ຫົວ​ຂໍ້ : ກອງປະຊຸມຄົບຄະນະປະຊາຄົມເສດຖະກິດອາຊຽນ ຄັ້ງທີ 10

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 14/01/2020 09:08:57 ຈຳ​ນວນ​ຜູ້​ເຂົ້າ​ຢ້ຽມ​ຊົມ 390 ຄັ້ງ

     ວິທະຍຸ​ກະຈາຍສຽງຫວຽດ ນາມ​ລາຍ​ງານ​ວ່າ: ກອງ​ປະຊຸມ ​ຄັ້ງ​ທີ 10 ຂອງ​ຄະນະ​ກຳມະ ການ ຄົບ​ຄະນະ​ກ່ຽວ​ກັບ​ປະຊາ​ຄົມ​ເສດຖະກິດ​ອາ​ຊຽນ (CoW 10) ຖືກ​ດຳເນີນ​ຢູ່​ຮ່າ​ໂນ້ຍ ໂດຍ​ສຸມ​ໃສ່ປະສານງານການ ເຄື່ອນໄຫວ​ໃນ​ອາ​ຊຽນ ທີ່​ກ່ຽວ ຂ້ອງ​ເຖິງ​ເສົາ​ຄຳ້​ເສດ​ຖະ​ກິດ.
     ຂ່າວ​ລະບຸ​ວ່າ: ວັນ​ທີ 11 ມັງກອນ​ຜ່ານ​ມາ, ເປັນ​ມື້​ເຮັດ​ວຽກ​ທີ 3 ໃນ​ຂອບ​ເຂດ​ກອງ​ປະຊຸມການ​ຮ່ວມ​ມື​ເສດຖະກິດ​ອາ​ຊຽນ 2020, ກອງ​ປະຊຸມ​ຄັ້ງ​ທີ 10 ຂອງ​ຄະນະ​ກຳມະການ​ຄົບ​ຄະນະກ່ຽວ​ກັບ​ປະຊາ​ຄົມ​ເສດຖະກິດ​ອາ​ຊຽນ (CoW 10). ເນື້ອ​ໃນ​ຕົ້ນຕໍ​ຂອງ​ກອງ​ປະ ຊຸມ CoW 10 ແມ່ນ​ສຸມໃສ່​ປະ ສານ​ງານ​ການເຄື່ອນໄຫວ​ໃນ​ອາ​ຊຽນ ທີ່​ກ່ຽວຂ້ອງ​ເຖິງ​ເສົາ​ຄຳ້​ເສດ​ຖະ​ກິດ. ໃນ​ນັ້ນ, ມີ​ບັນດາ ບຸລິ​ມະສິດ​ຕົ້ນຕໍ​ຂຶ້ນ​ກັບເສົາ​ຄຳ້​ເສດຖະກິດ​ຂອງ​ອາ​ຊຽນ ປີ 2020 ໂດຍ​ຫວຽດນາມ ສະເໜີ, ບັນດາ​ບຸລິມະສິດຂຶ້ນ​ກັບ​ບັນດາ​ເສົາ​ຄຳ້​ອື່ນ​ຂອງ​ອາ​ຊຽນ​ຄື: ຄວາມ​ໝັ້ນຄົງ​ດ້ານ​ການເມືອງ, ວັດທະນະທຳ, ສັງຄົມ, ການ​ເພີ່ມທະວີ​ລັກສະນະ​ເຊື່ອມ​ຕໍ່​ໃນ​ອາ​ຊຽນ.
     ຂ່າວ​ລາຍ​ງານ​ວ່າ: ໃນ​ຖານະ​ບົດບາດ​ເປັນ​ປະທານ​ອາ​ຊຽນ 2020, ຫວຽດນາມ ໄດ້​ແນະນຳ ແລະ ເປັນ​ປະທານ​ວາລະ​ປຶກສາ​ຫາລື​ທີ່​ກອງ​ປະ ຊຸມ, ສຳລັບ​ເນື້ອ​ໃນ​ບັນດາ​ຂໍ້​ລິ​ເລີ່ມ​ບຸລິມະສິດ​ຂຶ້ນ​ກັບເສົາຄຳ້​ເສດຖະ​ກິດ​ໃຫ້​ແກ່​ປີອາ​ຊຽນ 2020, ດ້ວຍ​ການ​ກຳນົດ​ທິດ​ຕົ້ນຕໍ 3 ຢ່າງ​ຄື: ຊຸກຍູ້​ການ​ຮ່ວມ​ສຳພັນ ແລະ ການ​ເຊື່ອມ​ຕໍ່​ພາກ​ພື້ນ​ພາຍ​ໃນ​ກຸ່ມ​ອາ​ຊຽນ; ຍູ້​ແຮງ​ການ​ພົວພັນ​ຄູ່​ຮ່ວມ​ມື​ເພື່ອ​ສັນຕິພາບ ແລະ ການ​ພັດ​ທະນາ​ແບບ​ຍືນ​ຍົງ; ຍົກ​ສູງ​ກຳລັງ​ຮັບ​ມື ແລະ ປະສິດ​ທິ​ຜົນ​ການເຄື່ອນໄຫວ​ຂອງ​ອາ​ຊຽນ ໃນ​ໄລຍະ​ຈະ​ມາເຖິງ.
     ຂ່າວ​ລະບຸ​ວ່າ: ກ່ອນ​ໜ້າ​ນີ້, ຄະນະ​ເລຂາ​ອາ​ຊຽນ​ແຫ່ງ​ຊາດ ໄດ້​ຈັດ​ກອງ​ປະຊຸມ​ສຳ​ມະ​ນາ​ສະເພາະ ຂັ້ນ​ສູງ​ວ່າ​ດ້ວຍ; “ຊຸກຍູ້​ການ​ຄ້າ ແລະ ການ​ລົງ ທຶນ​ພາຍ​ໃນ​ກຸ່ມ ເພື່ອ​ອາ​ຊຽນສະໜິດ​ຕິດ​ພັນ ແລະ ເປັນ​ເຈົ້າ​ການ​ຮັບ​ມື”. ກອງ​ປະຊຸມ​ໄດ້​ສະແດງ​ໃຫ້​ເຫັນ​ແງ່​ມູມ​ຫຼາຍ​ດ້ານ​ກ່ຽວ​ກັບ​ການ​ຮ່ວມ​ມື​ດ້ານ​ການ​ຄ້າ, ການ​ລົງທຶນ​ໃນ​ອາຊຽນ ແລະ ບັນດາ​ຂໍ້​ສະເໜີແນະ​ ດ້ານ​ນະໂຍບາຍ; ສະພາບ​ການ​ຕົວ​ຈິງ​ໃນ​ການ​ຮ່ວມມື​ດ້ານ​ການ​ຄ້າ, ການ​ລົງ ທຶນ​ພາຍ​ໃນ​ກຸ່ມ. ສະເໜີ​ບາງ​ການ​ກຳນົດ​ທິດ ເພື່ອ​ແນໃສ່​ ຫັນ​ວິໄສ​ທັດ ປະຊາ​ຄົມ ອາ​ຊຽນ 2025 ໃຫ້​ປະກົດ​ຜົນ​ເປັນ​ຈິງ ກໍຄື​ເສີມ​ຂະຫຍາຍ​ບົດບາດ​ໃຈກາງ​ຂອງ​ອາ​ຊຽນ ໃນ​ສະພາບການ​ໂລກ ແລະ ພາກ​ພື້ນມີ​ການ​ຜັນ​ແປ​ຫຼາຍ​ໃຫ້​ມີ​ປະສິດ​ທິ​ຜົນ ໂດຍ​ສະເພາະ​ແມ່ນ​ບັນດາການ ປ່ຽນແປງການປະຕິວັດ​ອຸດສາ ຫະກຳ​ ຄັ້ງ​ທີ 4.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110