Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ການກຳເນີດແຄນ ແລະ ສຽງແຄນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 17/12/2020 16:13:12 ຈຳ​ນວນ​​ຢ້ຽມ​ຊົມ 7828 ຄັ້ງ

   ແຄນ ແລະ ສຽງແຄນ ໄດ້ກໍາເນີດເກີດຂຶ້ນກັບຄົນລາວມາຫຼາຍກວ່າ 3.000 ປີ ໂດຍພູມປັນຍາຂອງບັນພະບູລຸດລາວເປັນຜູ້ປະດິດສ້າງຂຶ້ນມາ. ເປັນຫຍັງຈຶ່ງຊື່ວ່າ ແຄນ ຕາມຄຳເລົ່າກ່າວຂານກັນມາແຕ່ບູຮານນະການ, ຄຳເລົ່າຂອງບັນດາຊ່າງເຮັດແຄນ ແລະ ໝໍຂັບໝໍລຳຮຸ່ນນຕໍ່ຮຸ່ນວ່າ: ສຽງແຄນ ເກີດຈາກສຽງນົກຮ້ອງ ແລະ ໄມ້ໄຜ່ສີກັນ, ການກຳເນີດແຄນ ແລະ ສຽງແຄນ ເວົ້າເຖິງສຽງແຄນຂັບ-ລຳລາວບັນດາເຜົ່າທ້ອງຖິ່ນຕ່າງໆ, ຈັດເປັນ 2 ປະເພດ ເຊັ່ນ: ແຄນຂັບ ໄດ້ແກ່ ຂັບພວນ, ຂັບທຸ້ມ, ຂັບສະຫຼາມສາມສ້າວ, ອ່ານໜັງສື, ຂັບໄຕດຳ, ຂັບໄຕແດງ, ຕິດຕ້ອຍລ້ອງແອດ, ຂັບຊຳເໜືອ, ຂັບຊຳໃຕ້, ຂັບໂສຍ, ໂອພວນ ເມືອງຮຸນ, ເຕີມ-ເຈີມ ກຶມມຸ, ຂັບງື່ມ ຂັບເມີ້ຍ, ຂັບໂສມ, ແຄນລຳ ໄດ້ແກ່ ສຸດສະແນນທາງເສີຍ, ຊຸດສະແນນໂປ້ຊ້າຍ, ລາຍສ້ອຍ, ຜູ້ສາວຢິກແມ່, ແມ່ຮ້າງກ່ອມລູກ, ແມງຜູ່ຕອມດອກ, ລາຍລຳແພນ, ລາຍເຕີ້ຍກ້ຽວ, ລຳເພີນ, ລຳຊິ້ງ, ລຳທາງສັ້ນ, ລຳລ່ອງຂອງ (ລຳຍາວ) ເປັນລາຍແຄນພາກກາງ ຊຶ່ງເປັນລາຍແຄນໃຈກາງຂອງປະເທດລາວ ຊຶ່ງແມ່ນນະຄອນຫຼວງວຽງຈັນ ທີ່ເປັນໃຈກາງ ທາງດ້ານການເມືອງ ເສດຖະກິດ ວັດທະນະທຳ-ສັງຄົມ ຂອງປະເທດເປັນຫຼັກ, ຍ້ອນແນວນັ້ນ ສະຖານີວິທະຍຸກະຈາຍສຽງແຫ່ງຊາດ, ໂທລະພາບແຫ່ງຊາດ ຈຶ່ງນຳໃຊ້ສຽງແຄນເຫຼົ່ານີ້ ອອກລາຍການຕ່າງໆຫຼາຍ ເຊັ່ນ: ແຄນຕັ້ງເວລາ 7 ໂມງເຊົ້າ 7 ໂມງແລງ, ສຽງແຄນສະປ໊ອດຂ່າວ ແລະ ໂຄສະນາຕ່າງໆ. ນອກນັ້ນແມ່ນລາຍແຄນຂັບລຳທ້ອງຖິ່ນ ເຊັ່ນ: ລຳມະຫາໄຊທາງເສີຍ, ລຳມະຫາໄຊໂປ້ຊ້າຍ (ລຳມະຫາໄຊໂຕນພູ), ລຳຄອນສະຫວັນທາງເສີຍ, ລຳຄອນສະຫວັນໄປ້ຊ້າຍ, ລຳບ້ານຊອກ, ລຳເຕີ້ຍຫົວດອນຕານ, ລໍາຜູ່ໄທ, ລຳຕັ່ງຫວາຍ, ລຳສາລະວັນ, ລໍາສີພັນດອນທາງເສີຍ, ລຳສີພັນດອນໂປ້ຊ້າຍ….. ນອກນີ້ ແຄນຍັງສາມາດເປົ່າເປັນເພັງລາວເດີມ, ເພັງລາວສະໄໝ, ເພງສາກົນ ແລະ ເປົ່າປະສານກັບເຄື່ອງເສບດົນຕີປະເພດຕ່າງໆ ໄດ້ເປັນຢ່າງດີ.

ທິດທາງແຜນການໃນຕໍ່ໜ້າເພື່ອສືບຕໍ່ມູນເຊື້ອຂອງແຄນ ແລະ ສຽງແຄນ ທີ່ຕິດພັນກັບວິຖີຊີວິດ ແລະ ວັດທະນະທໍາອັນດີງາມຂອງຄົນລາວບັນດາເຜົ່າ ທັງເປັນມໍລະດົກອັນລໍ້າຄ່າຂອງຄົນລາວ ຊາດລາວ ແລະ ເປັນມໍລະດົກຂອງມວນມະນຸດໂລກ, ສະນັ້ນ ທິດທາງໜ້າທີ່ໃນຕໍ່ໜ້າ ຂອງທົ່ວປວງຊົນລາວທັງຊາດ, ໂດຍສະເພາະສະມາຄົມສິລະປະແຄນລາວ ໃນຖານະທີ່ເປັນການຈັດຕັ້ງທີ່ກ່ຽວຂ້ອງໂດຍກົງ ຈະສືບຕໍ່ຊຸກຍູ້ ສົ່ງເສີມ ອະນຸລັກຮັກສາ ແລະ ພັດທະນາມໍລະດົກ ແຄນ ແລະ ສຽງແຄນລາວ ຄືດັ່ງນີ້: ປັບປຸງສະມາຄົມສິລະປະແຄນລາວ ຕາມດໍາລັດຂອງລັດຖະບານ ວ່າດ້ວຍສະມາຄົມສະບັບເລກທີ 238/ລບ, ລົງວັນທີ 11 ສິງຫາ 2017 ໃຫ້ເຂັ້ມແຂງ ມີຄວາມສາມາດ ນໍາພາເຄື່ອນໄຫວວຽກງານຕາມພາລະບົດບາດທີ່ໄດ້ກໍານົດໄວ້ໃນກົດລະບຽບຂອງສະມາຄົມ; ທິດທາງແຜນການໃນຕໍ່ໜ້າສະເໜີແຕ່ງຕັ້ງຄະນະຮັບຜິດຊອບຄົ້ນຄວ້າ ຫຼັກສູດການຮຽນການສອນເປົ່າແຄນ ໂດຍສົມທົບກັບກະຊວງສຶກສາທິການ ແລະ ກິລາ ເພື່ອຂໍອະນຸມັດເອົາຫຼັກສູດວິຊາການເປົ່າແຄນ ເຂົ້າຫຼັກສູດການຮຽນການສອນ ຂອງໂຮງຮຽນປະຖົມ, ມັດທະຍົມສຶກສາ, ມະຫາວິທະຍາໄລ ພ້ອມທັງເປີດການຮຽນເປົ່າແຄນ ໃຫ້ນັກການທູດຕ້ອງຮູ້ເປົ່າແຄນ, ພະນັກງານ-ລັດຖະກອນຂະແໜງການຕ່າງໆທີ່ສົນໃຈ ແນໃສ່ໃຫ້ປະຊາຊົນຄົນລາວບັນດາເຜົ່າທີ່ເປັນເຈົ້າຂອງແຄນ ແລະ ສຽງແຄນ ໄດ້ຮຽນເປົ່າແຄນຢ່າງກວ້າງຂວາງ ແລະ ຟົດຟື້ນ; ຮຽກຮ້ອງໃຫ້ທົ່ວປວງຊົນລາວ ແລະ ພໍ່ແມ່ຜູ້ປົກຄອງລູກຫຼານອະນຸຊົນຄົນຮຸ່ນໃໝ່ ພ້ອມກັນຊຸກຍູ້ສົ່ງເສີມ ຮໍ່າຮຽນເປົ່າແຄນ, ພ້ອມທັງສົ່ງເສີມໃຫ້ຊາວຕ່າງປະເທດຜູ້ທີ່ສົນໃຈຢາກຮຽນຮູ້ເປົ່າແຄນ ເພື່ອຝຶກຝົນຮຽນເອົາສິລະປະແຄນລາວ ທີ່ເປັນມໍລະດົກຂອງຄົນລາວ ແລະ ມໍລະດົກໂລກ ໃຫ້ມີການພັດທະນາ ແລະ ຍືນຍົງຄົງຢູ່ຄູ່ກັບກຽດຊື່ສຽງຂອງຄົນລາວ ຊາດລາວ, ຢູ່ໃນພາກພື້ນ, ສາກົນ ແລະ ໃນໂລກ; ທິດທາງແຜນການໃນຕໍ່ໜ້າ ສ້າງແຜນການ ເພື່ອຂົນຂວາຍການສະໜັບສະໜູນທຶນ ຈາກທຸກພາກສ່ວນ ເພື່ອປະກອບສ່ວນ ສືບຕໍ່ອະນຸລັກຮັກສາ ແລະ ພັດທະນາ ນັກສິລະປິນ ໝໍແຄນ, ໝໍຂັບ-ໝໍລໍາ ແລະ ຊ່າງເຮັດແຄນ ພ້ອມທັງສ້າງອານຸຊົນຮຸ່ນສືບທອດ ໃຫ້ເຕີບໃຫຍ່ຂະຫຍາຍຕົວ ແລະ ຍືນຍົງຄົງຢູ່ຄູ່ກັບຄົນລາວ ຊາດລາວ ຕະຫຼອດໄປ ຄົບຮອບ 5 ປີ

ຈັດງານບູນມະໂຫລານສິລະປະແຄນລາວ (ສຽງແຄນ, ສຽງຂັບສຽງລຳ, ຊ່າງເຮັດແຄນ) ເພື່ອສະເຫຼີມສະຫຼອງວັນເກີດ ປະທານ ໄກສອນ ພົມວິຫານ, ວັນສ້າງຕັ້ງສະມາຄົມສິລະປະແຄນລາວ ແລະ ວັນແຄນ ແລະ ສຽງແຄນປັນມໍລະດົກໂລກ ໃຫ້ຄຶກຄື້ນບົນພື້ນຖານນະໂຍບາຍປະຢັດ, ໂດຍສະເພາະແມ່ນ ວັນທີ 13 ທັນວາ 2020 ຈັດງານບຸນມະໂຫລານ ສຽງແຄນ, ສຽງຂັບສຽງລຳ, ຊ່າງແຄນ ທົ່ວປະເທດ ເພື່ອສະເຫຼີມສະຫຼອງວັນເກີດ ປະທານ ໄກສອນ ພົມວິຫານ ຄົບຮອບ 100 ປີ, ວັນສ້າງຕັ້ງສະມາຄົມສິລະປະແຄນລາວ ຄົບຮອບ 15 ປີ, ແລະ ຄົບຮອບ 3 ປີ ຂອງແຄນ ແລະ ສຽງແຄນລາວ ໄດ້ຖືກຮັບຮອງເປັນມໍລະດົກໂລກ.ທິດທາງແຜນການໃນຕໍ່ໜ້າ ປະສານສົມທົບພາກສ່ວນກ່ຽວຂ້ອງ ຄົ້ນຄວ້າສະເໜີອະນຸລັກຮັກສາ ແລະ ພັດທະນາ ແຫຼ່ງໄມ້ເຮັດແຄນ ເຄື່ອງປ່າຂອງດົງ ທີ່ເປັນມໍລະດົກອັນລ້ຳຄ່າຕາມລະບຽບກົດໝາຍ ບໍ່ໃຫ້ຖືກທຳລາຍ, ປົກປັກຮັກສາ ແລະ ພັດທະນາ ຕິດພັນກັບການສ້າງລາຍຮັບຂອງປະຊາຊົນທ້ອງຖິ່ນ ໃຫ້ມີຄວາມຍືນຍົງ.8. ສະເໜີຂັ້ນເທິງທີ່ກ່ຽວຂ້ອງ ມີມາດຕະການ ຫຼື ອອກນິຕິກຳ ເພື່ອໃຫ້ສື່ຕ່າງໆເຊັ່ນ: ວິທະຍຸກະຈາຍສຽງ, ໂທລະພາບ, ສື່ສິງພິມ, ສື່ອີເລັກໂຕຣນິກ, ແຕ່ສູນກາງຮອດທ້ອງຖິ່ນ ຊົມໃຊ້ ແລະ ໂຄສະນາຄວາມໝາຍຄວາມສຳຄັນ ຂອງແຄນ ແລະ ສຽງແຄນລາວ ໃຫ້ຫຼາຍຂຶ້ນ, ໃຫ້ວົງດົນຕີລະດັບນ້ອຍ-ໃຫຍ່ຕ່າງໆ ນຳໃຊ້ແຄນ ປະກອບເຂົ້າໃນເຄື່ອງເສບດົນຕີແບບບັງຄັບ ໃຫ້ສົມກັບ ແຄນ ແລະ ສຽງແຄນລາວ ເປັນມໍລະດົກຂອງຄົນເຊື້ອຊາດລາວ ແລະ ເປັນມໍລະດົກໂລກຢ່າງແທ້ຈິງ.9. ເພື່ອຊຸກຍູ້ສົ່ງເສີມ, ຈຶ່ງສະເໜີ ຂັ້ນເທິງພິຈາລະນາໃຫ້ນາມມະຍົດນັກສິລະປິນໝໍແຄນ, ໝໍຂັບໝໍລຳ ແລະ ຊ່າງເຮັດແຄນ ຢ່າງເໝາະສົມ.

ຂໍ້ມູນຈາກສະມະຄົມສິລະປະແຄນລາວ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com