ໜັງສືພິມ ປະຊາຊົນ

ທ່ານປະທານສະພາແຫ່ງຊາດ ໄປໃຊ້ສິດປ່ອນບັດຄັດເລືອກເອົາຜູ້ແທນ ທີ່ວັດສີຊົມຊື່ນ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 21/02/2021 13:58:06 ຈຳນວນຢ້ຽມຊົມ 631 ຄັ້ງ

ໃນວັນທີວັນ 21 ກຸມພານີ້, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ໄປໃຊ້ສິດປ່ອນບັດຄັດເລືອກເອົາສະມາຊິກສະພາແຫ່ງຊາດຊຸດທີ IX ແລະ ສະມາຊິກສະພາປະຊາຊົນ ນະຄອນຫຼວງ II ຢູ່ວັດສີຊົມຊື່ນ ບ້ານໜອງບົວທອງເໜືອ ເມືອງສີໂຄດຕະບອງ ນະຄອນຫຼວງວຽງຈັນ. ບ້ານໜອງບົວທອງເໜືອ ເມືອງສີໂຄດຕະບອງ ມີທັງໝົດ 50 ໜ່ວຍ, ມີຜູ້ມີສິດປ່ອນບັດທັງໝົດ 2.044 ຄົນ ຍິງ 1.109 ຄົນ ແລະ ໄດ້ແບ່ງອອກເປັນ 3 ຈຸດຄື: ຈຸດ ໂຮງຮຽນປະຖົມສົມບູນໜອງບົວທອງເໜືອ, ຈຸດໂຮງຮຽນ ມສ ຮຸ່ງເຮືອງ ແລະ ຈຸດວັດສີຊົມຊື່ນ.

(ຂ່າວ-ພາບ: ບຸນອູ້ມ)