ໜັງສືພິມ ປະຊາຊົນ

ກຽມສຶກສາຄວາມເປັນໄປໄດ້ໂຄງການປະກັນໄພນັກທ່ອງທ່ຽວ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 18/12/2020 09:35:04 ຈຳນວນຢ້ຽມຊົມ 1933 ຄັ້ງ

ພິທີເຊັນບົດບັນທຶກຄວາມເຂົ້າໃຈ ເພື່ອສຶກສາຄວາມເປັນໄປໄດ້ໂຄງການປະກັນໄພນັກທ່ອງທ່ຽວຢູ່ ສປປ ລາວ ລະ ຫວ່າງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແລະ ບໍລິສັດ ຟໍເຕໂຕໂກ ຈຳກັດ ໄດ້ຈັດຂຶ້ນໃນວັນທີ 17 ທັນວານີ້ ທີ່ກະຊວງ ຖວທ ລະຫວ່າງທ່ານ ບົົວໄລ ພານຸວົງ ຮັກສາການຫົວໜ້າຫ້ອງການ ກະຊວງ ຖວທ ແລະ ທ່ານ ເສົາວັນນາ ອໍ ຜູ້ອຳນວຍການບໍລິ ສັດ ຟໍເຕໂຕໂກ ຈຳກັດ ໂດຍມີ ທ່ານ ກິແກ້ວ ໄຂຄຳພິທູນ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ມີເອກອັກຄະຣາຊະທູດກຳປູເຈຍ ປະຈຳລາວ, ມີພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານນຳ.

ທ່ານ ເສົາວັນນາ ອໍ ກ່າວວ່າ: ໂຄງການປະກັນໄພນັກທ່ອງທ່ຽວເປັນສ່ວນໜຶ່ງທີ່ສຳ ຄັນ ໃນການຊ່ວຍເຫຼືອອຸດສາ ຫະກຳການທ່ອງທ່ຽວໃຫ້ມີສະ ຖຽນລະພາບ ໂດຍຈະຊ່ວຍໃຫ້ນັກທ່ອງທ່ຽວມີຄວາມສະບາຍໃຈ, ໝົດຄວາມກັງວົນ ແລະ ຢູ່ໃນການປົກປ້ອງຢູ່ສະເໝີ ແລະ ຈະເປັນສ່ວນໜຶ່ງ ເພື່ອປະກອບສ່ວນເຮັດໃຫ້ລັດຖະບານມີລາຍຮັບເພີ່ມຂຶ້ນ ເພື່ອນຳໄປພັດທະນາແຫຼ່ງທ່ອງທ່ຽວ ແລະ ອື່ນໆ.

ທ່ານກ່າວອີກວ່າ: ບໍລິສັດ ຟໍເຕໂຕໂກ ຈຳກັດ ຈະເປັນຜູ້ສຶກສາສຳຫຼວດຄວາມເປັນໄປໄດ້ ໃນການປະກັນໄພນັກທ່ອງທ່ຽວ ຢູ່ ສປປ ລາວ ແລະ ຈະຕັ້ງໃຈສຶກສາ ເພື່ອຮັບປະກັນວ່າໂຄງການດັ່ງກ່າວນີ້ຈະມີປະສິດທິພາບ ແລະ ມີຜົນປະໂຫຍດສູງສຸດສຳລັບນັກທ່ອງທ່ຽວ ແລະ ລັດຖະບານໂດຍຈະຕັ້ງໃຈສຶກສາໃຫ້ສຳເລັດ ເພື່ອກ້າວສູ່ການເຊັນສັນຍາກັບລັດ ຖະບານ ໃນອະນາຄົດ.

(ຂ່າວ-ພາບ: ບຸນອູ້ມ)