Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເຂົ້າສານ(ເຂົ້າໜຽວແລະເຂົ້າຈ້າວ)ກາກະຕ່າຍທອງສາມາດສົ່ງອອກ 70 ໂຕນຕໍ່ອາທິດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 15/12/2020 13:37:27 ຈຳ​ນວນ​​ຢ້ຽມ​ຊົມ 6460 ຄັ້ງ

ໂດຍ:ບຸນອູ້ມ

  ທ້າວ ບຸນມາ ມູນລະວົງ ອາຍຸ 63 ປີ ປະຊາຊົນບ້ານພູຖ້ຳພວງ ເມືອງລະຄອນເພັງ ແຂວງສາລະວັນໄດ້ຂຶ້ນນລາຍງານກ່ຽວກັບຄອບຄົວຕົວແບບດ້ານການບໍລິການອຸດສະຫະກໍາປຸງແຕ່ງຜະລິດຕະພັນກະສິກໍາເຂົ້າ(ໂຮງສີເຂົ້າທັນສະໄໝ) ຕໍ່ກອງປະຊຸມໃຫຍ່ອົງຄະນະພັກແຂວງສາລະວັນຄັ້ງທີ IX ຊຶ່ງ​ຈັດ​ຂຶ້ນ​ເມື່ອບໍ່​ດົນ​ມານີ້ວ່າ: ເພື່ອຢັ້ງຢືນເຖິງຜົນສໍາເລັດໃນການປະຕິບັດຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ ແລະ ແຜນພັດທະນາເສດຖະກິດ-ສັງຄົມ 5 ປີ, ຄັ້ງທີ VIII.

ຄອບຄົວຂ້າພະເຈົ້າ ມີສະມາຊິກທັງໝົດ 6 ຄົນ, ຍິງ 3 ຄົນ, ນັບແຕ່ປີ 2004 ຄືນຫຼັງ ຄອບຄົວ ໄດ້ຖືເອົາການປູກເຂົ້າເປັນອາຊິບຫຼັກ ແລະ ລ້ຽງສັດຄ້າຂາຍເປັນອາຊີບສໍາຮອງ ຊຶ່ງໃນເວລານັ້ນຄອບຄົວມີຄວາຍ 28 ໂຕ, ງົວ 30 ໂຕ, ນາ 6 ເຮັກຕາ ແລະ ໄດ້ຄ້າຂາຍ-ເກັບຊື້ເຂົ້າ,ຂີ້ຊີ,  ຊື້ໝາກຂາມຕາມຄວາມຕ້ອງການຂອງຕະຫຼາດ, ຜ່ານການປູກເຂົ້າ, ລ້ຽງສັດ ແລະ ຊື້ຂາຍ ໄລຍະນັ້ນເຫັນວ່າມີລາຍໄດ້ຈາກການຜະລິດ, ຄ້າ-ຂາຍມີກໍາໄລເລັກໜ້ອຍຈົນມີລາຍຮັບທີ່ດີຂຶ້ນຈາກເດີມ ແລະ ຄ່ອຍໆກ້າວຂຶ້ນມີລາຍຮັບຢູ່ໃນລະດັບພໍກິນພໍໃຊ້, ຕໍ່ມາຮອດປີ 2004 ຈຶ່ງໄດ້ມີແນວຄິດລິເລີ່ມຢາກສ້າງຕັ້ງໂຮງສີເຂົ້າທັນສະໄໝຂຶ້ນເພາະເຫັນວ່າເມືອງລະຄອນເພັງເປັນເມືອງໜຶ່ງທີ່ມີທ່າແຮງ,ເງື່ອນໄຂ ໃນການສ້າງເສດຖະກິດເຊັ່ນ:ການສົ່ງເສີມຄ້າ-ຂາຍຕາມຊາຍແດນ, ການບໍລິການທາງຜ່ານ,ການລ້ຽງສັດ, ປູກເຂົ້າເປັນສິນຄ້າ ແລະ ການສົ່ງເສີມຜະລິດຕະພັນກະສິກໍາສໍາເລັດຮູບ, ມາຮອດປີ 2011 ພາຍໃຕ້ແສງສະຫວ່າງມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງວ່າດ້ວຍການສົ່ງເສີມການຜະລິດກະ​ສິກໍາຕິດພັນກັບອຸດສາຫະກໍາປຸງແຕ່ງ ແລະ ເປີດກ້ວາງການລົງທຶນກັບຕ່າງປະເທດ, ຈຶ່ງໄດ້ໄປຊັກຊວນຍາດພີ່ນ້ອງທີ່ເປັນນັກທຸລະກິດເພື່ອສົມທົບທຶນສ້າງຕັ້ງໂຮງສີເຂົ້າທັນສະໄໝຂຶ້ນ ໄລຍະການກໍ່ສ້າງ 3 ປີ ຮອດປີ 2013 ຈຶ່ງສໍາເລັດ ລວມມູນຄ່າການກໍ່ສ້າງ ແລະ ກົນຈັກການຜະລິດທັງໝົດ 7 ຕື້ກວ່າກີບຊຶ່ງເປັນໂຮງສີເຂົ້າທີ່ທັນສະໄໝທີ່ສຸດຂອງເມືອງລະຄອນເພັງ, ມີສະມັດ​ຖະພາບໃນການຜະລິດ (ການສີເຂົ້າ) ໄດ້ສູງສຸດເຖິງ 120 ໂຕນ/ວັນ, ສາມາດຄັດແຍກເມັດເຂົ້າທີ່ຂາວ-ດຳ, ເຂົ້າງາມ, ເຂົ້າຫັກອອກຈາກກັນໄດ້, ແຍກອອກເປັນແຕ່ລະເກດຢ່າງລະອຽດ ແລະ ໃຊ້ແຮງງານຄວບຄຸມບໍ່ຫຼາຍ.

      ມາຮອດປີ 2014 ພາຍຫຼັງໄດ້ສໍາເລັດການສ້າງຕັ້ງໂຮງສີເຂົ້າທັນສະໄໝ, ຄອບຄົວກໍໄດ້ຫັນມາຢືດຖືອາຊີບຄ້າຂາຍເປັນຫຼັກ ແລະ ການປູກ, ການລ້ຽງເປັນອາຊີບສໍາຮອງເບື້ອງຕົ້ນໄດ້ນໍາໃຊ້ທຶນທີ່ມີໃນຄອບຄົວເກັບຊື້ເຂົ້າໃນປີ 2015 ເຫັນວ່າທຶນທີ່ມີແລ້ວບໍ່ພຽງພໍກັບຄວາມຕ້ອງການຂອງການຜະລິດເຂົ້າເພື່ອສົ່ງຕະຫຼາດ, ຈຶ່ງໄດ້ຕັດສິນໃຈກູ້ເງິນຈາກທະນາຄານການຄ້າຕ່າງປະເທດຈໍານວນ 1,5 ຕື້ກີບ,ໃນອັດຕາດອກເບ້ຍ 9% ຕໍ່ປີ, ໄລຍະເວລາກູ້ 3 ປີຈາກນັ້ນ ມາຄອບຄົວໄດ້ປະກອບອາຊີບດ້ານການບໍລິການໂຮງສີເຂົ້າທັນສະໄໝປຸງແຕ່ງສໍາເລັດຮູບຈົນຮອດປັດຈຸບັນນີ້.

     ໂຮງສີເຂົ້າທັນສະໄໝບ້ານພູຖ້ຳພວງ ເມືອງລະຄອນເພັງ,ໄດ້ຮັບຄໍາແນະນໍາຈາກພາກສ່ວນທີ່ກ່ຽວຂ້ອງ (ຂະແໜງການອຸດສະຫະກໍາ ແລະ ການຄ້າກ່ຽວກັບການຫຸ້ມຫໍ່ຜະລິດຕະພັນເພື່ອຮັບຮອງດ້ານຄຸນນະພາບ ແລະ ການສະຫງວນລິຂະສິດມາໃນປີ 2016 ຈຶ່ງໄດ້ຕັດສິນໃຈສ້າງເປັນໂລໂກ້ຂອງຕົນເອງ ໂດຍໄດ້ໃສ່ຊື່ວ່າ: “ໂຮງສີເຂົ້າທັນສະໄໝບ້ານພູຖ້ຳພວງ ກາກະຕ່າຍທອງ” ພາຍໃຕ້ສະໂລແກນ “ຫອມນຸ້ມສະອາດ” ນັບແຕ່ນັ້ນມາລູກຄ້າໄດ້ຮັບຮູ້ ແລະ ກໍ່ໄດ້ຊົມໃຊ້ຜະລິດຕະພັນສໍາເລັດຮູບທີ່ມີຊື່ສຽງແລ້ວຮູ້ກັນໃນຫຼາຍແຂວງ, ດ້ານການຕະຫຼາດສົ່ງອອກຜົນຜະລິດເຂົ້າສ່ວນໃຫຍ່ແມ່ນນະຄອນປາກເຊອັດຕະປືສະຫວັນນະເຂດ ສົ່ງຕໍ່ໄປປະເທດໄທຫວຽດນາມ ແລະ ຈໍາໜ່າຍພາຍໃນຈໍານວນໜຶ່ງ ປັດຈຸບັນອາທິດໜຶ່ງສາມາດສົ່ງອອກເຂົ້າສານໜຽວ, ເຂົ້າສານຈ້າວກາກະຕ່າຍທອງ ພາຍໃຕ້ສະໂລແກນ “ຫອມນຸ້ມສະອາດ” ຂະໜາດ 50 ກິໂລ, 10 ກິໂລ ແລະ 1 ກິໂລ, ໃນລາຄາກິໂລລະ7.000 ກີບ ຫາ 8.000 ກີບ, ສົ່ງອອກໄດ້ປະມານ 70 ໂຕນ/ອາທິດ, 280 ໂຕນ/ເດືອນ, ປະມານ 3.360 ໂຕນຕໍ່ປີ, ມູນຄ່າປະມານ 26,8 ຕື້ກີບຕໍ່ປີ, ພາຍຫຼັງຫັກຄ່າໃຊ້ຈ່າຍຕ່າງໆ ມີກຳໄລສຸດທິປະມານ 400 ລ້ານກວ່າ ກີບ/ປີ.

      ນອກຈາກ ຂາຍເຂົ້າແລ້ວ ຍັງໄດ້ຂາຍຮໍາຈໍາໜ່າຍພາຍໃນເມືອງ ແລະ ຂາຍແກບ ເພື່ອເຮັດເປັນເຊື້ອເພີງ ໃຫ້ໂຮງງານຜະລິດນໍ້າຕານ ແຂວງ ຄໍາມ່ວນຕື່ມອີກຜ່ານການປະກອບອາຊີບການບໍລິການໂຮງສີເຂົ້າທັນສະໄໝ ອຸດສາຫະກຳປຸງແຕ່ງຜະລິດຕະພັນເຂົ້າສໍາເລັດຮູບເຮັດໃຫ້ຊີວິດການເປັນຢູ່ດີຂຶ້ນ, ປັດຈຸບັນມີລົດຮັບໃຊ້ໂຮງສີເຂົ້າ ແລະ ຄອບຄົວເຊັ່ນ: ​ລົດຍົກ​ຟົກລິບ 2 ຄັນ, ລົດຕັກ 1 ຄັນ,​ລົດ 12 ລໍ້ 1 ຄັນ,​ ລົດ 10 ລໍ້ 1 ຄັນ,​ ລົດ 6 ລໍ້ 2 ຄັນ ແລະ ລົດກະບະ 1 ຄັນນອກຈາກນັ້ນ,ຍັງໄດ້ຊ່ວຍໃຫ້ປະຊາຊົນ ມີວຽກເຮັດງານທຳປະຈໍາ ໂດຍໄດ້ອັດຕາຄ່າແຮງງານວັນລະ 60.000 ກີບ/ວັນ ຫຼື 1.800.000 ກີບ/ຄົນ/ເດືອນ.

      ນອກຈາກການບໍລິການໂຮງສີເຂົ້າທັນສະໄໝ ຍັງໄດ້ລ້ຽງງົວ​ພັນພື້ນເມືອງເປັນຟາມຈໍານວນ 80 ກວ່າໂຕ, ໂດຍໄດ້ປູກຫຍ້າ ແລະ ບຳລຸງຮັກສາຖືກຕ້ອງຕາມຫຼັກວິຊາການເພື່ອເປັນອາຊີບເສີມນໍາອີກ ແລະ ມີລາຍໄດ້ຈາກການລ້ຽງງົວ ໄປຄຽງຄູ່ກັບຜົນສຳເລັດທີ່ກ່າວມາຂ້າງເທິງນັ້ນການດໍາເນີນໂຮງງານອຸດສະຫະກໍາປຸງແຕ່ງຜະລິດຕະພັນເຂົ້າສໍາເລັດຮູບໃນຊຸມປີຜ່ານມາກໍ່ໄດ້ພົບບັນຫາ ແລະ ສິ່ງທ້າທ້າຍບາງດ້ານຄືການຕອບສະໜອງຜົນຜະລິດເຂົ້າຂອງຊາວກະສິກອນພາຍໃນເມືອງບໍ່ພຽງພໍ, ສະພາບແວດລ້ອມພາຍໃນໂຮງສີເຂົ້າຍັງບໍ່ທັງສະໜອງ(ໂດຍະເພາະສາງເກັບມ້ຽນເຂົ້າ), ການສົ່ງອອກຜະລິດຕະ​ພັນເຂົ້າສານໄປຍັງຕ່າງປະເທດໂດຍກົງຂອງໂຮງສີບໍ່ສາມາດສົ່ງໄປເອງໄດ້, ຍັງຂາດສະພາບຄ່ອງທາງດ້ານທຶນຮອນ (ການເຂົ້າເຖິງຕົ້ນທຶນຈາກທະນາຄານຂອງລັດໃຫ້ຜູ້ປະກອບການດ້ວຍອັດຕາດອກເບ້ຍຕໍ່າບໍ່ທັນມີ).

       ສຳລັບທິດທາງໃນຕໍ່ໜ້ານີ້ຈະຢຶດໝັ້ນອາຊີບດັ່ງກ່າວນີ້ໃຫ້ມີຄວາມໝັ້ນທ່ຽງ ແລະ ມີຄວາມ​ຍືນຍົງດ້ວຍການຊອກແຫຼ່ງທຶນມາເປີດກ້ວາງກິດຈະການຊອກຕະຫຼາດໃຫ້ກວ້າງຂວາງ, ສົ່ງເສີມກຸ່ມຜູ້ຜະລິດປູກເຂົ້າໃຫ້ນັບມື້ຫຼາຍຂຶ້ນ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com