ໜັງສືພິມ ປະຊາຊົນ

ກອງປະຊຸມຄົບຄະນະບໍລິຫານງານພັກແຂວງ ສາລະວັນ ຄັ້ງທີ 2 ສະໄໝທີ IX

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 15/12/2020 09:24:11 ຈຳນວນຢ້ຽມຊົມ 2391 ຄັ້ງ

ກອງປະຊຸມຄົບຄະນະບໍລິ ຫານງານພັກ ແຂວງສາລະວັນ ຄັ້ງທີ 2 ສະໄໝທີ IX ໄດ້ຈັດຂຶ້ນໃນວັນທີ 14 ທັນວານີ້ ທີ່ສະໂມສອນຂອງແຂວງ ໂດຍເປັນປະທານຂອງ ສະຫາຍ ໂພໄຊ ໄຊຍະສອນ ກໍາມະການສໍາ ຮອງສູນກາງພັກ ເລຂາພັກແຂວງ-ຮັກສາການເຈົ້າແຂວງສາລະວັນ, ມີສະຫາຍຮອງເລຂາພັກແຂວງ, ບັນດາສະຫາຍ ຄະນະປະຈໍາພັກແຂວງ ແລະ ກໍາມະການ ພັກແຂວງເຂົ້າຮ່ວມ.
ສະຫາຍ ໂພໄຊ ໄຊຍະສອນ ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການຮັບຮອງເອົາຄະນະບໍລິຫານງານພັກແຂວງສະໄໝທີ IX ແລະ ຜ່ານມະຕິຕົກລົງ ວ່າດ້ວຍການແບ່ງຄວາມຮັບຜິດຊອບຂອງຄະນະບໍລິຫານງານພັກແຂວງ ສະໄໝທີ IX, ຜູ້ເຂົ້າຮ່ວມກອງປະຊຸມຍັງໄດ້ຮັບຟັງການຜ່ານຮ່າງໂຄງການດໍາເນີນງານຂອງຄະ ນະບໍລິຫານງານພັກແຂວງສາ ລະວັນ ສະໄໝທີ IX ແຕ່ປີ 2021-2025 ເພື່ອບຸກທະລຸເຂົ້າໃສ່ການປັບປຸງກົນໄກ ແລະ ແບບແຜນວິທີເຮັດວຽກຂອງຄະນະພັກ, ຮັບປະກັນຄວາມຖືກຕ້ອງສອດຄ່ອງກັບພາລະບົດບາດ ແລະ ໜ້າທີ່ຂອງຄະ ນະບໍລິຫານງານພັກແຂວງທີ່ລະບຸໄວ້ ໃນກົດລະບຽບຂອງພັກ, ຍົກສູງຄວາມສາມາດນໍາ ພາຄວາມເປັນແບບຢ່າງນໍາ ໜ້າຂອງຄະນະບໍລິຫານງານ ພັກແຂວງ ສ້າງໃຫ້ມີການຫັນ ປ່ຽນຢ່າງແຂງແຮງເລິກເຊິ່ງ ແລະ ຮອບດ້ານຕາມ 4 ເນື້ອໃນ 4 ຄາດໝາຍ, ແນໃສ່ຜັນຂະ ຫຍາຍມະຕິກອງປະຊຸມໃຫຍ່ ຂັ້ນຕົນ ແລະ ຂັ້ນເທິງໃຫ້ປະ ກົດຜົນເປັນຈິງ, ໂຄງການດໍາເນີນງານຂອງຄະນະບໍລິຫານງານພັກແຂວງສາລະວັນສະ ໄໝທີ IX ແມ່ນການນໍາພາການເຄື່ອນໄຫວທົ່ວອົງຄະນະພັກ ເພື່ອກໍານົດແບບແຜນວິທີນໍາພາ, ວິທີເຮັດວຽກຂອງຄະ ນະພັກ, ຍົກສູງບົດບາດການ ນໍາພາຂອງພັກດ້ວຍແນວ ທາງຕໍ່ອົງການລັດ, ກໍຄືອົງການປົກ ຄອງທ້ອງຖິ່ນ, ແນວລາວສ້າງຊາດ, ອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມ, ໂຄງການດໍາເນີນງານສະບັບນີ້ໄດ້ຄາດຄະເນລະບອບປະຊຸມສະໄໝສາມັນຄົບຄະນະຂອງຄະນະບໍລິຫານງານພັກແຂວງໃນທຸກໆ 3 ເດືອນແຕ່ ຄັ້ງທີ 2 ປີ 2021ຈົນຮອດກອງປະຊຸມທ້າຍສະໄໝ ປີ 2025.
ນອກຈາກນີ້ຍັງໄດ້ຮັບຟັງ ການຜ່ານຮ່າງຂໍ້ກຳນົດວ່າດ້ວຍທີ່ຕັ້ງພາລະບົດບາດ, ໜ້າ ທີ່, ຂອບເຂດສິດ ແລະ ແບບ ແຜນວິທີເຮັດວຽກຂອງຄະ ນະບໍລິຫານງານພັກແຂວງສາລະວັນ ສະໄໝທີ IX, ທັງນີ້ກໍເພື່ອເຊີດຊຸບົດບາດການນຳພາຂອງພັກ, ກໍຄືເປັນບ່ອນອີງໃນການຈັດຕັ້ງປະຕິບັດຕາມຫຼັກການລວມສູນປະຊາ ທິປະໄຕ, ນຳພາເປັນໝູ່ຄະນະ, ບຸກຄົນຮັບຜິດຊອບຢ່າງເຂັ້ມງວດ, ແນໃສ່ເຮັດໃຫ້ການຈັດຕັ້ງປະຕິບັດ, ຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງ ໃຫ້ບັນລຸຕາມລະດັບຄາດໝາຍ, ທັງເປັນການກຳນົດຫຼັກການພື້ນຖານ, ການເຄື່ອນໄຫວຂອງຄະນະບໍລິຫານງານພັກແຂວງ, ຢ່າງເປັນລະບົບ ແລະມີລະບອບແບບແຜນວິທີເຮັດວຽກ, ມີຄວາມສອດຄ່ອງກັບກົດລະບຽບຂອງພັກສະໄໝທີ XI ແລະ ສອດຄ່ອງກັບລັດຖະທຳມະນູນ-ກົດໝາຍ, ເພື່ອອຳນວຍຄວບຄຸມໃຫ້ມີຄວາມສະດວກໃນການຊີ້ນຳ - ນຳພາ ແລະ ເປັນເອກະພາບໃນທົ່ວອົງຄະນະພັກແຂວງ, ຢູ່ທຸກຂົງເຂດວຽກງານ ແລະ ໃຫ້ມີຜົນສຳເລັດຕາມທີ່ໄດ້ກຳນົດໄວ້ໃນມະຕິກອງປະຊຸມໃຫຍ່ຄັ້ງທີ XI ຂອງສູນກາງພັກ ແລະ ມະຕິກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງສາລະວັນ, ໃຫ້ມີຄວາມໜັກແໜ້ນ - ເຂັ້ມແຂງ, ເພື່ອປົກປ້ອງສິດ ແລະ ຜົນປະໂຫຍດອັນຊອບທຳຂອງປະຊາຊົນລາວບັນດາເຜົ່າໃຫ້ໄດ້ຮັບການພັດທະນາ ແລະ ຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວຕາມແນວທາງຂອງພັກ-ລັດວາງອອກ.
(ຂ່າວ: ກິນດາວັນ ອ້ວນນາຄູ)

ຂ່າວທີ່ໄດ້ຮັບຄວາມນິຍົມ