Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ສື່ມວນຊົນລາວ-ຈີນຈະຮ່ວມສຳພາດ ໃນໂຄງການ ໜຶ່ງແລວ ໜຶ່ງເສັ້ນທາງ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 19/11/2020 09:53:12 ຈຳ​ນວນ​​ຢ້ຽມ​ຊົມ 876 ຄັ້ງ

ສື່ມວນຊົນລາວ-ຈີນ ມີແຜນລົງສຳພາດຄວາມຄືບໜ້າຂອງໂຄງການຮ່ວມມືລາວ-ຈີນ ຕາມຂໍ້ລິເລີ່ມ ”ໜຶ່ງແລວ ໜຶ່ງເສັ້ນທາງ” ເພື່ອນຳຂໍ້ມູນ-ຂ່າວສານມາເຜີຍແຜ່ໃຫ້ປະຊາຊົນສອງຊາດລາວ-ຈີນ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ໝາກຜົນຕົວຈິງຂອງການຮ່ວມມືລະຫວ່າງລາວ-ຈີນ ແລະ ປະກອບສ່ວນຊຸກຍູ້ສົ່ງເສີມການຮ່ວມມືລາວ-ຈີນໃຫ້ແຕກດອກອອກຜົນຍິ່ງຂຶ້ນ.

ກອງປະຊຸມພົບປະທາງໄກລະຫວ່າງຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ ແລະ ຄະນະໂຄສະນາສູນກາງພັກກອມມູນິດຈີນ ແລະ ພິທີເປີດການຮ່ວມສຳພາດຂອງສື່ມວນຊົນລາວ-ຈີນໂຄງການ “ໜຶ່ງແລວ ໜຶ່ງເສັ້ນທາງ” ໄດ້ຈັດຂຶ້ນໃນວັນທີ 18 ພະຈິກນີ້, ທີ່ນະຄອນຫຼວງວຽງຈັນໂດຍການເປັນປະທານຂອງທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ ກັບ ທ່ານ ຫວາງ ຄຸນ ໝິງ ກໍາມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ, ມີບັນດາຮອງລັດຖະມົນ ຕີ ແລະ ພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ທ່ານ ຄໍາພັນ ພົມມະທັດ ກຳມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກໄດ້ກ່າວໃຫ້ຮູ້ວ່າ: ສອງຝ່າຍລາວ-ຈີນ ໄດ້ສືບຕໍ່ປະສານສົມທົບ ກັນຢ່າງແໜ້ນແຟ້ນ ໃນເວທີພາກພື້ນ ແລະ ສາກົນ, ການພົວພັນສອງຝ່າຍ ໄດ້ນໍາເອົາຜົນປະໂຫຍດ ຕົວຈິງມາສູ່ປະຊາຊົນ ສອງຊາດນັບມື້ຫຼາຍຂຶ້ນ ຊຶ່ງສະແດງອອກຜ່ານການຮ່ວມມື ທີ່ເປັນຮູບປະທຳຕົວຈິງ ໃນການປະສານສົມທົບ ລະຫວ່າງ ຍຸດທະສາດ “ການຫັນປະເທດ ບໍ່ມີທາງອອກສູ່ທະເລ ເປັນປະເທດເຊື່ອມຈອດເຊື່ອມໂຍງ” ຂອງ ສປປ ລາວ ກັບ ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ຂອງ ສປ ຈີນ. ໃນຂອບການຮ່ວມມືດັ່ງກ່າວນີ້ ສອງຝ່າຍໄດ້ມີການຮ່ວມມືລົງທຶນກໍ່ສ້າງຫຼາຍ ໂຄງການທີ່ສໍາຄັນ ເປັນຕົ້ນ ໂຄງການ ກໍ່ສ້າງເສັ້ນທາງລົດໄຟ ລາວ-ຈີນ, ໂຄງການກໍ່ສ້າງເສັ້ນທາງດ່ວນ ວຽງຈັນ-ວັງວຽງ, ເຂດພັດທະນາກວມລວມໄຊເສດຖາ, ໂຄງການປັບປຸງໂຮງໝໍມະໂຫສົດ, ໂຄງການຊ່ວຍເຫຼືອແກ້ໄຂຄວາມທຸກຍາກ ຢູ່ທ້ອງຖິ່ນຂອງລາວ ແລະ ໂຄງການອື່ນໆ ທີ່ພວມມີຜົນຄືບໜ້າ. ຂ້າພະເຈົ້າ ເຊື່ອໝັ້ນວ່າ, ຜ່ານການສໍາພາດ ແລະ ລາຍງານຄວາມຄືບໜ້າ ຂອງການຮ່ວມມື ໃນຂົງເຂດຕ່າງໆ ຂອງສອງຝ່າຍ ຢູ່ ສປປ ລາວ ຂອງສື່ມວນຊົນສອງປະເທດ ຍິ່ງຈະຊ່ວຍເຮັດໃຫ້ ປະຊາຊົນສອງຊາດ ລາວ-ຈີນ ມີຄວາມຮັບຮູ້ເຂົ້າໃຈ ຢ່າງຖືກຕ້ອງ ຕໍ່ວັດຖຸປະສົງ ແລະ ໝາກຜົນຕົວຈິງ ຂອງການຮ່ວມມື ລະຫວ່າງ ສອງປະເທດ ລາວ-ຈີນ. ນອກຈາກເປັນການ ປັບປຸງພື້ນຖານໂຄງລ່າງ, ຍົກລະດັບຊີວິດ ຂອງປະຊາຊົນລາວ ບັນດາເຜົ່າແລ້ວ, ຍັງເປັນການປະກອບສ່ວນເສີມຂະຫຍາຍມິດຕະພາບ, ການຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງຍາວນານ ຕາມທິດ 4 ດີ (ເປັນເພື່ອນບ້ານໃກ້ຄຽງທີ່ດີ, ເປັນເພື່ອນມິດທີ່ດີ, ເປັນສະຫາຍທີ່ດີ ແລະ ເປັນຄູ່ຮ່ວມມືທີ່ດີ), ລວມເຖິງການເປັນຄູ່ຮ່ວມຊາຕາກໍາສັງຄົມນິຍົມ ລະຫວ່າງ ປະຊາຊົນສອງຊາດ ລາວ-ຈີນ, ຈີນ-ລາວ ໃຫ້ນັບມື້ເປັນຮູບປະທໍາຍິ່ງໆຂຶ້ນ.

ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີ ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວໄດ້ກ່າວວ່າ: ການເປີດໂຄງການຮ່ວມສຳພາດຂອງສື່ມວນຊົນລາວ-ຈີນ ຄັ້ງນີ້ ສຸດທີ່ມີຄວາມໝາຍສໍາຄັນເປັນຢ່າງຍິ່ງ, ເປັນໂອກາດທີ່ສື່ມວນຊົນລາວ-ຈີນ ພວກເຮົາຈະໄດ້ປະຕິບັດໜ້າທີ່ສື່ມວນຊົນຮ່ວມກັນຢ່າງໃກ້ຊິດ ໃນການນຳສະເໜີຂໍ້ມູນຂ່າວສານຜົນສຳເລັດກໍຄືຜົນປະໂຫຍດຕົວຈິງຮ່ວມກັນໃນການປະຕິບັດໂຄງການຮ່ວມມື ລາວ-ຈີນ “ໜຶ່ງແລວ ໜຶ່ງເສັ້ນທາງ” ການປະຕິບັດໂຄງການດັ່ງກ່າວຍັງເປັນການຜັນຂະຫຍາຍຜົນສໍາເລັດຂອງກອງປະຊຸມເວທີປຶກສາຫາລືການຮ່ວມມື ລາວ-ຈີນ ໃນຂອບ “ໜຶ່ງແລວ ໜຶ່ງເສັ້ນທາງ” ຄັ້ງທີ 1 ທີ່ພວກເຮົາຮ່ວມກັນເປັນເຈົ້າພາບຊຶ່ງໄດ້ຈັດຂຶ້ນໃນລະຫວ່າງວັນທີ 2-3 ກຸມພາ ປີ 2018 ທີ່ ນະຄອນຫຼວງວຽງຈັນ ສປປ ລາວ.

ພິທີເປີດໂຄງການຮ່ວມສຳພາດຂອງສື່ມວນຊົນລາວ-ຈີນ ໃນໂຄງການ “ໜຶ່ງແລວ ໜຶ່ງເສັ້ນທາງ” ໄດ້ສະທ້ອນໃຫ້ເຫັນເຖິງການພົວພັນຮ່ວມມືໃນຂົງເຂດວຽກງານໂຄສະນາ ແລະ ຖະແຫຼງຂ່າວ-ສື່ມວນຊົນຂອງສອງປະເທດ ລາວ-ຈີນ ໃນການຈັດຕັ້ງຜັນຂະຫຍາຍການຮ່ວມມືຄູ່ຍຸດທະສາດຮອບດ້ານ ໝັ້ນຄົງຍາວນານ ແລະ ການເປັນຄູ່ຮ່ວມຊາຕາກໍາ ໃຫ້ສືບຕໍ່ຂະຫຍາຍຕົວຢ່າງບໍ່ຢຸດຢັ້ງຕາມທິດ 4 ດີ.

ໃນໄລຍະຜ່ານມາ, ສື່ມວນຊົນ ລາວ-ຈີນ ໄດ້ພ້ອມກັນໂຄສະນາເຜີຍແຜ່ບັນຍາກາດແຫ່ງການເສີມຂະຫຍາຍສາຍພົວພັນອັນດີງາມ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ຕາມກົນໄກການຮ່ວມມືດ້ານຕ່າງໆໄດ້ເປັນຢ່າງດີ ເພື່ອໃຫ້ປະຊາຊົນສອງປະເທດຮັບຮູ້ ແລະ ມີຄວາມເຂົ້າໃຈຢ່າງເລິກເຊິ່ງ ແລະ ພ້ອມປະກອບສ່ວນເຂົ້າໃນການຊຸກຍູ້ສົ່ງເສີມໃຫ້ການຮ່ວມມືຂອງສອງປະເທດນັບມື້ເກີດດອກອອກຜົນງອກງາມເລື້ອຍໆ.

(ຂ່າວ-ພາບ : ສຸກສາຄອນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110