ຫົວ​ຂໍ້ : ຫວຽດ¬ນາມ ປະ¬ທານອາຊຽນ 2020 ຈັດພິ¬ທີເລີ່ມເຄື່ອນໄຫວ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 08/01/2020 09:07:59 ຈຳ​ນວນ​ຜູ້​ເຂົ້າ​ຢ້ຽມ​ຊົມ 310 ຄັ້ງ

     ວິທະຍຸ​ກະຈາຍສຽງຫວຽດ ນາມ​ລາຍ​ງານ​ວ່າ: ວັນ​ທີ 6 ມັງກອນ​ນີ້, ຢູ່​ຮ່າ​ໂນ້ຍ, ທ່ານ ຫ​ງວຽນ ຊວັນ​ຟຸກ ນາຍົກລັດ ຖະມົນຕີ​ຫວຽດນາມ ໄດ້​ເປັນ​ປະທານ ພິທີ​ເລີ່ມ​ເຄື່ອນ​ໄຫວ ປີ​ປະທານ ອາ​ຊຽນ 2020. ນີ້​ແມ່ນ​ເຫດການ​ເປີດ​ສາກ​ໃຫ້​ແກ່​ປີ ອາ​ຊຽນ 2020 ໂດຍ​ຫວຽດນາມ ເປັນ​ປະ​ທານ.
ຂ່າວ​ລະບຸ​ວ່າ: ກ່າວ​ຄໍາ​ເຫັນ​ທີ່​ພິທີ, ທ່ານ ຫ​ງວຽນ​ຊວັນ​ຟຸກ ຢັ້ງຢືນ​ວ່າ: ມາ​ຮອດ ​ປັດຈຸບັນ ອາ​ຊຽນ ແມ່ນ​ປະຊາ ​ຄົມ​ຂອງ​ບັນດາ​ປະເທດ​ເອກະ ລາດ, ສາມັກຄີ​ພັດທະນາ​ໃຫ້​ນັບ​ມື້​ນັບ​ເຕີບໃຫຍ່​​ເຂັ້ມແຂງ, ແມ່ນ​ພື້ນຖານ​ເສດຖະກິດ​ພັດ ທະນາ​ຢ່າງ​ຂະຫຍັນ​ຂັນ​ເຄື່ອນ, ແມ່ນ​ບົດບາດ​ໃຈກາງ​ຂອງ​ໂຄງ​ປະກອບ​ໃນ​ພາກ​ພື້ນ, ໄດ້​ຮັບ​ຄວາມ​ເຄົາລົບ ແລະ ການ​ຮ່ວມ​ມື​ຈາກ​ບັນດາ​ປະເທດ ແລະ ຄູ່​ຮ່ວມ​ມື​ໃຫຍ່​ໃນ​ໂລກ. 
     ເມື່ອ​ເວົ້າ​ເຖິງ​ອະນາຄົດ​ຂອງ​ປະຊາ​ຄົມ​ອາ​ຊຽນ, ທ່ານ ນາຍົກລັດຖະມົນຕີ ຫວຽດນາມ ໄດ້​ສະແດງ​ຄວາມ​ຫວັງ​ກ່ຽວ​ກັບ​ປະຊາ​ຄົມ​ສັນຕິພາບ ແລະ ສະຖຽນ​ລະ​ພາບ, ສາມັກຄີ, ເປັນ​ເອກະ​ພາບ, ວັດທະນາ​ຖາວອນ ແລະ ຍືນ​ຍົງ; ເຊື່ອມ​ໂຍງ​ຢ່າງ​ເລິກເຊິ່ງ​ກວ້າງຂວາງ, ເຊື່ອມ​ຕໍ່​ຢ່າງ​ລຸ​ລ່ວງ​ບົນ​ພື້ນຖານ​ຂອງ​ການ​ປະດິດ​ຄິດ​ສ້າງ, ສະຖຽນ​ລະ​ພາບ ແລະ ຄວາມ​ກົມກຽວ; ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງ ດ້ວຍ​ກໍາ​ລັງ​ຄວາມ​ສາມາດ​ໃນ​ການ​ປັບ​ຕົວ, ຮັບ​ມື ແລະ ແກ້​ໄຂ​ບັນດາ​ສິ່ງ​ທ້າ​ທາຍ​ຄວາມ​ໝັ້ນຄົງ​ແບບ​ໃໝ່; ເຄື່ອນ​ໄຫວ​ຢ່າງ​ມີ​ວິທະຍາສາດ, ມີ​ປະສິດ​ທິ​ຜົນ ແລະ ຂະຫຍັນ​ຂັນ​ເຄື່ອນ. 
     ຂ່າວ​ລະບຸ​ວ່າ: ໃນ​ຖານະ​ເປັນ​ປະທານ ອາ​ຊຽນ ປີ 2020, ຫວຽດນາມ ເລືອກ​ເອົາ​ຫົວຂໍ້ “ອາ​ຊຽນ​ສະໜິດ​ຕິດ​ພັນ ແລະ ເປັນ​ເຈົ້​າການ​ຮັບ​ມື” ແລະ ນີ້ກໍ​ ແມ່ນ​ຫົວຂໍ້​ກ້າວ​ໄປ​ສູ່​ບັນດາ​ເປົ້າ ​ໝາຍ​ໄລຍະ​ຍາວ​ກວ່າ​ຂອງ​ປະ ຊາ​ຄົມ ອາ​ຊຽນ.
     ໃນ​ຂອບ​ເຂດ​ຂອງ​ພິທີ​ ດັ່ງ ກ່າວ ກໍ​ໄດ້​ຈັດ​ຕັ້ງ​ການເຄື່ອນ ໄຫວ ເປີດ​ສະຫຼອງ​ຖານ​ຂໍ້​ມູນ​ຂ່າວສານ​ເອ​ເລັກ​ໂຕຣ​ນິກ ອາ​ຊຽນ 2020.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110