ຫົວ​ຂໍ້ : ລມຕ ກະ¬ຊວງ ຮສສ ຕ້ອນຮັບທູດສະຫະລັດອາເມຣິກາ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 09/01/2020 09:45:50 ຈຳ​ນວນ​ຜູ້​ເຂົ້າ​ຢ້ຽມ​ຊົມ 535 ຄັ້ງ

     ທ່ານ ຄຳ​ແພງ ໄຊ​ສົມ​ແພງ ລັດ­ຖະ­ມົນ­ຕີ​ກະ­ຊວງ​ແຮງ​ງານ ແລະ ​ສະຫວັດ​ດີ​ການ​ສັງ­ຄົມ (ຮສສ) ໄດ້​ຕ້ອນ­ຮັບ ທ່ານ ນາງ ເຣ​ນາ ບິດ​ເຕີ (Rena Bitter) ເອກ​ອັກ​ຄະ​ລັດ​ຖະ​ທູດ ແຫ່ງ​ສະ­ຫະ­ລັດ​ອາ­ເມ­ຣິ­ກາ ປະ­ຈຳ​ລາວ ເຂົ້າ​ຢ້ຽມ​ຂໍ່າ​ນັບ​ອຳ​ລາ ເມື່ອ​ວັນ​ທີ 7 ມັງ­ກອນ ຜ່ານ​ມາ​ ທີ່​ຫ້ອງ​ຮັບ­ແຂກ​ກະ­ຊວງ ຮສສ ໃນ​ໂອ­ກາດ​ທີ່​ທ່ານ​ທູດ ສຳ­ເລັດ​ການ​ປະ­ຕິ­ບັດ​ໜ້າ­ທີ່​ການ​ທູດ ປະ­ຈຳ ສປປ ລາວ. 
ໃນ​ໂອ­ກາດ​ດັ່ງ­ກ່າວ, ທ່ານ ລັດ­ຖະ­ມົນ­ຕີ​ກະ­ຊວງ ຮສສ ໄດ້​ສະ­ແດງຄວາມ​ຕ້ອນ­ຮັບ​ຊົມ ເຊີຍ​ຕໍ່​ທ່ານ  ນາງ ເຣ​ນາ ບິດ​ເຕີ  ທີ່​ສຳ­ເລັດ​ການ​ປະຕິບັດໜ້າ­ທີ່​ການ​ທູດ ປະ­ຈຳ ສປປ ລາວ ໃນ​ຄັ້ງ​ນີ້ ຕະ­ຫຼອດ​ໃນ​ການ​ປະ­ຕິ­ບັດ​ໜ້າ­ທີ່​ດັ່ງ­ກ່າວ ໄດ້​ເອົາ­ໃຈ­ໃສ່​ຢ່າງ​ຕັ້ງ ­ໜ້າ​ໃນ​ການ​ປະ­ກອບ­ສ່ວນ​ເສີມ​ສ້າງ​ການ​ພົວ­ພັນ​ຮ່ວມ​ມື ແລະ ຊ່ວຍ­ເຫຼືອ​ຊຶ່ງກັນ ແລະ ກັນ ລະ­ຫວ່າງ ສປປ ລາວ​ -​ສະ­ຫະ­ລັດ​ອາ­ເມຣິ­ກາທີ່​ມີ​ມາ​ແລ້ວ​ນັ້ນ​ໃຫ້​ນັບ​ມື້​ດີ​ຂຶ້ນເປັນ​ ກ້າວໆ.
     ທ່ານທູດກໍໄດ້​ສະ­ແດງ​ຄວາມ​ຂອບ­ໃຈ​ຕໍ່ທ່ານລັດຖະ ­ມົນ­ຕີ ກະ­ຊວງ ຮສສ ທີ່​ໄດ້​ໃຫ້ ການຕ້ອນ­ຮັບ​ຢ່າງ​ອົບ​ອຸ່ນ ແລະ ສະ­ແດງ​ຄວາມ​ຂອບ­ໃຈ ຕໍ່​ອົງ ­ການ​ຈັດ​ຕັ້ງ​ພັກ​-​ລັດ­ຖະ­ບານ​ລາວ​ທຸກ​ຂັ້ນ ທີ່​ໄດ້​ໃຫ້­ການ​ຮ່ວມ​ມື ແລະ  ອຳ­ນວຍ​ຄວາມ​ສະດວກ ​ຕະ­ຫຼອດໄລຍະໃນການ​ປະ­ຕິ­ ບັດ​ໜ້າ­ທີ່​ການ​ທູດ​ຈົນ​ປະສົບ​ຜົນ​ສຳ​ເລັດ. 
(ຂ່າວ​-​ພາບ: ສຳ​ນານ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110