Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະຫຼຸບວຽກງານ ສົ່ງເສີມກະສິກໍາເມືອງຫົງສາ ປະຈໍາປີ 2020.

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 04/02/2021 16:31:47 ຈຳ​ນວນ​​ຢ້ຽມ​ຊົມ 1681 ຄັ້ງ

ໃນວັນທີ 3 ກຸມພາຜ່ານມານີ້ ຫ້ອງການພາກສະໜາມພະແນກພັດທະນາສັງຄົມ ບໍລິສັດ ໄຟຟ້າຫົງສາ ຈໍາກັດ ເມືອງຫົງສາ ແຂວງໄຊຍະບູລີ ໄດ້ຈັດກອງປະຊຸມສະຫຼຸບການເຄື່ອນໄຫວ ແລະ ການຈັດຕັ້ງປະຕິບັດວຽກງານສະຫະກອນສົ່ງເສີມກະສິກໍາເມືອງຫົງສາ ປະຈໍາປີ 2020 ໂດຍການ ເປັນປະທານ ຂອງທ່ານ ທອງ ສິມມາທອງ ປະທານກຸ່ມສະຫະກອນສົ່ງເສີມກະສິກໍາ ເມືອງຫົງສາ, ໃຫ້ກຽດເຂົ້າຮ່ວມຂອງທ່ານ ຈັນເພັງ ອູ່ທອງຄໍາ ຮອງເຈົ້າເມືອງຫົງສາ, ມີຄະນະບໍລິຫານກຸ່ມ, ແຂກ ຖືກເຊີນຂອງແຂວງ, ຂອງເມືອງ, ບໍລິສັດ ໄຟຟ້າຫົງສາ ຈໍາກັດ ແລະ ສະມາຊິກພາຍໃນກຸ່ມເຂົ້າ ຮ່ວມ.

ໃນກອງປະຊຸມ ທ່ານ ທອງ ສິມມາທອງ ໄດ້ຜ່ານບົດສະຫຼຸບການເຄື່ອນໄຫວ ແລະ ຈັດຕັ້ງ ປະຕິບັດວຽກງານ ຂອງສະຫະກອນສົ່ງເສີມກະສິກໍາເມືອງຫົງສາ ປະຈໍາປີ 2020, ສະຫະກອນສົ່ງ ເສີມກະສິກໍາເມືອງຫົງສາ ໄດ້ຮັບໃບອະນຸຍາດສ້າງຂຶ້ນ ໃນວັນທີ 20 ກໍລະກົດ 2018 ຈາກຫ້ອງການ ກະສິກໍາ ແລະ ປ່າໄມ້ເມືອງຫົງສາ, ໄດ້ຈົດທະບຽນວິສາຫະກິດ ຈາກຫ້ອງການອຸດສາຫະກໍາ ແລະ ການຄ້າ ໃນວັນທີ 1 ຕຸລາ 2018 ມີທຶນຈົດທະບຽນທັງໝົດ 200 ລ້ານກີບ, ມີຊັບສົມບັດມູນຄ່າ ທັງໝົດ 569 ລ້ານກວ່າກີບ ໂດຍການສະໜັບສະໝູນຂອງ ບໍລິສັດ ໄຟຟ້າຫົງສາ, ເປັນອົງການຈັດ ຕັ້ງລວມໝູ່ ປະກອບມີ 10 ກຸ່ມອາຊີບ, ໃນນັ້ນກຸ່ມຜະລິດກະສິກໍາ 3 ກຸ່ມ, ກຸ່ມປຸງແຕ່ງຜົນຜະລິດ ກະສິກໍາ 2 ກຸ່ມ, ຕັດຫຍິບ 1 ກຸ່ມ, ລ້ຽງສັດ 2 ກຸ່ມ, ກຸ່ມຫັດຖະກໍາຈັກສານ 1 ກຸ່ມ, ສະໜັບສະໜູນ ການສ້າງຕັ້ງສະຫະກອນ 1 ກຸ່ມ, ມີສະມາຊິກທັງໝົດ 137 ຄອບຄົວ, ຜ່ານການຈັດຕັ້ງປະຕິບັດ ວຽກງານໃນໄລຍະ 1 ປີຜ່ານມາ ສາມາດສ້າງລາຍຮັບໄດ້ 942 ລ້ານກວ່າກີບ, ນອກນັ້ນຍັງໄດ້ຍົກໃຫ້ ເຫັນດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງແຜນຈຸດສຸມໃນຕໍ່ໜ້າ, ໃນໂອກາດນີ້ຄະນະຜູ້ບໍລິຫານຊຸດເກົ່າກໍໄດ້ຂຶ້ນກ່າວລາໜ້າທີ່, ພ້ອມນັ້ນກໍໄດ້ຜ່ານມາດຖານເງື່ອນໄຂ ຜູ້ທີ່ຈະອອກສະໝັກເລືອກຕັ້ງຊຸດໃໝ່ ຊຶ່ງມີຜູ້ອອກສະໝັກເລືອກຕັ້ງທັງໝົດ 14 ທ່ານ ຍິງ 7 ທ່ານ, ເລືອກເອົາ 10 ທ່ານ, ຜູ້ເຂົ້າຮ່ວມໄດ້ໃຊ້ສິດປະຊາທິປະໄຕຂອງຕົນປ່ອນບັດເລືອກເອົາຄະນະຊຸດໃໝ່, ກອງປະຊຸມຄັ້ງປະຖົມມະລືກໄດ້ເປັນເອກະພາບກັນ ເລືອກເອົາ ທ່ານ ທອງ ສິມມາທອງ ເປັນປະ ທານ, ທ່ານ ຊື່ນ ຕະວະ ແລະ ທ່ານນາງ ແສງເພັດ ແກ້ວສີໄລ ເປັນຮອງປະທານ ພ້ອມດ້ວຍຄະ ນະອີກ 4 ທ່ານ ຍິງ 3 ທ່ານ ແລະ ຄະນະກວດກາ 3 ທ່ານ ຍິງ 1 ທ່ານ, ຫຼັງຈາກນັ້ນສະຫະ ກອນສົ່ງເສີມກະສິກໍາ ເມືອງຫົງສາ ຍັງໄດ້ແບ່ງປັນຜົນກໍາໄລປະຈໍາປີໃຫ້ແກ່ສະ ມາຊິກຕື່ມອີກ.

ໃນຕອນທ້າຍພິທີ ທ່ານ ຈັນເພັງ ອູ່ທອງຄໍາ ຮອງເຈົ້າເມືອງ ກໍໄດ້ໃຫ້ກຽດໂອ້ລົມ ແລະ ເນັ້ນໜັກໃຫ້ ຄະນະບໍລິຫານຊຸດໃໝ່ໃຫ້ສືບຕໍ່ຈັດຕັ້ງປະຕິບັດວຽກງານດ້ານຕ່າງໆຕາມທິດທາງແຜນ ການວາງອອກ ໃຫ້ມີຜົນສຳເລັດ, ມີຄວາມເປັນເອກະພາບກັນ, ເອົາໃຈໃສ່ປະຕິບັດແບບແຜນວິທີເຮັດ ວຽກໃຫ້ມີຄວາມປອດໃສ ໜັກແໜ້ນ ເຂັ້ມແຂງ, ສືບຕໍ່ຂະຫຍາຍສະມາຊິກກຸ່ມ, ເຮັດໃຫ້ມີກຸ່ມຕົວແບບ ແລະ ຄອບຄົວຕົວແບບຫຼາຍຂຶ້ນ. ຂ່າວ: ບຸນປອນ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com