Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສຳເລັດກອງປະຊຸມວຽກງານກວດກາທົ່ວປະເທດ ປະຈຳປີ 2020 ແລະ ສະຫຼຸບວຽກງານກວດກາ 5 ປີ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 01/02/2021 09:31:12 ຈຳ​ນວນ​​ຢ້ຽມ​ຊົມ 3289 ຄັ້ງ

ກອງ​ປະຊຸມ​ວຽກ​ງານ​ກວດກາ​ທົ່ວ​ປະເທດ​ປະຈຳ​ປີ 2020 ແລະ 5 ປີ (2016-2020) ໄດ້​ດໍາ​ເນີນ​ມາ​ເປັນ​ເວລາ 2 ວັນ (28-29 ມັງກອນ 2021) ​ແລະ ໄດ້​ປິດ​ລົງ​ດ້ວຍ​ຜົນ​ສໍາ​ເລັດ​ຢ່າງ​ສະຫງ່າ​ງາມ​ໃນ​​ວັນ​ທີ 29 ມັງກອນຜ່ານ​ມາ ທີ່​ສະໂມສອນ​ຄະນະ​ກວດກາ​ສູນ​ກາງ​ພັກ (ຫຼັກ 6) ພາຍ​ໃຕ້​ການ​ເປັນ​ປະທານ​ຂອງ​ທ່ານ ບຸນ​ທອງ ຈິດ​ມະນີ ກຳມະການ​ກົມ​ການເມືອງ​ສູນ​ກາງ​ພັກ ເລຂາທິການ​ສູນ​ກາງ​ພັກ ຜູ້​ປະ​ຈໍາ​ການ​ຄະນະ​ເລຂາທິການ​ສູນ​ກາງ​ພັກ​ສະໄໝ​ທີ XI ຮອງ​ນາຍົກລັດຖະມົນຕີ ປະທານ​ອົງການ​ກວດກາ​ລັດ ຖະບານ ຫົວໜ້າ​ອົງການ​ຕ້ານ​ການ​ສໍ້​ລາດ​ບັງ​ຫຼວງ, ເຂົ້າ​ຮ່ວມ​ໂດຍ ​ທ່ານ  ຄໍາ​ພັນ ພົມ​ມະ​ທັດ ກໍາ​ມະ​ການ​ກົມ​ການເມືອງ​ສູນ ​ກາງ​ພັກ ປະທານ ​ຄະນະ​ກວດ ກາ​ສູນ​ກາງ​ພັກ​ ສະໄໝທີ XI, ມີ​ບັນດາ​ຮອງ​ປະທານ, ຄະນະ​ປະຈຳ​ພັກ, ຄະນະ​ພັກ ຄະນະ​ກວດກາ​ສູນ​ກາງ​ພັກ​-​ອົງການ​ກວດກາ​ລັດຖະບານ, ບັນດາ​ປະ​ທານ​-​ຮອງ​ປະທານ​ຄະນະ​ກວດກາ​ກະ​ຊວງ​-​ອົງການ, ແຂວງ​-​ ນະຄອນຫຼວງ, ຫົວ​ໜ້າ​-​ຮອງຫົວໜ້າ​ກົມ ພ້ອມ​ດ້ວຍ​ພະນັກງານ​ຫຼັກ​ແຫຼ່ງ​ທົ່ວ​ຄະນະ​ກວດ​ກາສູນ​ກາງ​ພັກ​-​ອົງການ​ກວດ ກາ​ລັດຖະບານ ເຂົ້າ​ຮ່ວມ.
ກອງ​ປະຊຸມ​ໄດ້​ຮັບ​ຟັງ​ ການ​ເຜີຍແຜ່​ເອກະສານ​ສຳ ຄັນ​ຕ່າງໆ​ກ່ຽວ​ກັບ​ວຽກ​ງານ​ກວດກາ​ເປັນຕົ້ນ​ແມ່ນບົດ​ສະ ຫຼຸບ​ການ​ເຄື່ອນ​ໄຫ​ວຽກ​ງານ ກວດກາ​ປະຈຳ​ປີ 2020 ແລະ 5 ປີ ແລະ ທິດ​ທາງ​ແຜນການ,ບົດ​ລາຍ​ງານ​ວຽກ​ງານ​ຕິດຕາມ, ກວດກາ​ພັກ, ບົດ​ລາຍ​ງານ​ກ່ຽວ​ກັບ​ການ​ສະກັດ​ກັ້ນ ແລະ ຕ້ານການ​ສໍ້​ລາດ​ບັງ​ຫຼວງ; ບົດ​ລາຍງານ​ກ່ຽວ​ກັບ​ການ​ກວດກາ​ຕາມ​ຜົນ​ການ​ກວດ​ສອບ, ບົດ​ລາຍ​ງານ​ວຽກ​ງານ​ຄົ້ນຄວ້າຄຳ​ ຮ້ອງ​-​ຄຳ​ສະເໜີ, ແລະ ບົດ​ລາຍ​ງານ​ການ​ຕິດຕາມ, ກວດ ກາ​ການ​ປະຕິບັດ​ຜົນ​ກວດກາ ໄລຍະ​ຜ່ານ​ມາຄະ​ນະ​ພັກ, ອົງ ການ​ປົກຄອງ​ຄະນະ​ກວດກາ​ພັກ​-​ອົງການ​ກວດກາ​ລັດ​ແຕ່​ລະ​ຂັ້ນ​ໄດ້​ສຸມ​ໃສ່​ຈັດ​ຕັ້ງ​ປະຕິບັດ​ວຽກ​ງານ​ກວດກາ​ຕາມ​ພາລະ​ບົດບາດ, ໜ້າທີ່, ຂອບເຂດ​ສິດ ​ຂອງ​ຕົນ​ຊ​ຶ່ງມີ​ຜົນງານ​ດ້ານອັນ ​ພົ້ນ​ເດັ່ນ​ເປັນຕົ້ນ​ແມ່ນ ການ​ຄົ້ນ ຄວ້າ​ສ້າງ ແລະ ເຜີຍ​ແຜ່​-​ໂຄ ສະນາ​ນິຕິ​ກໍາ​ກ່ຽວ​ກັບ​ວຽກ​ງານ​ກວດກາ ທັງ​ໝົດ 14 ສະບັບ, ໄດ້​ຕິດຕາມ, ກວດກາ ການ​ຜັນ​ຂະຫຍາຍ​ຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ, ກົດລະບຽບ​ພັກ, ບັນດາ​ມະຕິ, ຄໍາ​ສັ່ງ ຂອງ​ສູນ​ກາງ​ພັກ ສະໄໝ​ທີ X ແລະ ມະຕິ​ກອງ​ປະຊຸມ​ໃຫຍ່​ຂອງ​ຄະນະ​ພັກ​ຂັ້ນ​ຕ່າງໆ, ກວດກາ​ການ​ປັບປຸງ​ກໍ່ສ້າງ​ໜ່ວຍ​ພັກ ປອດ​ໃສ, ເຂັ້ມແຂງ ແລະ ໜັກ​ແໜ້ນ ຕາມ 5 ຫຼັກການ, 3 ທິດ​ນໍາ​ຂອງ​ພັກ, ມາ​ຮອດ​ປັດຈຸບັນ ທົ່ວ​ປະເທດ​ມີ​ໜ່ວຍ​ພັກ​ທັງ​ໝົດ 20.438 ໜ່ວຍ, ໃນ​ນີ້ ໄດ້​ຕີ​ລາຄາ​ຈັດ​ປະ ເພດ​ເປັນ​ໜ່ວຍ​ພັກ​ປອດ​ໃສ, ເຂັ້ມແຂງ, ໜັກ​ແໜ້ນ 17.438 ໜ່ວຍ, ກາງ 654, ອ່ອນ 21 ໜ່ວຍ, ບໍ່​ໄດ້​ຈັດ​ປະເພດ 2.325 ໜ່ວຍ; ມີ​ສະມາຊິກ​ພັກ​ທັງ​ໝົດ 348.686 ສະຫາຍ, ຍິງ 88.433 ສະຫາຍ, ທຽບໃສ່​ປີ 2016 ເພີ່ມ​ຂຶ້ນ 80.255 ສະຫາຍ (ສໍາ​ຮອງ 30.305 ສະຫາຍ, ຍິງ 9.813 ສະຫາຍ), ໄດ້​ຕີ​ລາຄາ​ຈັດ​ປະເພດ ມີ​ສະມາຊິກ​ພັກ​ແຂງ 274.401 ສະຫາຍ, ກາງ 9.858 ສະຫາຍ ອ່ອນ 424 ສະຫາຍ ແລະ ບໍ່​ໄດ້​ຈັດ​ປະເພດ 64.003 ສະຫາຍ, ຜ່ານ​ການ​ຕິດ​ຕາມ​-​ກວດກາ​ຕົວ​ຈິງ​ເຫັນ​ວ່າ ການ​ກໍ່ສ້າງ​ໜ່ວຍ​ພັກ​ປອດ​ໃສ, ເຂັ້ນ​ແຂງ, ໜັກ​ແໜ້ນ ບາງ​ໜ່ວຍ​ພັກ​ຄຸນ​ນະ​ພາບ​ຍັງ​ບໍ່​ສູງ, ສະມາຊິກ​ພັກ​ຈໍາ​ນວນ​ໜຶ່ງ​ເສື່ອມ​ຖອຍ​ທາງ​ດ້ານ​ຄຸນ​ທາດ​ການເມືອງ, ຄຸນສົມບັດ​ສິນ​ທຳ​ປະຕິວັດ, ເກີດພະຍາດ​ອາຍາ​ສິດ, ສວຍ​ໃຊ້​ໜ້າ​ທີ່​ຕໍາ​ແໜ່ງ ລະເມີດ​ກົດ​ລະບຽບ​ຂອງ​ພັກ ແລະ ກົດໝາຍ​ຂອງ​ລັດ ຊຶ່ງ 5 ປີຜ່ານ​ມາ ມີ​ການ​ຈັດ​ຕັງ​ພັກ, ສະມາຊິກ​ພັກ​ຖືກ​ລົງ​ວິໄນ​ຄື: ກ່າວ​ເຕືອນ​ຄວາມ​ຜິດ 6 ໜ່ວຍ​ພັກ, ສະມາຊິກ​ພັກ​ຖືກ​ລົງ​ວິໄນ 3.200 ສະຫາຍ, ຍິງ 372 ສະຫາຍ (ໃນ​ນີ້, ກ່າວ​ເຕືອນ​ຄວາມ​ຜິດ 649 ສະຫາຍ, ປົດ​ຕໍາ​ແໜ່ງ 137 ສະຫາຍ, ໂຈະ​ການ​ຮ່ວມ​ຊີວິດ​ພັກ 632 ສະຫາຍ, ເອົາ​ອອກ​ຈາກ​ພັກ 1.791 ສະຫາຍ, ແກ້​ໄຂ​ທາງ​ບໍລິຫານ 546 ສະ​ຫາຍ, ຖືກ​ດໍາ​ເນີນ​ຄະດີ​ຕາມ​ກົດໝາຍ 93 ​ສະ​ຫາຍ, ໃນ​ນັ້ນ ສານ​ຕັດສິນ​ແລ້ວ 64 ​ສະ​ຫາຍ ແລະ ໄດ້​ຄົ້ນ​ຄວ້າ​ຄໍາ​ຮ້ອງ​-ຄໍາ​ສະເໜີ ໄດ້​ຮັບ​ຄໍາ​ຮ້ອງ ແລະ ຄໍາ​ສະເໜີ 4.817 ສະບັບ, ໃນ​ນັ້ນ ໄດ້​ຄົ້ນ​ຄວ້າ​ພິຈາລະນາ​ແກ້​ໄຂ​ແລ້ວ 1.524 ສະບັບ, ສົ່ງ​ໃຫ້​ພາກສ່ວນ​ອື່ນ​ແກ້​ໄຂ 1,581 ສະບັບ, ແຈ້ງ​ຕອບ​ພາກສ່ວນ​ກ່ຽວຂ້ອງ 155 ສະບັບ, ເກັບ​ມ້ຽນ​ເພື່ອ​ຕິດຕາມ 273 ສະບັບ, ຍັງ​ຄ້າງ 1.284 ສະບັບ (ສະເພາະ​ປີ 2020 ໄດ້​ຮັບ​ຄໍາ​ຮ້ອງ​-ຄໍາ​ສະເໜີ ທັງ​ໝົດ 869 ສະບັບ ໃນ​ນີ້ ອົງການ​ກວດກາ​ລັດຖະບານ 272 ສະບັບ, ກະ​ຊວງ​-​ອົງການ 196 ສະບັບ, ແຂວງ 401 ສະບັບ, ໃນ​ນີ້ ແກ້​ໄຂ​ແລ້ວ 170  ສະບັບ, ສົ່ງ​ໃຫ້​ພາກສ່ວນ​ກ່ຽວຂ້ອງ​ແກ້​ໄຂ 300 ສະບັບ, ແຈ້ງ​ຕອບ​ເຈົ້າ​ຂອງ​ຄໍາ​ຮ້ອງ 42 ສະບັບ, ເກັບ​ມ້ຽນ ຕິດຕາມ 54 ສະບັບ, ກໍາ​ລັງ​ຄົ້ນຄວ້າ ແລະ ເກັບ​ກໍາ​ຂໍ້​ມູນ 303 ສະບັບ). ນອກ​ນີ້ ຜູ້​ແທນ​ກອງ​ປະຊຸມ​ແຕ່​ລະ​ພາກສ່ວນ​ຍັງໄດ້​ຜັດປ່ຽນ​ກັນ​ຂຶ້ນ ປະກອບ​ຄຳ​ຄິດ​ເຫັນ​ຕາມ​ການ​ເຈາະ​ຈິ້ມ​ຂອງ​ປະທານ​ກອງ​ປະຊຸມ.
ໂອກາດ​ອັນ​ສະຫງ່າ​ລາສີ​ນີ້, ​ທ່ານ. ບຸນ​ທອງ ຈິດ​ມະນີ ໄດ້​ໃຫ້​ກຽດ​ໂອ້​ລົມ​ຕໍ່​ກອງ​ປະ ຊຸມ ດັ່ງກ່າວ, ເພື່ອ​ເປັນ​ການ​ໃຫ້​ທິດ​ຊີ້​ນໍາ​ໃນ​ການ​ສືບຕໍ່​ເສີມ​ ຂະຫຍາຍ​ດ້ານ​ຕັ້ງໜ້າ​ໃນ​ການຈັດຕັ້ງ​ປະຕິບັດ​ວຽກ​ງານ​ກວດກາ ແລະ ແກ້​ໄຂ​ຈຸດ​ອ່ອນ​ຂໍ້ຄົງຄ້າງ​ໃນ​ຊຸມ​ປີ​​ຜ່ານ​ມາ ຊຶ່ງ​​ທ່ານ​ໄດ້​ເນັ້ນ​ໜັກ​ຫຼາຍ​ບັນຫາ ໂດຍ​ສະເພາະ​ແມ່ນ​ການ​ຕິດ​ຕາມ​-​ກວດກາ​ການ​ຄຸ້ມ​ຄອງ​ບໍ ລິຫານ​ລັດ​ແຕ່​ລະ​ຂັ້ນ​ແມ່ນ​ໃຫ້​ສຸມ​ໃສ່​ດັ່ງນີ້:
-  ຕິດ​ຕາມ​-​ກວດກາການ ​ປະຕິບັດ​ພາລະ​ບົດບາດ, ໜ້າ ທີ່, ການ​ໃຊ້​ສິດ​ອຳນາດ​ຂອງ​ ແຕ່​ລະ​ຂະແໜງການ​ ແລະ ​ທ້ອງ ຖິ່ນ; ການ​ປະຕິບັດ​ມະຕິ, ຄຳ​ສັ່ງ, ຂໍ້​ກຳນົດ​ຕ່າງໆ​ຂອງ​ພັກ, ກົດໝາຍ ແລະ ລະບຽບ​ການ​ຕ່າງໆ​ຂອງ​ລັດ
-  ຕິດ​ຕາມ​-​ກວດກາ​ການ​ເກັບ​ລາຍ​ຮັບ​ເຂົ້າ​ງົບປະມານ, ການ​ປະຕິບັດ​ກົດໝາຍ​ພາ​ສີ​-​ອາກອນ, ກົດໝາຍ​ງົບປະມານ​ແລະ​ ອື່ນໆ, ການ​ຄຸ້ມ​ຄອງ​ລາຍ​ຈ່າຍ​ຂອງ​ກະ​ຊວງ​-​ອົງການ ແລະ ທ້ອງຖິ່ນ ໃຫ້​ຖືກ​ຕາມ​ເປົ້າ​ໝາຍ​ ແລະ ຮັບປະກັນ​ການ​ປະຕິບັດ​ນະໂຍບາຍ​ປະຢັດ​ແຫ່ງ​ຊາດ.
-  ສືບຕໍ່​ຕິດ​ຕາມ​-​ກວດ ກາ​ລົງ​ເລິກ​ ແລະ​ ສືບ​ສວນ​-​ສອບ​ສວນ​ກ່ຽວ​ກັບ​ຄວາມ​ຮັບຜິດຊອບ​ຂອງ​ການຈັດຕັ້ງ​ແລະ ​ບຸກຄົນ​ທີ່​ພົວພັນ​ເຖິງ​ໂຄງການ​ລົງທຶນ​ຂອງ​ລັດ ແລະ ການ​ຊຳລະ​ໜີ້​ສິນ​ແບບ​ມີ​ສ່ວນ​ຫຼຸດ, ການ​ຊຳລະ​ເກີນ​ ແລະ​ ຊໍ້າ​ຊ້ອນ​ຢູ່​ບັນດາ​ແຂວງ​ທີ່​ຍັງ​ຄ້າງ​ປະຕິ​ບັດ.
-  ສືບຕໍ່​ປະຕິບັດ​ມາດ​ຕະ ການ​ກວດກາ​ເລີ່ມ​ແຕ່​ຫົວທີ​ຕໍ່​ການ​ປະຕິບັດ​ໂຄງການ​ລົງທຶນ​ຂອງ​ລັດ​ເຊັ່ນ: ໂຄງການ​ກໍ່ສ້າງ​ທາງ​ລົດໄຟ​ລາວ​-​ຈີນ​ ແລະ​ອື່ນໆ​ເລີ່ມ​ແຕ່​ການ​ປະມູນ, ການ​ຈັດ​ຊື້​-​ຈັດ​ຈ້າງ​ແລະ​ຕະຫຼອດ​ໄລຍະ​ເວລາ​ຂອງ​ການ​ປະຕິບັດ​ໂຄງການ​ໃຫ້​ດຳເນີນ​ໄປ​ຖືກ ຕ້ອງ​ຕາມ​ສັນຍາ​ ແລະ ​ລະ​ບຽບ ​ກົດ​ໝາຍ.
-  ສືບຕໍ່​ຕິດ​ຕາມ​-​ກວດກາ ແລະ ຊຸກຍູ້​ການຈັດຕັ້ງ​ປະຕິບັດ​ຄຳ​ສັ່ງ​ເລກ​ທີ15/ນຍ ເປັນຕົ້ນ​ການ​ຄຸ້ມ​ຄອງ​ປ່າໄມ້​ ແລະ​ ທຸ ລະ​ກິດ​ໄມ້, ການ​ປະຕິບັດ​ພັນ ທະ​ໄມ້ ແລະ ບັນຫາ​ອື່ນໆ ເປັນ ຕົ້ນ​ຢູ່​ດ່ານ​ຕ່າງໆ ແລະ ຢູ່​ຕາມ​ລຽບ​ຊາຍ​ແດນ ເມື່ອ​ພົບ​ເຫັນ​ຜູ້​ລະເມີດ​ຕ້ອງ​ແກ້​ໄຂ​ຢ່າງ​ເຂັ້ມ​ງວດ​ຕາມ​ລະ​ບຽ​ບ-​ກົດ​ໝາຍ.
(ຂ່າວ: ຄະນະ​ກວດກາ​ສູນ​ກາງ​ພັກ, ພາບ: ສຸກ​ສະຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com