ຫົວ​ຂໍ້ : ສ້າງເຂດເສດຖະ¬ກິດ CLMV ປີ 2030

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 14/01/2020 09:05:32 ຈຳ​ນວນ​ຜູ້​ເຂົ້າ​ຢ້ຽມ​ຊົມ 302 ຄັ້ງ

     ວິທະຍຸ​ກະຈາຍສຽງ​ຫວຽດນາມ​ລາຍ​ງານ​ວ່າ: ວັນ​ທີ 12 ມັງກອນ​ຜ່ານ​ມາ, ຢູ່​ນະຄອນຫຼວງ​ຮ່າໂນ້ຍ, ກອງ​ປະຊຸມ​ເຈົ້າ​ໜ້າທີ່​ເສດຖະກິດ​ຂັ້ນ​ສູງ ກຳປູເຈຍ - ລາວ - ມຽນ​ມາ ແລະ ຫວຽດນາມ (CLMV SEOM )  ຄັ້ງ​ທີ 18 ຖືກ​ຈັດ​ຂຶ້ນ ພາຍ​ໃຕ້​ການ​ເປັນ​ປະທານ​ຂອງ​ກະຊວງ ອຸດສາຫະກຳ ແລະ ການ​ຄ້າ ຫວຽດນາມ.
     ຂ່າວ​ລາຍ​ງານ​ວ່າ: ນີ້ ແມ່ນກອງ​ປະຊຸມທີ່ສຳຄັນ​ຂອງ​ກົນ​ໄກ​ຮ່ວມ​ມື​ເສດຖະກິດ CLMV ໃນ​ຂອບເຂດ​ບັນດາ​ກອງ​ປະຊຸມ​ທີ່​ນອນ​ຢູ່​ໃນ​ຂອບ​ເຂດ​ການ​ຮ່ວມ​ມື​ເສດຖະກິດ ອາ​ຊຽນ 2020. ກອງ​ປະຊຸມ SEOM CLMV 18 ໄດ້​ສຸມ ​ໃສ່​ເຂົ້າ​ໃນ​ບັນດາ​ບັນຫາ​ຕົ້ນຕໍ​ ລວມ​ມີການ​ແລກປ່ຽນ​ຄຳ ເຫັນ​ກ່ຽວ​ກັບແຜນການ​ຜັນຂະ ຫຍາຍ​ໝາກຜົນ​ຂອງກອງ​ປະ ຊຸມ​ລັດຖະມົນຕີ​ເສດຖະກິດ CLMV ຄັ້ງ​ທີ 11 ຊຶ່ງ​ໄດ້​ຈັດ​ຂຶ້ນ ໃນ​ວັນ​ທີ 5 ກັນຍາ​ປີຜ່ານມາ ຢູ່​ບາງກອກ ປະເທດ​ໄທ, ກວດກາ​ຄືນ​ສະພາບ​ການ​ປະຕິບັດ ແຜນການ​ດຳ ເນີນ​ງານ CLMV 2019 - 2020, ປຶກສາ​ຫາລື​ບັນດາ​ບາດກ້າວ ແລະ ປະຕິບັດ​ລະບຽບ​ການທີ່​ຈຳເປັນ ເພື່ອ​ຍື່ນ​ສະເໜີ​ຕໍ່​ກອງ​ປະຊຸມ​ຂັ້ນ​ສູງ CLMV ເພື່ອ​ຮັບຮອງ​ເອົາ​ເອກະສານ “ຂອບ​ເຂດ​ການ​ພັດທະນາ CLMV”, ບັນດາ​ທ່ານ​ລັດຖະມົນຕີ ເສດຖະກິດ CLMV ໄດ້​ເຫັນ​ດີ​ເປັນ​ເອກະ​ພາບ ໃນ​ເດືອນ ກັນຍາ 2019. ຄຽງ​ຄູ່​ກັນ​ນັ້ນ, ກອງ​ປະຊຸມ​ກໍ​ໄດ້​ແລກ​ປ່ຽນ​ຄໍາ​ຄິດ​ຄໍາ​ເຫັນ​ກັບຄະນະ​ເລຂາ​ອາ​ຊຽນ ກ່ຽວ​ກັບ ສະພາບ​ການ​ຜັນ​ຂະຫຍາຍ​ແຜນການ​ທີ່​ກ່ຽວຂ້ອງ​ເຖິງ​ຂໍ້​ລິ​ເລີ່ມ​ເຊື່ອມ​ໂຍງ ອາ​ຊຽນ (IAI) ໄລຍະ III ແລະ ບາງ​ບັນຫາ​ທີ່​ກ່ຽວ​ຂ້ອງ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110