ຫົວ​ຂໍ້ : ປະທານປະເທດ ເນັ້ນຂະແໜງການຕ່າງປະເທດ ຕ້ອງເຂັ້ມແຂງ ໜັກແໜ້ນຮອບດ້ານ ເພື່ອສຳເລັດວຽກງານການຕ່າງປະເທດ

ເຜີຍ​ແຜ່​ໂດຍ​: admin ເວ​ລາ: 08/01/2020 12:58:12 ຈຳ​ນວນ​ຜູ້​ເຂົ້າ​ຢ້ຽມ​ຊົມ 2629 ຄັ້ງ

16.12.2019 10:02   
      ໃນ​ໂອກາດ​ເຂົ້າ​ຮ່ວມກອງ​ປະຊຸມ​ວຽກ​ງານ​ການຕ່າງປະເທດ ຄັ້ງ​ທີ XIV, ໃນ​ວັນ​ທີ 13 ທັນວາ ຜ່ານ​ມາ, ທ່ານ ບຸນຍັງ ວໍລະ​ຈິດ ປະທານ​ປະເທດ ແຫ່ງ ສປປ ລາວ ກໍ​ໄດ້​ໃຫ້​ກຽດ​ໂອ້​ ລົມ​ຕໍ່​ຜູ້​ແທນ​ທີ່ເຂົ້າຮ່ວມກອງປະຊຸມ ໂດຍ​ໄດ້​ກ່າວ​ຍ້ອງຍໍ​ຊົມ ເຊີຍ​ຜົນ​ສໍາ​ເລັດ​ອັນ​ໃຫຍ່​ຫຼວງທີ່​ຂະແໜງການ​ຕ່າງປະເທດ​ຍາດ​ມາ​ໄດ້​ ໃນ​ໄລຍະ 3 ປີຜ່ານມາ ຊຶ່ງ​ໄດ້​ປະກອບ​ສ່ວນ​ສໍາ​ຄັນເຂົ້າ ​ໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດໃຫ້​ຈະເລີນ​ຮຸ່ງເຮືອງ, ສົມ ບູນ​ພູນ​ສຸກ ແລະ ກ້າວ​ຂຶ້ນ​ຕາມ​ເສັ້ນທາງ​ສັງຄົມ​ນິຍົມຢ່າງ​ໝັ້ນ​ທ່ຽງ. ພິເສດ​ແມ່ນ​ຊົມເຊີຍແນວ ​ຄວາມ​ຄິດ​ລິ​ເລີ່ມຈັດ​ກອງປະ ຊຸມ​ເວທີ​ປຶກສາ​ຫາລື​ຮ່ວມກັບ ​ພາກ​ທຸລະ​ກິດ ໃນ​ວັນ​ທີ 9 ທັນ ວາ 2019 ເພື່ອ​ເພີ່ມ​ທະວີ​ການ ເຄື່ອນໄຫວການທູດຕິດ​ພັນ​ກັບ​ການ​ພັດທະນາ​ເສດຖະກິດ​ ຂອງ​ປະ​ເທດ. ພ້ອມ​ນັ້ນ, ທ່ານ ປະທານ​ປະເທດໄດ້​ໃຫ້​ທິດຊີ້​ ນໍາ​ກ່ຽວ​ກັບ​ທິດທາງການເຄື່ອນ ໄຫວ​ວຽກ​ງານ​ການຕ່າງປະເທດ ຂອງ ສປປ ລາວ ໃນຕໍ່ໜ້າ ໂດຍ​ເນັ້ນໃຫ້ສືບຕໍ່ຢຶດໝັ້ນ​ແນວທາງ​ການ​ຕ່າງປະເທດ ສັນຕິພາບ ເອກະລາດ ມິດຕະພາບແລະ ການ​ຮ່ວມ​ມືຢ່າງ​ສະເໝີ​ຕົ້ນ​ສະເໝີ​ປາຍ, ຕັ້ງໜ້າ​ເປັນ​ເຈົ້າ​ການ​ສົ່ງເສີມ​ການ​ພົວພັນ​ຮ່ວມ​ມື​ກັບ​ຕ່າງປະເທດ​ແບບ​ຫຼາຍ​ທິດ, ຫຼາຍ​ຝ່າຍ, ຫຼາຍ​ລະດັບ ແລະ ຫຼາຍ​ຮູບ​ແບບ ບົນ​ພື້ນຖານ​ຫຼັກການ​ເຄົາລົບ​ ຊຶ່ງ​ກັນ ແລະ ກັນ, ຕ່າງ​ຝ່າຍຕ່າງມີ​ ຜົນ​ປະໂຫຍດ ແລະ ສືບຕໍ່ຜັນ​ ຂະ​ຫຍາ​ຍຄໍາ​ຂວັນການ​ທູດ ​ປ້ອງ​ກັນ​ເຫດ ແລະ ບຸກ​ທະລຸ ເພື່ອ​ປົກ​ປັກ​ຮັກສາ ແລະ ພັດ ທະນາ​ປະເທດ​ຊາດ, ຕ້ອງ​ສືບ ຕໍ່​ຍົກ​ສູງ​ຄຸນ​ນະ​ພາບ​ຂອງ​ວຽກ​ງານ​ເສນາ​ທິ​ການ​ໃຫ້​ຂັ້ນ​ເທິງ ໂດຍ​ສຸມ​ໃສ່​ການ​ຄົ້ນຄວ້າ​, ວິ ໄຈ​ບັນຫາ​ຕ່າງໆ​ທີ່​ເກີດ​ຂຶ້ນ​ໃຫ້​ເລິກເຊິ່ງ​ເຖິງ​ຖອງ, ເຫັນ​ໄດ້​ຢ່າງ​ຊັດ​ເຈນ​ທາດ​ແທ້​ຂອງ​ບັນຫາ, ສູ້​ຊົນ​ແກ້​ໄຂ​ບັນຫາ​ຊາຍ​ແດນ​ກັບ​ປະເທດ​ເພື່ອນ​ບ້ານ​ຢ່າງ​ເປັນ​ເຈົ້າ​ການ ດ້ວຍ​ສັນຕິວິທີ ແລະ ສືບຕໍ່​ປັກ​ຫຼັກ​ໝາຍຖີ່ໃຫ້​ ສໍາ​ເລັດ​ຕາມ​ແຜນການ, ສືບຕໍ່​ ຍົກ​ສູງ​ປະສິດ​ທິ​ຜົນການເຄື່ອນ ໄຫວ​ຕ່າງປະເທດເຊື່ອມ​ໂຍງ​ເສດຖະກິດ​ພາກ​ພື້ນ, ສາກົນ ແລະ ຂົນຂວາຍ​ທຶນຮອນຈາກ ​ຕ່າງປະເທດ ເພື່ອມາພັດທະ ນາ​ປະເທດ​ຊາດ, ເພີ່ມ​ທະວີ​ ການ​ຄຸ້ມ​ຄອງ​ວຽກງານ​ການ​ຕ່າງປະເທດໃຫ້​ມີ​ລັກສະນະ​ລວມ​ສູນ​ກວ່າ​ເກົ່າ ແລະ ຜ່ານ​ປະຕູ​ດຽວ. ເອົາໃຈໃສ່​ໂຄສະ ນາ​ເຜີຍແຜ່​ວຽກ​ງານ​ການ​ຕ່າງ ປະເທດ​ໃຫ້​ທຸກ​ພາກສ່ວນ​ກ່ຽວຂ້ອງ ເພື່ອ​ໃຫ້​ມີ​ຄວາມ​ເຂົ້າໃຈ​ເປັນ​ເອກະ​ພາບ ແລະ ຈັດ​ຕັ້ງປະ ຕິບັດ​ໄປ​ລວງ​ດຽວ​ກັນ, ສືບຕໍ່​ເຄື່ອນ​ໄຫວ​ວຽກ​ງານ​ຂົນຂວາຍ​ຍາດ​ແຍ່ງ​ຄົນ​ເຊື້ອ​ຊາດ​ລາວ​ຢູ່​ຕ່າງປະເທດ ເພື່ອ​ໃຫ້​ເຂົາເຈົ້າ​ຫັນ​ມາ​ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ​- ສັງຄົມຂອງ​ປະ​ເທດ.
    ທ່ານປະທານ​ປະເທດ ຍັງ​ໄດ້​ກ່າວ​ອີກ​ວ່າ: ເພື່ອ​ເຮັດ​ສໍາ​ເລັດ​ໜ້າທີ່​ການເມືອງ​ອັນ​ໜັກ ​ແໜ້ນ​ທີ່​ເຕັມ​ໄປ​ດ້ວຍຄວາມ​ທ້າ​ທາຍ​ນັ້ນ, ຕ້ອງ​ເພີ່ມທະວີ​ວຽກ​ງານ​ປັບປຸງ ແລະ ກໍ່ສ້າງພັກກໍຄື​ ການ​ກໍ່ສ້າງ​ຂະແໜງ​ການຕ່າງ ປະເທດໃຫ້​ເຂັ້ມແຂງ ໜັກ​ແໜ້ນ​ຮອບດ້ານ ໂດຍ​ສະເພາະ​ຄົ້ນ ຄວ້າ​ປັບປຸງ​ກົງຈັກ​ການຈັດຕັ້ງ​ທັງ​ຢູ່​ພາຍ​ໃນ​ກະຊວງ ແລະ ບັນ​ດາ​ສໍາ​ນັກ​ງານ​ຜູ້ຕາງໜ້າ​ແຫ່ງ ສປປ ລາວ ຢູ່​ຕ່າງປະເທດ​ຕາມ​ທິດ​ກະທັດ​ຮັດ ແລະ ປະຢັດ​ງົບປະມານ, ແຕ່​ຕ້ອງ​ຮັບປະກັນ​ການເຄື່ອນໄຫວ​ຢ່າງ​ຄ່ອງ​ຕົວ ແລະ ມີ​ປະສິດທິພາບ, ພ້ອມ​ທັງ​ເອົາໃຈ​ໃສ່​ບໍາ​ລຸງ​ກໍ່ສ້າງ​ພະ ນັກງານ​ຂະແໜງການ​ຕ່າງປະ ເທດ​ຢູ່​ສູນ​ກາງ ແລະ ທ້ອງຖິ່ນ​ໃຫ້​ເປັນ​ລະບົບມີ​ຍຸດທະສາດ​ຄັກແນ່ ທັງ​ໄລຍະ​ສັ້ນ, ໄລຍະ​ກາງ, ໄລຍະ​ຍາວ ແລະ ມີ​ແຜນ​ປະຕິບັດ​ງານ​ລະ​ອຽດ.
    ກ່ອນ​ການ​ໂອ້​ລົມຂອງ ທ່ານປະທານ​ປະເທດ, ທ່ານ ສະເຫຼີມ​ໄຊ ກົມ​ມະສິດ ກຳມະ ການ​ສູນ​ກາງພັກ ລັດຖະມົນຕີ​ກະຊວງ​ການ​ຕ່າງປະເທດໄດ້​ຂຶ້ນ​ລາຍງານ​ຜົນ​ກອງ​ປະຊຸມ ໂດຍ​ມີ​ເນື້ອ​ໃນ​ບາງ​ຕອນ​ສຳຄັນ​ວ່າ: ກອງ​ປະຊຸມໄດ້ສຸມໃສ່ປຶກ ສາ​ຫາລື ແລະ ແລກ​ປ່ຽນ​ຄໍາ ​ຄິດ​ຄໍາ​ເຫັນ​ໃສ່​ຜົນສໍາເລັດຂອງ​ ກອງ​ປະຊຸມ​ວິຊາ​ການ ແລະ ກອງປະຊຸມໄດ້​ເປັນ​ເອກະພາບ ​ສະເໜີ​ທິດ​ທາງ​ແຜນການ ເຄື່ອນ ໄຫວ​ວຽກ​ງານ​ການ​ຕ່າງປະເທດ​ໃນຕໍ່ໜ້າ ໂດຍ​ສືບຕໍ່​ຢຶດ​ໝັ້ນ​ແນວທາງ​ການ​ຕ່າງປະເທດ​ຂອງ​ ພັກ, ຫັນ​ການ​ພົວພັນ​ຮ່ວມ​ມື​ກັບ​ເປົ້າ​ໝາຍ​ຕ່າງໆ​ໃຫ້​ເຂົ້າສູ່​ ລວງ​ເລິກ ແລະ ມີ​ປະສິດ​ທິ​ຜົນກວ່າ​ເກົ່າ, ຄົ້ນຄວ້າ​ສ້າງ​ແຜນ​ຍຸດທະສາດ ແລະ ຍຸດ​ໂທ​ບາຍ​ການ​ຕ່າງປະເທດຂອງ ສປປ ລາວ ສໍາ​ລັບ​ໄລຍະປີ 2021-2025, ສືບຕໍ່​ບຸກ​ທະລຸ​ດ້ານ​ຈິນຕະນາການຢ່າງແຂງ ແຮງ, ຍົກ​ສູງ​ຄຸນ​ນະ​ພາບການ​ເປັນ​ເສນາ​ທິ​ການ​ດ້ານ​ການ​ຕ່າງປະເທດ​ໃຫ້​ແກ່​ຂັ້ນ​ເທິງ, ເອົາໃຈໃສ່​ແກ້​ໄຂ​ຈຸດ​ຄົງ​ຄ້າງ​ຊາຍ​ແດນ​ກັບ​ປະເທດເພື່ອນ ​ບ້ານ, ເພີ່ມ​ທະວີ​ການເຄື່ອນ ໄຫວ​ການ​ທູດ​ຢ່າງຮອບດ້ານ, ເພີ່ມ​ທະວີ​ການ​ຄຸ້ມ​ຄອງ​ວຽກ​ງານ​ການ​ຕ່າງປະເທດ​ໃຫ້ຮັບ ປະກັນ​ລັກສະນະ​ລວມ​ສູນ, ຜ່ານ​ປະຕູ​ດຽວ, ປັບປຸງ​ກົນ​ໄກ​ການ​ປະສານ​ງານ​ໃຫ້​ກົມກຽວ ໂລ່ງ​ລ່ຽນ ແລະ ວ່ອງໄວ, ສືບຕໍ່ ​ສ້າງ ແລະ ປັບປຸງນິຕິກໍາຂອງ​ຂະແໜງການ​ຕ່າງປະເທດ ເພື່ອ​ເປັນບ່ອນອີງ​ໃຫ້​ແກ່ການ​ປະ ຕິບັດ​ວຽກ​ງານ​ການຕ່າງປະ ເທດ, ສືບຕໍ່​ສ້າງບາດກ້າວ​ບຸກ​ທະລຸ​ຢ່າງ​ແຂງແຮງ​ກວ່າ​ເກົ່າ​ດ້ານ​ການ​ສ້າງ​ຊັບພະຍາກອນ​ມະນຸດ ໂດຍ​ເອົາໃຈໃສ່​ກໍ່ສ້າງ​ຖັນແຖວ​ພະນັກງານ​ການ​ທູດ ກໍຄື​ພະນັກງານ​ທີ່​ເຮັດ​ວຽກ​ໃນ​ຂະແໜງການ​ຕ່າງປະເທດ​ໃຫ້​ມີ​ຄວາມ​ເຂັ້ມແຂງ​ທັງ​ດ້ານ​ຄວາມ​ຮູ້​ຄວາມ​ສາມາດ ແລະ ມີ​ຄວາມ​ໜັກ​ແໜ້ນ​ທາງ​ດ້ານ​ການເມືອງ​ແນວ​ຄິດ. ນອກຈາກ​ນັ້ນ, ກະຊວງ​ການ​ຕ່າງປະເທດ​ຍັງ​ໄດ້​ຄົ້ນຄວ້າ​ສ້າງ 5 ແຜນ​ງານ 41 ໂຄງການ ສໍາ​ລັບໄລຍະ ປີ 2020-2021, ເພື່ອຜັນ​ ຂະຫຍາຍ​ບັນດາ​ທິດ​ທາງ​ແຜນ ການ​ຂ້າງ​ເທິງ​ນັ້ນ ເປັນ​ອັນ​ລະ ອຽດ ເພື່ອ​ຈັດ​ຕັ້ງ​ປະຕິບັດ​ໃຫ້​ເກີດ​ຜົນ​ເປັນ​ຮູບ​ປະ​ທໍາ.
(ຂ່າວ-ພາບ: ສຸກ​ສະຫວັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110