ຫົວ​ຂໍ້ : ເມືອງແກ່ນທ້າວ ສະຫຼຸບຜົນການສອບເສັງ ນັກຮຽນເກ່ັງຂັ້ນເມືອງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 14/01/2020 10:07:31 ຈຳ​ນວນ​ຜູ້​ເຂົ້າ​ຢ້ຽມ​ຊົມ 974 ຄັ້ງ

ເມືອງ​ແກ່ນ​ທ້າວ ແຂວງ​ໄຊ​ຍະ​ບູ​ລີໄດ້​ຈັດ​ພິທີ​ສະຫຼຸບ​ຜົນ​ການ​ສອບເສັງ​ນັກຮຽນ​ເກັ່ງ ປະ​ຈໍາ​ສົກຮຽນ 2019-2020 ຂຶ້ນ​ໃນ​ວັນ​ທີ 9 ມັງກອນ​ຜ່ານ​ມາ ທີ່​ໂຮງຮຽນ​ມັດທະຍົມ​ສຶກສາ​ຕອນ​ຕົ້ນ​ສົງ ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ອໍາຄາ ລັດສະໝີ  ວ່າການ​ເຈົ້າເມືອງ​ແກ່ນ​ທ້າວ, ທ່ານ ສົມ​ພອນ ຈີນ​ດາ​ວົງ   ຫົວໜ້າ​ຫ້ອງການ​ສຶກສາ​ທິ​ການ ແລະ ກິລາ​ເມືອງ, ມີ​ຄູ​-​ອາຈານ ແລະ ນັກຮຽນ​ເກັ່ງ​ເຂົ້າ​ຮ່ວມ 100 ກວ່າ​ຄົນ.
ການ​ສອບເສັງ​ຄັ້ງ​ນີ້ໄດ້ຈັດ​ ເປັນ 3 ລະດັບ​ຄື: ຊັ້ນ​ປະຖົມ​ສຶກ ສາ ປ5 ມີ 3 ວິຊາ​ຄື: ວິຊາພາສາ​ ລາວ, ຄະນິດສາດ ແລະ ວິຊາ​ໂລກ​ອ້ອມ​ຕົວ, ຊັ້ນ​ມັດທະຍົມ​ສຶກສາ​ຕອນ​ຕົ້ນ (ມ4) ແລະ ມັດທະຍົມ​ຕອນ​ປາຍ (ມ7) ມີ 4 ວິຊາ​ຄື: ວິຊາ​ພາສາ​ລາວ-​ວັນ ນະຄະດີ, ຄະນິດສາດ, ຟີຊິກ​ສາດ ແລະ ວິຊາ​ເຄ​ມີ​ສາດ. ມີ ນັກ​ສອບເສັງ​ທັງ​ໝົດ 81 ຄົນ ຍິງ 57 ຄົນ ໃນ​ນີ້, ຊັ້ນ​ປະຖົມ ສຶກສາ ປ5 ມີ 21 ​ຄົນ​, ຍິງ 16 ຄົນ, ຊັ້ນ​ມັດທະຍົມ​ສຶກ​ສາຕອນ​ຕົ້ນ ມ4 ມີ 40 ຄົນ ຍິງ 26​ຄົນ  ໃນ​ນີ້, ນັກບວດ 4 ອົງ ແລະ ຊັ້ນ​ມັດທະຍົມ​ສຶກສາ​ຕອນ​ປາຍ ມ7 ມີ 20 ຄົນ ຍິງ 15 ຄົນ.  ຜ່ານ​ການ​ສອບເສັງ​ຊັ້ນ​ປະຖົມ​ສຶກສາ ປ5 ວິຊາພາສາ​ລາວ ທີ 1 ໄດ້ແກ່ນາງ   ທັດດາວ  ພັດທະນາ   ປະຖົມ​ໂພນ​ສະຫວ່າງ, ທີ  2 ນາງ  ພອນ​ລິ​ຕາ  ຄໍາ​ອ່ອນ  ປະຖົມ​ປົ່ງ​ແດງ  ແລະ  ທີ 3  ນາງ ພັດ​ມິ​ນີ  ມະນີ​ວົງ  ປະຖົມ​ດອນ​ສັ້ງ, ວິຊາຄະນິດສາດ  ທີ 1 ນາງ ວິລະ​ດາ   ພາ​ມູນ  ປະຖົມ​ນາ​ຫີນ,  ທີ 2 ນາງ  ທິ​ລາພອນ  ເມືອງມະນີ ປະຖົມ​ເມືອງ​ໝໍ ແລະ ທີ 3 ນາງ ໃບ​ມ່ອນ ຈັນ​ກອງ​ແສງ ປະຖົມ​ປາກ​ແຄມ, ວິຊາ​ໂລກ​ອ້ອມ​ຕົວ ທີ 1 ທ້າວ ທັນວາ ຄໍາ​ໃສ ປະຖົມ​ແກ່ນ​ທ້າວ, ທີ 2 ນາງ ຈຸ໋ຍ ຈິລະ​ພາ​ແສນ​ພັນ  ປະຖົມ​ນາ​ຫີນ ແລະ ທີ 3 ນາງ ນົກແຊວ ໄຊຍະ ​ລາດ ປະຖົມ​ຫ້ວຍ​ບູ​ຮາ; ຊັ້ນ​ມັດທະຍົມ​ສຶກສາ​ຕອນ​ຕົ້ນ ມ4 ວິຊາ​ພາສາ​ລາວ​-​ວັນນະຄະດີ, ທີ 1 ນາງ ຕັອກ ຈັນ​ປະເສີດ ມຕົ້ນ ວັງ​ປາ, ທີ 2 ນາງ ມອນລັດ ສາຍທອງ​ເມືອງ ມສ ເມືອງ​ໝໍ ແລະ ທີ 3 ນາງ ສຸລິນ​ດາ ວິໄລ​ສັກ ມຕົ້ນ​ບ້ານ​ໜອງ; ວິຊາ ຄະ ນິດສາດ,  ທີ  1  ທ້າວ  ແກ້ວບັງ​ ປອນ ຈັນທະ​ພົມ ມສ ແກ່ນ​ທ້າວ, ທີ 2 ທ້າວ ວາຍຸ ສີ​ແສງ​ລັດ ມສ ເມືອງ​ໝໍ ແລະ ທີ 3 ນາງ ອ໊ອນ ຈິດ​ທິ​ລາດ  ມສ ປາ​ແຄມ; ວິຊາຟີ​ຊິກ​ສາດ ທີ 1 ນາງ  ມະນິລາ  ສໍ​ສາຍ​ນໍ້າ​ສັງ  ມສ ແກ່ນ ​ທ້າວ, ທີ 2 ນາງ ເພັດ​ດາວັນ  ປັນຍາ​ຮັກ  ມສ  ເມືອງ​ໝໍ ແລະ ທີ 3 ນາງ ນໍ້າ​ຝົນ ຈັນທະວົງ ມສ  ຫ້ວຍ​ເລິກ; ວິຊາເຄ​ມີ​ສາດ ທີ 1 ນາງ  ກອງ​ມະນີ ແພງ​ສິນ​ທະ​ວົງ  ມສ  ແກ່ນ​ທ້າວ, ທີ 2 ນາງ ພິມ​ມະ​ສອນ ແສນ​ພັນ​ສິລິ ມສ ເມືອງ​ໝໍ ແລະ ທີ 3 ນາງ ບີ ໄຊ​ຍະ​ສິດ ມຕົ້ນ​ນາຫີນ,  ຊັ້ນ​ມັດທະຍົມ​ສຶກສາ​ຕອນ​ປາຍ ມ7,  ວິຊາພາສາ​ລາວ​-​ວັນນະຄະ ດີ, ທີ 1 ນາງດັບ ປຸນແວງ ມສ ດອນ​ເມນ, ທີ 2 ນາງ ທິບ​ພາ​ວັນ ຈັນທະ​ລາ ມສ ປາກ​ແຄມ ແລະ ທີ 3 ນາງ ອໍລະໄທ ສາຍທອງ​ເມືອງ ມສ ເມືອງ​ໝໍ; ວິຊາຄະນິດສາດ, ທີ 1 ນາງ ຄໍາ​ຈັນ ຈັນທະ​ວົງ ມສ ແກ່ນ​ທ້າວ, ທີ 2 ທ້າວ ບົວ​ລຽນ ບິນ​ຍາ​ວົງ ມສ ດອນ​ເມນ ແລະ ທີ 3 ນາງ ນໍ້າ​ຝົນ ພູມ​ມີ ມສ ເມືອງ​ໝໍ; ວິຊາຟີ​ຊິກ​ສາດ, ທີ 1 ນາງ ພອນ​ພິ​ຕາ ລາດ​ວົງສາ ມສ ແກ່ນ​ທ້າວ, ທີ 2 ທ້າວ ບົວ​ເກດ ສຸວັນນະ​ສີ ມສ ດອນ​ເມນ ແລະ ທີ 3 ນາງ  ແມັກ  ສຸລິນ  ມສ ຫ້ວຍເລິກ; ວິຊາເຄ​ມີ​ສາດ, ທີ 1 ນາງ ບຸນ​ເຮືອງ ຄໍ້າ​ຄູນ ມສ ແກ່ນທ້າວ, ທີ 2 ນາງ ບຸນ​ມີ ວັນນະ​ສີ ມສ ປາກ​ແຄມ ແລະ  ທີ 3 ນາງ ອາ​ຫຼົງ ວົງ​ພະລາດ ມສ ດອນ​ເມນ.
ໂອກາດ​ນີ້,  ທ່ານ  ອໍາ​ຄາ ລັດສະໝີ    ໄດ້​ເນັ້ນ​ໃຫ້​ຄະນະ​ນຳ​ຫ້ອງການ​ສຶກສາ,  ພະນັກງານ​ຄູ​-​ອາຈານເອົາໃຈໃສ່​ສຶກສາອົບ ຮົມ​ການ​ເມືອງ​-​ແນວ​ຄິດໃຫ້ຄູ​ ສອນ  ຈົ່ງ​ເອົາໃຈໃສ່​ເປັນ​ພິເສດ ໃນ​ການຈັດຕັ້ງ​ປະຕິບັດການ ແຂ່ງຂັນ​ສອນ​ດີ​-​ຮຽນ​ເກັ່ງ​ ໃນ ​ຖັນ​ແຖວ​ຄູ​ສອນໃຫ້​ເປັນ​ຂະບວນ​ ຟົດຟື້ນ ເພື່ອ​ເປັນ​ເງື່ອນໄຂ​ສ້າງ​ຕໍາ​ແໜ່​ງວິ​ຊາ​ການ​ຄູ, ສືບຕໍ່ປັບ ປຸງ​ແບບແຜນ​ຈັດ​ຕັ້​ງບໍາ​ລຸງນັກ ຮຽນ​ທີ່​ມີ​ພອນ​ສະຫວັນຢູ່​ແຕ່​ລະ​ໂຮງຮຽນ​ໃຫ້​ມີ​ຄວາມ​ກະຕືລື ລົ້ນ, ມີ​ຄວາມ​ຕື່ນ​ຕົວ​ຊອກຮູ້​ຮໍ່າ​ຮຽນ,  ນັກຮຽນ​ເກັ່ງທີ່ເສັງໄດ້ອັນ​ ດັບ​ທີ 1 ຂອງ​ແຕ່​ລະວິ​ຊາຢູ່​ໂຮງ ຮຽນ​ໃດ​ກໍ​ມອບ​ໃຫ້​ຫ້ອງການ​ສຶກ ສາ​ທິ​ການ ແລະ ກິລາ, ຜູ້​ອໍາ​ນວຍ​ການ​ໂຮງຮຽນ, ຄູ​ສຶກສານິເທດ ແລະ ຄູ​ສອນ​ແຕ່​ລະວິຊາສົມທົບ ​ກັນສືບຕໍ່ເອົາໃຈໃສ່ຈັດຕັ້​ງບໍາ​ລຸງ​ນັກຮຽນ​ເກັ່ງ​ໃຫ້​ເປັນ​ຂະບວນ ​ຟົດຟື້ນ  ເພື່ອ​ກຽມຄວາມພ້ອມ​ຮອບດ້ານເຂົ້າຮ່ວມ​ກິດຈະກໍາ​ ສອບເສັງ​ນັກຮຽນ​ເກັ່ງ​ຂັ້ນ​ແຂວງ​ໃນ​ຂັ້ນ​ຕໍ່​ໄປ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110