Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະຫຼຸບ ການເຄື່ອນໄຫວວຽກງານ ວິທະຍາສາດ ແລະ ເຕັກໂນໂລຊີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 10/12/2020 12:18:51 ຈຳ​ນວນ​​ຢ້ຽມ​ຊົມ 3136 ຄັ້ງ

(ເນື່ອງໃນໂອກາດວັນຊາດ ຄົບຮອບ 45 ປີ)

   ວຽກງານວິທະຍາສາດ ແລະ ເຕັກໂນໂລຊີ ເປັນວຽກງານໜຶ່ງທີ່ສໍາຄັນ ແລະ ຕິດພັນກັບທຸກຂົງເຂດວຽກງານ ຊຶ່ງມັນໄດ້ກາຍເປັນເຄື່ອງມືທີ່ຊ່ວຍໃນການຂັບເຄື່ອນການຈັດຕັ້ງປະຕິບັດວຽກງານ, ເປັນເຄື່ອງມືທີ່ຊ່ວຍເຮັດໃຫ້ການພັດທະນາເສດຖະກິດ-ສັງຄົມ ມີການເຕີບໃຫຍ່ຂະຫຍາຍຕົວ, ເຮັດໃຫ້ທຸກສິ່ງທຸກຢ່າງມີຄວາມສະດວກສະບາຍ, ວ່ອງໄວ ແລະ ມີຄວາມທັນສະໄໝ.

ໃນໄລຍະຜ່ານມາ ພັກ ແລະ ລັດ ໄດ້ເອົາໃຈໃສ່ຕໍ່ການພັດທະນາວຽກງານວິທະຍາສາດ ແລະ ເຕັກໂນໂລຊີ ຂອງປະເທດເຮົາຢ່າງຈົດຈໍ່ ຊຶ່ງສະແດງອອກ ໃນແນວທາງນະໂຍບາຍຂອງພັກ, ບັນດາກົດໝາຍ ແລະ ແຜນພັດທະນາເສດຖະກິດ-ສັງຄົມ ແຫ່ງຊາດ ໃນແຕ່ລະໄລຍະ ໄດ້ເລັ່ງໃສ່ການພັດທະນາຊັບພະ ຍາກອນມະນຸດ ແລະ ການສ້າງພື້ນຖານໂຄງລ່າງ ສໍາລັບການຄົ້ນຄວ້າ - ພັດທະນາ ແລະ ນໍາໃຊ້ຄວາມກ້າວໜ້າທາງວິທະຍາສາດ, ເຕັກໂນໂລຊີ ແລະ ນະວັດຕະກຳ ເພື່ອການພັດທະນາ ຢູ່ປະເທດເຮົາ. ອັນພົ້ນເດັ່ນທີ່ສຸດແມ່ນ ການສ້າງຕັ້ງ ກະຊວງ ວິທະຍາສາດ ແລະ ເຕັກໂນໂລຊີ ຂຶ້ນໃນວັນທີ 28 ກັນຍາ ປີ 2011 ຊຶ່ງໄດ້ກາຍເປັນບາດກ້າວກະໂດດໃໝ່ ໃຫ້ແກ່ການສ້າງປະຖົມປັດໄຈຕົ້ນຕໍ ເພື່ອພັດທະນາວິທະຍາສາດ, ເຕັກໂນໂລຊີ ແລະ ນະວັດຕະກຳ ຢູ່ປະເທດເຮົາ. ເລີ່ມຈາກນັ້ນເປັນຕົ້ນມາ ຄະນະພັກ ແລະ ຄະນະນຳ ກະຊວງວິທະຍາສາດ ແລະ ເຕັກໂນໂລຊີ ໄດ້ຊີ້ນຳ-ນຳພາ ສະມາຊິກພັກ-ພະນັກງານ ລັດຖະກອນໃນທົ່ວຂະແໜງການ ແຕ່ສູນກາງ ລົງຮອດທ້ອງຖິ່ນ, ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IX ແລະ ຄັ້ງທີ X ຂອງພັກຢ່າງເປັນຂະບວນຟົດຟື້ນ, ຜ່ານຜ່າຄວາມຫຍຸ້ງຍາກນາໆປະການ ຈັດຕັ້ງປະຕິບັດໜ້າທີ່ໃໝ່, ໜັກໜ່ວງ ແລະ ມີກຽດ ທີ່ພັກ ແລະ ລັດ ມອບໝາຍໃຫ້.

   ມາເຖິງປັດຈຸບັນນີ້ ວຽກງານ ຂອງຂະແໜງການ ວິທະຍາສາດ ແລະ ເຕັກໂນໂລຊີ ແຕ່ສູນກາງເຖິງທ້ອງຖິ່ນ ໄດ້ຮັບການປັບປຸງ ແລະ ພັດທະນາຢ່າງເປັນລະບົບ, ຢູ່ຂັ້ນກະຊວງ ປະກອບມີ 2 ຫ້ອງການ, 8 ກົມ ແລະ 4 ສະຖາບັນ. ໃນນັ້ນ, ລວມມີ 74 ພະແນກ, 22 ສູນ ຊຶ່ງຮັບຜິດຊອບເປັນເສນາທິການໃຫ້ລັດຖະບານ ໃນການນຳໃຊ້ ແລະ ຄົ້ນຄວ້າພັດທະນາ ວິທະຍາສາດ, ເຕັກໂນໂລຊີ, ນະວັດຕະກຳ, ຊັບສິນທາງປັນຍາ, ມາດຕະຖານ ແລະ ວັດແທກ ໃນທົ່ວປະເທດ. ຢູ່ບັນດາແຂວງ ແລະ ນະຄອນຫຼວງ ກໍໄດ້ມີການປັບປຸງ ພະແນກວິທະຍາສາດ ແລະ ເຕັກໂນໂລຊີ ໃຫ້ເຂັ້ມແຂງໄດ້ທົ່ວ 18 ພະແນກແລ້ວ, ໄດ້ສ້າງຕັ້ງຫ້ອງການວິທະຍາສາດ ແລະ ເຕັກໂນໂລຊີ ຢູ່ໃນບັນດາເມືອງຈຸດສຸມພັດທະນາ ທີ່ມີເງື່ອນໄຂໄດ້ທັງໝົດ 94 ຫ້ອງການ ແລະ 52 ໜ່ວຍງານ, ຕັ້ງໜ້າປະກອບສ່ວນເຂົ້າໃນວຽກງານກໍ່ສ້າງຮາກຖານການເມືອງ ແລະ ວຽກງານ 3 ສ້າງ ຕາມມະຕິ ຂອງກົມການເມືອງສູນກາງພັກ ​ເພື່ອລົງຊ່ວຍແຂວງ, ເມືອງ ແລະ ບ້ານ ຕາມເນື້ອໃນຈິດໃຈ ຂອງວຽກງານ 3 ສ້າງ.

   ໃນໄລຍະ ຜ່ານມານີ້ກະຊວງວິທະຍາສາດ ແລະ ເຕັກໂນໂລຊີ ໄດ້ຄົ້ນຄວ້າ ສ້າງ ແລະ ປັບປຸງກົດໝາຍ 8 ສະບັບ ແລະ ນິຕິກໍາລຸ່ມກົດໝາຍ ອີກຈໍານວນໜຶ່ງ, ໄດ້ດໍາເນີນກອງປະຊຸມນັກວິທະຍາສາດທໍາມະຊາດ ທົ່ວປະເທດ ຄັ້ງທີ ຊຶ່ງເປັນຄັ້ງປະຫວັດສາດ ຂອງ ປະເທດເຮົາ ສຳເລັດຜົນຢ່າງສະຫງ່າງາມ, ໄດ້ດໍາເນີນກອງປະຊຸມວຽກງານວິທະຍາສາດ ແລະ ເຕັກໂນໂລຊີ ສໍາເລັດແລ້ວ 3 ຄັ້ງ ແລະ ໄດ້ສ້າງແຜນຍຸດທະສາດການພັດທະນາວິທະຍາສາດ ແລະ ເຕັກໂນໂລຊີ ເຖິງ ປີ 2030 ຊຶ່ງເປັນແຜນຍຸດທະສາດການພັດທະນາ ທີ່ເຊື່ອມສານ ກັບການພັດທະນາ ຂອງບັນດາກະຊວງ, ຂະແໜງການ ກໍຄື ພາກພື້ນ ແລະ ສາກົນ ໃນໄລຍະໃໝ່ແຫ່ງຍຸກການປະຕິວັດອຸດສາຫະກຳ ຄັ້ງທີ 4.

  ການພັດທະນາຊັບພະຍາກອນມະນຸດ ໃນຂົງເຂດວຽກງານວິທະຍາສາດ ແລະ ເຕັກໂນໂລຊີ ໄດ້ຮັບການຊຸກຍູ້ສົ່ງເສີມຢ່າງເຂັ້ມແຂງດ້ວຍການສົ່ງພະນັກງານໄປຍົກລະດັບ ຢູ່ພາຍໃນ ແລະ ຕ່າງປະເທດ, ສາມາດສ້າງ ປະລິນຍາເອກໄດ້ 13 ຄົນ, ປະລິນຍາໂທ 110 ຄົນ, ປະລິນຍາຕີ 23 ຄົນ ແລະ ໄດ້ຈັດສົ່ງພະນັກງານໄປຝຶກອົບຮົມໄລຍະສັ້ນ, ໄລຍະຍາວ 1.437 ເທື່ອຄົນ.

   ສໍາລັບການພັດທະນາພື້ນຖານໂຄງລ່າງ ກໍໄດ້ສໍາເລັດການກໍ່ສ້າງ ບັນດາຫ້ອງທົດລອງທີ່ທັນສະໄໝ​ເພື່ອຮັບໃຊ້ການຄົ້ນຄວ້າດ້ານຊີວະວິທະຍາ, ເຕັກໂນໂລຊີຊີວະພາບ, ພະລັງງານທົດແທນ ແລະ ວັດສະດຸ  ໃໝ່ ແລະ ປັດຕະພີວິທະຍາ, ສຳເລັດການສ້າງສູນຂໍ້ມູນເອເລັກໂຕນິກຂະໜາດໃຫຍ່ ເຖິງ 400 TB ຊຶ່ງເປັນສູນຂໍ້ມູນເອເລັກໂຕຣນິກແບບປະຢັດພະລັງງານ ແລະ ທັນສະໄໝທີ່ສຸດ ຢູ່ໃນປະເທດເຮົາ ກໍຄື ໃນພາກພື້ນອາຊີອາຄະເນ ຊຶ່ງເປັນພື້ນຖານໃຫ້ແກ່ການຄົ້ນຄວ້ານຳໃຊ້ລະບົບຖານຂໍ້ມູນມະຫາສານ (Big data) ແລະ ເຕັກໂນໂລຊີດີຈີຕ໋ອນ ຢູ່ປະເທດເຮົາ. ​ໄດ້ສ້າງຕັ້ງສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ຊຶ່ງເປັນບ່ອນຍົກລະດັບ, ບໍາລຸງສ້າງ ບຸກຄະລາກອນດ້ານວິທະຍາສາດ ແລະ ເຕັກໂນໂລຊີ ຢູ່ພາຍໃນປະເທດ ຕິດພັນກັບການ ຄົ້ນຄວ້າ-ພັດທະນາ, ການຖ່າຍທອດ ແລະ ດັດປັບນໍາໃຊ້ວິທະຍາສາດ ແລະ ເຕັກໂນໂລຊີ, ສົ່ງເສີມຫົວຄິດປະດິດສ້າງ, ສ້າງບຸກຄະລາກອນທີ່ເປັນມືອາຊີບທາງດ້ານວິຊາການ ເພື່ອສາມາດຄຸ້ມຄອງ ແລະ ຄົ້ນຄວ້າ-ພັດທະນາ ວິທະຍາສາດ ແລະ ເຕັກໂນໂລຊີ ໃນໄລຍະໃໝ່.

  ໃນດ້ານການບໍລິການວິທະຍາສາດ ແລະ ເຕັກໂນໂລຊີ, ເປັນຕົ້ນແມ່ນ ວຽກງານຊັບສິນທາງປັນຍາ, ມາດຕະຖານ ແລະ ວັດແທກ, ການຖ່າຍທອດເຕັກໂນໂລຊີ, ວຽກງານຄຸ້ມຄອງຄວາມປອດໄພລັງສີ-ນິວເຄຍ ກໍໄດ້ຮັບການປັບປຸງຍົກລະດັບ ໃຫ້ດີຂຶ້ນ ເພື່ອບໍລິການຮັບ​ໃຊ້ສັງຄົມ ຢ່າງກວ້າງຂວາງເຖິງຮາກຖານທ້ອງຖິ່ນ. ໃນນັ້ນ, ໄດ້ໃຫ້ຄໍາປຶກສາກ່ຽວກັບຄໍາຮ້ອງຂໍຈົດທະບຽນຊັບສິນອຸດສາຫະກໍາ, ແຈ້ງຂໍ້ມູນລິຂະສິດ ແລະ ສິດກ່ຽວຂ້ອງກັບລິຂະສິດ, ແກ້ໄຂຂໍ້ຂັດແຍ່ງຊັບສິນທາງປັນຍາ, ຮັບຄໍາຮ້ອງສິດທິບັດ, ແຈ້ງຂໍ້ມູນລິຂະສິດ ແລະ ສິດກ່ຽວຂ້ອງກັບລິຂະສິດ, ແກ້ໄຂຂໍ້ຂັດແຍ່ງຊັບສິນທາງປັນຍາ, ຮັບຄໍາຮ້ອງສິດທິບັດ, ອະນຸສິດທິບັດ, ຈົດທະບຽນເຄື່ອງໝາຍການຄ້າ, ຈົດທະບຽນຖິ່ນກໍາເນີດ ເປັນຕົ້ນແມ່ນ ຖິ່ນກໍາເນີດເຂົ້າໄກ່ນ້ອຍແຂວງຫົວພັນ, ຜ້າໄໝຫຼວງພະບາງ, ຜ້າໄໝຫົວພັນ, ຊາປາກຊ່ອງ ແລະ ກາເຟບໍລະເວນ... ແລະ ຈົດທະ ບຽນສາກົນກ່ຽວກັບເຄື່ອງໝາຍການຄ້າ ໄດ້ທັງໝົດ 33.790 ກວ່າສະບັບ; ໄດ້ສ້າງຕັ້ງຫ້ອງກວດສອບຄຸນນະພາບນ້ຳມັນເຊື້ອໄຟ ປະຈໍາຢູ່ບັນດາດ່ານສາກົນ ຈຳນວນ 17 ດ່ານ​, ສ້າງຫ້ອງກວດກາເຄື່ອນທີ່ ແລະ ຫ້ອງກວດກາລະດັບສູນກາງ ຊຶ່ງສາມາດຕິດຕາມການຄຸ້ມຄອງບໍລິມາດການນຳເຂົ້າ, ກວດກາຄຸນນະພາບຕາມມາດຕະຖານແຫ່ງຊາດ ແລະ ຮັບປະກັນໃຫ້ສັງຄົມໄດ້ຊົມໃຊ້ນ້ຳມັນທີ່ມີຄຸນນະພາບ, ປົກປັກຮັກສາສິ່ງແວດລ້ອມ. ໄດ້ກວດສອບເຄື່ອງມືອຸປະກອນການວັດແທກ ເຊັ່ນ: ໝໍ້ນັບໄຟຟ້າ, ສິນຄ້າຫຸ້ມຫໍ່ ແລະ ລົດບັນທຸກນໍ້າມັນເຊື້ອໄຟ, ແມ່ແບບນໍ້າໜັກ ແລະ ອຸນຫະພູມ ຊຶ່ງບັນດາຫ້ອງກວດສອບດັ່ງກ່າວແມ່ນໄດ້ຮັບການຮັບຮອງຕາມລະບົບມາດຕະຖານສາກົນ ISO 17025. ພ້ອມນັ້ນ, ກໍໄດ້ສ້າງຮັບຮອງມາດຕະຖານແຫ່ງຊາດ ໄດ້ຈໍານວນ 442 ມາດຕະຖານ, ໄດ້ໃຫ້ບໍລິການສູນຂໍ້ມູນເອເລັກໂຕຣນິກ (DATA CENTER) ແກ່ບັນດາອົງການຈັດຕັ້ງລັດ ແລະ ເອກະຊົນ ລວມທັງໝົດ 71 ພາກສ່ວນ, ໃນນັ້ນ ພາກລັດ 63 ພາກສ່ວນ ແລະ ເອກະຊົນ 8 ພາກສ່ວນ; ໃຫ້ການບໍລິການ ຖ່າຍທອດເຕັກໂນໂລຊີດ້ານຕ່າງໆ ແລະ ຕິດຕາມ-ກວດກາ ການນຳເຂົ້າ-ສົ່ງອອກ ທາດກຳມັນຕະພາບລັງສີ. ພ້ອມກັນນັ້ນ, ຍັງໄດ້ເພີ່ມທະວີ ວຽກງານໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ລັດ ກ່ຽວກັບວຽກງານວິທະຍາສາດ ແລະ ເຕັກໂນໂລຊີ ດ້ວຍຫຼາຍຮູບການເຊັ່ນ: ຈັດງານສຳມະນາວິຊາການ, ງານວາງສະແດງ ແລະ ສ້າງກິດຈະກໍາຕ່າງໆ ໃນໂອກາດສະເຫຼີມສະຫຼອງວັນລະນຶກທີ່ສໍາຄັນແຫ່ງຊາດ, ປັບປຸງຍົກລະດັບເວັບໄຊ ຂອງກະຊວງ, ໃຫ້ການບໍລິການຫ້ອງສະໝຸດວິທະຍາສາດ ແລະ ເຕັກໂນໂລຊີ, ໜັງສືພິມວິທະຍາສາດ ແລະ ການພັດທະນາ, ວາລະສານເຄື່ອງໝາຍການຄ້າເພື່ອຮັບໃຊ້ມວນຊົນຢ່າງຕໍ່ເນື່ອງ; ຈັດປະຊຸມສໍາມະນາ-ວິຊາການ ແລະ ການປາຖະກະຖາກ່ຽວກັບວິທະຍາສາດ, ເຕັກໂນໂລຊີ ແລະ ນະວັດຕະກໍາ ເພື່ອຖ່າຍທອດ ຄວາມຮູ້ ແລະ ເຕັກໂນໂລຊີທັນສະໄໝ ໃຫ້ແກ່ນັກວິຊາການ, ນັກຮຽນຮູ້ ປັນຍາຊົນ, ບັນດາຜູ້ປະກອບການ ແລະ ທົ່ວສັງຄົມ.

   ວຽກງານພົວພັນ ແລະ ຮ່ວມມື ທາງດ້ານວິທະຍາສາດ ແລະ ເຕັກໂນໂລຊີ ກໍໄດ້ມີການຂະຫຍາຍຕົວຢ່າງກວ້າງຂວາງ; ເປັນຕົ້ນແມ່ນ ໄດ້ມີການຮ່ວມມືສອງຝ່າຍ ລະຫວ່າງ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ແລະ ສສ. ຫວຽດນາມ, ສປ. ຈີນ, ໄທ, ຍີ່ປຸ່ນ, ກໍາປູເຈຍ, . ເກົາຫຼີ, ມາເລເຊຍ ແລະ ອື່ນໆ. ນອກຈາກນັ້ນ, ຍັງມີການຮ່ວມມືຫຼາຍຝ່າຍໃນອບອາຊຽນ, ຮ່ວມມືກັບ ອົງການຄົ້ນຄວ້າ-ພັດທະນາວິທະຍາສາດ ຂອງ ພາກພື້ນອາຊີ, ອົງການອຸຍແນັສໂກ, ອົງການພະລັງງານປະລມະນູສາກົນ, ອົງການມາດຕະຖານສາກົນ, ອົງການຊັບສິນທາງປັນຍາໂລກ ຊຶ່ງເປັນການປະຕິບັດພັນທະຂອງ ສປປ ລາວ ໃນຖານະເປັນປະເທດສະມາຊິກ ຂອງບັນດາການຈັດຕັ້ງດັ່ງກ່າວ ເພື່ອຍາດແຍ່ງເອົາການສະໜັບສະໜູນຊ່ວຍເຫຼືອດ້ານທຶນຮອນ ແລະ ດ້ານເຕັກນິກວິຊາການ ໃຫ້ນັບມື້ຫຼາຍຂຶ້ນ ແລະ ເປັນເຈົ້າການ ເຊື່ອມໂຍງເຂົ້າໃນວົງການວິທະຍາສາດ, ເຕັກໂນໂລຊີ ແລະ ນະວັດຕະກຳ ຂອງສາກົນ ໃຫ້ມີປະສິດທິຜົນ. ຄຽງຄູ່ກັບຜົນງານຈໍານວນໜຶ່ງທີ່ກ່າວມານັ້ນ, ຂະແໜງວິທະຍາສາດ ແລະ ເຕັກໂນໂລຊີ ກໍຍັງມີບັນຫາຄົງຄ້າງທ້າທາຍຈໍານວນໜຶ່ງທີ່ຈະຕ້ອງໄດ້ແກ້ໄຂຜ່ານຜ່າ, ເປັນຕົ້ນແມ່ນ ຕ້ອງສືບຕໍ່ປັບປຸງການຈັດຕັ້ງ ແລະ ການພັດທະນາບຸກຄະລາກອນໃຫ້ເຂັ້ມແຂງ, ສືບຕໍ່ນໍາໃຊ້ເຕັກໂນໂລຊີທັນສະໄໝເຂົ້າໃນການຜະລິດສິນຄ້າ ແລະ ຫັນເປັນທັນສະໄໝເພື່ອຮອງຮັບເອົາ ການປະຕິວັດອຸດສາຫະກຳ ຄັ້ງທີ 4 ຢູ່ປະເທດເຮົາ. ສະນັ້ນ, ເພື່ອສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII ໃຫ້ປະກົດຜົນເປັນຈິງ ຕາມທິດພັດທະນາແບບຍືນຍົງນັ້ນ, ກະຊວງວິທະຍາສາດ ແລະ ເຕັກໂນໂລຊີ ຈະສືບຕໍ່ຈັດຕັ້ງປະຕິບັດ 6 ແຜນງານຍຸດທະສາດການພັດທະນາວິທະຍາສາດ ແລະ ເຕັກໂນໂລຊີ ຂອງ ສປປ ລາວ ໄລຍະແຕ່ນີ້ ຮອດປີ 2030 ແນໃສ່ເຮັດໃຫ້ຂະແໜງ ວຽກງານວິທະຍາສາດ, ເຕັກໂນໂລຊີ ແລະ ນະວັດຕະກໍາ ກາຍເປັນກຳລັງແຮງຂັບເຄື່ອນໃຫ້ແກ່ການພັດທະນາປະເທດ ໄປຕາມທິດຫັນເປັນອຸດສາຫະກຳ ແລະ ທັນສະໄໝ ແລະ ຍືນຍົງສີຂຽວ.

ສະນັ້ນ, ເພື່ອຈະເຮັດໃຫ້ຂະແໜງວິທະຍາສາດ ແລະ ເຕັກໂນໂລຊີ ຂອງ ສປປ ລາວ ມີບົດບາດທຽບເທົ່າກັບສາກົນໄດ້ນັ້ນ ບັນດານັກວິທະຍາສາດ, ນັກຄົ້ນຄວ້າ, ນັກຮຽນຮູ້, ປັນຍາຊົນ ຈະຕ້ອງໄດ້ສືບຕໍ່ເສີມຂະຫຍາຍມູນເຊື້ອການຄົ້ນຄວ້າປະດິດສ້າງຂອງຕົນ ເພື່ອສູ້ຊົນປະຕິບັດໜ້າທີ່ ແລະ ຍົກລະດັບຄວາມຮູ້ຄວາມສາມາດຂອງຕົນໃຫ້ສູງຂຶ້ນ ເພື່ອປະກອບສ່ວນຢ່າງສົມກຽດເຂົ້າໃນພາລະກິດພັດທະນາວິທະຍາສາດ ແລະ ເຕັກໂນໂລຊີ ຂອງປະເທດເຮົາ, ໂດຍສຸມໃສ່ການຄົ້ນຄວ້າວິທະຍາສາດທີ່ເປັນຂົງເຂດບຸລິມະສິດ, ພັດທະນາເຕັກໂນໂລຊີ ທີ່ສອດຄ່ອງ ແລະ ສ້າງເປັນຜະລິດຕະພັນນະວັດຕະກຳທີ່ມີຄຸນນະພາບ, ປະກອບ ສ່ວນເຂົ້າໃນການຫັນເປັນອຸດສາຫະກໍາ ແລະ ທັນສະໄໝຂອງປະເທດເຮົາ ບົນຈິດໃຈບຸກທະລຸຕາມມະຕິຂອງກອງປະຊຸມໃຫຍ່ ຄັ້ງທີ X ຂອງພັກວາງອອກ, ພ້ອມກັນສືບຕໍ່ສ້າງຜົນງານວິທະຍາສາດ ໃນຂະບວນການແຂ່ງຂັນ ຮັກຊາດ ແລະ ພັດທະນາແລະ ອອກແຮງຄົ້ນຄວ້າ-ພັດທະນາ ນໍາໃຊ້ວິທະ ຍາສາດ, ເຕັກໂນໂລຊີ ແລະ ນະວັດຕະກໍາ ເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດທີ່ແສນຮັກຂອງພວກເຮົາ ໃຫ້ມີຄວາມກ້າວໜ້າພັດທະນາ ແລະ ຈະເລີນຮຸ່ງເຮືອງເພື່ອໃຫ້ປະເທດເຮົາຮັບຮອງ ແລະ ກ້າວເດີນຕາມກະແສຟອງແຫ່ງການປະຕິວັດອຸດສາຫະກຳ ຄັ້ງທີ 4 ຂອງໂລກເພື່ອສ້າງປະເທດລາວມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ, ປະຊາທິປະໄຕ, ຍຸຕິທຳ ແລະ ສີວິໄລ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com