ໜັງສືພິມ ປະຊາຊົນ

ກະຊວງ ຍທຂ ຫວນຄືນມູນເຊື້ອ ວັນສ້າງຕັ້ງສະຫະພັນກຳມະບານລາວ ຄົບຮອບ 65 ປີ

ເຜີຍແຜ່ໂດຍ: ທ່ານ ທອງດຳ ມິໂຍລາ ເວລາ: 16/02/2021 14:48:19 ຈຳນວນຢ້ຽມຊົມ 654 ຄັ້ງ

ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຈັດຕັ້ງພິທີປາຖະກະຖາຫວນຄືນມູນເຊື້ອວັນສ້າງຕັ້ງ ສະຫະພັນກຳມະບານລາວ ຄົບຮອບ 65 ປີ(1 ກຸມພາ 1956 - 1 ກຸມພາ 2021) ຂຶ້ນໃນວັນທີ 16 ກຸມພານີ້ ທີ່ກະຊວງ ຍທຂ ໂດຍພາຍໃຕ້ການເປັນປະທານ ແລະ ໃຫ້ກຽດປາຖະກະຖາຂອງທ່ານ ລັນ ແສງອາພອນ ຮອງເລຂາຄະນະບໍລິຫານງານພັກກະຊວງ ຍທຂ, ມີຄະນະພັກຮາກຖານ, ຄະນະບໍລິຫານງານສະຫະພັນກຳມະ ບານ ພ້ອມດ້ວຍສະມາຊິກກຳມະບານອ້ອມຂ້າງກະຊວງ ຍທຂ ເຂົ້າຮ່ວມ.

ຈຸດປະສົງກອງປະຊຸມຄັ້ງນີ້ເພື່ອປາຖະກະຖາເລົ່າຄືນມູນເຊື້ອວັນສ້າງຕັ້ງສະຫະພັນກຳມະບານລາວຄົບຮອບ 65 ປີ, ເພື່ອເຮັດໃຫ້ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານເຫັນໄດ້ຜົນງານ ແລະ ມູນເຊື້ອໃນການປະກອບສ່ວນຂອງສະຫະພັນກຳມະບານລາວໃນການຕໍ່ສູ້ກູ້ຊາດໃນເມື່ອກ່ອນ ແລະ ພາລະກິດປົກ ປັກຮັກສາ ແລະ ສ້າງສາພັດທະນາປະເທດຊາດໃນປັດຈຸບັນ, ເພື່ອໃຫ້ເຫັນໄດ້ຄວາມໝາຍ - ຄວາມສຳຄັນພາລະ ບົດບາດຂອງກຳມະບານລາວໃນການເຮັດໜ້າທີ່ເປັນຕົວແທນແຫ່ງການປົກປ້ອງສິດຜົນປະໂຫຍດອັນຊອບທຳຂອງກຳມະກອນ ແລະ ຊາວຜູ້ອອກແຮງງານບັນດາເຜົ່າ, ພ້ອມນີ້ກອງປະຊຸມຍັງໄດ້ເຜີຍແຜ່ຜົນສຳເລັດຂອງກອງປະ ຊຸມໃຫຍ່ຜູ້ແທນສູນກາງສະຫະພັນກຳມບານລາວທົ່ວປະທດ ຄັ້ງທີ VIII ແລະ ຜົນສຳເລັດຂອງກອງປະຊຸມໃຫຍ່ ຜູ້ແທນສະຫະພັນກຳມະບານກະຊວງ ຍທຂ ຄັ້ງທີ VII.

ຂ່າວ: ພູວັນ, ພາບ: ຍຸພິນທອງ