Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ນາຍົກລັດຖະມົນຕີ ຊຸກຍູ້ວຽກງານທີ່ແຂວງບໍລິຄຳໄຊ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 20/11/2020 08:52:25 ຈຳ​ນວນ​​ຢ້ຽມ​ຊົມ 1285 ຄັ້ງ

ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ພ້ອມ​ດ້ວຍ​ຄະນະ ໄດ້​ເຄື່ອນ​ໄຫວ​ຢ້ຽມຢາມ, ໂອ້​ລົມ ແລະ ຊີ້​ນຳ​ວຽກ​ງານ ແຂວງ​ບໍ​ລິ​ຄຳ​ໄຊ​ໃນ​ວັນ​ທີ 18 ພະຈິກ ຜ່ານ​ມາ ໂດຍ​ມີ​ທ່ານ ກອງ​ແກ້ວ ໄຊ​ສົງຄາມ ເຈົ້າແຂວງບໍ​ລິ​ຄຳ​ໄຊ ພ້ອມ​ດ້ວຍການ​ນຳ​ຫຼັກ​ແຫຼ່ງ​ຂອງ ​ແຂວງ ໃຫ້ການ​ຕ້ອນຮັບ ແລະ ເຂົ້າ​ຮ່ວມ​ຮັບ​ຟັງ​ການ​ໂອ້​ລົມຢູ່​ສະໂມສອນ​ໃຫຍ່ຂອງ​ແຂວງ.
ໃນ​ໂອກາດ​ນີ້, ທ່ານເຈົ້າ ແຂວງ​ບໍ​ລິ​ຄຳ​ໄຊ ໄດ້​ລາຍ​ງານ ກ່ຽວ​ກັບ​ສະພາບ​ການຈັດຕັ້ງ​ປະຕິບັດ​ວຽກ​ງານ​ທີ່​ພົ້ນ​ເດັ່ນ​ຂອງ​ແຂວງ ໃນ​ໄລຍະ 9 ເດືອນ​ຜ່ານ​ມາ ໂດຍ​ຫຍໍ້ ໃຫ້​ຄະນະ​ຂອງ​ທ່ານນາຍົກລັດຖະມົນຕີ ຮັບ​ຊາບ​ວ່າ: ໂດຍ​ລວມ ທົ່ວ​ແຂວງ ສືບຕໍ່​ຮັກສາ​ໄດ້ ສະຖຽນ​ລະ​ພາບ​ທາງ​ດ້ານ​ການເມືອງ, ສັງຄົມ​ມີ​ຄວາມ​ສະຫງົບ ແລະ ເປັນ​ລະບຽບ​ຮຽບຮ້ອຍ​ໂດຍ​ພື້ນຖານ; ພະນັກງານ, ທະຫານ, ຕຳຫຼວດ ແລະ ປະຊາຊົນ ມີ​ຄວາມ​ອຸ່ນ​ອ່ຽນ​ທຸ່ນ​ທ່ຽງ ເຊື່ອ​ໝັ້ນ​ຕໍ່​ການ​ນຳພາ​ຂອງ​ພັກ ແລະ ເຂົ້າ​ຮ່ວມ​ປະຕິບັດ 2 ໜ້າທີ່​ຍຸດທະສາດ​ຂອງ​ຊາດ ຢ່າງ​ເປັນ​ປົກ​ກະ​ຕິ. ຄາດ​ຄະເນ ປີ 2020 ເສດຖະກິດ​ຂອງ​ແຂວງ ຈະ​ຂະຫຍາຍຕົວ​ໃນ​ລະດັບ 2,73% (ມູນ​ຄ່າ 5.878 ຕື້​ກີບ), ລາຍ​ຮັບ​ສະເລ່ຍ​ໃສ່​ຫົວ​ຄົນ 2.136 ໂດ​ລາ; ການ​ເກັບ​ລາຍ​ຮັບ​ເຂົ້າ​ງົບປະມານ ພູດ​ຂອງ​ສູນ​ກາງ ປະຕິບັດ​ໄດ້ 67,12% ຂອງ​ແຜນ​ປີ (ແຜນ​ດັດແກ້), ພູດ​ຂອງ​ແຂວງ ປະຕິບັດ​ໄດ້ 65,61% ຂອງ​ແຜນ​ປີ (ແຜນ​ດັດແກ້), ສ່ວນ​ການ​ປະຕິບັດ​ແຜນ​ລາຍ​ຈ່າຍ ບັນລຸ 64,38% ຂອງ​ແຜນ​ປີ (ແຜນ​ດັດແກ້); ການ​ເບີກ​ຈ່າຍ​ເງິນເດືອນ ແມ່ນ​ສຳເລັດ​ຮອດ​ເດືອນ​ຕຸລາ; ໂຄງການ​ກໍ່ສ້າງ​ຂົວ​ຂ້າມ​ນໍ້າ​ຂອງ ບໍ​ລິ​ຄຳ​ໄຊ​-​ບຶງ​ການ ປັດຈຸບັນ ຢູ່​ໃນ​ຂັ້ນ​ຕອນ​ກະກຽມ​ເຊັນ​ສັນຍາ ກັບ​ຜູ້​ຮັບ​ເໝົາ​ກໍ່ສ້າງ ຊຶ່ງ​ຄາດ​ວ່າ ຈະ​ໃຊ້​ເວລາ​ໃນ​ການ​ກໍ່ສ້າງ 36 ເດືອນ (ທັນວາ 2020 ຫາ ທັນວາ 2023); ການ​ຜະລິດ​ເຂົ້ານາ​ປີ ສາມາດ​ປະຕິບັດ​ໄດ້ 36.745 ຮຕ ເທົ່າ​ກັບ 99,29% ຂອງ​ແຜນການ​ປີ, ຄາດ​ຄະເນ​ຜົນ​ຜະລິດ ເຂົ້າເປືອກ 134.749 ໂຕນ; ປູກ​ພືດ​ສະບຽງ​ອາຫານ ແລະ ຜະລິດ​ເປັນ​ສິນຄ້າ ໄດ້ 27.830 ເຮັກຕາ, ລື່ນ​ແຜນການ 2,09%; ໄດ້​ສຳເລັດ​ການ​ດຳເນີນ​ກອງ​ປະຊຸມ​ໃຫຍ່​ອົງຄະ​ນະ​ພັກ​ແຂວງ ຄັ້ງ​ທີ VII ໃນ​ວັນ​ທີ 24-25 ກັນຍາ ຜ່ານ​ມາ ຢ່າງ​ຈົບ​ງາມ. ນອກຈາກ​ນັ້ນ ກໍຍັງ​ມີ​ຜົນສຳເລັດ​ດ້ານ​ອື່ນໆ ຕື່ມ​ອີກ.
ໃນ​ໂອກາດ​ດຽວ​ກັນ, ທ່ານ ນາຍົກລັດຖະມົນຕີ ໄດ້​ມີ​ຄຳ​ເຫັນ​ໂອ້​ລົມ ແລະ ໃຫ້​ທິດ​ຊີ້​ນຳ ຕໍ່​ການ​ນຳ​ຫຼັກ​ແຫຼ່ງ​ຂອງ​ແຂວງ, ກ່ອນ​ອື່ນ ທ່ານ​ໄດ້​ກ່າວ​ສະແດງ​ຄວາມ​ຊົມເຊີຍ ຕໍ່​ຜົນສຳເລັດ ທີ່​ທາງ​ແຂວງ ສາມາດ​ຍາດ​ມາ​ໄດ້​ໃນ​ໄລຍະ​ທີ່​ຜ່ານ​ມາ, ລວມ​ທັງ ຜົນສຳເລັດ​ກອງ​ປະຊຸມ​ໃຫຍ່ ຄັ້ງ​ທີ VII ຂອງ​ອົງຄະ​ນະ​ພັກ​ແຂວງ ແລະ ເຊື່ອ​ໝັ້ນ​ວ່າ ຄະນະ​ພັກ​ຊຸດ​ໃໝ່ ຈະ​ນຳພາ ພັດທະນາ​ແຂວງ​ບໍ​ລິ​ຄຳ​ໄຊ ແລະ ແກ້​ໄຂ​ສິ່ງ​ທີ່​ບໍ່​ທັນ​ສຳເລັດ​ໃນ 5 ປີ ຜ່ານ​ມາ. ພ້ອມ​ກັນ​ນີ້, ທ່ານ​ໄດ້​ຊີ້​ນຳ ໃຫ້​ເອົາໃຈໃສ່​ບາງ​ບັນຫາ​ຕື່ມ ເປັນຕົ້ນ ສຶກສາ​ຄືນ ຄວາມ​ສາມາດ​ບົ່ມ​ຊ້ອນ​ຂອງ​ແຂວງ ໃນ​ແຕ່​ລະ​ດ້ານ (ເປັນ​ຈຸດ​ໃຈກາງ​ຂອງ​ການ​ເຊື່ອມ​ຈອດ​ແຕ່​ເໜືອ​ຮອດ​ໃຕ້ ແລະ ເຊື່ອມ​ໂຍງ​ກັບ​ບັນດາ​ປະເທດ​ໃກ້​ຄຽງ, ການ​ຄ້າ, ການ​ລົງທຶນ, ການທ່ອງທ່ຽວ ...) ເພື່ອ​ວາງ​ແຜນການ​ພັດທະນາ​ເສດ​ຖະ​ກິດ​-​ສັງຄົມ​ຂອງ​ແຂວງ ແລະ ກຳນົດ​ໂຄງການ​ບຸລິ​ມະ​ສິດ ໃນ​ປັດຈຸບັນ ກໍ​ຄື​ສະເພາະ​ໜ້າ ແລະ ຍາວ​ນານ; ສົ່ງເສີມ​ການ​ລົງທຶນ ເຂົ້າ​ໃນ​ການ​ຜະລິດ​ເປັນ​ສິນຄ້າ ໂດຍ​ສະເພາະ ກະສິກຳ​ສະອາດ, ປອດ​ສານພິດ ເພື່ອ​ຮັບ​ໃຊ້​ພາຍ​ໃນ ແລະ ເປັນ​ສິນຄ້າ​ເພື່ອ​ສົ່ງ​ອອກ ແລະ ຂະແໜງ​ອື່ນ ທີ່​ມີ​ທ່າແຮງ; ເອົາໃຈໃສ່​ຄຸ້ມ​ຄອງ​ຊັບພະຍາກອນ​ທຳ​ມະ​ຊາດ, ນຳ​ໃຊ້​ໃຫ້​ເກີດ​ຜົນ​ປະໂຫຍດ​ສູງ​ສຸດ ແລະ ບໍ່​ໃຫ້​ມີ​ການ​ລັກລອບ​ຂຸດ​ຄົ້ນ;  ຊຸກຍູ້​ສົ່ງເສີມ​ການທ່ອງທ່ຽວ ໄປ​ພ້ອມ​ກັບ​ການ​ສ້າງ ແລະ ປັບປຸງ​ສະຖານທີ່​ທ່ອງ​ທ່ຽວ ໂດຍ​ສະເພາະ ການທ່ອງທ່ຽວ​ແບບ​ອະນຸລັກ​ທຳ​ມະ​ຊາດ, ວັດທະນະທຳ, ກະສິກຳ ແລະ ອື່ນໆ ຕາມ​ທ່າແຮງ​ຕົວ​ຈິງ​ຂອງ​ແຂວງ ເພື່ອ​ດຶງ​ດູດ​ການທ່ອງທ່ຽວ​ພາຍ​ໃນ (ລາວ​ທ່ຽວ​ລາວ) ໃຫ້​ຫຼາຍ​ຂຶ້ນ ແລະ ເພື່ອ​ຮອງ​ຮັບ​ນັກ​ທ່ອງ​ທ່ຽວ​ຈາກ​ຕ່າງປະເທດ ພາຍຫຼັງ​ບັນຫາ​ໂຄ​ວິດ-19 ໄດ້​ຮັບ​ການ​ແກ້​ໄຂ; ສືບຕໍ່​ເອົາໃຈໃສ່​ປະຕິບັດ​ມາດ​ຕະການ ປ້ອງ​ກັນ, ຄວບ​ຄຸມ, ສະກັດ​ກັ້ນ ແລະ ແກ້​ໄຂ ການ​ແຜ່​ລະບາດ ຂອງ​ພະຍາດ ໂຄ​ວິດ-19 ຕາມ​ຄະນະ​ສະເພາະ​ກິດ​ວາງ​ອອກ ໃນ​ແຕ່​ລະ​ໄລຍະ ຢ່າງ​ເຂັ້ມ​ງວດ, ພ້ອມ​ກັນ​ນັ້ນ ກໍ​ປັບປຸງ​ແບບແຜນ​ດຳລົງ​ຊີວິດ​ສູ່​ແບບ​ໃໝ່ ທີ່​ດີກ​ວ່າ​ເກົ່າ ເປັນຕົ້ນ ການ​ປະຢັດ​ມັດທະຍັດ, ບໍ່​ຟຸມ​ເຟືອຍ, ເພິ່ງ​ຕົນ​ເອງ, ກຸ້ມ​ຕົນ​ເອງ, ມີ​ລະບຽບ​ວິໄນ, ການ​ຈັດ​ງານ​ດອງ, ງານ​ປະເພນີ​ຕ່າງໆ ທີ່​ສົມ​ເຫດ​ສົມ​ຜົນ ແລະ ອື່ນໆ; ເອົາໃຈໃສ່ ວຽກ​ງານ​ປ້ອງ​ກັນ​ຊາດ, ປ້ອງ​ກັນ​ຄວາມ​ສະຫງົບ​ໃຫ້​ດີ ໄປ​ຄຽງ​ຄູ່​ກັບ ການ​ຕ້ານ ແລະ ສະກັດ​ກັ້ນ ບັນຫາ​ຫາງ​ສຽງ​ບໍ່​ດີ​ໃນ​ສັງຄົມ, ລວມ​ທັງ ການ​ໃສ່​ຮ້າຍ​ປ້າຍ​ສີ, ທັບ​ຖົມ​ໂຈມ​ຕີ​ທີ່​ບໍ່​ດີ ຜ່ານ​ສື່​ອອນ​ລາຍ​ຕ່າງໆ ໂດຍ​ເອົາໃຈໃສ່ ສຶກສາ​ອົບຮົມ​ການເມືອງ​ແນວ​ຄິດ ໃຫ້​ທຸກ​ຄົນ​ໃນ​ສັງຄົມ ໃຫ້​ຮັບ​ຮູ້ ເຂົ້າໃຈ ຢ່າງ​ຖືກຕ້ອງ ແລະ ເຂົ້າ​ຮ່ວມ ຈັດ​ຕັ້ງ​ປະຕິບັດ ແນວທາງ​ຂອງ​ພັກ ແລະ ນະໂຍບາຍ​ຂອງ​ລັດ ໃຫ້​ປະກົດ​ຜົນ​ເປັນ​ຈິງ. 
ການເຄື່ອນໄຫວ​ຢ້ຽມ ຢາມ ແລະ ຊຸກຍູ້​ວຽກ​ງານ ແຂວງ​ບໍ​ລິ​ຄຳ​ໄຊ​ຄັ້ງ​ນີ້, ທ່ານ ນາຍົກລັດຖະມົນຕີ ຍັງ​ໄດ້​ມອບ​ເງິນ​ຈຳນວນ​ໜຶ່ງ ເພື່ອ​ຊ່ວຍ​ແຂວງ, ພ້ອມ​ທັງນຳພາ​ຄະນະ ລົງ​ຢ້ຽມຢາມ​ພື້ນ​ທີ່​ທຳ​ການ​ຜະ ລິດ​ຕົວ​ຈິງຄື: ກຸ່ມ​ປູກ​ພືດ​ຜັກ ແລະ ຕົວ​ແບບ ການ​ລ້ຽງ​ປາ ເປັນ​ສິນຄ້າ ຢູ່​ບ້ານ​ປາກ​ປຶງ, ເມືອງ​ປາກ​ຊັນ ຕື່ມ​ອີກ.
(ຂ່າວ: ບໍ​ລິ​ຄຳ​ໄຊ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110