Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເປີດຈຸດຄ່ຽນຖ່າຍສິນຄ້າ ຜ່ານດ່ານສາກົນລານຕຸ້ຍ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 05/02/2021 17:10:36 ຈຳ​ນວນ​​ຢ້ຽມ​ຊົມ 2125 ຄັ້ງ

ໃນວັນທີ 3 ກຸມພາ 2021 ທ່ານ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກ ລັດຖະມົນຕີ ແລະ ທ່ານ ຄຳຜອຍ ວັນນະສານ ເຈົ້າແຂວງຜົ້ງສາລີ ພ້ອມດ້ວຍຄະນະ ໄດ້ໃຫ້ກຽດເຂົ້າ ຮ່ວມພິທີເປີດສະຖານທີ່ຄ່ຽນຖ່າຍສິນຄ້າ, ພັກລົດສິນຄ້າ, ສາງຝາກສິນຄ້າ ແລະ ກິດຈະການທ່ອງທ່ຽວຄົບວົງຈອນ ຂອງບໍລິສັດ ຕົ່ງກໍ່ສ້າງ ແລະ ບໍລິການ ສາງຝາກ - ຄ່ຽນຖ່າຍສິນຄ້າ ແລະ ທ່ອງທ່ຽວຄົບວົງ ຈອນ ຈຳກັດຜູ້ດຽວ ທີ່ບ້ານຊຽງສ້ຽວ ເມືອງຍອດອູ ແຂວງຜົ້ງສາລີ ເພື່ອບໍລິການການຂົນສົ່ງສິນຄ້າ ເຂົ້າ-ອອກ ຜ່ານດ່ານສາກົນລານຕຸ້ຍ.

ທ່ານ ອຸນຈັງ ຈັນຕະພົມ ໄດ້ຕາງໜ້າບໍລິສັດ ຂຶ້ນລາຍງານ ສະພາບການກໍ່ສ້າງກິດຈະການ ຂອງບໍລິສັດວ່າ: ໂຄງການກໍ່ສ້າງສະຖານທີ່ຄ່ຽນຖ່າຍສິນຄ້າ, ພັກລົດສິນຄ້າ, ສາງຝາກສິນຄ້າ ແລະ ກິດຈະການທ່ອງທ່ຽວຄົບວົງຈອນ ໄດ້ເຊັນສັນຍາກໍ່ສ້າງ ໃນເດືອນກໍລະກົດ 2018 ລະຫວ່າງ ອົງການປົກຄອງແຂວງຜົ້ງສາລີ ຕາງໜ້າໂດຍພະແນກແຜນການ ແລະ ການລົງທຶນ ແລະ ບໍລິສັດ ຕົ່ງກໍ່ສ້າງ ແລະ ບໍລິການສາງຝາກສິນຄ້າ, ຄ່ຽນຖ່າຍສິນຄ້າ, ພັກລົດສິນຄ້າ ແລະ ທ່ອງທ່ຽວຄົບວົງຈອນຈຳກັດຜູ້ດຽວ. ພ້ອມກັນນັ້ນ ໃນເດືອນສິງຫາ 2020 ກະຊວງການເງິນ ກໍໄດ້ອອກຂໍ້ຕົກລົງ ວ່າດ້ວຍການອະນຸຍາດສ້າງ ຕັ້ງສະຖານທີ່ພັກລົດສິນຄ້າ ແລະ ສາງເກັບສິນຄ້າ; ໃນເດືອນຕຸລາ 2020 ກົມພາສີ, ກະຊວງການເງິນ ກໍໄດ້ອອກຂໍ້ຕົກລົງ ວ່າດ້ວຍການກຳນົດເລກລະຫັດໜ່ວຍງານຄຸ້ມມຄອງ ແລະ ບໍລິຫານວຽກງານພາສີ ຢູ່ສະຖານທີ່ພັກລົດສິນຄ້າ ແລະ ສາງເກັບສິນຄ້າ, ຊຶ່ງນັບແຕ່ມື້ເຊັນສັນຍາກໍ່ສ້າງ ຮອດປະຈຸບັນ ການກໍ່ສ້າງໂຄງລ່າງພື້ນຖານຕ່າງໆ ແມ່ນສຳເລັດໂດຍພື້ນຖານ ເປັນຕົ້ນ ການບຸກເບີກ-ດຸດປັບພື້ນທີ່, ປູຫີນໜີບແໜ້ນ, ການກໍ່ສ້າງເດີ່ນພັກລົດ, ກໍ່ສ້າງຈຸດຄ່ຽນຖ່າຍສິນຄ້າໃນຮົ່ມ ແລະ ກາງແຈ້ງ, ການກໍ່ສ້າງສາງຝາກສິນຄ້າ, ກໍ່ສ້າງຫ້ອງການເຮັດວຽກຂອງບໍລິສັດ, ຫ້ອງການພາສີ, ຫ້ອງການກະສິກຳ, ເຮືອນນອນຂອງພະນັກງານບໍລິສັດ, ພະນັກງານພາສີ, ພະນັກງານກະສິກຳ; ການຕິດຕັ້ງຊິງຊັ່ງ, ຕິດຕັ້ງປ້າຍບໍລິສັດ, ປ້າຍຫ້ອງການ, ຕິດຕັ້ງຄອມພິວເຕີ, ຕິດຕັ້ງລະບົບອະຊິກຸດະ (ASYCUDA) ເພື່ອເຊື່ອມຕໍ່ຖານຂໍ້ມູນໃຫຍ່, ຕິດຕັ້ງລະບົບຮັກສາຄວາມປອດໄພ, ລ້ອມຮົ້ວອ້ອມສຳນັກງານ ແລະ ອື່ນໆ.

ມາຮອດປັດຈຸບັນ ບໍລິສັດ ໄດ້ລົງທຶນໄປແລ້ວ 17 ຕື້ກວ່າກີບ ໂດຍນຳໃຊ້ເຂົ້າໃນການກໍ່ສ້າງພື້ນ ຖານໂຄງລ່າງ ແລະ ຊົດເຊີຍຜົນກະທົບແກ່ປະຊາຊົນ ເປັນຕົ້ນ ທີ່ດິນ, ເຄື່ອງປູກຂອງຝັງ, ທີ່ຢູ່ອາໄສ ແລະ ອື່ນໆ.

ສຳລັບແຜນການໃນຕໍ່ໜ້າ ແມ່ນຈະສືບຕໍ່ພັດທະນາໂຄງລ່າງພື້ນຖານ ແລະ ຂອດບໍລິການດ້ານ ຕ່າງໆ ໃຫ້ເປັນລະບົບຄົບຊຸດ, ພຽງພໍ, ວ່ອງໄວ, ທັນສະໄໝ ແລະ ສາມາດຕອບສະໜອງຄວາມຕ້ອງ ການ ຂອງສັງຄົມ ຫຼາຍຂຶ້ນ ເປັນຕົ້ນ ໂຄງລ່າງພື້ນຖານ ການບໍລິການສາງຝາກສິນຄ້າ, ຈຸດພັກລົດ-ຄ່ຽນຖ່າຍສິນຄ້າ, ການແຈ້ງພາສີ ແລະ ອື່ນໆ ລວມທັງ ໂຄງລ່າງພື້ນຖານດ້ານທ່ອງທ່ຽວ ໃຫ້ຄົບວົງຈອນ. ເພື່ອອຳນວຍຄວາມສະດວກ ທາງດ້ານພາສີ, ການຄ້າ, ການລົງທຶນ, ການເຊື່ອມໂຍງ ກັບສາກົນ, ແນໃສ່ປົກປ້ອງຜົນປະໂຫຍດ ຂອງຜູ້ປະກອບການ, ປະກອບສ່ວນ ເຂົ້າໃນການພັດທະນາ ເສດຖະກິດ-ສັງຄົມຂອງຊາດ ເວົ້າລວມ, ເວົ້າສະເພາະ ແຂວງຜົ້ງສາລີ.

ທ່ານ ບຸນເພັງ ສຸພັດທອນ ຫົວໜ້າກອງພາສີເຂດ 2 ໄດ້ເນັ້ນໃຫ້ພາກສ່ວນທີ່ກ່ຽວຂ້ອງ ເອົາໃຈໃສ່ບາງບັນຫາ ເປັນຕົ້ນ ບໍລິສັດຕ້ອງໄດ້ສຶກສາຄົ້ນຄວ້າຢ່າງລະອຽດ ແລະ ເລິກເຊິ່ງ ກ່ຽວກັບ ກົດໝາຍ ວ່າດ້ວຍພາສີ ແລະ ນິຕິກຳອື່ນໆ ທີ່ກ່ຽວຂ້ອງກັບການສົ່ງອອກ ແລະ ນຳເຂົ້າສິນຄ້າ ເພື່ອຄວາມສະດວກ ແລະ ວ່ອງໄວ ໃນການບໍລິການ ຜູ້ທີ່ຈະມາໃຊ້ບໍລິການສາງ ແລະ ອື່ນໆ; ບໍລິສັດ ຍັງຕ້ອງໄດ້ສືບຕໍ່ປັບປຸງລະບຽບການພາຍໃນ ໃຫ້ມີຄວາມລະອຽດ, ຈະແຈ້ງ ແລະ ຮັດກຸມຕື່ມ.

ທ່ານ ຄຳຜອຍ ວັນນະສານ ໄດ້ກ່າວວ່າ: ການເປີດນຳໃຊ້ໂຄງການດັ່ງກ່າວນີ້ ຈະປະກອບສ່ວນ ສ້າງສິ່ງອຳນວຍຄວາມສະດວກ ໃຫ້ແກ່ການຄ້າ, ການລົງທຶນ, ການບໍລິການຂົນສົ່ງ, ການທ່ອງທ່ຽວ, ການພັກຜ່ອນຢ່ອນອາລົມ ແລະ ຈະສ້າງວຽກເຮັດງານທຳ ໃຫ້ແກ່ປະຊາຊົນທ້ອງຖິ່ນ ກໍຄືແຂວງຜົ້ງສາລີ ຫຼາຍສົມຄວນ, ທັງຈະກາຍເປັນຖານສ້າງລາຍຮັບເຂົ້າງົບປະມານຂອງລັດ.

ໂດຍ: ຫ​ສນຍ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com