ໜັງສືພິມ ປະຊາຊົນ

ເປີດງານບຸນມະໂຫລານຊາວໜຸ່ມ - ເຍົາວະຊົນ ປີ 2020

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 10/12/2020 10:23:25 ຈຳນວນຢ້ຽມຊົມ 6714 ຄັ້ງ

ງານບຸນມະໂຫລານຊາວໜຸ່ມ-ເຍົາວະຊົນ ປີ 2020 ພາຍໃຕ້ຫົວຂໍ້: ລະນຶກເຖິງມູນເຊື້ອຊາວໜຸ່ມຮຸ່ນກ່ອນ ແລະ ເສີມຂະຫຍາຍບົດບາດຊາວໜຸ່ມຍຸກໃໝ່ ໄດ້ເປີດຂຶ້ນຢ່າງເປັນທາງການໃນວັນທີ 9 ທັນວານີ້ທີ່ສູນການຄ້າ ລາວ-ໄອເຕັກ ໂດຍການເຂົ້າຮ່ວມຂອງທ່ານ ອາລຸນໄຊ ສູນນະລາດ ກຳມະ ການສຳຮອງສູນກາງພັກ ເລ ຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ (ສຊປລ), ມີເລຂາຄະ ນະເລຂາ ຊປປລ ກະຊວງ, ອົງ ການ, ແຂກຖືກເຊີນເຂົ້າຮ່ວມ.
ທ່ານ ອາລຸນໄຊ ສູນນະລາດ ໄດ້ກ່າວວ່າ: ການຈັດຕັ້ງງານບຸນມະໂຫລານຊາວໜຸ່ມ-ເຍົາວະຊົນ ປີ 2020 ຂຶ້ນ ພາຍໃຕ້ຫົວຂໍ້ “ລະນຶກເຖິງມູນເຊື້ອຊາວໜຸ່ມຮຸ່ນກ່ອນ ແລະ ເສີມຂະຫຍາຍບົດບາດຊາວໜຸ່ມຍຸກໃໝ່” ເພື່ອເປັນການເຕົ້າໂຮມຄວາມສາມັກຄີ, ການໂຄສະນາເຜີຍແຜ່ມູນເຊື້ອການສຶກສາອົບຮົມການເມືອງ - ແນວຄິດຄຸນສົມບັດສິນທຳປະຕິວັດຕິດພັນກັບການສະເຫຼີມສະຫຼອງວັນສຳຄັນທາງປະຫວັດສາດຂອງຊາດ - ຂອງພັກ ຍັງເປັນການສະແດງເຖິງບົດບາດຂອງຄະນະຊາວໜຸ່ມ ປະຊາຊົນ ປະ ຕິວັດລາວ ໃນການປະກອບສ່ວນຈັດຕັ້ງປະຕິບັດໜ້າທີ່ການ ເມືອງໃນໄລຍະຜ່ານມາກໍຄືໄລຍະປົກປັກຮັກສາ ແລະ ສ້າງ ສາປະເທດຊາດ ເພື່ອຕອບສະ ໜອງກັບຄວາມຮຽກຮ້ອງຕ້ອງ ການຂອງໄລຍະໃໝ່ດ້ວຍຫຼາຍ ຮູບແບບ ແລະ ສີສັນ ໃນການ ເຄື່ອນໄຫວ ເພື່ອຮັບປະກັນໃນການຈັດຕັ້ງປະຕິບັດໜ້າທີ່ການເມືອງຂອງຊາວໜຸ່ມກໍຄື ໜ້າທີ່ການເມືອງຂອງພັກ, ທັງ ເປັນການເປິດກວ້າງການພົວ ພັນໃຫ້ນັບມື້ນັບກວ້າງຂວາງເຮັດໃຫ້ຫຼາຍຂົງເຂດມີສ່ວນຮ່ວມກັບການສ້າງວຽກເຮັດງານທຳ ເພື່ອລຶບລ້າງຄວາມທຸກຍາກຂອງປະຊາຊົນ ລາວບັນດາເຜົ່າໃຫ້ຫຼຸດໜ້ອຍຖອຍລົງ, ພ້ອມນັ້ນງານບຸນຄັ້ງນີ້ ຍັງເປັນການຫັນແບບແຜນ ແລະ ຮູບແບບການເຄື່ອນໄຫວໄປສູ່ທັນສະໄໝ ທີ່ມີວິທະຍາສາດ, ສົ່ງເສີມຄວາມຮູ້ຄວາມສາມາດ,ທັກສະ, ຫົວຄິດປະດິດສ້າງ, ຊອກໃຫ້ໄດ້ບຸກຄົນດີເດັ່ນ, ວຽກຈິງຄົນແທ້ເພື່ອເປັນຕົວແບບຂອງຊາວໜຸ່ມໃນທຸກຂົງເຂດ.
ຜ່ານມາຄະນະຊາວໜຸ່ມປະຊາຊົນປະຕິວັດລາວທຸກໆ ຂັ້ນໄດ້ຖືສຳຄັນ ແລະ ເພີ່ມທະ ວີບົດບາດປະຈັນບານ ແລະ ອາ ສາສະໝັກຕະລຸມບອນໂດຍຕິດ ພັນກັບຄຳຂວັນທີ່ວ່າ: “ບ່ອນໃດຍາກຊາວໜຸ່ມບຸກ ບ່ອນໃດ ທຸກຊາວໜຸ່ມຜ່ານຜ່າ ເມື່ອ ຊາດຮຽກຮ້ອງຕ້ອງການຊາວ ໜຸ່ມຂານອາສາ” ເຂົ້າໃນວຽກ ງານປ້ອງກັນຊາດ-ປ້ອງກັນ ຄວາມສະຫງົບ, ການພັດທະ ນາເສດຖະກິດ-ສັງຄົມຂອງ ຊາດ, ການສຶກສາ, ວັດທະນະ ທຳສັງຄົມຊາວໜຸ່ມທົ່ວຮາກຖານທ້ອງຖິ່ນກໍໄດ້ເພີ່ມທະວີ ບົດບາດປະຈັນບານຂອງຕົນ ເຂົ້າໃນການກໍ່ສ້າງຮາກຖານ ການເມືອງຊຸກຍູ້ການຜະລິດ ເປັນສິນຄ້າ, ຕັ້ງໜ້າປະກອບ ສ່ວນຢ່າງແຂງແຮງເຂົ້າໃນວຽກງານ, ໂຄງການລຶບລ້າງຄວາມທຸກຍາກຂອງປະຊາຊົນບັນດາເຜົ່າໃນທົ່ວປະເທດທັງປະກອບສ່ວນເຂົ້າໃນການສ້າງຂະບວນການອະນຸລັກຮັກສາ ແລະ ສົ່ງເສີມສິນລະປະວັດທະ ນະທຳ ຮີດຄອງປະເພນີອັນດີງາມຂອງຊາດສ້າງຂະບວນການ, ສ້າງບັນຍາກາດເບີກບານ ມ່ວນຊື່ນ, ຟົດຟື້ນປະຕິວັດຢູ່ໃນ ຂົງເຂດວຽກງານຂອງຕົນຮັບ ຜິດຊອບຢ່າງມີຊີວິດຊີວາ.
ໃນໂອກາດນີ້, ຄະນະປະ ທານໄດ້ຮ່ວມກັນຕັດແຖບຜ້າ ເປີດງານ ແລະ ທ່ຽວຊົມຮ້ານວາງສະແດງຜົນງານການເຄ່ືອນ ໄຫວ ແລະ ຄອບຄົວຕົວແບບຂອງຊາວໜຸ່ມ.
(ຂ່າວ: ມະລິ, ຮູບ: ຍຸພິນທອງ)