ຫົວ​ຂໍ້ : ລາວ-ຫວຽດນາມ ເພີ່ມທະວີການຮ່ວມມືສອງຝ່າຍ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 08/01/2020 10:56:24 ຈຳ​ນວນ​ຜູ້​ເຂົ້າ​ຢ້ຽມ​ຊົມ 545 ຄັ້ງ

    ທ່ານ ບຸນ​ຍັງ ວໍລະ​ຈິດ ປະທານ​ປະເທດ ແຫ່ງ ສປປ ລາວ ໄດ້​ໃຫ້​ກຽດ​ຕ້ອນຮັບທ່ານ ເລມິງຈີ ກຳມະການ​ສູນ​ກາງ​  ພັກ​ກອມ​ມູ​ນິດຫວຽດນາມ ຫົວ ໜ້າ​ອົງການ​ໄອ​ຍະການປະຊາ ຊົນ​ສູງ​ສຸດ ແຫ່ງ ສສ ຫວຽດ ນາມ  ພ້ອມ​ດ້ວຍ​ຄະນະ​ໃນ​ວັນ​ທີ 7 ມັງກອນ​ນີ້ ທີ່​ສຳນັກງານ​ປະທານ​ປະເທດ ໃນ​ໂອກາດ​ເດີນທາງມາ​ເຂົ້າ​ຮ່ວມ​ພິທີ​ສະ ເຫຼີມສະຫຼອງ​ວັນ​ສ້າງຕັ້ງ​ອົງ ການ​ໄອ​ຍະ​ການປະຊາຊົນ​ສູງ​ສຸດ ສປປ ລາວ ຄົບຮອບ 30 ປີ  ໃນ​ລະຫວ່າງ​ວັນ​ທີ  7-9 ມັງ ກອນ 2020 ນີ້.
    ໃນ​ໂອກາດ​ດັ່ງກ່າວ,  ທ່ານ ບຸນ​ຍັງ  ວໍລະ​ຈິດ  ໄດ້​ສະແດງ​ຄວາມ​ຍິນດີ​ຕ້ອນຮັບ  ແລະ  ຕີ​ລາຄາ​ສູງຕໍ່ທ່ານ  ເລມິງຈີ  ທີ່​ໄດ້​ນຳພາ​ຄະນະເດີນທາງມາ ​ຢ້ຽມຢາມ ແລະ ເຮັດ​ວຽກ ຢູ່ ສປປ ລາວ  ໃນ​ຄັ້ງ​ນີ້   ຊຶ່ງ​ເປັນການປະ ກອບສ່ວນ​ສຳຄັນເຂົ້າ​ໃນການ ​ຮັດ​ແໜ້ນ​ສາຍ​ພົວພັນ​ມິດຕະ ພາບ,  ຄວາມ​ສາມັກຄີ​ແບບ​ພິ ເສດ ແລະ ການ​ຮ່ວມ​ມື​ຮອບ ດ້ານ ລະຫວ່າງ ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ ລາວ​-​ຫວຽດນາມທີ່​ມີ​ມາ​ແຕ່​ດົນ​ນານ​ແລ້ວ​ນັ້ນໃຫ້​ນັບ​ມື້​ແຕກ​ດອກ​ອອກ​ຜົນ​ຍິ່ງໆ​ຂຶ້ນ.
    ໂອກາດ​ດຽວ​ກັນ​ນີ້, ທ່ານ ເລມິງຈີ ກໍ​ໄດ້​ສະແດງ​ຄວາມ​ຂອບໃຈ​ຕໍ່ທ່ານ  ບຸນ​ຍັງ  ວໍລະ​ຈິດ ທີ່​ໄດ້​ສະຫຼະເວລາ​ອັນ​ມີຄ່າໃຫ້ ການ​ຕ້ອນຮັບ​ອັນ​ອົບ​ອຸ່ນ​ໃນຄັ້ງ ​ນີ້ ພ້ອມ​ແຈ້ງ​ສະພາບການ​ເດີນ ທາງ​ມາ​ຢ້ຽມຢາມ ແລະ ເຮັດ​ວຽກ​ຄັ້ງ​ນີ້, ໃຫ້​ທ່ານປະທານປະ ເທດໄດ້​ຮັບ​ຊາບ​ຕື່ມ​ອີກ.
    ໃນ​ວັນ​ດຽວ​ກັນ, ຢູ່​ທີ່​ສະພາ​ແຫ່ງ​ຊາດ,  ທ່ານ ນາງ ປານີ ຢາ​ທໍ່​ຕູ້   ປະທານ​ສະພາ​ແຫ່ງ ຊາດກໍໄດ້​ໃຫ້​ກຽດຕ້ອນຮັບ​ທ່ານ ເລມິງ ຈີ ກຳມະການ​ສູນ​ກາງ​ພັກ​ກອມ​ມູ​ນິດ​ຫວຽດນາມ ຫົວໜ້າ​ອົງການ​ໄອ​ຍະ​ການ ປະຊາຊົນ​ສູງ​ສຸດ ແຫ່ງ ​ສສ​ຫວຽດນາມ ພ້ອມ​ດ້ວຍ​ຄະນະ ທີ່​ໄດ້​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢ່າງ​ເປັນ​ທາງ ການ​ຢູ່​ນະຄອນຫຼວງ​ວຽງ​ຈັນ​ໃນ​ຄັ້ງ​ນີ້ ເພື່ອ​ລົງ​ນາມ​ສົນທິສັນຍາ​ວ່າ​ດ້ວຍ​ການ​ຊ່ວຍເຫຼືອ​ຊຶ່ງກັນ ແລະ ກັນ​ທາງດ້ານ​ກົດໝາຍ ​ໃນ​ບັນຫາ​ອາຍາ​ ລາວ​-​ຫວຽດ ນາມ ແລະ  ເຂົ້າ​ຮ່ວມ​ພິທີ​ສະ ເຫຼີມສະຫຼອງ​ວັນ​ສ້າງຕັ້ງ​ອົງ ການ​ໄອຍະ​ການ​ປະຊາຊົນ​ແຫ່ງ​ສປປ​ ລາວ ​ຄົບຮອບ 30 ປີ.
    ໃນ​ໂອກາດ​ດຽວ​ກັນ, ທ່ານ​ນາງ ປານີ ຢາ​ທໍ່​ຕູ້ ກໍໄດ້​ກ່າວ​ສະແດງ​ຄວາມ​ຕ້ອນຮັບ​ຊົມເຊີຍ ແລະ ຕີ​ລາຄາ​ສູງ​ຕໍ່​ການ​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່​ສປປ​ລາວ​ໃນ​ຄັ້ງ​ນີ້ ເພື່ອ​ເປັນ​ການ​ເສີມ​ຂະຫຍາຍ​ສາຍພົວພັນ​ການ​ຮ່ວມ​ມື​ ລາວ​-​ຫວຽດນາມ ​ໃຫ້​ເຂົ້າສູ່​ລວງ​ເລິກ ແລະ ນັບ​ມື້​ໄດ້​ຮັບ​ການ​ພັດທະນາ​ຢ່າງ​ບໍ່​ຢຸດ​ຢັ້ງ.
(ຂ່າວ: ພູ​ວັນ, ພາບ: ບຸນ​ຕອມ)

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110