ຫົວ​ຂໍ້ : ຊາວໜຸ່ມແຂວງຄຳມ່ວນ ຊ່ວຍ¬ເຫຼືອຄອບ¬ຄົວຜູ້ຖືກຜົນກະ¬ທົບອັກ¬ຄີໄພ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 09/01/2020 10:26:06 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1076 ຄັ້ງ

ເພື່ອ​ເປັນ​ການ​ຊ່ວຍເຫຼືອ​ບັນເທົາ​ທຸກ ຜູ້​ທີ່​ຖືກ​ຜົນ​ກະທົບ​ໄຟ​ໄໝ້​ເຮືອນ ໃຫ້​ມີ​ຊີວິດ​ດີ​ຂຶ້ນ​ກວ່າ​ເກົ່າ ໃນ​ວັນ​ທີ 3 ມັງກອນ​ຜ່ານ​ມາ ຄະນະ​ບໍລິຫານ​ງານ​ຊາວ​ໜຸ່ມ​ແຂວງ​ຄໍາ​ມ່ວນ ນໍາ​ໂດຍ ທ່ານ ສາຍ​ຄໍາ ພະ​ໄຊ​ສິດທິ​ເດດ ຮອງ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ​ຄໍາ​ມ່ວນ ພ້ອມ​ດ້ວຍ​ຄະນະ ແລະ ພະນັກງານ​ຊາວ​ໜຸ່ມ​ແຂວງ ຮ່ວມ​ກັບ​ການ​ນໍາ​ຂອງ​ເມືອງ​ຫີນ​ບູນ ນໍາ​ໂດຍ​ທ່ານ ຄໍາ​ສິງ ອໍລະ​ວັນ ວ່າການ​ເລຂາ​ພັກເມືອງ ເຈົ້າເມືອງໆ​ຫີນ​ບູນ ພ້ອມ​ດ້ວຍ​ຄະນະ ແລະ ພະນັກງານ​ຂັ້ນ​ເມືອງ ໄດ້​ມອບ​ເຄື່ອງ​ຊ່ວຍເຫຼືອ​ໃຫ້​ຄອບຄົວ​ຜູ້​ທີ່​ຖືກ​ຜົນ​ກະທົບ​ຈາກ​ໄຟ​ໄໝ້​ເຮືອນ 1 ຄອບຄົວ​ຄື: ຄອບຄົວ​ຂອງ ທ ພູ​ວົງ ທໍາ​ມະ​ວົງ  ເຮືອນ​ຖືກ​ໄຟ​ໄໝ້​ໃນ​ວັນ​ທີ 26 ທັນວາ 2019 ທີ່​ຜ່ານ​ມາ.
ເຄື່ອງ​ຊ່ວຍເຫຼືອ​ທີ່​ມາ​ມອບ​ຄັ້ງ​ນີ້ ມີ​ເຄື່ອງ​ອຸປະໂພກ, ບໍລິໂພກ ແລະ ເຄື່ອງນຸ່ງ​ຫົ່ມ​ຈໍາ​ນວນໜຶ່ງ ຄະນະ​ບໍລິຫານ​ງານຊາວໜຸ່ມແຂວງຄໍາມ່ວນ ​ມອບ​ເປັນ​ວັດຖຸ​ມູນ​ຄ່າ 2.838.000 ກີບ, ເປັນ​ເງິນສົດ 300.000 ກີບ ແລະ ການ​ນໍາ​ຂອງ​ເມືອງ​ມອບເປັນ​ວັດຖຸ ມູນ​ຄ່າ 1.000.000 ກີບ ຊຶ່ງ​ໃຫ້​ກຽດ​ມອບ​ໂດຍ​ທ່ານ ຄໍາ​ສິງ ອໍລະ​ວັນ ແລະ ທ່ານ ສາຍ​ຄໍາ ພະ​ໄຊ​ສິດທິ​ເດດ.
(ຂ່າວ​-​ພາບ: ຫົວໜ້າ​ຂະ ແໜງ​ສື່​ມວນ​ຊົນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110