ໜັງສືພິມ ປະຊາຊົນ

ເມືອງປະທຸມພອນ ສຳເລັດການແຂ່ງຂັນກິລາເຕະບານ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 31/12/2020 09:57:39 ຈຳນວນຢ້ຽມຊົມ 4203 ຄັ້ງ

ເມື່ອບໍ່ດົນມານີ້ ເມືອງປະທຸມພອນ ແຂວງຈໍາປາສັກ ໄດ້ສຳເລັດການແຂ່ງຂັນກິລາເຕະບານປະຈໍາປີຢູ່ທີ່ສະໜາມກິລາເມືອງປະທຸມພອນ, ເຂົ້າຮ່ວມເປັນປະທານຂອງທ່ານ ວຽງສະໄໝ ສີລິພອນພັນ ກຳມະການພັກແຂວງ ເລຂາພັກເມືອງ ເຈົ້າເມືອງໆປະທຸມພອນ, ມີບັນດາພະນັກງານການນໍາຫຼັກແຫຼ່ງ ຕະຫຼອດຮອດ ຄູ ຝຶກ ແລະ ທີມນັກກິລາ ແລະ ນັກຮຽນພາຍໃນເມືອງເຂົ້າຮ່ວມ.

ທ່ານ ວິທະຍາ ໜື່ນວິເສດ ໄດ້ຂຶ້ນຜ່ານບົດສະຫຼຸບຕະຫຼອດໄລຍະການແຂ່ງຂັນ, ຜົນການແຂ່ງຂັນທັງ 3 ຮຸ່ນທີ່ໄດ້ຮັບຊະນະເລີດຄື: ຮຸ່ນອາວຸໂສ ທິມຊະນະເລີດໄດ້ແກ່ທີມບ້ານຫຼັກ 40, ຮຸ່ນຊາວໜຸ່ມທົ່ວໄປ ຊະນະເລີດໄດ້ແກ່ທີມ ຫ້ອງການຈັດຕັ້ງເມືອງ, ຮຸ່ນນັກຮຽນ ຊະນະເລີດໄດ້ແກ່ ໂຮງຮຽນ ມ.ສ ຫຼັກ 40 .

ຈາກນັ້ນທ່ານ ວຽງສະໄໝ ສີລິພອນພັນ ກໍໄດ້ໃຫ້ກຽດໂອ້ລົມນັກກິລາພ້ອມທັງສະແດງຄວາມຍ້ອງຍໍຊົມເຊີຍທີມນັກກິລາ ແລະທຸກພາກສ່ວນທີ່ຮ່ວມແຮງຮ່ວມໃຈເຮັດໃຫ້ການແຂ່ງຂັນດຳເນີນໄປຢ່າງຈົບງາມ. ພ້ອມນັ້ນ ທ່ານກໍໄດ້ໃຫ້ກຽດມອບໃບກຽດຕິຄຸນໃຫ້ຜູ້ທີ່ປະ ກອບສ່ວນ ແລະ ມອບຂັນ ພ້ອມດ້ວຍເງິນລາງວັນໃຫ້ແກ່ທີມ ທີ່ໄດ້ຊະນະເລີດ.

(ຂ່າວ: ຖວທ ປະທຸມພອນ)