ຫົວ​ຂໍ້ : ກອງປະຊຸມເສົາຄຳ້ປະຊາຄົມ ວັດທະນະທຳ-ສັງຄົມອາຊຽນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 10/01/2020 09:15:38 ຈຳ​ນວນ​ຜູ້​ເຂົ້າ​ຢ້ຽມ​ຊົມ 325 ຄັ້ງ

     ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັດທະນະ ທຳ - ສັງຄົມ ແມ່ນ​ພື້ນຖານ​ເພື່ອ​ຕິດ​ພັນ, ມຸ່ງ​ໄປ​ເຖິງ​ເປົ້າ​ໝາຍ​ກວມ​ລວມ​ທີ່​ສຸດ, ນັ້ນ​ແມ່ນ ປະຊາຊົນ​ອາ​ຊຽນ ໄດ້​ຊົມໃຊ້​ຫຍັງ​ແດ່​ໃນ​ປີ 2020.
     ຂ່າວ​ລະບຸ​ວ່າ: ວັນ​ທີ 7 ມັງກອນ​ຜ່ານ​ມາ, ກະຊວງ​ແຮງ​ງານ, ທະຫານ​ເສຍ​ອົງຄະ ແລະ ສັງຄົມ​ຫວຽດນາມ ໄດ້​ຈັດ​ກອງ​ປະຊຸມ​ຄັ້ງ​ທີ 1 ເສົາຄ້ຳ​ປະຊາ​ຄົມ​ວັດທະນະທຳ - ສັງຄົມ, ປຶກສາ​ຫາລື​ກ່ຽວ​ກັບ​ບັນດາ​ການເຄື່ອນໄຫວ​ປີ​ອາ​ຊຽນ ຂອງ​ຫວຽດນາມ 2020 ແລະ ຂໍ້​ລິ​ເລີ່ມ​ຂອງ​ປະຊາ​ຄົມ​ວັດທະນະທຳ - ສັງ​ຄົມ. ທ່ານ ດ່າວ ງ​ັອກ ຢູງ ລັດຖະມົນຕີ​ກະຊວງ​ແຮງ​ງານ, ທະຫານ​ເສຍ​ອົງຄະ ແລະ ສັງຄົມ ຫົວໜ້າ​ຄະນະ​ຈັດ​ຕັ້ງ​ອາ​ຊຽນ 2020 ໄດ້​ເນັ້ນ​ໜັກ​ວ່າ: ວັດທະນະທຳ - ສັງຄົມ ແມ່ນ​ພື້ນຖານ​ເພື່ອ​ຕິດ​ພັນ, ມຸ້ງ​ໄປ​ເຖິງ​ເປົ້າ​ໝາຍ​ກວມ​ລວມ​ທີ່​ສຸດ, ນັ້ນ​ແມ່ນ ປະຊາຊົນ​ອາ​ຊຽນ ໄດ້​ຊົມໃຊ້​ຫຍັງ​ແດ່​ໃນ​ປີ 2020; ພ້ອມ​ທັງ​ເສີມ​ຂະຫຍາຍ​ສີສັນ​ຂອງ​ບັນດາ​ປະເທດ​ອາ​ຊຽນ ແລະ ບັນດາ​ປະເທດ​ອາ​ຊຽນ ເຂົ້າ​ຮ່ວມ​ປີ ຫວຽດນາມ ເປັນ​ປະທານ ດ້ວຍ​ຄວາມ​ສະໝັກ​ໃຈ.
     ຂ່າວ​ລາຍ​ງານ​ວ່າ: ເສົາຄ້ຳ​ວັດທະນະທຳ - ສັງຄົມ ລວມ​ມີ 4 ບຸລິມະສິດ, ເຊື່ອມ​ຕໍ່​ພາກ​ພື້ນ; ຮັບ​ມື, ນຳ​ໃຊ້​ກາລະ​ໂອກາດ​ສ້າງ​ຖະແຫຼງການ​ກ່ຽວ​ກັບ​ການ​ພັດທະນາ​ແຫຼ່ງ​ຊັບ​ພະຍາ​ກອນ​ມະນຸດ​ໃນ​ໂລກ ທີ່​ຂົງເຂດ​ວຽກ​ງານ​ພວມ​ປ່ຽນແປງ; ຊຸກຍູ້ສະ ຕິ​ປະຊາ​ຄົມ ແລະ ສີສັນ​ອາ​ຊຽນ; ຍູ້​ແຮງ​ການ​ພົວພັນ​ຄູ່​ຮ່ວມ​ມື​ເພື່ອ​ສັນຕິພາບ ແລະ ການ​ພັດທະນາ​ແບບ​ຍືນ​ຍົງ; ຍົກ​ສູງ​ກຳລັງ​ຄວາມ​ສາມາດ​ຮັບ​ມື ແລະ ປະສິດ​ທິ​ຜົນ​ການ ເຄື່ອນໄຫວ​ຂອງ​ອາຊຽນ. ບັນດາ​ການເຄື່ອນໄຫວ​ປີ 2020 ຂອງ​ກະຊວງ​ແຮງ​ງານ, ທະຫານ​ເສຍ​ອົງຄະ ແລະ ສັງ ຄົມ ຫວຽດນາມ ລວມ​ມີ 33 ການເຄື່ອນໄຫວ ຊຶ່ງ​ໄດ້​ປະຕິບັດ ແລະ ມີ​ຄວາມ​ດຸ່ນ​ດ່ຽງ ບົນ​ພື້ນຖານ​ການເຄື່ອນໄຫວ​ລວມ​ຂອງ​ຄະນະ​ກຳມະການ​ແຫ່ງ​ຊາດ​ອາ​ຊຽນ 2020.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110