ຫົວ​ຂໍ້ : ອົງ¬ການໄອຍະການປະຊາຊົນ ລາວຫວຽດນາມ ສືບຕໍ່ເພີ່ມທະວີການຮ່ວມມື

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 09/01/2020 09:44:04 ຈຳ​ນວນ​ຜູ້​ເຂົ້າ​ຢ້ຽມ​ຊົມ 478 ຄັ້ງ

    ພິທີ​ພົບ​ປະ​ສອງ​ຝ່າຍ​ລະ ຫວ່າງ​ອົງການ​ໄອ​ຍະ​ການ​ປະ ຊາຊົນ​ສູງ​ສຸດ ແຫ່ງ ສປປ ລາວ ແລະ ອົງການໄອ​ຍະ​ການປະ ຊາຊົນ​ສູງ​ສຸດ ແຫ່ງ ສສ ຫວຽດ ນາມ ໄດ້​ຈັດ​ຂຶ້ນ​ໃນ​ວັນ​ທີ 8 ມັງ ກອນ​  ທີ່​ໂຮງແຮມ​ແລນ​ມາກ ນະຄອນຫຼວງ​ວຽງ​ຈັນ, ຝ່າຍ ລາວ ​ນຳ​ໂດຍສະຫາຍ   ຄໍາ​ສານ ສຸ​ວົງ  ຫົວໜ້າ​ອົງການ​ໄອຍະ​ ການ​ປະຊາຊົນ​ສູງ​ສຸດ, ຝ່າຍ​ຫວຽດນາມ​ ນໍາ​ໂດຍສະຫາຍ  ເລ ມິງ ຈີ ກໍາ​ມະ​ການ​ສູນ​ກາງ​ພັກ​ກອມ​ມູ​ນິດຫວຽດນາມ  ຫົວໜ້າ​ອົງການ​ໄອຍະ​ການປະຊາຊົນ​ສູງ​ສຸດ ແຫ່ງ ສສ ຫວຽດນາມ ພ້ອມ​ດ້ວຍ​ແຂກ​ຖືກ​ເຊີນ​ທັງ​ສອງ​ຝ່າຍ​ເຂົ້າ​ຮ່ວມ.
    ໃນ​ການ​ພົບ​​ປະຄັ້ງ​ນີ້, ທັງ​ສອງ​ຝ່າຍ​ໄດ້​ສືບຕໍ່​ຮ່ວມ​ມື​ລົງ​ນາມ​ສົນທິສັນຍາ​ວ່າ​ດ້ວຍ​ການ​ຊ່ວຍເຫຼືອ​ຊຶ່ງ​ກັນ ແລະ ກັນ​ທາງ​ດ້ານ​ກົດໝາຍ ໃນ​ບັນຫາ​ອາຍາ ລະຫວ່າງ ສປປ ລາວ ແລະ ສສ ຫວຽດນາມ ຊຶ່ງ​ເປັນ​ບາດກ້າວ​ສໍາ​ຄັນ​ໃນ​ການ​ພັດທະນາ​ການ​ຮ່ວມ​ມື​ທາງ​ດ້ານ​ກົດໝາຍ ໃນ​ບັນຫາ​ອາຍາເຂົ້າ​ສູ່​ລວງ​ເລິກ​ໃນ​ທາງກົນ​ໄກ​ການຈັດຕັ້ງປະ ຕິບັດ, ການ​ແລກປ່ຽນ​ຂໍ້​ມູນ ​ຂ່າວສານ​ກ່ຽວ​ກັບ​ອາ​ຊະ​ຍາ​ກໍາ, ການ​ຕ້ານ​ອາ​ຊະ​ຍາ​ກໍາ, ການ​ແລກປ່ຽນ​ຖອດ​ຖອນບົດ ຮຽນ​ດ້ານ​ວິຊາ​ການ ເພື່ອ​ຕອບ ​ສະໜອງ​ຄວາມ​ຮຽກຮ້ອງ​ຕ້ອງ ການ​ໜ້າທີ່​ວຽກ​ງານ​ຂອງ​ສອງ​ຝ່າຍໃຫ້​ມີ​ປະສິດທິພາບ​ກວ່າ​ເກົ່າ  ທັງ​ເປັນ​ການ​ປະກອບ ​ສ່ວນ​ສໍາ​ຄັນ​ເຂົ້າ​ໃນການສືບຕໍ່​ ປົກ​ປັກ​ຮັກສາ ແລະ ເສີມ​ຂະ ຫຍາຍ​ສາຍ​ພົວພັນ​ມິດຕະພາບ​ອັນ​ຍິ່ງ​ໃຫຍ່, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບ ດ້ານຂອງ​ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ​ລາວ​-​ຫວຽດນາມ​ເວົ້າ​ລວມ, ເວົ້າ​ສະ ເພາະແມ່ນ​ການ​ພົວພັນ​ຮ່ວມ​ມື ລະຫວ່າງ ອົງການ​ໄອ​ຍະ​ການ​ປະຊາຊົນ​ສູງ​ສຸດ ແລະ ອົງການ​ໄອ​ຍະ​ການ​ປະຊາຊົນ​ບັນດາ ແຂວງ​ທີ່​ມີ​ຊາຍ​ແດນ​ຮ່ວມ​ກັນ ຂອງ​ສອງ​ປະເທດ​ລາວ  ແລະ ຫວຽດນາມ ນັບ​ມື້​ໄດ້​ຮັບ​ການ​ພັດທະນາ​ແໜ້ນ​ແຟ້ນ  ແລະ ເຂົ້າສູ່​ລວງ​ເລິກ​ຢ່າງ​ບໍ່​ຢຸດ​ຢັ້ງ.
(ຂ່າວ​-​ພາບ: ພູ​ວັນ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110