ໜັງສືພິມ ປະຊາຊົນ

ຍານສຳຫຼວດດາວອັງຄານຂອງ NASA ລົງຈອດສຳເລັດ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 21/02/2021 10:33:14 ຈຳນວນຢ້ຽມຊົມ 425 ຄັ້ງ

ຂ່າວຕ່າງປະເທດລາຍງານ ວັນທີ 19 ກຸມພາທີ່ຜ່ານມາ, ຍານສຳຫຼວດ Perseverance ຂອງອົງການບໍລິຫານການບິນ ແລະ ອາວະກາດແຫ່ງຊາດ (NASA) ລົງຈອດເທິງພື້ນຜີວດາວອັງຄານຢ່າງປອດໄພ ພາຍຫຼັງເດີນທາງຫຼາຍກວ່າ 470 ລ້ານກິໂລແມັດ ຊຶ່ງໃຊ້ເວລາຫຼາຍກວ່າ 6 ເດືອນ. ພ້ອມທັງສົ່ງພາບຖ່າຍເທິງດາວອັງຄານຊຸດທຳອິດກັບມາຍັງໂລກມະນຸດ.

ສຳລັບພາລະກິດຂອງຍານ Perseverance ຄືການຄົ້ນຫາສັນຍານຂອງສິ່ງມີຊີວິດບູຮານ ໂດຍຈະມີການບັນທຶກສຽງເປັນຄັ້ງທຳອິດຂອງມະນຸດຊາດອີກດ້ວຍ. ຈຸດທີ່ຍານລົງຈອດນັ້ນ ເປັນປ່ອງເລິກໃກ້ເສັ້ນສູນສູດຂອງດາວເຄາະທີ່ເອີ້ນວ່າ; “Jezero” ຊຶ່ງຄາດວ່າ: ເປັນແອ່ງທະເລສາບບູຮານ ເມື່ອ 3,9 ພັນລ້ານປີກ່ອນ ໂດຍຈະມີການຄົ້ນຫາໄມໂຄຣຟອສຊິນເທິງຫີນ ແລະ ດິນຂອງດາວອັງຄານ. ຍານ Perseverance ຈະໃຊ້ເວລາ 2 ປີໃນການຂຸດເຈາະ. ນອກຈາກນັ້ນ, ຈະນຳຕົວຢ່າງເດີນທາງກັບມາສູ່ໂລກພາຍໃນຕົ້ນປີ 2030.