ໜັງສືພິມ ປະຊາຊົນ

ກະຊວງການຕ່າງປະເທດ ປາຖະກະຖາວັນສຳຄັນຂອງຊາດ-ຂອງພັກ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 09/12/2020 09:55:01 ຈຳນວນຢ້ຽມຊົມ 3403 ຄັ້ງ

ກະຊວງການຕ່າງປະເທດ ໄດ້ຈັດພິທີເຊື່ອມຊຶມມູນເຊື້ອວັນຊາດ 2 ທັນວາ ຄົບຮອບ 45 ປີ ແລະ ວັນເກີດປະທານ ໄກສອນ ພົມວິຫານ ຄົບຮອບ 100 ປີ ຂຶ້ນໃນວັນທີ 8 ທັນວານີ້ ທີ່ກະຊວງການຕ່າງປະເທດ, ພາຍໃຕ້ການເປັນປະທານຂອງທ່ານ ສະເຫຼີມໄຊ ກົມມະສິດ ກຳມະການສູນກາງພັກ ເລຂາຄະນະບໍລິຫານງານພັກກະຊວງ ລັດຖະມົນຕີ ກະຊວງການຕ່າງປະເທດ, ມີບັນດາ ຄະນະພັກ-ຄະນະນຳ ຕະຫຼອດຮອດພະນັກງານ-ລັດຖະກອນເຂົ້າຮ່ວມ.

ທ່ານ ສະເຫຼີມໄຊ ກົມມະສິດ ໄດ້ຍົກໃຫ້ເຫັນເນື້ອໃນສຳຄັນໃນວັນປະຫວັດສາດ ຂອງຊາດທີ່ເປັນການເສຍສະ ຫຼະຕໍ່ສູ້ຂອງປະຊາຊົນ, ຂອງບັນພະບຸລຸດທີ່ເປັນມູນເຊື້ອສືບທອດລັດ ສືບທອດປະຊາຊົນ. ວັນຊາດ 2 ທັນວາ ຈຶ່ງເປັນວັນ ສໍາຄັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດແຫ່ງການຕໍ່ສູ້ຂອງຊາດເຮົາ; ແມ່ນວັນທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ, ເປັນ ເຈົ້າຂອງປະເທດຊາດ, ມີເອກະ ລາດຢ່າງສົມບູນ, ມີອະທິປະ ໄຕຢ່າງຄົບຖ້ວນ ແລະ ໝາກ ຜົນທີ່ຍາດມາໄດ້ຕະຫຼອດໄລ ຍະ 45 ປີຜ່ານມາ.

ພ້ອມນັ້ນຍັງໄດ້ຍົກໃຫ້ເຫັນມູນເຊື້ອຜົນງານ ແລະ ຄຸນງາມຄວາມດີຂອງປະທານ ໄກສອນ ພົມວິຫານ ຜູ້ນໍາທີ່ ແສນເຄົາລົບຮັກຂອງປວງຊົນ ລາວ ທີ່ເຂົ້າຮ່ວມເຄື່ອນໄຫວປະຕິວັດແຕ່ເຍົາໄວ, ໄດ້ຜ່ານ ການຝຶກຝົນທົດສອບໃນຂະ ບວນການຕົວຈິງ ໄດ້ຮັບຜິດ ຊອບວຽກງານແຕ່ນ້ອຍຫາໃຫຍ່ ກ້າວຂຶ້ນເປັນຜູ້ນຳສູງສຸດຂອງພັກ. ການເຜີຍແຜ່ເຊື່ອມຊຶມແນວຄິດຂອງປະທານ ໄກສອນ ພົມວິຫານ ແມ່ນເພື່ອໃຫ້ພະ ນັກງານສະມາຊິກພັກ ໄດ້ຄົ້ນ ຄວ້າຫັນເຂົ້າເປັນແນວຄິດ, ທິດສະດີໃນການປະຕິບັດໜ້າທີ່ຮັບໃຊ້ຊາດຮັບໃຊ້ປະຊາຊົນ.

ທ່ານ ສະເຫຼີມໄຊ ກົມມະສິດ ຍັງໄດ້ເນັ້ນໃຫ້ສະມາຊິກພັກ ແລະ ພະນັກງານ - ລັດຖະ ກອນ ພາຍໃນກະຊວງທຸກ ຄົນ ຈົ່ງເພີ່ມຄວາມຮັບຜິດ ຊອບໃນການກໍາແໜ້ນອຸດົມການຂອງພັກ, ຈຸດປະສົງ, ຫຼັກການ, ທິດນໍາຂອງພັກ, ສ້າງໃຫ້ການຈັດຕັ້ງພັກ-ລັດມີ ຄວາມເຂັ້ມແຂງ, ສ້າງໜ່ວຍ ພັກໃຫ້ມີຄວາມປອດໃສ, ເຂັ້ມ ແຂງ ແລະ ໜັກແໜ້ນ, ສືບທອດພາລະບົດບາດໃນການຊີ້ນໍາ-ນໍາພາ ໃນທຸກຂົງເຂດວຽກງານ ແລະ ພ້ອມກັນນໍາເອົາເນື້ອໃນເອກະສານໄປຈັດຕັ້ງຜັນຂະຫຍາຍຕາມແນວທາງຮັກຊາດ ແລະ ພັດທະນາ ໃຫ້ປະກົດຜົນເປັນຈິງ.

(ຂ່າວ: ກະຊວງການຕ່າງ ປະເທດ)

ຂ່າວທີ່ໄດ້ຮັບຄວາມນິຍົມ