ຫົວ​ຂໍ້ : ທ່ານ ປູຕິນ ຊົມເຊີຍການຟື້ນຟູຊີຣີຄືນໃໝ່

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 10/01/2020 09:21:01 ຈຳ​ນວນ​ຜູ້​ເຂົ້າ​ຢ້ຽມ​ຊົມ 501 ຄັ້ງ

     ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ທ່ານ ວະ​ລາ​ດີ​ເມຍ ປູ​ຕິນ ປະທານາທິບໍດີ​ຣັດ​ເຊຍ ໄດ້​ເດີນທາງ​ໄປ​ຊີ​ຣີ ໃນ​ວັນ​ທີ 7 ມັງກອນ​ຜ່ານ​ມາ, ໄດ້​ມີ​ການ​ພົບ​ປະ​ເຈລະຈາ​ກັບ​ທ່ານ ບາ​ຊາ ອານ​-​ອາ​ຊັດ ປະທານາທິບໍດີ ຊີ​ຣີ.
    ຂ່າວ​ລາຍ​ງານ​ວ່າ: ນີ້​ແມ່ນ​ການ​ຢ້ຽມຢາມ ຊີ​ຣີ ຄັ້ງ​ທໍາ​ອິດ​ຂອງ​ທ່ານ ປູ​ຕິນ  ນັບ​ແຕ່ປີ 2017. ທ່ານ ດີມິ​ຕຣີ ເປ​ສະ​ຄົບ ໂຄສົກ​ຂອງ​ວັງ​ແກ​ຣມ​ແລັງ ໃຫ້​ຮູ້​ວ່າ: ໃນ​ການ​ພົບ​ປະ​ເຈລະຈາ​ກັບ​ທ່ານ ອານ​-​ອາ​ຊັດ, ທ່ານ ປູ​ຕິນ  ໄດ້​ສະແດງ​ຄວາມ​ຊົມເຊີຍ​ຕໍ່​ຄວາມ​ກ້າວໜ້າ, ຄວາມ​ຄືບ​ໜ້າ​ອັນ​ໃຫຍ່​ຫຼວງ​ທີ່​ບັນລຸ​ໄດ້​ຢູ່ ຊີ​ຣີ, ນັ້ນ​ແມ່ນ “ຟື້ນ​ຟູ​ຊີ​ຣີ ແລະ ຮັກສາ​ຜືນ​ແຜ່ນດິນ​ອັນ​ ຄົບ​ຖ້ວນ​ຂອງ​ປະເທດ​ຊາດ”.      ສ່ວນທ່ານ​ປະທານາທິບໍດີ ຊີ​ຣີ ຕີ​ລາຄາ​ສູງ​ຕໍ່​ການ​ໜູນ​ຊ່ວຍ​ຂອງ​ລັດຖະບານ ແລະ ກອງທັບ​ຣັດ​ເຊຍ ໃນ​ການ​ຕໍ່ສູ້​ຕ້ານ​ການ​ກໍ່​ການ​ຮ້າຍ ແລະ ຟື້ນ​ຟູ​ພື້ນຖານ​ສັນຕິພາບ​ຢູ່​ປະເທດ​ຕາເວັນ​ອອກ​ກາງ​ນີ້.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110