 ສະພາແຫ່ງຊາດຊຸດທີ VIII ປິດລົງດ້ວຍຜົນສຳເລັດຢ່າງຈົບງາມ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 18/11/2020 08:47:47 ຈຳ​ນວນ​​ຢ້ຽມ​ຊົມ 1512 ຄັ້ງ

ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ (ສພຊ) ຊຸດທີ VIII ໄດ້ປິດລົງດ້ວຍຜົນສຳເລັດ ພາຍຫຼັງດຳເນີນມາແຕ່ວັນທີ 27 ຕຸລາ-17 ພະຈິກ 2020 ທີ່ສະພາແຫ່ງຊາດ (ຫຼັກ6) ໂດຍເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ເປັນກຽດເຂົ້າຮ່ວມຂອງ ທ່ານ ບຸນຍັງ ວໍລະຈິດ ປະທານປະເທດ, ທ່ານ ທອງລຸນ ສີສຸລິດ ນາຍົກລັດຖະມົນຕີ, ພ້ອມດ້ວຍບັນດາການນໍາພັກ-ລັດ ແລະ ສສຊ ຈາກເຂດເລືອກຕັ້ງຕ່າງໆເຂົ້າຮ່ວມ.

ທ່ານ ນາງ ປານີ ຢາທໍ່ຕູ້ ກ່າວວ່າ: ກອງປະຊຸມສະໄໝສາມັນ ເທື່ອທີ 10 ຂອງ ສພຊ ໄດ້ດໍາເນີນມາເປັນເວລາ 16 ວັນ ບົນພື້ນຖານການເສີມຂະຫຍາຍສິດປະຊາທິປະ ໄຕ ຄວາມຮັບຜິດຊອບການເມືອງຂອງ ສສຊ ແລະ ໄດ້ບັນລຸຜົນສໍາເລັດຕາມຄາດໝາຍທີ່ວາງໄວ້ຄື: ພິຈາລະນາບົດລາຍງານຂອງລັດຖະບານ ກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ປະຈໍາປີ 2020 ແລະ ທິດທາງປະຈໍາປີ 2021. ຕີລາຄາສູງຕໍ່ຄວາມພະຍາຍາມຂອງ ລັດຖະບານ ທີ່ໄດ້ສູ້ຊົນຈັດຕັ້ງປະຕິບັດແຜນດັ່ງກ່າວ ໃນສະພາບແວດລ້ອມສາກົນ ແລະ ພາກພື້ນ ມີຄວາມຫຍຸ້ງຍາກ ແລະ ມີສິ່ງທ້າທາຍຫຼາຍປະການ ເປັນຕົ້ນການແຜ່ລະບາດຂອງພະຍາດໂຄວິດ-19 ຊຶ່ງໄດ້ສົ່ງຜົນກະທົບຢ່າງໜັກໜ່ວງຕໍ່ທຸກຂົງເຂດວຽກງານ ກໍຄືການດໍາລົງຊີວິດຂອງປະຊາຊົນ, ການຜະລິດ-ການບໍລິການທຸລະກິດ, ຄວາມຫຍຸ້ງຍາກທາງດ້ານການເງິນ-ເງິນຕາ ແລະ ໄພພິບັດທໍາມະຊາດ ທີ່ເກີດຂຶ້ນຢ່າງຕໍ່ເນື່ອງຢູ່ຫຼາຍທ້ອງຖິ່ນ ໂດຍສະເພາະຢູ່ບັນດາແຂວງພາກກາງ ແລະ ພາກໃຕ້. ພາຍໃຕ້ການຊີ້ນໍາ-ນໍາພາ ຂອງກົມການເມືອງສູນກາງພັກ ດ້ວຍຄວາມຮັບຜິດຊອບສູງຂອງລັດຖະບານ, ບັນດາຂະແໜງການ, ອົງການປົກຄອງທ້ອງຖິ່ນແຕ່ລະຂັ້ນ ແລະ ດ້ວຍການສະໜັບສະໜູນການຮ່ວມມືຢ່າງກວ້າງຂວາງ ຈາກທຸກພາກສ່ວນເສດຖະກິດ ແລະ ປະຊາຊົນລາວບັນດາເຜົ່າ ເຮັດໃຫ້ການຈັດຕັ້ງປະຕິບັດຫຼາຍຄາດໝາຍບັນລຸຕາມແຜນທີ່ກໍານົດໄວ້.

ກອງປະຊຸມສະເໜີມາຍັງລັດຖະບານ ຮີບຮ້ອນສຸມໃສ່ຈັດຕັ້ງຜັນຂະຫຍາຍບັນດານະໂຍບາຍ ແລະ ມາດຕະການ ທີ່ໄດ້ສະເໜີຕໍ່ກອງປະຊຸມຄັ້ງນີ້ ເພື່ອຮັບປະກັນເຮັດໃຫ້ການຈັດຕັ້ງປະຕິບັດແຜນປະຈໍາປີ 2020 ທີ່ຍັງເຫຼືອ ແລະ ທິດທາງປະຈໍາ ປີ 2021 ໃຫ້ບັນລຸຕາມແຜນການທີ່ກໍານົດໄວ້, ສືບຕໍ່ຊີ້ນໍາບັນດາຂະແໜງການ, ອົງການປົກຄອງທ້ອງຖິ່ນທຸກຂັ້ນ ຍົກສູງຄວາມຮັບຜິດຊອບ ແລະ ເພີ່ມທະວີຄວາມສາມັກຄີເປັນປຶກແຜ່ນ ຂອງທຸກພາກສ່ວນເສດຖະກິດ ແລະ ປະຊາຊົນລາວບັນດາເຜົ່າ, ຜ່ານຜ່າຂໍ້ຫຍຸ້ງຍາກຫັນສິ່ງທ້າທາຍ ໃຫ້ກາຍເປັນກາລະໂອກາດ ດ້ວຍການເສີມຂະຫຍາຍຈິດໃຈເປັນເຈົ້າຕົນເອງ ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ດ້ວຍຄໍາຂວັນ “ລາວທ່ຽວລາວ, ລາວຊົມໃຊ້ຜະລິດຕະພັນລາວ” ໃຫ້ກວ້າງຂວາງທົ່ວໃນສັງຄົມ.

ກອງປະຊຸມໄດ້ຮັບຟັງການຊີ້ແຈງອະທິບາຍຈາກ 5 ກະຊວງ, ອົງການ ໃນບັນຫາທີ່ພົ້ນເດັ່ນ ທີ່ສົ່ງຜົນກະທົບຕໍ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ສືບຕໍ່ຊີ້ນໍາຂະແໜງການທີ່ກ່ຽວຂ້ອງ ຍົກສູງຄວາມຮັບຜິດຊອບການເມືອງຂອງພະນັກງານໃນ ແຕ່ລະຂັ້ນ, ເອົາໃຈໃສ່ແກ້ໄຂສິ່ງກີດຂວາງ ບົນພື້ນຖານປະສານສົມທົບກັບຂະແໜງການ ແລະ ອົງການປົກຄອງທ້ອງຖິ່ນ, ການສຶກສາອົບຮົມ ແລະ ຍົກສູງສະຕິຕື່ນຕົວເປັນເຈົ້າຂອງປະຊາຊົນເຂົ້າຮ່ວມກັບພາກລັດ ເພື່ອສູ້ຊົນບັນລຸບັນດາຄາດໝາຍທີ່ວາງໄວ້, ເຮັດໃຫ້ປະເທດຊາດຫຼຸດພົ້ນອອກຈາກສະຖານະພາບດ້ອຍພັດທະນາໃນຊຸມປີຕໍ່ໜ້າ.

ກອງປະຊຸມໄດ້ຮັບຟັງການລາຍງານຜົນການຕິດຕາມກວດກາ ກ່ຽວກັບການຈັດຕັ້ງປະຕິບັດກົດໝາຍ ຕິດພັນກັບການຄຸ້ມຄອງການບໍລິການຮ້ານກິນດື່ມ ແລະ ຮ້ານບັນເທີງ ເຫັນວ່າ: ວຽກງານຄຸ້ມຄອງບໍລິການຮ້ານກິນດື່ມ ແລະ ຮ້ານບັນເທີງ ໄດ້ຫັນເຂົ້າສູ່ການຄຸ້ມຄອງຕາມລະບຽບກົດໝາຍດີຂຶ້ນ, ສ້າງໄດ້ວຽກເຮັດງານທໍາ, ສ້າງລາຍຮັບໃຫ້ແກ່ປະຊາຊົນ. ກອງປະຊຸມສະເໜີມາຍັງລັດຖະບານເອົາໃຈໃສ່ຊີ້ນໍາ ຂະແໜງການກ່ຽວຂ້ອງທຸກຂັ້ນ ເຂັ້ມງວດກວດກາ ການອະນຸຍາດ ແລະ ການເຄື່ອນໄຫວຂອງບັນດາຮ້ານບັນເທີງຢູ່ບາງທ້ອງຖິ່ນໃຫ້ ຖືກຕ້ອງຕາມກົດໝາຍ ແລະ ໃຫ້ມີຄວາມສົມດູນກັບການຂະຫຍາຍຕົວທາງດ້ານເສດຖະກິດຂອງທ້ອງຖິ່ນຈໍາກັດປະກົດການຫຍໍ້ທໍ້ ທີ່ເກີດຂຶ້ນໃນການບໍລິການຮ້ານບັນເທີງໃຫ້ຫຼຸດລົງ.

ກອງປະຊຸມໄດ້ຮັບຮອງເອົາຜັງລວມຕົວເມືອງນະຄອນຫຼວງວຽງຈັນ ເພື່ອເປັນພື້ນຖານໃຫ້ແກ່ລັດຖະບານ ນໍາໄປຊີ້ນໍາຂະແໜງການກ່ຽວຂ້ອງ ກໍຄືນະຄອນຫຼວງວຽງຈັນ ຈັດຕັ້ງຜັນຂະຫຍາຍເປັນໂຄງການລະອຽດ ໃຫ້ເປັນຮູບປະທໍາ ແລະ ຖືກຕ້ອງຕາມກົດໝາຍທີ່ກ່ຽວຂ້ອງ, ຮັກສາໄວ້ໄດ້ເອກະລັກທາງດ້ານສິລະປະ, ວັດທະນະທໍາ, ສະຖາປັດຕະຍະກໍາຂອງລາວ, ຮັບປະກັນການພັດທະນາໄປຄຽງຄູ່ກັບການອະນຸລັກຮັກສາສິ່ງແວດລ້ອມ ແລະ ທໍາມະຊາດ ໃຫ້ມີຄວາມສວຍງາມ, ຍືນຍົງ ແລະ ມີຄວາມເປັນລະບຽບຮຽບຮ້ອຍ. ໄດ້ພິຈາລະນາ ແລະ ຮັບຮອງເອົາການສະເໜີຂອງທ່ານ ນາຍົກລັດຖະມົນຕີ ກ່ຽວກັບການແຕ່ງຕັ້ງສະມາຊິກລັດຖະບານ 2 ທ່ານ ແລະ ກອງປະຊຸມໄດ້ສະແດງຄວາມຊົມເຊີຍມາຍັງອົງການກວດສອບແຫ່ງລັດ ແລະ ອົງການກວດກາລັດ ທີ່ໄດ້ມີຄວາມພະຍາຍາຍາມ ເຄື່ອນໄຫວວຽກງານຕາມພາລະບົດບາດໄດ້ເປັນຢ່າງດີ ແລະ ໄດ້ສະໜອງຂໍ້ມູນທີ່ສໍາຄັນ ໃຫ້ແກ່ກອງປະຊຸມ ສພຊ ໄດ້ພິຈາລະນາຮັບຮອງເອົາ.

ກອງປະຊຸມ ສະເໜີໃຫ້ອົງການກວດສອບແຫ່ງລັດ ສືບຕໍ່ເອົາໃຈໃສ່ປັບປຸງ ແລະ ປະກາດໃຊ້ບັນດານິຕິກໍາລຸ່ມກົດໝາຍໃຫ້ລະອຽດ ເພື່ອເພີ່ມເຄື່ອງມືໃຫ້ແກ່ນັກກວດສອບ ປະຕິບັດໜ້າທີ່ຄ່ອງຕົວ ແລະ ຖືກຕ້ອງຕາມຫຼັກການເຄື່ອນໄຫວຂອງການກວດສອບ. ສະແດງຄວາມຊົມເຊີຍ ຕໍ່ຜົນສໍາເລັດໃນ 1 ປີຜ່ານມາຂອງອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດຍາດມາໄດ້. ພ້ອມທັງສະເໜີໃຫ້ສອງອົງການດັ່ງກ່າວ ສືບຕໍ່ເອົາໃຈໃສ່ຍົກລະດັບຄວາມຮູ້ຄວາມສາມາດ ຂອງພະນັກງານ ໄປຄຽງຄູ່ກັບການຝຶກ ຝົນຫຼໍ່ຫຼອມທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ, ປັບປຸງລະບອບແບບແຜນວິທີເຮັດວຽກ ແລະ ເພີ່ມທະວີຍົກສູງຄວາມຮັບຜິດຊອບ ຊີ້ນໍາຕິດຕາມກວດກາ ການປະຕິບັດໜ້າທີ່. ສະແດງຄວາມຊົມເຊີຍ ຄະນະປະຈໍາ ສພຊ ໃນຖານະທີ່ເປັນອົງການ ປະຈໍາການ ຂອງ ສພຊ ໄດ້ເອົາໃຈໃສ່ ຊີ້ນໍາ-ນໍາພາການເຄື່ອນໄຫວວຽກງານຂອງ ສພຊ ນັບມື້ໄດ້ຮັບການປັບປຸງມີຄຸນນະພາບດີຂຶ້ນເປັນກ້າວໆ.

ກອງປະຊຸມ ສະແດງຄວາມຂອບໃຈ ແລະ ຊົມເຊີຍມາຍັງຄະນະພັກ ອົງການປົກຄອງທ້ອງຖິ່ນ ທີ່ໄດ້ໃຫ້ການຊີ້ນໍາ ແລະ ຮ່ວມມືກັບ ຄະນະສະມາຊິກ ສພຊ ປະຈໍາເຂດເລືອກຕັ້ງ ຈັດຕັ້ງປະຕິບັດວຽກງານຂອງ ສພຊ ຢູ່ແຕ່ລະທ້ອງຖິ່ນຢ່າງມີຜົນສໍາເລັດເປັນຢ່າງດີ .

ກອງປະຊຸມໄດ້ຮັບຮອງເອົາກົດໝາຍ 5 ສະບັບ ດ້ວຍຄະແນນສຽງສ່ວນຫຼາຍ ເພື່ອເພີ່ມເຄື່ອງມືຄຸ້ມຄອງລັດໃຫ້ແກ່ຂະແໜງການທີ່ກ່ຽວຂ້ອງເຊັ່ນ: ກົດໝາຍວ່າດ້ວຍຊັ້ນນັກການທູດ, ກົດໝາຍວ່າດ້ວຍຊາວໜຸ່ມລາວ, ກົດໝາຍວ່າດ້ວຍການຮ່ວມມືລະຫວ່າງປະເທດ ທາງອາຍາ, ກົດໝາຍວ່າດ້ວຍການສຶກສາຊັ້ນສູງ ແລະ ກົດໝາຍວ່າດ້ວຍການກວດສອບແຫ່ງລັດ. ຮັບປະກັນເຮັດໃຫ້ການເຄື່ອນໄຫວວຽກຂອງຂະແໜງການດັ່ງກ່າວ ນັບມື້ຫັນເຂົ້າສູ່ລະບຽບກົດໝາຍ ແລະ ມີຄຸນນະພາບດີຂຶ້ນ.

ນອກນີ້, ກອງປະຊຸມຍັງໄດ້ສະເໜີມາຍັງລັດຖະບານ ແລະ ຄະນະປະຈໍາ ສພຊ ຈົ່ງໄດ້ຊີ້ນໍາກະຊວງ ແລະ ກໍາມາທິການກ່ຽວຂ້ອງ ນໍາເອົາຄວາມຄິດເຫັນຂອງ ສສຊ ໄປປັບປຸງເຂົ້າໃສ່ແຜນດັ່ງກ່າວ, ສືບຕໍ່ຄົ້ນຄວ້າໃຫ້ເລິກເຊິ່ງຕໍ່ແຕ່ລະບັນຫາ ເພື່ອກໍານົດບັນດາຄາດໝາຍທິດທາງວຽກງານຈຸດສຸມໃນແຕ່ລະດ້ານໃຫ້ມີຄວາມຊັດເຈນ ແລະ ສອດຄ່ອງກັບຄວາມຮຽກຮ້ອງຕ້ອງການ ໃນການພັດທະນາເສດຖະກິດ-ສັງຄົມ ຄວາມອາດສາມາດຕົວຈິງທາງດ້ານທຶນຮອນ ໃນໄລຍະ 5 ປີຕໍ່ໜ້າ ເພື່ອສາມາດນໍາໄປພິຈາລະນາ ແລະ ຮັບຮອງເອົາຢູ່ໃນກອງປະຊຸມຄັ້ງປະຖົມມະລືກ ຂອງ ສພຊ ຊຸດທີ IX.

ຮຽກຮ້ອງມາຍັງບັນດາກະຊວງ ອົງການທຽບເທົ່າ ອົງການປົກຄອງທ້ອງຖິ່ນທຸກຂັ້ນ ຈົ່ງໄດ້ເອາໃຈໃສ່ຊີ້ນໍາ-ນໍາພາ ແລະ ກະກຽມເງື່ອນໄຂຮອບດ້ານ ເພື່ອຮັບປະກັນໃຫ້ແກ່ການເລືອກຕັ້ງຄັ້ງນີ້ ບັນລຸຜົນສໍາເລັດຕາມຄາດໝາຍທີ່ວາງໄວ້.

ສະພາແຫ່ງຊາດຊຸດທີ VIII, ໄລຍະ 5 ປີຜ່ານມາ ໃນຖານະເປັນອົງການຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນ ສະມາຊິກສະພາແຫ່ງຊາດ ໄດ້ເອົາໃຈໃສ່ຍົກສູງຄວາມຮັບຜິດຊອບການເມືອງ ຈັດຕັ້ງປະຕິບັດສິດ ແລະ ໜ້າທີ່ຂອງຕົນຕາມກົດໝາຍໄດ້ຢ່າງຄົບຖ້ວນ, ເສີມຂະຫຍາຍສິດປະຊາທິປະໄຕເຂົ້າໃນການຄົ້ນຄວ້າ, ພິຈາລະນາ ແລະ ຕົກລົງບັນຫາສໍາຄັນຂອງຊາດ, ລົງເລິກໃກ້ຊິດຕິດແທດ ແລະ ຮັບຟັງຄວາມຄິດເຫັນຂອງປະຊາຊົນ ເພື່ອສະເໜີໃຫ້ພາກສ່ວນກ່ຽວຂ້ອງ ພິຈາລະນາແກ້ໄຂ.

ຕາງໜ້າໃຫ້ຄະນະ ປະຈໍາສະພາແຫ່ງຊາດ ຂໍສະແດງຄວາມຂອບໃຈ ແລະ ຍ້ອງຍໍສັນລະເສີນ ບັນດາທ່ານ ສະມາຊິກສະພາແຫ່ງຊາດ ທີ່ໄດ້ສໍາເລັດໜ້າທີ່ອັນມີກຽດສະຫງ່າຂອງຕົນ. ຂ້າພະເຈົ້າມີຄວາມຫວັງຢ່າງຍິ່ງວ່າ: ຕະຫຼອດໄລຍະການຮ່ວມເຄື່ອນໄຫວວຽກງານ ໃນສະພາແຫ່ງຊາດຊຸດນີ້ ແລະ ຈະສືບຕໍ່ປະກອບສ່ວນຄວາມຮູ້ຄວາມສາມາດຂອງຕົນ ເຂົ້າໃນພາລະກິດປົກປັກຮັກສາ ແລະ ສ້າງພັດທະນາປະເທດຊາດ ເພື່ອຄວາມສົມບູນພູນສຸກຂອງປະຊາຊົນລາວບັນດາເຜົ່າ ແລະ ຄວາມຈະເລີນກ້າວໜ້າວັດທະນາຂອງປະເທດຊາດ.

( ຂ່າວ: ແສງຈັນ, ພາບ: ພູວຽງຄໍາ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110