Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມລັດຖະມົນຕີ ທ່ອງທ່ຽວອາຊຽນ ຄັ້ງທີ 24

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 05/02/2021 09:14:55 ຈຳ​ນວນ​​ຢ້ຽມ​ຊົມ 1620 ຄັ້ງ

ກອງ​ປະຊຸມ​ລັດຖະມົນຕີ​ທ່ອງ​ທ່ຽວ​ອາ​ຊຽນ​ຄັ້ງ​ທີ 24  ແລະ ກອງ​ປະຊຸມ​ປິ່ນ​ອ້ອມ​ທີ່​ ກ່ຽວຂ້ອງ​ໄດ້​ຈັດ​ຂຶ້ນ​ໂດຍຜ່ານ ​ກອງ​ປະຊຸມ​ທາງໄກ ໃນ​ລະ ຫວ່າງ ​ວັນ​ທີ 4-5 ກຸມພາ​ນີ້, ພາຍໃຕ້​ການ​ເປັນ​ປະທານ​ຂອງ ທ່ານ ທອງ​ຄົນ ລັດ​ຖະມົນຕີ​ກະຊວງ​ທ່ອງ​ທ່ຽວ​ແຫ່ງ​ປະ​ເທດ​ກໍາ​ປູ​ເຈຍ ຊຶ່ງ​ຝ່າຍ​ລາວ​ນຳ​ໂດຍ​ທ່ານ ອຸ່ນ​ທວງ ຂາວ​ພັນ ຮອງ​ລັດຖະມົນຕີ ກະຊວງ​ຖະແຫຼງ​ຂ່າວ, ວັດທະນະທຳ ແລະ ທ່ອງ​ທ່ຽວ (ຖວທ) ພ້ອມ​ຄະນະ ແລະ ບັນດາ​ປະເທດ​ທີ່​ກ່ຽວຂ້ອງ​ເຂົ້າ​ຮ່ວມ.
ກອງ​ປະຊຸມ​ໄດ້​ແລກ ປ່ຽນ ​ຂໍ້​ມູນ​ຂ່າວສານ​ດ້ານ​ການ ທ່ອງ ທ່ຽວ, ການ​ແຜ່​ລະບາດ​ຂອງ​ເຊື້ອ​ພະຍາດ COVID-19 ຊຶ່ງເຮັດ​ໃຫ້​ຂະແໜງການ​ທ່ອງ ທ່ຽວ ​ອາ​ຊຽນ ໄດ້​ຮັບ​ຜົນ​ກະທົບ​ ຢ່າງ​ໜັກໜ່ວງ​ສະແດງ​ອອກ​ຈໍາ​ນວນ​ໂຕ​ເລກ​ນັກທ່ອງ​ທ່ຽວ​ສາກົນ​ເດີນທາງ​ເຂົ້າ​ມາ​ທ່ອງ​ທ່ຽວ​ອາ​ຊຽນ​ໃນ​ປີ 2019 ມີ 261.148.742 ເທື່ອ​ຄົນ, ມາ​ຮອດ​ປີ 2020 ມີ 47.473.632 ເທື່ອ​ຄົນ​ຫຼຸດ​ລົງ​ເຖິງ 80% ຖ້າ​ທຽບໃສ່​ໂຕ​ເລກ​ປີ 2019 ສໍາ​ລັບ​ ສປປ​ ລາວ ​ກໍ​ຫຼຸດ​ລົງ 80% ຖ້າ​ທຽບ ໃສ່​ປີ 2019, ພ້ອມ​ນັ້ນ​ຍັງ​ໄດ້​ທົບ​ທວນຄືນ​ການຈັດຕັ້ງ​ປະຕິບັດ​ແຜນ​ຍຸດທະສາດ​ການທ່ອງທ່ຽວ​ອາ​ຊຽນ 2016-2025 ກາງ​ສະໄໝ, ແຜນ​ຮ່ວມ​ມື​ປີ 2020 ແລະ ວາງ​ແຜນການ​ຮ່ວມ​ມື​ໃນ​ປີ 2021.
ກອງ​ປະຊຸມ​ແຈ້ງ​ໃຫ້ຮູ້​ ອີກ​ວ່າ: ການ​ລະບາດ​ຂອງ​ພະຍາດ​ໂຄ​ວິດ-19 ໄດ້​ສົ່ງ​ຜົນ​ກະທົບ​ຢ່າງ​ຮ້າຍ​ແຮງ​ຕໍ່​ການ ທ່ອງ​ທ່ຽວ; ບັນດາ​ທຸລະ​ກິດ​ການທ່ອງທ່ຽວ, ໂຮງແຮມ, ຮ້ານ​ອາຫານ, ແຫຼ່ງ​ທ່ອງ​ທ່ຽວ ແລະ ທຸລະ​ກິດ​ປິ່ນ​ອ້ອມ​ແມ່ນ ໄດ້​ປິດ​ບໍລິການ​ຊົ່ວຄາວ, ອາ​ຊຽ​ນກໍາ​ລັງ​ດຳເນີນ​ການ​ຂຽນ​ບົດ​ສຶກສາ​ຄົ້ນ​ຄວ້າ​ແຜນ​ຟື້ນ​ຟູ​ການທ່ອງທ່ຽວ​ອາ​ຊຽນ​ໂດຍ ແນໃສ່​ຊອກ​ຫາ​ມາດ​ຕະການ​ທີ່​ເໝາະ​ສົມ​ເພື່ອ​ພັດທະນາ​ການທ່ອງທ່ຽວ​ໃນ​ພາກ​ພື້ນ​ຊຶ່ງ​ໄດ້​ຮັບ​ການ​ຊ່ວຍເຫຼືອ​ທຶນ​ຈາກ ປະເທດ​ກາ​ນາ​ດາ, ນອກຈາກ​ນັ້ນ​ອາ​ຊຽນ​ຍັງ​ສືບຕໍ່​ເພີ່ມ​ທະວີ​ການ​ຮ່ວມ​ມື​ດ້ານ​ການທ່ອງທ່ຽວ​ແບບ​ຍືນ​ຍົງ, ສ້າງ​ຜະລິດຕະ​ພັນ​ການທ່ອງທ່ຽວ​ໃຫ້​ຫຼາກ​ຫຼາຍ, ນຳ​ໃຊ້​ເຕັກ​ໂນ​ໂລ​ຊີ​ເຂົ້າ​ໃນ​ຂະແໜງການ​ທ່ອງ​ທ່ຽວ, ສ້າງ​ຄວາມ​ເຂັ້ມແຂງ​ໃຫ້ແກ່​ບຸກ​ຄະລາ​ກອນ​ໃນ​ຂະແໜງການ​ທ່ອງ​ທ່ຽວ, ສືບຕໍ່​ຮ່ວມ​ມື​ກັບ​ຄູ່​ຮ່ວມ​ພັດທະນາ​ອາ​ຊຽນ +3 (ສປ ຈີນ, ຍີ່ປຸ່ນ ແລະ ສ ເກົາຫຼີ), ສືບຕໍ່​ຮ່ວມ​ມືກັບ​ອາ​ຊຽ​ນ-​ອິນ​ເດຍ, ອາ​ຊຽ​ນ-​ຣັດເຊຍ ແລະ ອົງການ​ຈັດ​ຕັ້ງ​ສາກົນ​ອື່ນໆ​ເພື່ອ​ຍາດ​ແຍ່ງ​ການ
ຊ່ວຍເຫຼືອ​ໃນ​ການ​ຍົກ​ລະດັບ​ຂີດ​ຄວາມ​ສາມາດ ແລະ ການ​ນໍາ​ໃຊ້​ເຕັກ​ໂນ​ໂລ​ຊີ, ໃນ​ວາລະ​ກອງ​ປະຊຸມ​ປະ​ເທດ​ກໍາ​ປູເຈຍ​ໄດ້​ຢືນຢັນ​ຈະ​ເປັນ​ເຈົ້າພາບ​ຈັດ​ກອງ​ປະຊຸມ​ລັດຖະມົນຕີ​ທ່ອງ​ທ່ຽວ​ອາ​ຊຽນ ແລະ ງານ​ວາງສະແດງ​ອາ​ຊຽນ ASEAN Tourism Forum (ATF)ໃນ​ປີ 2022. ສຳລັບ​ການ​ປະກອບສ່ວນ​ຂອງ​ຝ່າຍ​ລາວ​ໃນ​ໄລ​ຍະການ​ແຜ່​ລະບາດ​ຂອງ​ໂຄ​ວິດ-19 ຊຶ່ງ​ໄດ້​ເປັນ​ເຈົ້າ​ການ
ຈັດ​ຕັ້ງ​ປະຕິບັດ​ມາດຕະຖານ​ການທ່ອງທ່ຽວ​ອາ​ຊຽນ ເພື່ອ​ເປັນ​ການ​ປັບປຸງ​ຜະລິດ​ຕະ​ພັນ​ການທ່ອງທ່ຽວ​ເຂົ້າ​ສູ່​ມາດ​ຕະຖານ​ອາ​ຊຽນ ແລະ ເປັນ​ເຈົ້າ​ການ​ສ້າງ​ແຜນ​ຟື້ນ​ຟູ​ການທ່ອງທ່ຽວ​ຂອງ​ ສປປ ລາວ ຫຼັງ​ການ​ແຜ່​ລະບາດ​ຂອງ​ໂຄ​ວິດ-19 ສຳລັບ​ແຜນ​ຮ່ວມ​ມື​ໃນ​ປີ 2021-2025 ຮ່ວມ​ກັບ​ອົງການ​ສະຫະ​ປະຊາຊາດ​ເພື່ອ​ການ​ພັດທະນາ (UNDP), ກະຊວງ ຖວທ ຮ່ວມ​ກັບ​ສື່​ມວນ​ຊົນ​ລາວ ແລະ ສື່​ມວນ​ຊົນ​ສາກົນ​ໄດ້​ຈັດ​ກິດ​ຈະ​ກໍາ​ຢູ່​ລາວ​ໃນ​ການ​ໂຄສະນາ​ການ ທ່ອງທ່ຽວລາວ ໂດຍ​ການ​ມີ​ສ່ວນ​ຮ່ວມ​ກັບ​ຂະແໜງການ​ກ່ຽວຂ້ອງ​ໄດ້​ເອົາໃຈໃສ່​ວຽກ​ງານ​ສຸຂະພາບ​ຄວາມ​ປອດ​ໄພ​ຂອງ​ການທ່ອງ​ທ່ຽວ​ໂດຍ​ສຸມ​ໃສ່​ສ້າງ​ນິຕິ​ກຳ​ທີ່​ກ່ຽວຂ້ອງ​ຈຳນວນ​ໜຶ່ງ, ສືບຕໍ່​ສ້າງ​ມາດ ຕະຖານ​ການທ່ອງທ່ຽວ​ຂອງ ສປປ​ ລາວ ພ້ອມ​ເອົາໃຈໃສ່​ປັບປຸງ ແລະ ພັດທະນາ​ພື້ນຖານ​ໂຄງ​ລ່າງ​ລວມ​ທັງ​ສິ່ງ​ອຳນວຍ​ຄວາມ​ສະດວກ​ດ້ານ​ການທ່ອງທ່ຽວ ໂດຍ​ການ​ສະໜັບສະໜູນ​ຂອງ​ທະນາຄານ​ພັດທະນາ​ອາຊີ ແລະ ອົງການ​ຈັດ​ຕັ້ງ​ສາກົນ​ອື່ນໆ.    ສປປ​ ລາວ​ ຍັງ​ໄດ້​ລາຍ​ງານ​ຕໍ່​ກອງ​ປະຊຸມ​ກ່ຽວ​ກັບ​ຜົນ​ສໍາ​ເລັດ​ຂອງ​ການ​ຈັດ​ງານ​ວາງສະແດງ​ແນວທາງ​ການ ທ່ອງ​ທ່ຽວ​ແບບ​ຍືນ​ຍົງ​ອາ​ຊຽນ​ທີ່​ຈັດ​ຂຶ້ນ​ໃນ​ທ້າຍ​ປີ 2020 ຜ່ານ​ມາ​ທີ່​ນະຄອນຫຼວງ​ວຽງ​ຈັນ​ໃນ​ຮູບ​ແບບ​ງານ​ວາງ​ສະ​ແດງ ແລະ ກອງ​ປະ​ຊຸມ​ສໍາ​ມະ​ນາ​ທາງໄກ (ຜ່ານ​ວີ​ດີ​ໂອ) ຊຶ່ງ​ມີ​ຜູ້​ເຂົ້າ​ຮ່ວມ​ງານ​ວາງສະແດງ​ກັບ​ທີ່​ຫຼາຍ​ກວ່າ 700 ທ່ານ, ມີ 1.478 ທ່ານ ​ເຂົ້າ​ຮ່ວມ​ຊົມ​ຫ້ອງ​ວາງສະແດງ​ທາງໄກ, ກະ​ຊວງ​ ຖວທ ​ຂອງ​ລາວ ຈະ​ໄດ້​ເປັນ​ເຈົ້າ​ການ​ຮ່ວມ​ກັບປະເທດ​ສະມາຊິກ​ຜັນ​ຂະຫຍາຍ​ແຜນການ​ຮ່ວມ​ມື​ດ້ານ​ການ ທ່ອງທ່ຽວ​ປະຈຳ​ປີ 2021 ຄື: ສືບຕໍ່​ຈັດ​ຕັ້ງ​ປະຕິບັດ​ກິດ​ຈະກຳ​ທີ່​ໄດ້​ກຳນົດ​ໄວ້​ໃນ​ແຜນ​ຍຸດທະສາດ​ການທ່ອງທ່ຽວ​ອາ​ຊຽ​ນສໍາ​ລັບ​ປີ 2022 ໃຫ້​ສຳເລັດ​ຕາມ​ແຜນ, ສືບຕໍ່​ຈັດ​ຕັ້ງ​ປະຕິບັດ​ແຜນ​ວຽກ​ສໍາ​ລັບ​ປີ 2021-2025 ປະຕິບັດ​ແຜນການ​ຮ່ວມ​ມື​ອາ​ຊຽນ+3 (ສປ​ຈີນ, ຍີ່ປຸ່ນ ແລະ ສ ເກົາຫຼີ)ໂດຍ​ສຸມໃສ່​ການ​ສ້າງ​ຄວາມ​ເຂັ້ມແຂງ​ໃຫ້​ແກ່​ພາກ​ພື້ນ​ໃນ​ການ​ຟື້ນ​ຟູ​ການທ່ອງທ່ຽວ ແລະ​ສືບຕໍ່​ຈັດ​ຕັ້ງ​ປະຕິບັດ​ແຜນການ​ຮ່ວມ​ມື ອາ​ຊຽ​ນ-​ອິນ​ເດຍ, ອາ​ຊຽ​ນ-​ຣັດເຊຍ ແລະ ອົງການ​ຈັດ​ຕັ້ງ​ສາກົນ​ອື່ນໆ, ປະ​ເມີນ​ຜົນ​ກະທົບ​ຂອງ​ການທ່ອງທ່ຽວ​ຕໍ່​ສະຖານ​ທີ່​ທ່ອງ​ທ່ຽວ​ທາງ​ມໍລະດົກ​ໂລກ ແລະ ອຸທິຍານ​ມໍລະດົກ​ອາ​ຊຽນ, ກະກຽມ​ຈັດ​ກອງ​ປະຊຸມ​ສຳ​ມະ​ນາ​ທົບ​ທວນຄືນກ່ຽວ​ກັບ​ເອກະສານ​ລາງວັນ​ການທ່ອງທ່ຽວ​ແບບ​ຍືນ​ຍົງ​ອາ​ຊຽນ ແລະ ຝຶກ​ອົບຮົມ​ຄູ​ຝຶກ​ອາ​ຊຽນ​ຄັ້ງ​ທີ 2.
(ຂ່າວ: ພູ​ວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com