Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ມອບ - ຮັບ ແລະ ເປີດນໍາໃຊ້ແອັບພິເຄຊັນ ODA-PMA

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 11/02/2021 16:18:07 ຈຳ​ນວນ​​ຢ້ຽມ​ຊົມ 1417 ຄັ້ງ

      ລະບົບຕິດຕາມການຈັດຕັ້ງປະຕິບັດໂຄງການຊ່ວຍເຫຼືອທາງການເພື່ອການພັດທະນາ (ໂຄງ ການ ຊກພ) ຫຼື Official Development Assistance Project Monitoring Application (ODA-PMA) ເປັນລະບົບແອັບພິເຄຊັນ ທີ່ຈະຊ່ວຍໃຫ້ວຽກງານການຕິດຕາມ ແລະ ປະເມີນການນໍາ ໃຊ້ທຶນຊ່ວຍເຫຼືອທາງການເພື່ອການພັດທະນາ ໃຫ້ມີຄວາມທັນສະໄໝ, ໂປ່ງໃສ, ເຂັ້ມແຂງ ແລະ ມີປະສິດທິຜົນສູງ ຊຶ່ງໂຕແອັບແມ່ນມີຄວາມປອດໄພສູງ ຈະບໍ່ເຜີຍແຜ່ໃຫ້ບຸກຄົນທົ່ວໄປ ມີແຕ່ສະເພາະ ບຸກຄົນກ່ຽວຂ້ອງເທົ່ານັ້ນ ທີ່ຈະໄດ້ຮັບຟາຍເພື່ອຕິດຕັ້ງ.

      ພິທີມອບ-ຮັບ ແລະ ເປີດການນໍາໃຊ້ ແອັບພິເຄຊັນ ODA-PMA ໄດ້ຈັດຂຶ້ນໃນວັນທີ 11 ກຸມພານີ້ ທີ່ກະຊວງແຜນການ ແລະ ການລົງທຶນ (ກະຊວງ ຜທ) ໂດຍການເປັນປະທານຮ່ວມຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີກະຊວງ ຜທ, ທ່ານນາງ ຣິຄາດາ ຣິເຈີ ຜູ້ຕາງໜ້າອົງການສະຫະປະຊາຊາດເພື່ອການພັດທະນາ ແລະ ທ່ານ ນາງ ເປຍ ຜູ້ຕາງໜ້າອົງການສະຫະປະຊາຊາດ ກອງທຶນສໍາລັບເດັກ; ມີບັນດາຮອງລັດຖະມົນຕີ, ຫົວໜ້າກົມ ແລະ ທຸກພາກສ່ວນກ່ຽວຂ້ອງເຂົ້າຮ່ວມ.

      ທ່ານ ນາງ ສີສົມບຸນ ອຸນາວົງ ຫົວໜ້າກົມຮ່ວມມືສາກົນ ກະຊວງ ຜທ ໄດ້ຂຶ້ນລາຍງານ ເຖິງຄວາມເປັນມາໃນການສ້າງຄວາມເຂັ້ມແຂງ ແລະ ພັດທະນາວຽກງານການຄຸ້ມຄອງ ຊກພ ແລະ ການຊ່ວຍເຫຼືອຂອງອົງການສະຫະປະຊາຊາດ ເພື່ອຕອບໂຕ້ການລະບາດຂອງ ໂຄວິດ-19 ແລະ ແຜນການຫັນເປັນທັນສະໄໝຂອງວຽກງານການຮ່ວມມືສາກົນ ໂດຍໄດ້ກ່າວບາງເນື້ອໃນສຳຄັນວ່າ: ແອັບພິເຄຊັນ ODA-PMA ແມ່ນນອນໃນໂຄງການຊ່ວຍເຫຼືອຂອງທາງດ້ານພາວະສຸກເສີນຈາກອົງ ການສະຫະປະຊາຊາດ ແລະ ອົງການ ສປຊ ສຳລັບເດັກ ທີ່ໄດ້ໃຫ້ການສະໜັບສະໜູນ ກົມຮ່ວມ ມືສາກົນ, ກະຊວງ ຜທ ໃນການຕອບສະໜອງ ແລະ ຄວບຄຸມພາວະສຸກເສີນ. ໂຄງການນີ້ ປະກອບມີ 2 ກິດຈະກຳຫຼັກ ລວມມູນຄ່າທັງໝົດ 269.620 ໂດລາ ແລະ ປະກອບມີ ກິດຈະກຳທີ 1 ແມ່ນການຫັນເປັນທັນສະໄໝຂອງກະຊວງ ຜທ ແລະ ພະແນກ ຜທ ໃນ 18 ແຂວງ ຊຶ່ງມີ 2 ໜ້າວຽກຫຼັກ (ມີມູນຄ່າ 180.000 ໂດລາ) ຄື: 1. ວຽກງານການປະຊຸມທາງໄກ ແມ່ນໄດ້ສະໜອງ ອຸປະກອນການປະຊຸມທາງໄກໃຫ້ພະແນກ ຜທ ໃນຂອບເຂດທົ່ວປະເທດ, 2. ລະບົບຈໍລະຈອນເອກະ ສານແບບທັນສະໄໝ E-Office ແມ່ນໄດ້ສະໜອງຊັອແວ ແລະ ອຸປະກອນໃຫ້ພະແນກແຜນການ ແລະ ການລົງທຶນ ໃນຂອບເຂດທົ່ວປະເທດ. ກິດຈະກຳທີ 2 ແມ່ນການປັບປຸງລະບົບການຄຸ້ມຄອງ ຊກພ ແບບທັນສະໄໝ ຊຶ່ງໃນນີ້ແມ່ນໄດ້ມີ 2 ໜ້າວຽກ (ມີມູນຄ່າ 89.620 ໂດລາ) ຄື: 1. ການພັດທະນາຖານຂໍ້ມູນແບບອອນລາຍ ແລະ ຍົກລະດັບການເກັບກໍາຂໍ້ມູນ ທີ່ຖືກຕ້ອງໃນການຊ່ວຍ ເຫຼືອຂອງຄູ່ຮ່ວມພັດທະນາ ໃນການໂຕ້ຕອບໂຄວິດ-19, 2. ການແລກປ່ຽນຂໍ້ມູນກັບຄູ່ຮ່ວມພັດທະນາ ດ້ວຍການຕິດຕາມການຊ່ວຍເຫຼືອຈາກບັນດາຄູ່ຮ່ວມພັດທະນາ ຜ່ານແອັບພິເຄຊັນ ທີ່ສາມາດ ເປີດເບິ່ງ ໄດ້ເທິງລະບົບມືຖື ຊຶ່ງພາຍໃນກິດຈະກໍາດັ່ງກ່າວນີ້ແມ່ນປະກອບດ້ວຍ ການພັດທະນາແອັບ ພິເຄຊັນ ໃນການຕິດຕາມໂຄງການ ຊກພ ກໍຄືແອັບພິເຄຊັນ ODA-PMA ນີ້.

ປັດຈຸບັນ ການຈັດຊື້ອຸປະກອນແທັບເລັດ ແລະ ພັດທະນາແອັບພິເຄຊັນ ແມ່ນໄດ້ສຳເລັດ ເພື່ອທີ່ຈະໄດ້ເປີດນຳໃຊ້ຢ່າງເປັນທາງການໃນພິທີຄັ້ງນີ້, ລະບົບການຕິດຕາມໂຄງການ ຊກພ ແບບອອນລາຍນີ້ ແມ່ນຈະຊ່ວຍໃຫ້ວຽກງານການຕິດຕາມຄວາມຄືບໜ້າມີຄວາມວ່ອງໄວ, ໂປ່ງໃສ ແລະ ເຂັ້ມແຂງ ອັນເປັນການຮັບປະກັນໃຫ້ການນຳໃຊ້ທຶນ ຊກພ ມີປະສິດທິພາບ ແລະ ປະສິດທິຜົນ. ພິເສດແລ້ວ ແອັບຕິດຕາມການຈັດຕັ້ງປະຕິບັດໂຄງການ ຊກພ ນີ້ແມ່ນຈະໄດ້ນໍາໃຊ້ເວລາໄປຕິດ ຕາມໂຄງການກັບທີ່ ຫຼື ຢູ່ທ້ອງຖິ່ນ ແລະ ຈະໄດ້ມີການປະເມີນຄວາມຄືບໜ້າຂອງໂຄງການ ໂດຍຈັດເປັນສາມລະດັບ ຄື: ການລາຍງານໃຫ້ການນໍ​າກະຊວງແຜນການ ແລະ ການລົງທຶນ, ການນຳລະດັບກົມກອງ ແລະ ການຕິດຕາມການລາຍງານໃນລະດັບວິຊາການ, ພ້ອມນີ້ ຜ່ານການ ເກັບກໍາຂໍ້ມູນໃນພາກສະໜາມແລ້ວ ແອັບພິເຄຊັນ ນີ້ ຈະປະມວນຜົນ ແລະ ຈັດໂຄງການອອກເປັນ 3 ປະເພດ ຄື: 1. ປະເພດທຸງຂຽວ (ຫຼື ດີ); 2. ປະເພດທຸງເຫຼືອງ (ຫຼື ກາງ ແລະ ມີຄວາມສ່ຽງ); ແລະ 3. ປະເພດທຸງແດງ (ຫຼື ປະເພດທີ່ມີຄວາມສ່ຽງສູງ). ບົດລາຍງານນີ້ ແມ່ນຈະລາຍງານຫາ ຂັ້ນເທິງໄດ້ ໃນທັນທີທີ່ຄະນະຕິດຕາມໂຄງການກັບຄືນຫຼັງການໄປຕິດຕາມພາກສະໜາມ.

ເພື່ອເຮັດໃຫ້ວຽກງານການຕິດຕາມ ແລະ ປະເມີນການນໍາໃຊ້ທຶນຊ່ວຍເຫຼືອທາງການເພື່ອ ການພັດທະນາມີປະສິດທິຜົນສູງ, ການລົງໄປປະເມີນຜົນການຈັດຕັ້ງປະຕິບັດໂຄງການ ຊກພ ຫຼັງ ຈາກມີການມອບ-ຮັບໂຄງການ ໃຫ້ແກ່ຂະແໜງການ ແລະ ທ້ອງຖິ່ນ ໄດ້ນຳໃຊ້ ແລະ ຄຸ້ມຄອງ ແມ່ນມີຄວາມຈຳເປັນທີ່ສຸດ ໃນແຕ່ນີ້ຮອດປີ 2025 ດັ່ງນັ້ນເພື່ອໃຫ້ການນໍາໃຊ້ອຸປະກອນນີ້ ມີປະສິດ ທິຜົນສູງສຸດ ກົມຮ່ວມມືສາກົນ ແມ່ນໄດ້ມີການກະກຽມໃນການພັດທະນາການປະເມີນຜົນຂອງ ແອັບພິ ເຄຊັນ ທີ່ຈະຊ່ວຍໃຫ້ການປະເມີນຜົນການຈັດຕັ້ງປະຕິບັດໂຄງການ ຊກພ ໃຫ້ທັນສະໄໝ ແລະ ສາ ມາດຖອດຖອນບົດຮຽນອັນດີເພື່ອເຮັດໃຫ້ການນຳໃຊ້ທຶນ ຊກພ ມີປະສິດທິພາບ ແລະ ປະສິດທິຜົນ.

(ຂ່າວ - ພາບ: ສຸກສະຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com