Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ສາຍພົວພັນມິດຕະພາບຍິ່ງໃຫຍ່ ລາວ-ຫວຽດນາມ ທີ່ຫາຍາກໃນໂລກ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 20/11/2020 10:03:55 ຈຳ​ນວນ​​ຢ້ຽມ​ຊົມ 897 ຄັ້ງ

ໂດຍ: ສີ​ວັນ

ລາວ​-​ຫວຽດນາມ ເປັນ​ປະເທດ​ບ້ານ​ໃກ້​ເຮືອນ​ຄຽງ​ທີ່​ດີ, ມີ​ສາຍ​ພົວພັນ​ທີ່​ເປັນ​ມູນເຊື້ອ​ມາ​ເປັນ​ເວລາ​ດົນ​ນານ, ພິເສດ​ນັບ​ແຕ່​ພັກ​ກອມ​ມູ​ນິດ​ອິນດູຈີນ ໄດ້​ຮັບ​ການ​ສ້າງຕັ້ງ​ຂຶ້ນ 1930 ໂດຍ​ແມ່ນ​ທ່ານປະທານ ໂຮ່​ຈິ​ມິນ ຜູ້​ເຄົາລົບຮັກທີ່​ຍິ່ງ​ໃຫຍ່, ທ່ານປະ ທານ ໄກສອນ ພົມວິຫານ ທີ່​ເຄົາລົບ​ຮັກ ແລະ ທ່ານປະທານ ສຸພານຸ​ວົງ ຮ່ວມກັນ​ສ້າງຕັ້ງຂຶ້ນ. ຜ່ານໄລຍະ​ທາງ​ແຫ່ງການ​ ເຕີບ​ໃຫຍ່​ຂະຫຍາຍຕົວທີ່​ໄດ້​ ຮັບ​ການ​ສືບ​ທອດຈາກບັນດາ​ ການ​ນໍາ​ແຕ່​ລະ​ຮຸ່ນເພີ່ມ​ພູນ​ຄູນ​ ສ້າງ, ຄວາມ​ເສຍ​ສະ​ຫຼະ​ເລືອດ ​ເນື້ອ​ເພື່ອ​ຊາດ​ຂອງ​ນັກຮົບ​ໃນ​ ການ​ຕໍ່ສູ້​ກູ້​ຊາດ ລາວ​-​ຫວຽດ ນາມ, ກາຍເປັນ​​ຊັບ​ສົມ​ບັດ​ລໍ້າ ​ຄ່າຂອງ​ສອງ​ຊາດ ຊຶ່ງ​ຈະ​ບໍ່​ມີ​ ວັນ​ຈືດ​ຈາງ.

ຊາ​ຕາ​ກໍາ​ຂອງ​ສອງຊາດ, ປະຊາຊົນ 2 ປະເທດ ຫວຽດນາມ - ລາວ ຍາມ​ໃດ​ກໍ​ຢູ່​ຄຽງ​ບ່າ​ຄຽງ​ໄຫຼ່​ກັນ ຊຶ່ງ​ການ​ນໍາ​ພັກ, ລັດ ທັງ​ສອງ​ປະເທດ ລ້ວນ​ແຕ່​ຢັ້ງຢືນ​ຕະຫຼອດ​ມາ​ວ່າ: ເຖິງ​ວ່າ​ສະພາບ​ການ​ຂອງ​ໂລກ ແລະ ພາກ​ພື້ນ ມີ​ການ​ຫັນປ່ຽນ​ຢ່າງ​ສັບສົນ, ສອງ​ຊາດ ຫວຽດນາມ - ລາວ ຈະ​ຢືນ​ຢູ່​ຄຽງ​ຂ້າງ​ກັນ​ຕະຫຼອດ​ໄປ, ຄຽງ​ບ່າ​ຄຽງ​ໄຫຼ່​ກັນ, ຊ່ວຍເຫຼືອ​ຊຶ່ງ​ກັນ ແລະ ກັນ, ຮັກແພງ​ກັນ ແລະ ແບ່ງປັນ​ຄວາມທຸກ​ສຸກ​ຮ່ວມ​ກັນ​ຢ່າງ​ເລິກເຊິ່ງ ທັງ​ທາງ​ດ້ານ​ວັດຖຸ ກໍ​ຄື​ຈິດໃຈ ໃນ​ພາລະກິດ​ຕໍ່ສູ້ປົດ​ ປ່ອຍ​ຊາດ​ໃນ​ເມື່ອ​ກ່ອນ ກໍ​ຄື​ໄລຍະ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ​ໃນ​ປັດ​ຈຸ​ບັນ.

ກ້າວ​ເຂົ້າ​ສູ່​ສະຕະວັດ​ໃໝ່, ເພື່ອ​ກ້າວ​ໄປ​ສູ່​ການ​ສ້າງສາ​ສັງຄົມ​ນິຍົມ, ສອງ​ພັກ, ສອງ​ລັດ ແລະ ປະຊາຊົນ​ສອງ​ປະເທດ ໄດ້​ສືບຕໍ່​ໃຫ້ການ​ຊ່ວຍເຫຼືອ​ຊຶ່ງ​ກັນ ແລະ ກັນ, ສ້າງ​ເງື່ອນໄຂ​ສະດວກ ແລະ ໃຫ້​ບຸລິມະສິດ, ນະ​ໂ​ຍບາຍ​ທີ່​ເໝາະ​ສົມ ໃນ ການ ​ປະຕິບັດ​ໜ້າທີ່​ໄດ້​ຮັບຜົນ ​ສໍາ​ເລັດ​ພາລະກິດ​ທີ່​ສອງ​ພັກ ວາງ​ອອກ. ບັນດາ​ຜົນງານ​ອັນ​ ຍິ່ງ​ໃຫຍ່, ມີ​ຄວາມ​ໝາຍ​ປະ ຫວັດສາດ​ໃນ​ພາລະກິດ​ສ້າງສາ ແລະ ປົກ​ປັກ​ຮັກສາ​ພັດທະນາ​ປະເທດ​ຊາດ ໂດຍ​ສະເພາະ​ແມ່ນ​ໃນ​ໄລຍະ​ພັດທະນາ​ເສດ ​ຖະ​ກິດ​-​ສັງຄົມ ຕາມ​ທິດ​ປ່ຽນ ແປງ​ໃໝ່​ຂອງ​ສອງ​ປະເທດ​ໃນ​ 3 ທົດ​ສະ​ວັດ​ຜ່ານ​ມາ, ໄດ້​ຢັ້ງ ຢືນ​ໃຫ້​ເຫັນ​ຄຸນຄ່າ​ຂອງ​ສາຍ​ພົວພັນ​ພິເສດ ລາວ​-​ຫວຽດ ນາມ, ຍົກ​ສູງ​ຖານະ​ທີ່​ຕັ້ງ​ຂອງ​ສອງ​ປະເທດ​ໃນ​ເວທີ​ສາ​ກົນ.

ໃນ​ໄລຍະ​ຜ່ານ​ມາ, ສາຍ​ພົວພັນ ລາວ​-​ຫວຽດນາມ ໄດ້​ຮັບ​ການ​ປັບປຸງ​ຂຶ້ນ​ຢ່າງ​ບໍ່​ຢຸດ​ຢັ້ງ​ໃນ​ທຸກ​ຂົງເຂດ​ວຽກ​ງານ, ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ ລາວ​-​ຫວຽດນາມ ລ້ວນ​ແຕ່​ຢືນຢັນ​ຕັດສິນ​ໃຈ​ປົກ​ປັກ​ຮັກສາ ​ມໍລະດົກ​ອັນ​ລໍ້າ​ຄ່າ​ນີ້ ປຽບ​ເໝືອນ ​ຮັກສາ​ໜ່ວຍ​ຕາ​ຂອງຕົນ, ສືບຕໍ່​ເສີມ​ຂະຫຍາຍ, ຖ່າຍ​ທອດ​ໃຫ້​ຄົນ​ຮຸ່ນ​ໃໝ່. ພິ ເສດ, ໃນ​ການ​ຢ້ຽມຢາມ​ມິດຕະ ພາບ ສປປ ລາວ ຢ່າງ​ເປັນ​ທາງ​ການ​ຂອງ​ທ່ານ ຫ​ງວຽນ​ຝູ​ຈ້ອງ ເລຂາທິການ​ໃຫຍ່ ປະທານ​ປະເທດ​ຫວຽດນາມ ໃນ​ເດືອນ​ກຸມພາ 2019, ແມ່ນ​ຂີດ​ໝາຍ​ທີ່​ສໍາ​ຄັນ, ເຮັດ​ໃຫ້ການ​ພົວພັນ​ສອງ​ປະເທດ ກ້າວ​ເຂົ້າ​ສູ່​ໄລຍະ​ພັດທະນາ​ໃໝ່ ຊຶ່ງ​ແມ່ນ​ສາຍ​ພົວພັນ​ມິດຕະພາບ​ທີ່​ຍິ່ງ​ໃຫຍ່, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ ລາວ - ຫວຽດນາມ, ແມ່ນ​ແບບຢ່າງ​ທີ່​ດີ ແລະ ຫາ​ຍາກ​ໃນ​ໂລກ ໃນການ​ຮັດ​ແໜ້ນ​ສາຍ​ພົວພັນ​ຊື່ສັດ​ບໍລິສຸດ, ແມ່ນ​​ຊັບ​ສົມ​ບັດ​ລໍ້າ​ຄ່າ​ຂອງ​ສອງ​ປະເທດ, ແມ່ນ​ກົດເກນ​ແຫ່ງ​ການ​ເຕີບ​ໃຫຍ່​ຂະຫຍາຍຕົວ​ຂອງ​ສອງ​ຊາດ, ແມ່ນ​ໜຶ່ງ​ໃນ​ບັນດາ​ປັດ​ໄຈ​ຕັດ ສິນ​ແຫ່ງ​ໄຊຊະນະ​ຂອງ​ການ​ປະຕິວັດ​ຢູ່​ແຕ່​ລະ​ປະ​ເທດ.

ໃນ​ສະພາບ​ການ​ຂອງ​ໂລກ​ມີ​ການ​ຫັນປ່ຽນ​ທີ່​ສັບສົນ, ສາຍ​ພົວພັນ​ພິເສດ, ຊື່ສັດ​ບໍລິສຸດ ລາວ - ຫວຽດນາມ ລ້ວນ ​ແຕ່​ໄດ້​ຮັບ​ການ​ປັບປຸງຢ່າງ​ບໍ່​ຢຸດ​ຢັ້ງ ແລະ ພັດທະນາ​ເຂົ້າ​ສູ່​ລວງ​ເລິກ, ແທດ​ຈິງ ແລະ ມີ​ປະ ສິດ​ທິ​ຜົນ​ໃນ​ທຸກ​ຂົງເຂດ​ວຽກ​ງານ. ປີ 2020, ເຖິງ​ຈະ​ໄດ້​ຮັບ​ຜົນ​ກະທົບ​ຈາກ​ພະຍາດ​ໂຄ​ວິດ-19, ແຕ່​ສອງ​ປະເທດ ຍັງ​ຮັບປະກັນ​ພະຍາຍາມ​ຮ່ວມ​ມື​ໃນ​ທຸກ​ຂົງເຂດ​ເຊັ່ນ: ການເມືອງ, ພົວພັນ​ການ​ຕ່າງປະເທດ, ສອງ​ຝ່າຍ​ໄດ້​ຈັດ​ຕັ້ງ​ເຄື່ອນ​ໄຫວ​ວຽກ​ງານ​ພົວພັນ​ຕ່າງປະເທດ ແບບ​ທາງໄກ ຫຼາຍ​ຄັ້ງ, ຮັບປະກັນ​ວຽກ​ງານ​ຜັນ​ຂະຫຍາຍ​ບັນດາ​ເນື້ອ​ໃນ​ຮ່ວມ​ມື ລະຫວ່າງ ສອງ​ປະເທດ, ການ​ນໍາ​ຂັ້ນ​ສູງ​ຂອງ​ສອງ​ປະເທດ ໄດ້​ແລກປ່ຽນ​ສົນ ທະນາ​ກັນ​ທາງ​ໂທລະສັບ​ເປັນ​ປົກກະຕິ, ແລກປ່ຽນ​ບົດຮຽນ​ໂດຍ​ກົງ​ກ່ຽວ​ກັບ​ບັນດາ​ບັນຫາ​ທີ່​ສອງ​ຝ່າຍ​ໃຫ້​ຄວາມ​ສົນ​ໃຈ. ປະສານ​ສົມທົບ​ແໜ້ນ, ສະ ໜັບສະໜູນ​ຊຶ່ງ​ກັນ ແລະ ກັນ ໃນ​ເວທີ​ສາກົນ ແລະ ພາກ​ພື້ນ, ແບ່ງປັນ​ບົດຮຽນ, ຊ່ວຍເຫຼືອ​ຊຶ່ງ​ກັນ ແລະ ກັນ ທາງ​ດ້ານ​ພາຫະນະ, ອຸປະກອນ​ຮັບ​ໃຊ້ ເພື່ອ​ຮັບ​ມື​ກັບ​ພະຍາດ​ໂຄ​ວິດ -19, ຮ່ວມ​ມື​ໃນ​ບັນດາ​ຂົງເຂດ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະຫງົບ, ເສດຖະກິດ, ວັດ​ທະ​ນະ​ທໍາ-​ສັງຄົມ, ສາທາລະນະ​ສຸກ, ການ​ສຶກສາ.

ປີ​ນີ້, ເປັນ​ປີ​ທີ່​ປະຊາຊົນ​ລາວ - ຫວຽດນາມ ໄດ້​ພ້ອມ​ກັນ​ຈັດ​ຕັ້ງ​ສະເຫຼີມສະຫຼອງ​ໃຫຍ່​ຂອງ​ສອງ​ຊາດ​ຄື: ສະເຫຼີມ ສະຫຼອງ​ວັນ​ເກີດ ທ່ານ ປະທານ ໂຮ່​ຈິ​ມິນ ຄົບຮອບ 130 ປີ ແລະ ວັນ​ເກີດ​ທ່ານ ປະທານ ໄກສອນ ພົມວິຫານ ຄົບຮອບ 100 ປີ, ກໍ​ຄື​ກໍາ​ລັງ​ເບີກບານ​ມ່ວນຊື່ນ​ເພື່ອ​ຕ້ອນຮັບ​ກອງ​ປະຊຸມ​ໃຫຍ່​ຄັ້ງ​ທີ XI ຂອງ​ພັກ​ປະຊາຊົນ ປະຕິວັດ​ລາວ ແລະ ກອງ​ປະຊຸມ​ໃຫຍ່​ຄັ້ງ​ທີ XIII ຂອງ​ພັກ​ກອມ​ມູ​ນິດ​ຫວຽດນາມ. ນີ້​ແມ່ນ​ເຫດການ​ໃຫຍ່​ທີ່​ສໍາ​ຄັນ​ຂອງ​ສອງ​ພັກ, ສອງ​ລັດ ແລະ ປະຊາຊົນ​ສອງ​ປະ​ເທດ. ເຊື່ອ​ວ່າ ໃນ​ໄລຍະ​ຈະ​ມາ​ເຖິງ, ສອງ​ພັກ, ສອງ​ລັດ ແລະ ປະຊາຊົນ​ສອງ​ປະເທດ ຈະສືບຕໍ່ເສີມຂະຫຍາຍມູນ ເຊື້ອ​ອັນ​ດີງາມ ທີ່​ບັນດາ​ການ​ນໍາ​ຮຸ່ນ​ກ່ອນ​ໄດ້​ອອກແຮງ​ເພີ່ມ​ພູນ​ຄູນ​ສ້າງ, ຊຸກຍູ້​ສາຍ​ພົວພັນ​ມິດ​ຕະພາບ​ທີ່​ຍິ່ງ​ໃຫຍ່, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ ລາວ - ຫວຽດນາມ, ຫວຽດນາມ - ລາວ ໃຫ້​ນັບ​ມື້​ເຂົ້າ​ສູ່​ລວງ​ເລິກ, ແທດ​ຈິງ​ໃນ​ທຸກ​ຂົງເຂດ​ວຽກ​ງານ ຊຶ່ງ​ແມ່ນ​ສາຍ​ພົວພັນ​ທີ່​ຫາ​ຍາກ​ໃນ​ໂລກ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110