ໜັງສືພິມ ປະຊາຊົນ

ກະຊວງແຜນການ ແລະ ການລົງທຶນ ປາຖະກະຖາວັນສຳຄັນຂອງຊາດ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 03/12/2020 09:18:45 ຈຳນວນຢ້ຽມຊົມ 2514 ຄັ້ງ

ກະຊວງແຜນການ ແລະ ການລົງທຶນໄດ້ຈັດພິທີປາຖະ ກະຖາວັນສະຖາປະນາ ສປປ ລາວ ຄົບຮອບ 45 ປີ (2/12/ 1975-2/12/2020), ວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ ແລະ ເຊື່ອມຊຶມມະຕິກອງປະ ຊຸມຄົບຄະນະ ຄັ້ງທີ 11 ຂອງ ຄະນະບໍລິຫານງານສູນກາງພັກສະໄໝທີ X ຂຶ້ນໃນວັນທີ 1 ທັນວານີ້ ທີ່ກະຊວງດັ່ງກ່າວໂດຍການເປັນປະທານຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະ ມົນຕີກະຊວງແຜນການ ແລະ ການລົງທຶນ, ມີບັນດາຮອງລັດ ຖະມົນຕີ, ພະນັກງານ-ສະມາ ຊິກພັກເຂົ້າຮ່ວມ.
ໃນພິທີທ່ານ ນາງ ຄຳຈັນ ວົງແສນບູນ ຮອງລັດຖະມົນຕີກະຊວງແຜນການ ແລະ ການລົງທຶນໄດ້ຂຶ້ນປາຖະກະຖາວັນ ສະຖາປະນາ ສປປລາວ ຄົບ ຮອບ 45 ປີ ໂດຍທ່ານໄດ້ຍົກໃຫ້ເຫັນມູນເຊື້ອອັນສະຫງ່າອົງ ອາດແຫ່ງການຕໍ່ສູ້ຕ້ານການ ຮຸກຮານຂອງສັດຕູຈາກພາຍ ນອກ ແລະ ການສ້າງສາພັດທະ ນາປະເທດຊາດ ໂດຍສືບທອດມູນເຊື້ອອັນສະຫງ່າອົງອາດກ້າຫານຂອງບັນພະບູລຸດໃນ ເມື່ອກ່ອນຂອງປະຊາຊົນບັນ ດາເຜົ່າພາຍໃຕ້ການນຳພາ ຂອງພັກ ປະຊາຊົນ ປະຕິວັດລາວໄດ້ສາມັກຄີກັນຕໍ່ສູ້ຢ່າງພິ ລະອາດຫານຕ້ານການຮຸກຮານ ແລະ ແອກຄອບຄອງຂອງພວກຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ຈົນສາມາດປົດປ່ອຍປະເທດຊາດໄດ້ຢ່າງມີໄຊ ແລະ ສະຖາປະນາເປັນ ປະເທດສາທາລະນະລັດ ປະ ຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975.
ໃນພິທີດັ່ງກ່າວ ທ່ານ ກິແກ້ວ ຈັນທະບູລີ ຮອງລັດ ຖະມົນຕີກະຊວງແຜນການ ແລະ ການລົງທຶນກໍໄດ້ຂຶ້ນປາ ຖະກະຖາວັນເກີດປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກ ໃຫ້ພະນັກງານ-ສະມາຊິກພັກສາມາດຮັບຮູ້, ເຂົ້າໃຈກ່ຽວກັບຊີວິດ ແລະ ການເຄື່ອນໄຫວຂອງເພິ່ນທີ່ໄດ້ປະກອບສ່ວນຢ່າງໃຫຍ່ຫຼວງໃນພາລະກິດການຕໍ່ສູ້ກູ້ຊາດປົກປັກຮັກສາ ແລະ ສ້າງສາພັດທະ ນາປະເທດຊາດ ຊຶ່ງປະທານ ໄກສອນ ພົມວິຫານ ແມ່ນຜູ້ຮັກຊາດ, ຮັກການປະຕິວັດທີ່ຍິ່ງໃຫຍ່, ເປັນວິລະບູລຸດ, ຜູ້ນຳຂອງພັກ-ລັດທີ່ປີຊາສາມາດ, ສະຫຼາດສ່ອງໃສ ແລະ ສະດຸ້ງໄວ ຊຶ່ງຄົນຮຸ່ນໜຸ່ມຕ້ອງໄດ້ຮາໍ່ຮຽນເອົາແບບຢ່າງດ້ານຄຸນສົມບັດ, ສິນທຳປະຕິວັດ, ແບບແຜນວິທີເຮັດວຽກ, ແບບແຜນການດຳລົງຊີວິດ, ຄວາມຈົງຮັກພັກດີ, ຄວາມຊື່ສັດບໍລິສຸດ ແລະ ຄວາມເດັດດ່ຽວໜຽວແໜ້ນຂອງປະ ທານ ໄກສອນ ພົມວິຫານ ໃນການປະກອບສ່ວນເຂົ້າໃນພາ ລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຮຸ່ງເຮືອງສີວິໄລ ແລະ ກ້າວຂຶ້ນສັງຄົມນິຍົມຕາມເປົ້າໝາຍທີ່ວາງໄວ້, ຕໍ່ຈາກນັ້ນທ່ານ ສອນໄຊ ສີພັນດອນ ກໍໄດ້ເຜີຍແຜ່ເຊື່ອມຊຶມມະຕິກອງປະຊຸມຄົບຄະນະຄັ້ງທີ 11 ຂອງຄະນະບໍລິຫານງານສູນກາງພັກສະໄໝທີ X ເພື່ອໃຫ້ພະນັກງານ-ສະມາຊິກພັກ ກຳແໜ້ນເນື້ອໃນ, ຮູ້ຈຳແນກມິດ ແລະ ສັດຕູຕື່ມອີກ.
(ຂ່າວ-ພາບ : ສຸກສາຄອນ)

ຂ່າວທີ່ໄດ້ຮັບຄວາມນິຍົມ