ຫົວ​ຂໍ້ : ຈີນ - ຍີ່ປຸ່ນ - ສ.ເກົາຫຼີ ເພີ່ມທະວີ ຮ່ວມມືການສຶກສາ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 14/01/2020 09:07:37 ຈຳ​ນວນ​ຜູ້​ເຂົ້າ​ຢ້ຽມ​ຊົມ 305 ຄັ້ງ

      ຂ່າວສານ​ຊິນ​ຮວາ​ລາຍ ​ງານ​ວ່າ: ກອງ​ປະຊຸມ​ລັດຖະ ມົນຕີ​ກະຊວງ​ສຶກສາ​ທິ​ການ ຈີນ ​-​ ຍີ່​ປຸ່​ນ - ສ.ເກົາຫຼີ ຄັ້ງ​ທີ 3 ໄດ້​ຈັດ​ຂຶ້ນ​ຢູ່​ນະຄອນຫຼວງ​ປັກ​ກິ່ງ, ໃນ​ວັນ​ທີ 10 ມັງກອນ​ຜ່ານ​ມາ ໂດຍ​ໄດ້​ຜ່ານ​ຖະແຫຼງການ “ການ​ຮ່ວມ​ຂອງ​ກອງ​ປະຊຸມ​ລັດ ຖະມົນຕີ​ກະຊວງ​ສຶກສາ​ທິ​ການ​ຈີນ ​-​ ຍີ່​ປຸ່​ນ - ສ.ເກົາຫຼີ​ ຄັ້ງ​ທີ 3”.
      ຂ່າວ​ລະບຸ​ວ່າ: ບັນດາ​ຜູ້​ແທນ​ທີ່​ເຂົ້າ​ຮ່ວມ​ປະຊຸມໄດ້​ເປັນ​ເອກະສັນ​ກັນ​ຜ່ານ​ຖະ ແຫຼງການ​ຮ່ວມ ໂດຍ​ເຫັນ​ດີ​ເພີ່ມ​ທະວີ​ການ​ແລກປ່ຽນ ລະ ຫວ່າງ ນັກຮຽນ ແລະ ຊາວໜຸ່ມ, ຊຸກຍູ້​ໂຄງການ​ໂຮງຮຽນ​ອາຊີ​ ຍົກ​ລະດັບ​ສູງ​ຂຶ້ນ ແລະ ປະ ກອບສ່ວນ​ເຂົ້າໃນ​ການ​ຊຸກຍູ້​ສັນຕິພາບ, ຄວາມ​ຈະເລີນ​ຮຸ່ງ ເຮືອງ​ຂອງ​ພາກ​ພື້ນ ແລະ ໂລກ.
      ກອງ​ປະຊຸມ​ລັດຖະມົນຕີ​ກະຊວງ​ສຶກສາ​ທິ​ການ​ຈີນ​-​ຍີ່​ປຸ່​ນ-ສ.ເກົາຫຼີ​ ຄັ້ງ​ທຳອິດ​ໄດ້​ຈັດ​ຂຶ້ນ​ຢູ່​ປະ​ເທດ​ ສ.ເກົາຫຼີ ເມື່ອ​ປີ 2016. ໃນ​ຊຸມ​ປີຜ່ານມາ, ພາຍ​ໃຕ້​ຄວາມ​ພະຍາຍາມ​ຮ່ວມ​ກັນ​ຂອງ 3 ປະເທດ, ໂຄງການ​ສຳຄັນ​ຕ່າງໆ​ເຊັ່ນ: ໂຄງການ​ໂຮງຮຽນ​ອາຊີ ແລະ ອື່ນໆ ໄດ້​ຮັບ​ການຈັດຕັ້ງ​ປະຕິບັດ​ລົງ​ສູ່​ລວງ​ເລິກ. ຊາວ​ໜຸ່ມ​ຂອງ 3 ປະ ເທດ ໄດ້​ເພີ່ມ​ທະວີ​ການແລກ ປ່ຽນ​ຢ່າງ​ບໍ່​ຢຸດ​ຢັ້ງ ແລະ ການ​ ຮ່ວມ​ມື​ດ້ານການ​ສຶກສາ​ກໍ​ໄດ້​ ຮັບ​ໝາກຜົນ​ຢ່າງ​ຫຼວງ​ຫຼາຍ. ລັດຖະມົນຕີ​ກະຊວງ​ສຶກສາ​ທິ​ການ 3 ປະເທດ​ເປັນ​ເອກະສັນ​ກັນ​ເຫັນດີຮ່ວມ​ກັນ​ຈັດ​ຕັ້ງປະ ຕິບັດ​ຄວາມ​ເປັນ​ເອກະ​ພາບ​ກັນ​ທີ່​ບັນລຸ​ໃນ​ກອງ​ປະຊຸມ​ຜູ້ນຳ ຈີນ ​-​ ຍີ່​ປຸ່​ນ - ສ.ເກົາຫຼີ ຄັ້ງ​ທີ 8, ຊອກ​ຄົ້ນ ແລະ ເປີດ​ກວ້າງ​ຂົງ ເຂດ​ການ​ຮ່ວມ​ມື, ເພີ່ມທະວີ​ຄວາມ​ເຂົ້າໃຈ ​ຊຶ່ງ​ກັນ ແລະ ກັນ ໃນ​ພາກ​ພື້ນ ແລະ ຍົກ​ສູງ​ຄວາມ​ສາມາດ​ຂອງ​ສັງຄົມ​ໃນ​ການ​ໃຫ້​ບໍລິການ​ດ້ານ​ການ​ສຶກສາ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110