ໜັງສືພິມ ປະຊາຊົນ

ລມຕ ປະຈຳ ສນຍ ຮັບເຄື່ອງຊ່ວຍເຫຼືອປ້ອງກັນພະຍາດໂຄວິດ-19

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 14/12/2020 09:20:16 ຈຳນວນຢ້ຽມຊົມ 6293 ຄັ້ງ

ເມື່ອບໍ່ດົນມານີ້, ທີ່ຫ້ອງວ່າການສຳນັກງານນາຍົກລັດຖະມົນຕີ (ຫສນຍ), ທ່ານ ລຽນ ທີແກ້ວ ລັດຖະມົນຕີປະຈຳສຳນັກງານນາຍົກ ຕາງໜ້າໃຫ້ ຫສນຍ ຮັບເຄື່ອງຊ່ວຍເຫຼືອປ້ອງກັນພະຍາດໂຄວິດ- 19 (ຜ້າອັດປາກ-ດັງຈຳນວນ 10.000 ແຜ່ນ) ຈາກບໍລິສັດ ລາວອາຊີ ພັດທະນາເສດຖະກິດ ແລະ ການລົງທຶນ ບ໊ອກ ຈຳກັດ ໂດຍການກ່າວມອບ ຂອງ ທ່ານ ຈ້າວ ເວີນ ຢູ (ZHAO WEN YU) ທູດເສດຖະກິດ ຈາກສຳນັກງານທູດເສດຖະກິດຈີນ; ມີພະນັກງານທີ່ກ່ຽວຂ້ອງເຂົ້າຮ່ວມ.

ໃນໂອກາດນີ້, ທ່ານ ລຽນ ທີແກ້ວ ໄດ້ສະແດງຄວາມຂອບ ໃຈ ແລະ ຕີລາຄາສູງຕໍ່ການຊ່ວຍເຫຼືອຂອງບໍລິສັດລາວ ອາຊີ ພັດທະນາເສດຖະກິດ ແລະ ການລົງທຶນ ບ໊ອກ ຈຳກັດ ຊຶ່ງສະແດງເຖິງຄວາມເປັນ ຫ່ວງເປັນໄຍ ແລະ ເສຍສະ ຫຼະປະກອບສ່ວນເຂົ້າໃນວຽກ ງານ ປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະ ບາດຂອງພະຍາດໂຄວິດ-19 ຢູ່ໃນ ສປປ ລາວ ໃຫ້ມີຄວາມ ຮັບປະກັນຫຼາຍຂຶ້ນ ທັງເປັນ ການໃຫ້ກໍາລັງໃຈແກ່ພະນັກ ງານທີ່ກ່ຽວຂ້ອງຂອງ ສປປ ລາວ, ຜ້າອັດປາກ-ດັງ ທີ່ໄດ້ຮັບການຊ່ວຍເຫຼືອຄັ້ງນີ້ ຈະນຳໄປມອບຕໍ່ໃຫ້ໂຮງໝໍມິດຕະພາບ (150 ຕຽງ) ເພື່ອນຳໃຊ້ເຂົ້າໃນການເຄື່ອນໄຫວວຽກງານ ວິຊາສະເພາະຂອງແພດ-ໝໍ ກໍຄືການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂ ການແຜ່ລະບາດຂອງພະຍາດໂຄວິດ-19.

(ຂ່າວ: ຫສນຍ)