ໜັງສືພິມ ປະຊາຊົນ

ກະຊວງ ຖວທ ຮ່ວມກັບ ບໍລິສັດອາແມັດຊິງ ເຊັນບົດບັນທຶກ ສ້າງຕັ້ງບໍລິສັດທີ່ປຶກສາດ້ານການທ່ອງທ່ຽວ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 27/11/2020 09:26:41 ຈຳນວນຢ້ຽມຊົມ 4567 ຄັ້ງ

ພິທີເຊັນບົດບັນທຶກຄວາມເຂົ້າໃຈ (MOU) ວ່າດ້ວຍການ ຮ່ວມມືສ້າງຕັ້ງບໍລິສັດທີ່ປຶກສາ ດ້ານການທ່ອງທ່ຽວ ລະຫວ່າງ ກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວ (ຖວທ) ແລະ ບໍລິສັດ ອາແມັດຊິງລາວຈຳກັດຜູ້ດຽວ ໄດ້ຈັດຂຶ້ນ ເມື່ອວັນທີ 25 ພະຈິກ 2020 ທີໂຮງ ແຮມ 36 ມາເນີ ກິລາສາກົນ ທີ່ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມ ຂອງ ທ່ານ ກິແກ້ວ ໄຂຄຳພິທູນ ລັດຖະມົນຕີກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວ ຊຶ່ງມີພະ ນັກງານທັງສອງຝ່າຍເຂົ້າຮ່ວມ.
ຮ່ວມລົງນາມໃນສັນຍາຄັ້ງນີ້ ຕາງໜ້າກະຊວງ ຖວທ ໂດຍ ທ່ານ ບົວໄລ ພານຸວົງ ວ່າ ການຫົວໜ້າຫ້ອງການກະຊວງ ຖວທ ແລະ ທ່ານ ຊູຢາວ (ZHOU YAO) ຜູ້ອຳນວຍການບໍລິສັດ ອາແມັດຊິງລາວຈຳກັດຜູ້ດຽວ.
ທ່ານ ZHOU YAO ກ່າວວ່າ: ບໍລິສັດອາແມັດຊິງລາວຈຳກັດຜູ້ດຽວແມ່ນບໍລິສັດພາຍໃນຂອງ ສປປ ລາວ ທີ່ເປັນບໍລິ ສັດກວມລວມ ຊຶ່ງດຳເນີນທຸລະ ກິດກ່ຽວກັບຂະແໜງການທ່ອງ ທ່ຽວເຊັ່ນ: ການພັດທະການ ທ່ອງທ່ຽວ, ກໍ່ສ້າງແຫ່ຼງທ່ອງທ່ຽວ, ໃຫ້ຄຳປຶກສາການລົງ ທຶນດ້ານການທ່ອງທ່ຽວແລະ ເປັນສື່ ເພື່ອເຜີຍແຜ່ຂໍ້ມູນວັດ ທະນະທຳ ແລະ ແຫຼ່ງທ່ອງທ່ຽວ. ນັບແຕ່ບໍລິສັດໄດ້ສ້າງຕັ້ງມາຮອດປັດຈຸບັນແມ່ນໄດ້ດຳເນີນທຸລະກິດກ່ຽວກັບຂະແໜງທ່ອງທ່ຽວພາຍໃນ ສປປ ລາວ ແລະ ໄດ້ເຜີຍແຜ່ຂໍ້ມູນຊັບພະຍາກອນການທ່ອງທ່ຽວຂອງ ສປປ ລາວ ອອກສູ່ຕ່າງປະເທດໄດ້ຮັບຮູ້. ທ່ານກ່າວຕື່ມວ່າ: ຜ່ານການຄົ້ນຄວ້າພິຈາລະນາຂອງທຸກຂັ້ນຕອນເຫັນດີຕາມການສະເໜີຂອງບໍລິສັດ ໂດຍກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ບໍລິສັດ ຈຶ່ງໄດ້ ຈັດພິທີລົງນາມເຊັນບົດບັນທຶກ ຄວາມເຂົ້າໃຈ ເພື່ອຈັດຕັ້ງປະ ຕິບັດວຽກງານກ່ອນການສ້າງ ຕັ້ງບໍລິສັດຮ່ວມມືຂຶ້ນ ຊຶ່ງທາງ ບໍລິສັດຈະຈັດຕັ້ງປະຕິບັດຢ່າງຕັ້ງໜ້າ ໂດຍພາຍໃຕ້ການນຳພາ-ຊີ້ນຳຂອງລັດຖະບານ ເວົ້າ ລວມ ເວົ້າສະເພາະກໍຄືກະຊວງ ຖວທ ໃຫ້ສຳເລັດຕາມແຜນການເນື້ອໃນຂອງບົດບັນທຶກຄວາມເຂົ້າໃຈດັ່ງກ່າວ.
ປັດຈຸບັນທົ່ວໂລກກຳລັງໄດ້ຮັບຜົນກະທົບຈາກພະຍາດໂຄວິດ-19 , ຂະແໜງການທ່ອງທ່ຽວກໍ່ຕົກຢູ່ໃນວິກິດຕົກຕໍ່າ ເພື່ອຈັດຕັ້ງປະຕິບັດຕາມແຜນຍຸດທະສາດຂອງລັດຖະບານ ແຫ່ງ ສປປ ລາວ ທີ່ໄດ້ກຳນົດເອົາຂະແໜງການທ່ອງທ່ຽວມາເປັນຍຸດທະສາດໃນການພັດທະນາປະເທດຊາດໃນຕໍ່ໜ້າ ແລະ ເພື່ອເປັນການກະກຽມພາຍຫຼັງການຟື້ນຄືນຈາກການລະບາດຂອງພະຍາດໂຄວິດ-19 ແລະ ອີກດ້ານໜຶ່ງແມ່ນເພື່ອພ້ອມກັນສ້າງລະບຽບ ການຄຸ້ມຄອງ ບໍລິການອຸດສາຫະກຳການທ່ອງທ່ຽວ, ສ້າງສະຖານທີ່ທ່ອງທ່ຽວ, ຝຶກອົບຮົມວິຊາສະເພາະໃຫ້ພະນັກງານນຳທ່ຽວ ແລະ ອື່ນໆ.
(ຂ່າວ: ສຳນານ)

ຂ່າວທີ່ໄດ້ຮັບຄວາມນິຍົມ